elements義工組

elements義工組 Everyone can be an element of change!

成立宗旨

支援同志及其家人的成長需要，帶動正面的社群文化，建立有質素的同志生活 (Quality Gay Life)及尊重差異的社會環境。

發展方向

1. 提供正面的成長空間，建立同志青少年的朋輩支援網絡。
2. 推動同志青少年為同志權益發聲，爭取社會平等看待性傾向，創造一個尊重共融的社會環境。
3. 推動愛滋病預防教育。
4. 鼓勵同志及其父母的雙向溝通。
5. 與主流的青少年團體合作，推動同志友善的環境及社會共融。
6. 加強與學校及社會服務機構的合作，推動一個同志友善的專業網絡／服務。

🛎️《戀愛拍賣會》開拍！🙋🏻🙋🏻‍♂️小朋友先會做選擇？完美伴侶個個都想要，但現實往往都唔可以得一想二⚖️如果戀愛係等價交換——你會願意付出幾多去換取咩特質？👀追求愛情特質同時又會遇到咩意外？🔥✔️ 忠誠 = 加分？✔️ 身型 = 必須？✔...
05/06/2026

🛎️《戀愛拍賣會》開拍！🙋🏻🙋🏻‍♂️
小朋友先會做選擇？完美伴侶個個都想要，但現實往往都唔可以得一想二⚖️
如果戀愛係等價交換——你會願意付出幾多去換取咩特質？👀追求愛情特質同時又會遇到咩意外？🔥
✔️ 忠誠 = 加分？
✔️ 身型 = 必須？
✔️ 有樓有車 = 自動高價？
✔️ 支持追夢 = 更受歡迎？
一場搞笑但又太真實嘅「戀愛遊戲」，將大家嘅心底話攤出嚟講——
😆 有笑位｜30分鐘玩玩笑笑，輕鬆聽吓大家嘅諗法同故事～
🎉有驚喜｜個個爭住要，甚至要橫刀奪愛嘅特質竟然係…？
🫂有共鳴｜無論你係咩性傾向／性別身份，都可能有相似嘅體會～
影片傳送門：https://www.youtube.com/watch?v=KZ4glQ-xhXQ
你又認為邊啲特質係戀愛入面係最重要呢？
#戀愛拍賣會 #男同志 #戀愛文化 #同志生活 #綜藝

elements（暫定最後）派對elements同Project Touch一齊走過十幾個年頭，陪伴大家走過長長短短既同志旅程。曾經我地克服過好多困難，能夠堅持到而家全靠大家對社群既熱誠同埋團結🏳‍🌈Project Touch將於2026年...
05/03/2026

elements（暫定最後）派對
elements同Project Touch一齊走過十幾個年頭，陪伴大家走過長長短短既同志旅程。曾經我地克服過好多困難，能夠堅持到而家全靠大家對社群既熱誠同埋團結🏳‍🌈
Project Touch將於2026年4月開始轉型，elements既服務規模及形式都會有所轉變⚙️轉型唔一定係結束，有可能係另一些新可能性的開始。無論之後elements同Project Touch去向如何，希望大家好好享受此時此刻係呢個地方既時光✨🫂
因此，我哋希望可以邀請大家出席嚟緊嘅（暫定最後）派對，一齊狂歡🪅🎉
｜詳情｜
日期：2026年3月22日（日）
時間：晚上7時至10時
地點：香港小童群益會總部 一樓禮堂
對象：曾參與elements活動的男同志
內容：相聚並回顧elements點滴
聯絡：恒 5525 3921/ 豪 5190 9086
報名：https://forms.office.com/r/DdGm0BSQSp
｜注意｜
一經報名即可參與，我們將不會發放確認訊息

【Love & S*x組活動實踐呈獻- elements 戀愛學院 🏫】📢一日限定戀愛計劃書研習班～正式招生～原來戀愛統統統統都寫得太多⋯⋯重要嘅嘢就唔嫌寫得多嘅！本學院分別提供4個學科讓大家輕鬆愉快學習，共學寫自己嘅戀愛proposal✍...
05/03/2026

【Love & S*x組活動實踐呈獻- elements 戀愛學院 🏫】

📢一日限定戀愛計劃書研習班～正式招生～
原來戀愛統統統統都寫得太多⋯⋯
重要嘅嘢就唔嫌寫得多嘅！

本學院分別提供4個學科讓大家輕鬆愉快學習，
共學寫自己嘅戀愛proposal✍🏼
📕Course 1001- 個人品牌建立
📙Course 1002- 數說戀愛
📔Course 1003- 戀愛幾何學
📗Course 1004- 戀愛溝通學

歡迎你報名成為戀愛學院第一屆學生，一齊尋找心之走向🧭

【研習班詳情🔎】
日期：2026年3月15日（日）
時間：14:00 - 18:30
地點：鑽石山龍蟠苑商場2樓203室
對象：18-35歲男同志
名額：24位
費用：$30 (主要用於購買零食、飲品及小禮物)
活動內容：需分組與其他參加者完成唔同遊戲，進行討論、分享，從而了解自己(包括戀愛style、表達方式等)，撰寫自己嘅戀愛proposal
報名：Link in BIO
截止報名：2026年3月11日 (三) 23:59
聯絡：Hazel (6402 0262)

【備註🔎】：
1. 若報名人數眾多，將會以抽籤決定
2. 無論報名成功與否，都會有專人聯絡你
3. ⁠回覆並完成付款，方算是完成報名流程

💌Dear my friend,還記得那個曾經刻在心底的名字，那段曾讓你心動，卻最終只能輕輕放下的關係嗎？那些曾經以為會永遠的擁抱，還有說不出口的想念⋯⋯它們像霧🌫️，輕輕的來過，輕輕的走了。現在，該讓它散了。這是 Love & S*x 恆...
02/03/2026

💌Dear my friend,
還記得那個曾經刻在心底的名字，
那段曾讓你心動，卻最終只能輕輕放下的關係嗎？
那些曾經以為會永遠的擁抱，還有說不出口的想念⋯⋯
它們像霧🌫️，輕輕的來過，輕輕的走了。現在，該讓它散了。
這是 Love & S*x 恆常小組的最後一站🚏我們把這場告別，留給各位準備好的人。

【5樓 說再見】不是勉強的療癒，而是給心靈一場安靜的告別儀式。
在灣仔中心5樓這個小小的空間裡，我們準備了一場【告別展覽會】🖼️
與各位探索那段已結束的關係，那樣珍而重之的、仍不忍「斷捨離」的愛情「紀念品」蘊藏的故事📚
不批判、不比較，只把心裡最柔軟的那部分，輕輕拿出來，看一看，然後好好說再見。
因為我們相信：真正的放手，是從「我準備好了」這句話開始✨

【活動詳情】
日期：20/3（星期五）
時間：19:30 – 22:30
地點：灣仔駱克道3號 5樓對象：18-35歲男同志 (需ready分享同探索一段已結束嘅關係)
名額：10人 (*如報名人數超額，則抽籤決定)
內容：透過不同環節探索那段已結束的關係，學習自我療癒 (當中會包括與其他參加者討論及分享嘅環節，有關內容將會保密)

【報名及聯絡】
報名：https://forms.office.com/r/rrFXMvkbde (報名表內容絕對保密，純粹for reference)
截止報名：12/3/2026 (四) 23:59 (無論報名成功與否，都會有負責同事pm你)
查詢：Hazel 6402 0262(WhatsApp/Signal/Tel. )
------------------------------
Graphic design
願你在說再見之後，能帶著被好好愛過的證據，輕輕鬆鬆地，走向下一段風景❤️
溫馨提示🔔係個人探索活動，冇個人情緒輔導成份㗎！(有需要可以係活動後與同事聯絡)

🏫 Pokémon 大賽 2.0 校園祭 🏫各位 elements Pokémon 訓練家們, Attention！作為乖叔終極自肥企劃(乖:其實我被迫ga)，Pokemon 大賽2.0終於載譽歸來啦。無論你是 Pokémon 知識淵博的冠...
21/02/2026

🏫 Pokémon 大賽 2.0 校園祭 🏫

各位 elements Pokémon 訓練家們, Attention！
作為乖叔終極自肥企劃(乖:其實我被迫ga)，
Pokemon 大賽2.0終於載譽歸來啦。
無論你是 Pokémon 知識淵博的冠軍級高手，
定係單純熱愛 Pikachu 同 Eevee 的忠實fans今次絕對係你們的專屬狂歡 Party！🔥

重頭戲：
Pokémon 知識問答大賽一展身手，腦力全開！
從經典九代寶可夢，到Pokémon動畫&主流遊戲相關知識考驗你鐵粉實力💥

重磅升級：
破天荒 Pokémon 校園祭！
首次引入日本動漫風格校園祭，玩轉攤位遊戲Cosplay 互動👚🥋
進修不同Pokemon主題課堂如果你好想體驗日式校園祭？
今次齊齊過黎玩返夠本啦🎉🍡

【問答內容】
主要圍繞
1️⃣任天堂發售的Pokemon主流遊戲 （由寶可夢 紅／綠 至寶可夢傳說 ZA）
以及
2️⃣動畫：寶可夢、寶可夢超世代、寶可夢鑽石＆珍珠、寶可夢超級願望、寶可夢 XY、寶可夢太陽＆月亮、寶可夢旅途、寶可夢地平線 的內容。
註1:
明白大家對 Pokemon 正名有所顧慮，
但顧及遊戲的公平性以及一致，故此所有名稱都只能跟照官網上的資料為準。
遊戲當中會給予適當的提示。
2. 所有招式技能都會跟照最新的第九世代招式表。

《Pokémon 大賽 2.0 校園祭》活動詳情：
日期：三月八日（星期日）
時間：14:00至18:00
地點：鑽石山龍蟠苑商場203室
名額：32人 (人數過多，會由工作員抽籤)
報名連結：https://forms.office.com/r/M15fRk2u3j
費用：50元
截止報名日期：2月27日 (工作員或義工 會在3/3 (二) 通知入選人士，入選朋友需要在指定時間繳付費用，方為成功報名)查詢：乖 (9018 1748/ IG: gwaai_bgca) & 蔡 (6612 1330/ IG: tsoi_bgca)

【農曆新年服務安排公告 📣】Project 全體同事會喺嚟緊嘅農曆新年假期（17-19/2）休假，一齊送蛇迎馬🧧期間所有測試服務、偶到服務及熱線服務亦會暫時停一停先🙌🏼呢段時間如果有服務需要，就留住 Message 比我哋先！同事們放假後會...
16/02/2026

【農曆新年服務安排公告 📣】

Project 全體同事會喺嚟緊嘅農曆新年假期（17-19/2）休假，一齊送蛇迎馬🧧

期間所有測試服務、偶到服務及熱線服務亦會暫時停一停先🙌🏼

呢段時間如果有服務需要，就留住 Message 比我哋先！同事們放假後會儘快回覆大家！

Project Touch 全體仝人喺到祝大家身體健康、心想事成、馬年行大運！🍊

《挑衫揀褲：穿搭小教室》新年又到🧧個個都著新衫，唔通個個都知點襯新衫咩😨新一年，相信大家都會想扮靚靚，買新衫、著新衫~但係！一入到鋪頭，咁多衫褲鞋襪👚🩳，點揀好❓買到返屋企👞🧦，又點襯好❓如果你都有過呢啲苦惱，就一定要參加《挑衫揀褲：穿搭小...
16/02/2026

《挑衫揀褲：穿搭小教室》

新年又到🧧
個個都著新衫，唔通個個都知點襯新衫咩😨

新一年，相信大家都會想扮靚靚，買新衫、著新衫~
但係！
一入到鋪頭，咁多衫褲鞋襪👚🩳，點揀好❓
買到返屋企👞🧦，又點襯好❓

如果你都有過呢啲苦惱，就一定要參加《挑衫揀褲：穿搭小教室》❗
我地今次邀請到造型師Barry黎同大家分享襯衫、買衫嘅思路🧠
**Barry曾合作嘅藝人包括Serrini、Manson 張進翹、Lyman 香胤宅、WinWin楊安妮等等，相信絕對幫到你解決穿搭上嘅疑難雜症🫵🏻

🔎【活動詳情】
日期：26/2/2026（四）、12/3/2026（四）
節數：2節
時間：1930 - 2130
地點：香港小童群益會 龍蟠苑鑽石山中心
對象：18-35歲男同志
名額：10人 (如人數眾多，將會進行抽籤)
費用：全免

📞【聯絡及報名方法】
報名鏈結：https://forms.office.com/r/Q2ygAaWdWm (link in bio)
截止報名：23/2/2026（一）1200 *隨後同事會通知大家報名成功與否

歡迎大家揾呀豪（51909086）查詢活動詳情，WhatsApp / Signal亦可🙌🏻

【恆常Outing義工組呈獻-渣馬 5「2 」行】呢排天氣咁涼快，Outing活動就梗係陸續有嚟啦～🥾前排有跑界盛事渣馬，嚟緊2月22號，我哋會同大家一齊行山界中嘅「渣馬」🏞️即係行邊度？🤔就係衞奕信徑2段，途中會經過嘅渣甸山同小馬山2座山...
04/02/2026

【恆常Outing義工組呈獻-渣馬 5「2 」行】

呢排天氣咁涼快，Outing活動就梗係陸續有嚟啦～🥾
前排有跑界盛事渣馬，嚟緊2月22號，我哋會同大家一齊行山界中嘅「渣馬」🏞️
即係行邊度？🤔就係衞奕信徑2段，途中會經過嘅渣甸山同小馬山2座山㗎～(加埋就共有5條2 XD)

📸呢條路線可以探索到礦場、戰士爐灶等歷史遺跡，仲可以睇到渣甸山同小馬山優美嘅景色✨
歡迎你參加渣馬5「2」行，喺大自然中放鬆心情！😎

🙋🏻‍♂活動詳情：
日期：2026年2月22日 (星期日)
時間：12:30 - 17:30 (包括遊戲、休息及拍照時間)
地點：太古站B出口集合
路線：（集合）太古站B出口→基利路→戰時爐灶→小馬山→渣甸山→奧斯本紀念碑→黃泥涌水塘→陽明山莊（解散）
難度：⭐⭐⭐(石屎路➕少少泥路) (5星為滿分)
對象：18歲以上男同志
名額：16位（如人數眾多將會進行抽籤）
費用：免費

報名：https://forms.office.com/r/DsSa2s1iNs (2月15日 23:59截止報名)
📞聯絡：Hazel 6402 0262（WhatsApp / Signal）

💟溫馨提示：
1. 敬請守時，逾時不候
2. 路線僅作參考，最終視符天氣狀況而定。如於出發前2小時內天文台發出雷暴警告或其他極端天氣警告，是次活動將延期或取消
3. 請自備防曬防蚊用品、足夠水或能量飲品、乾糧及／或行山杖
4. 請穿着適合運動的衣服及適合行山的鞋，建議穿長褲或者Legging
5. 參加者需提前自行進食午飯，也可自備乾糧作茶點

『走馬看花 - 馬年馬上 fun 新年團年活動』蛇年即將過去，Gathering 義工組花了幾個月時間，細心策劃了不同遊戲同娛樂節目，想陪住大家一齊笑迎充滿活力嘅馬年。就好似為你準備好一束旅途中突然出現的小花，帶點香氣、帶點輕快、帶點驚喜...
21/01/2026

『走馬看花 - 馬年馬上 fun 新年團年活動』

蛇年即將過去，Gathering 義工組花了幾個月時間，
細心策劃了不同遊戲同娛樂節目，
想陪住大家一齊笑迎充滿活力嘅馬年。
就好似為你準備好一束旅途中突然出現的小花，帶點香氣、帶點輕快、帶點驚喜。

呢次 elements 馬年聚會，我哋希望佢成為一個溫柔嘅「驛站」——
期待你帶着滿滿能量、讓心再次綻放，在花與風的陪伴下，重新再出發。

--------------------------------------------
活動詳情
日期：2026年2月8日(星期日)
地點：鑽石山龍蟠苑商場203室
名額：24人
時間:14:00-18:00
費用：$70 (包活動費用以及當天小食)
報名：https://forms.office.com/r/Kg3im7xDzN
查詢：乖 (9018 1748)
截止報名：2/2 （一) 23:59

備註：
1) 工作員會在3/2 (二) 通知入選人士，入選朋友需要在指定時間繳付費用，方為成功報名

【活動實踐Outing A組：清水輕行山之旅🌅】龍蝦灣郊遊徑難度不高且景觀開揚🌅由大坳門或清水灣起步，經大坑墩、大嶺峒（291米）及平托坑山，終至龍蝦灣，沿途可360度俯瞰西貢及綠蛋島一帶海天一色的絕美海景🌊除咗行山打卡之外，我哋仲會帶大家...
20/01/2026

【活動實踐Outing A組：清水輕行山之旅🌅】

龍蝦灣郊遊徑難度不高且景觀開揚🌅由大坳門或清水灣起步，經大坑墩、大嶺峒（291米）及平托坑山，終至龍蝦灣，沿途可360度俯瞰西貢及綠蛋島一帶海天一色的絕美海景🌊除咗行山打卡之外，我哋仲會帶大家一齊玩小遊戲，有興趣嘅話就快啲報名喇！😎

活動詳情
🗓️日期：2026年2月1日（星期日）
⏳時間：12:00-17:30（義工及同事11:45會於荷里活廣場等候大家一同坐巴士前往）
📍地點：龍蝦灣郊遊徑
🥾難度：兩星半（中間較多梯級）（5星為滿分）
👥人數：16位（如人數眾多將會進行抽籤）
👬對象：18歲以上男同志
💰費用：自備交通／飲食費

🙋🏻‍♂️報名：https://forms.office.com/r/DGErQM7FfS （截止報名日期：1月28日）
📞聯絡：阿豪（5190 9086）、阿蔡（6612 1330）

🚶🏻‍♂️路線：
（集合) 荷里活廣場➡️清水灣郊野公園➡️大坑墩➡️大嶺峒觀景台(島上最高點）➡️馬術訓練場➡️龍蝦灣石刻➡️（解散）清水灣道

溫馨提示
- 由於車期所限，敬請守時，逾時不候
- 路線僅作參考，最終視符天氣狀況而定。如於出發前2小時天文台發出雷暴警告或其他極端天氣警告，是次活動將延期或取消
- 請帶備防曬防蚊用品、足夠水或能量飲品及／或行山杖
- 請穿着適合運動的衣服及適合行山的鞋

⚠️最後最後，保護島上環境💕自己垃圾，自己帶走🌟

Address

香港灣仔駱克道3號 香港小童群益會總部大樓
San Po Kong

Opening Hours

Monday 10:30 - 18:00
Tuesday 10:30 - 18:00
Wednesday 10:30 - 18:00
Thursday 10:30 - 17:00
Friday 10:30 - 18:00

Telephone

+85223211103

Website

Alerts

Be the first to know and let us send you an email when elements義工組 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to elements義工組:

Shortcuts

Share

Category