香港群貓會

香港群貓會 香港群貓會於2007年7月成立，並於2007年10月1日起成為香港特別行政區認可之註冊慈善團體。 官方網站: https://www.catsocietyhk.com/
(1226)

領養貓貓: https://www.catsocietyhk.com/adoption
領養FAQ: https://www.catsocietyhk.com/adoption
助養貓貓: https://www.catsocietyhk.com/sponsorship
成為義工: https://www.catsocietyhk.com/joinus
捐助流浪貓: https://www.catsocietyhk.com/donation
其他幫助: https://www.catsocietyhk.com/others

Shisa: 好攰呀, 抖下先！義工姐姐：Shisa, 做咩事咁攰呀？Shisa: 剛才有想領養貓貓嘅朋友嚟到, 同我哋傾咗好耐偈, 我仲表演咗衝力射球俾佢睇㖭呀！———Shisa係Chiikawa媽媽的小孩子, 自滿月以來就喺貓屋生活, ...
23/08/2026

Shisa: 好攰呀, 抖下先！

義工姐姐：Shisa, 做咩事咁攰呀？

Shisa: 剛才有想領養貓貓嘅朋友嚟到, 同我哋傾咗好耐偈, 我仲表演咗衝力射球俾佢睇㖭呀！

———
Shisa係Chiikawa媽媽的小孩子, 自滿月以來就喺貓屋生活, 是個E貓, 親人又親貓, 我哋都希望佢會早日遇到爸爸媽媽, 將她帶回家。

小燕：爸爸媽媽，你嘅馬小燕小朋友喺度等緊你哋接返屋企呀！———在貓舍出生的馬小燕是個非常活潑親人的小女孩，和小姐妹小鳳一直一起生活，感情非常要好，希望兩姐妹可以結伴回家啦～
22/08/2026

小燕：爸爸媽媽，你嘅馬小燕小朋友喺度等緊你哋接返屋企呀！

———
在貓舍出生的馬小燕是個非常活潑親人的小女孩，和小姐妹小鳳一直一起生活，感情非常要好，希望兩姐妹可以結伴回家啦～

大家好, 我叫陳Timor, 我嚟自一個舊樓天台, 由於嗰度頻頻有貓被掟落街，又有毒餌害貓, 於是有好心人救起咗我，並帶我嚟呢度安頓, 我就成為咗群貓貓嘞。 我唔理解, 為咩事有啲人會傷害貓咪, 又有啲人會無條件照顧貓咪；有啲人咁憎恨貓咪,...
21/08/2026

大家好, 我叫陳Timor, 我嚟自一個舊樓天台, 由於嗰度頻頻有貓被掟落街，又有毒餌害貓, 於是有好心人救起咗我，並帶我嚟呢度安頓, 我就成為咗群貓貓嘞。

我唔理解, 為咩事有啲人會傷害貓咪, 又有啲人會無條件照顧貓咪；有啲人咁憎恨貓咪, 又有啲人咁愛護貓咪。人類真係難以明白嘅動物呀！

小龍：我同小麟、小鷹三兄弟感情好好，平時搭晒膊頭，鍾意黐到實一實瞓覺覺，有嘢食三個一支箭咁衝前去大啖大啖食，好開心㗎！義工幫我哋幾個BB搵緊屋企，無論將來我哋幾兄弟會唔會被同一個家庭領養，但兒時一齊生活嘅快樂回憶，我哋一定會好好記住㗎！當然...
20/08/2026

小龍：我同小麟、小鷹三兄弟感情好好，平時搭晒膊頭，鍾意黐到實一實瞓覺覺，有嘢食三個一支箭咁衝前去大啖大啖食，好開心㗎！

義工幫我哋幾個BB搵緊屋企，無論將來我哋幾兄弟會唔會被同一個家庭領養，但兒時一齊生活嘅快樂回憶，我哋一定會好好記住㗎！當然一齊領養我哋回家就最開心啦嘻嘻～

Juliet: 大家好.... 不過我唔係幾好..... 我於本年初從高處墜下，有好心人帶我去獸醫處, 檢查結果係肺部爆裂、氣胸，血壓非常低，瀕臨死亡邊緣。經過複雜嘅治療後, 我終於可以離開醫院, 到呢度休息。但因為經歴咗咁大嘅傷患同治療,...
19/08/2026

Juliet: 大家好.... 不過我唔係幾好..... 我於本年初從高處墜下，有好心人帶我去獸醫處, 檢查結果係肺部爆裂、氣胸，血壓非常低，瀕臨死亡邊緣。經過複雜嘅治療後, 我終於可以離開醫院, 到呢度休息。

但因為經歴咗咁大嘅傷患同治療, 令到我非常緊張、焦慮同害怕, 晚上常常發惡夢，睡不好之餘胃口亦差, 甚至會因為太驚而不吃不喝、血尿。我知道哥哥姐姐都想幫我走出往昔嘅陰影, 每日溫柔地同我傾偈, 為我提供一切生活所需。喺佢地嘅鼓勵同支持下, 我努力慢慢、慢慢放鬆自己。大家睇吓, 我今日係咪好精神呢？我知道我仲需要一點點時間, 再加好多好多努力；你會支持我㗎呵？

謝謝東週刊報導，令大家了解多點米米的情況。香港群貓會創立十九年來，拯救過多隻因意外或受虐而殘缺的貓貓，而大部分都找到愛他們的家，活得圓滿，相信米米也是一樣。米米是個親人又親貓的小肥仔，日常生活與其他貓大致相同，如果你看到報道後，想做米米的家...
18/08/2026

謝謝東週刊報導，令大家了解多點米米的情況。香港群貓會創立十九年來，拯救過多隻因意外或受虐而殘缺的貓貓，而大部分都找到愛他們的家，活得圓滿，相信米米也是一樣。

米米是個親人又親貓的小肥仔，日常生活與其他貓大致相同，如果你看到報道後，想做米米的家人，歡迎申請領養，我們會有專人一直協助米米融入家中的。

一點：我丁字腳係咪好優雅呢？我同兄弟一心、一意同一滴都係佩姍媽咪嘅乖寶寶, 除咗我婀娜多姿之外, 我啲兄弟仲個個都俊朗不凡、玉樹臨風㖭。未來嘅爸爸媽咪, 快啲過嚟接我地返屋企啦。
17/08/2026

一點：我丁字腳係咪好優雅呢？我同兄弟一心、一意同一滴都係佩姍媽咪嘅乖寶寶, 除咗我婀娜多姿之外, 我啲兄弟仲個個都俊朗不凡、玉樹臨風㖭。未來嘅爸爸媽咪, 快啲過嚟接我地返屋企啦。

我叫Jayden，來自新界亦圍村，收地後，原本餵飼我哋嘅村民都離去，剩下我哋一班流浪貓貓。我和同伴Hailey被救起時都非常瘦弱，而且身體有炎症，亦營養不良。雖然係咁，但係我同Hailey都係為食貓貓，加上有乖乖配合食藥，所以我哋好快康復，...
15/08/2026

我叫Jayden，來自新界亦圍村，收地後，原本餵飼我哋嘅村民都離去，剩下我哋一班流浪貓貓。我和同伴Hailey被救起時都非常瘦弱，而且身體有炎症，亦營養不良。

雖然係咁，但係我同Hailey都係為食貓貓，加上有乖乖配合食藥，所以我哋好快康復，亦開始長肉肉，而家仲可以開始尋家添啦！

小麟：姐姐呀，其實我都唔係好曳啫，八厭咗少少打翻糧兜之嘛，你話係咪? 義工姐姐：喲，你唔單止唔曳，仲好乖添(笑)。你起碼唔會同兄弟小龍小鷹打交，亦唔會好似鄰居咁，喺飲用水兜洗手洗腳(暈)。你哋幾個都算乾淨，起碼尿尿便便都喺砂盤內，所以…算乖...
14/08/2026

小麟：姐姐呀，其實我都唔係好曳啫，八厭咗少少打翻糧兜之嘛，你話係咪?

義工姐姐：喲，你唔單止唔曳，仲好乖添(笑)。你起碼唔會同兄弟小龍小鷹打交，亦唔會好似鄰居咁，喺飲用水兜洗手洗腳(暈)。你哋幾個都算乾淨，起碼尿尿便便都喺砂盤內，所以…算乖架嘞。

小麟：我哋咁乖，係咪好快未來爸爸媽咪會帶我哋返屋企架?

義工姐姐：咁你快啲企定定，我幫你映張靚相擺上網，等未來爸爸媽咪快啲睇到你哋啦。

我叫Chiikawa，一年多前帶住6個剛滿月嘅BB入室，當時嘅我滿口爛牙，加上口腔炎，食飯飯時每一口都疼痛難耐，但我都強忍劇痛努力進食，因為只有咁，至可以有足夠奶水餵我6個初生BB，幫助仍然脆弱嘅佢哋抓住更多生存的機會。後來BB長大了，不用...
13/08/2026

我叫Chiikawa，一年多前帶住6個剛滿月嘅BB入室，當時嘅我滿口爛牙，加上口腔炎，食飯飯時每一口都疼痛難耐，但我都強忍劇痛努力進食，因為只有咁，至可以有足夠奶水餵我6個初生BB，幫助仍然脆弱嘅佢哋抓住更多生存的機會。

後來BB長大了，不用再依靠我餵奶，而幾個月來勉強進食，導致我口腔問題越發嚴重，不斷流口水，無法進食，越來越瘦，後來做過2次手術，加上幾個月的藥物療程，我終於喺義工和醫護嘅幫助下痊癒，肥咗又靚咗，亦開始尋家啦！

———
義工很心痛一路走來承受了許多苦的貓媽媽Chiikawa，但相信她沒有後悔過為子女無條件地付出和奉獻。Chiikawa病癒後比以前更友善，希望有天也會遇見同樣願意無條件為她付出的家人。

Address

香港土瓜灣長寧街11號地下
Hong Kong

Opening Hours

Monday 19:30 - 21:30
Tuesday 19:30 - 21:30
Wednesday 19:30 - 21:30
Thursday 19:30 - 21:30
Friday 19:30 - 21:30
Saturday 15:00 - 17:00
Sunday 15:00 - 17:00

Website

Alerts

Be the first to know and let us send you an email when 香港群貓會 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category