26/08/2026
生命有take 2,明天會更好👍🏼,,給更新人士一個機會🌈🌈
手上呢支精緻嘅「木製龍舟槳形鎖匙扣」🚣🏻♀️係「第五屆國際商龍慈善盃2026『划動全城』慈善龍舟賽」 金盃賽冠軍健兒嘅奬品🏅,背後盛載住好大嘅心意❤️❤️!
呢件木工製品係出自「石壁監獄在囚人士」之手,係國際商龍交流會創始人梁健恒先生邀請我哋懲教署體育會攜手合作,為慈善「徵心製造」,幫囚犯創造工作機會、培養設計同管理技能去重建新生,扣除成本後嘅收益仲會全數捐出嚟做慈善,幫在囚人士回饋社會,將善心薪火相傳!
喺度再一次恭喜得獎嘅每一位健兒!大家喺賽道上流嘅每一滴汗、每一聲吶喊,除咗展現「友誼第一、比賽第二」嘅體育精神,推動傷健共融,令殘疾人士有機會發光發亮,亦間接支持在囚人士嘅更生之路。
今屆嘅主題「平等同舟🐉,齊撐共融新彩虹🌈」,正正就係話畀大家聽:無論咩階層,我哋都係同舟共濟、守望相助!
一班在囚人士親手做一支小小龍舟獎,送俾冠軍嘅健兒們,創造有意義嘅事。縱使佢哋失去自由,亦用自己雙手將㊗️福送俾大家!
香港特別行政區政府懲教署
高級懲教主任 鎮毅先生 敬上