深資海女童軍保護者號 Sea Ranger Ship Protector

深資海女童軍保護者號 Sea Ranger Ship Protector ✨詳情✨
集會時間：逢星期六4:00pm-6:00pm
地點：香港基督教女青年會沙田綜合社會服務處(禾輋辦事處)
入隊歲數：16-22歲女孩
🙆🏼如果有興趣可以message 我哋！

⚓深資海女童軍保護者號 Sea Ranger Ship Protector⚓
🤔深資海女童軍有咩特別㗎？
😆我哋深資海女童軍有好多水上活動同埋會認識一啲海上知識，又可以玩又學到嘢，一個字[正]!!!
😏我哋係新界東 唯一一隊公開隊Sea Ranger

【水上活動新體驗】今個盛夏，我哋一齊捉緊夏天嘅尾巴💦，分別體驗咗「Row On Board」賽艇體驗活動同埋「獨木舟舊機場之旅」活動。🚣🏻‍♀️我哋都係第一次挑戰賽艇同獨木舟，對於初次體驗都覺得好新奇🙈，希望嚟緊會有更多機會繼續體驗其他種類...
06/09/2026

【水上活動新體驗】

今個盛夏，我哋一齊捉緊夏天嘅尾巴💦，分別體驗咗「Row On Board」賽艇體驗活動同埋「獨木舟舊機場之旅」活動。🚣🏻‍♀️我哋都係第一次挑戰賽艇同獨木舟，對於初次體驗都覺得好新奇🙈，希望嚟緊會有更多機會繼續體驗其他種類嘅水上活動，甚至係挑戰各項水上資格。💮

#香港女童軍 #深資海女童軍保護者號

【領航傳承 • SeaScoutFEST】感謝香港童軍總會嘅邀請！⚜️好榮幸可以喺啱啱八月嘅「領航傳承 • SeaScoutFEST」入面教導參加者認識旗語。🏳️旗語係一種利用手旗或旗幟嚟傳遞訊息嘅視覺溝通方式。無論係Sea Scout定我...
05/09/2026

【領航傳承 • SeaScoutFEST】

感謝香港童軍總會嘅邀請！⚜️好榮幸可以喺啱啱八月嘅「領航傳承 • SeaScoutFEST」入面教導參加者認識旗語。🏳️

旗語係一種利用手旗或旗幟嚟傳遞訊息嘅視覺溝通方式。無論係Sea Scout定我哋Sea Ranger，呢個技能更加係同我哋息息相關，因為旗語通常係應用喺海事活動上。🌊希望參加者都有透過旗語拼湊出自己嘅名字，而對旗語有所認識！🤞🏻

#香港女童軍 #深資海女童軍保護者號

【Raising Tides Camp 2026】今年六月，我哋自行籌辦咗兩日一夜嘅宿營，係為咗可以同咁多隊員有更長時間同持續咁相處，令我哋更加深厚咁認識大家多啲。👭🏻兩日一夜入面，我哋由沙田出發，一直以社區定向嘅形式玩到大埔嘅營地。然後就...
04/09/2026

【Raising Tides Camp 2026】

今年六月，我哋自行籌辦咗兩日一夜嘅宿營，係為咗可以同咁多隊員有更長時間同持續咁相處，令我哋更加深厚咁認識大家多啲。👭🏻

兩日一夜入面，我哋由沙田出發，一直以社區定向嘅形式玩到大埔嘅營地。然後就進行體適能測試同一啲嘅團隊小遊戲💡，最後就係模擬荒島求生遊戲。🏖️第二日就分別學咗一啲危機處理嘅技巧，同埋歷奇嘅挑戰。😆好欣賞有啲隊員即使好驚，但都好勇敢完成最少三個關卡。🔥

相信大家喺短短嘅兩日一夜入面，都有認識大家唔同嘅一面，希望我哋嚟緊都會有更多可以一齊去camp嘅機會啦！❤️

#香港女童軍 #深資海女童軍保護者號

【女童軍慈善獎券售賣】唔知大家有冇喺二、三月嘅時候喺碩門邨附近見到我哋賣獎券呢？😆多謝各位市民嘅熱心支持❤️，我哋今年一共賣咗超過800張獎券，比上年多出一倍嘅數量，更獲得全港最佳進步獎！🏆我哋下年會繼續努力，為女童軍運動貢獻更多！🙌🏻 #...
03/09/2026

【女童軍慈善獎券售賣】

唔知大家有冇喺二、三月嘅時候喺碩門邨附近見到我哋賣獎券呢？😆多謝各位市民嘅熱心支持❤️，我哋今年一共賣咗超過800張獎券，比上年多出一倍嘅數量，更獲得全港最佳進步獎！🏆我哋下年會繼續努力，為女童軍運動貢獻更多！🙌🏻

#香港女童軍 #深資海女童軍保護者號

✨新界第155小女童軍隊、女童軍隊及深資海女童軍保護者號✨【📢隊員招募 2026】 在這個瞬息萬變的世界，妳裝備好自己隨時應對轉變嗎？🌏由6歲的小女童軍到23歲的深資海女童軍，我們提供多元化的成長與學習機會和體驗，讓每一位女孩子及青年女性都...
10/05/2026

✨新界第155小女童軍隊、女童軍隊及深資海女童軍保護者號✨
【📢隊員招募 2026】

在這個瞬息萬變的世界，妳裝備好自己隨時應對轉變嗎？🌏

由6歲的小女童軍到23歲的深資海女童軍，我們提供多元化的成長與學習機會和體驗，讓每一位女孩子及青年女性都能 「敢想．敢做」，發掘無限潛能！🌈✨

無論妳是想建立自信、探索大自然、學習技能應對未來改變、放眼世界，還是結識一班一起成長又啱傾的好朋友，這裡都有屬於妳的成長空間！🌱

🍄 新界第155小女童軍 𝟭𝟱𝟱 𝗡𝗧 𝗣𝗮𝗰𝗸
👧🏻 對象：6-10 歲女孩
🕥 集會時間：逢星期六 10:30am - 12:00pm
🏫 集會地點：香港基督教女青年會沙田綜合社會服務處 禾輋辦事處

☘️ 新界第155女童軍 𝟭𝟱𝟱 𝗡𝗧 𝗖𝗼𝘆
👩🏻 對象：10-16 歲女孩
🕦 集會時間：逢星期六 10:30am - 12:30pm
🏫 集會地點：香港基督教女青年會沙田綜合社會服務處 禾輋辦事處

⚓️ 深資海女童軍保護者號 𝗦𝗥𝗦 𝗣𝗿𝗼𝘁𝗲𝗰𝘁𝗼𝗿 .protector
👩🏻‍💼 對象：16-22 歲青年女性
🕖 集會時間：隔星期六 7:00pm - 9:00pm
🏫 集會地點：香港基督教女青年會沙田綜合社會服務處 沙田辦事處

📩 立即行動：掃描圖中 QR Code 填妥報名表格！

𝘽𝙚 𝙖 𝘿𝙖𝙧𝙞𝙣𝙜 𝙂𝙞𝙧𝙡! 加入我們，寫下屬於妳的成長故事！🌱

#小女童軍 #女童軍 #深資海女童軍 #敢想敢做

【🌊8年之約，繼續乘風啟航！⚓】8年前嘅今日，對我哋「保護者號」嚟講，真係一個好特別、好有意義嘅日子！🥳時光倒流返去2018年5月6號，我哋嘅深資海女童軍「保護者號」同香港警隊嘅「保護者」— 警輪51號，正式結誼！呢段由個海開始嘅獨特情誼，...
06/05/2026

【🌊8年之約，繼續乘風啟航！⚓】

8年前嘅今日，對我哋「保護者號」嚟講，真係一個好特別、好有意義嘅日子！🥳

時光倒流返去2018年5月6號，我哋嘅深資海女童軍「保護者號」同香港警隊嘅「保護者」— 警輪51號，正式結誼！呢段由個海開始嘅獨特情誼，話咁快就8年啦！🥰

介紹返，警輪51號「保護者」（Police Launch No. 51，簡稱PL51）係一艘「分區巡邏近岸船」，由2001年就開始服務，一直都係守護住香港水域安全嘅重要角色！💪

當日，我哋喺位於馬料水嘅水警北分區基地進行結儀儀式，隊員仲有幸可以上船，深入船艙⛴️，睇下水警嘅日常工作，真係大開眼界！就係呢次超寶貴嘅經驗，令我哋同「保護者」之間嘅聯繫更加緊密！⚓

時間真係過得好快，眨吓眼就8年。我哋好希望，「保護者號」可以帶住呢份榮譽同美好回憶，同當年參加儀式嘅隊員一樣，繼續 𝗘𝘅𝗽𝗹𝗼𝗿𝗲 𝗮𝗻𝗱 𝗦𝗲𝘁 𝗦𝗮𝗶𝗹！✨

#保護者號 #警輪51號 #深資海女童軍 #香港女童軍 #結誼 #8週年

【2025 Ranger Council AGM】RC AGM喺2025年10月順利舉行，我哋一共有三位隊員代表出席。今次回顧咗由上屆委員舉辦嘅活動，亦都利用我哋嘅權利去投票選出下屆委員。🗳️感謝上屆委員喺呢兩年舉辦唔同類型嘅活動，期望今屆...
31/03/2026

【2025 Ranger Council AGM】

RC AGM喺2025年10月順利舉行，我哋一共有三位隊員代表出席。今次回顧咗由上屆委員舉辦嘅活動，亦都利用我哋嘅權利去投票選出下屆委員。🗳️感謝上屆委員喺呢兩年舉辦唔同類型嘅活動，期望今屆委員透過舉辦活動，加深不同隊伍ranger之間嘅友誼。👭🏻

另外，亦都非常高興上屆主席 a.k.a. 我哋嘅隊員Minnie順利落莊🐭🥳

#深資海女童軍保護者號 #女童軍 #2026

【海上安全嘉年華及童軍賽船大會頒獎禮】喺去年嘅十月，好榮幸受到海童軍嘅邀請⚜️，籌辦有關水上安全嘅嘉年華攤位，以及出席頒獎禮。🏆我哋透過廢物利用，將海灘同泳池會出現嘅旗幟同標誌，變為攤位遊戲中嘅目標，等幼童軍同其他參加者增加佢地對水上安全嘅...
30/03/2026

【海上安全嘉年華及童軍賽船大會頒獎禮】

喺去年嘅十月，好榮幸受到海童軍嘅邀請⚜️，籌辦有關水上安全嘅嘉年華攤位，以及出席頒獎禮。🏆我哋透過廢物利用，將海灘同泳池會出現嘅旗幟同標誌，變為攤位遊戲中嘅目標，等幼童軍同其他參加者增加佢地對水上安全嘅知識。🌊

雖然無暇觀賞賽船比賽嘅過程，但喺旁邊嘅我哋仍然感受到當中熱烈嘅氣氛！期望未來大家會有更多合作、交流嘅機會。😆🙌🏻

#深資海女童軍保護者號 #女童軍 #2026 童軍 海上安全嘉年華暨童軍賽船大會頒獎禮

【年度隊員大會AGM】本年度嘅隊員大會（AGM)已經喺9月6日順利進行🙌🏻，期間我哋回顧咗上個年度嘅活動同財政報告，亦都修改咗隊章，見到隊員對隊章嘅內容都充滿著好奇心，而且積極咁表達意見，期望佢哋可以保持著呢個態度繼續落去。🤓🤙🏻另外，恭喜...
15/12/2025

【年度隊員大會AGM】

本年度嘅隊員大會（AGM)已經喺9月6日順利進行🙌🏻，期間我哋回顧咗上個年度嘅活動同財政報告，亦都修改咗隊章，見到隊員對隊章嘅內容都充滿著好奇心，而且積極咁表達意見，期望佢哋可以保持著呢個態度繼續落去。🤓🤙🏻

另外，恭喜新一屆執行委員會(EC)順利誕生，期望佢哋會帶領Protector繼續向前、不斷探索，就好似我哋嘅motto “Explore and Set Sail” 一樣🌊，同時亦都感謝上年度嘅EC對本隊嘅貢獻。🫡

#深資海女童軍保護者號
#深資海女童軍 #保護者號
#香港女童軍 #沙田深資女童軍公開隊

Address

九龍加士居道8號
Kowloon

Opening Hours

16:00 - 18:00

Website

Alerts

Be the first to know and let us send you an email when 深資海女童軍保護者號 Sea Ranger Ship Protector posts news and promotions. Your email address will not be used for any other purpose, and you can unsubscribe at any time.

Shortcuts

Share

Category