善臨慈善基金會

Directions Website

善臨慈善基金會 「善臨慈善基金會」(慈善團體號碼：91/15172) 香港方面，主要支持「罕有疾病」、「輪椅病人」和「老人服務」、「特殊人士就業」等項目。

創辦人杜潔媚有這樣的童年故事，70年代香港的一個角落，長大於偏僻的西貢高流灣村。沒有父母庇蔭，全靠年邁的爺爺及嫲嫲撐着小舢舨出海捕魚，用漁獲賺得的微薄收入養大我和妹妹。所以兒時的我，從未擁有過一件屬於自己的玩具。

直到投入社會工作，雖然收入不多，但卻懂得找玩具工廠收集一些貨版，捐給當時沒有太多人關注的特殊學校和慈善機構。而受惠者收到禮物後展露的笑容，也成為我積極行善公益的原動力。當事業走到高峰時，我的金錢捐助是從不間斷。

但好景不常，2009至2013年事業開始走下坡，投資創辦的IT公司不斷虧損，生活環境亦有所轉變。與此同時，以往一直捐助的慈善機構，因為不知道我當時的情況，仍一如既往通知我參加新捐助活動。奈何現實環境卻令人有心無力，所以那陣子的心情是既難過又失落，可謂百般滋味在心頭。

不過天性樂觀積極的我深信，經濟環境雖轉變，卻不會改變人行善的心。後來我將焦點放到捐贈舊衣服上，並留意到一般受惠者需要是實用舊衣物，這種捐贈模式便令大部分捐贈者將許多較華麗或名牌衣飾仍閒置在家。然而，若把這些名牌服飾捐出義賣，既可把衣物循環再用為地球出一分力，減少浪費；購買者又可以相對低價錢買到心頭好，善款收入亦可無間斷捐贈予有需要的慈善團體。

最終在各方好友支持下，我懷着感恩的心情成立了善臨慈善基金會（香港）和善臨基金（中國），以買賣及拍賣名人二手衣物的形式進行籌款，目的是推動既環保又可做善事的概念，令善款生生不息，更重要是不會受制於我個人經濟狀況而影響捐款數目。希望可以繼續懷善心行善事，幫助更多有需要的人，回饋社會。

而我們會努力秉特非牟利服務機構之責任，身體力行運作與監察每個慈善項目，倘若能得到你們的支持，我相信將更別具意義! 小小的一個舉手之勞，就可幫到社會上有需要的人有更多的支援。各位善心人可透過以下方式支持我們的善臨基金，有錢出錢、有力出力。方式包括以下 :

(1)請呼籲身邊的名人、明星或廠家參與捐贈活動。源源不絕的物資捐贈，將有助穩定支援各類型求助個案;

(2) 参與我們的義工團隊。善臨會不時舉辦各類型慈善活動，因此需要不同能力的義工幫忙，如 書寫、化妝、清潔、運輸、平面設計等等。只要你樂意参與，就必定幫得上忙! (3) 直接捐款：

1. [轉數快] 164605834
2. [Payme] : https://qr.payme.hsbc.com.hk/2/JFK3T4QYeHigt8acGaw6AZ
3. [銀行存款]：

A. 中國銀行
賬戶號碼: 012-692-1-022893-4

B. 滙豐銀行
賬戶號碼 ：149-662330-838
賑戶名稱：善臨慈善基金會有限公司

（港幣$100以上捐款可要求領取慈善收據）

善臨所收到的每一分一毫善款和物資及你們的善跡將公開透明的於網上公佈。

功德圓滿✨最後六十幾把風扇早前已預留畀喺街頭輪候飯盒嘅長者，今日下午順利提取及派發；另外我亦預備咗百幾個新鮮即焗麵包，送給長者作早餐。衷心感謝一班出錢出力嘅好友齊心付出，先能夠將物資送到有需要嘅長者手上，作為創辦人，見到任務圓滿，既開心又感...
24/10/2026

功德圓滿✨
最後六十幾把風扇早前已預留畀喺街頭輪候飯盒嘅長者，今日下午順利提取及派發；另外我亦預備咗百幾個新鮮即焗麵包，送給長者作早餐。
衷心感謝一班出錢出力嘅好友齊心付出，先能夠將物資送到有需要嘅長者手上，作為創辦人，見到任務圓滿，既開心又感動，乜嘢辛苦都忘記晒！🥰🥰🥰

又完成一次派物資啦！大家都好有秩序好開心！👍🏻
20/10/2026

又完成一次派物資啦！大家都好有秩序好開心！👍🏻

今次到東頭邨探訪，其中一位不良行動的伯伯家中實在太多雜物啦！口頭上應承了給我帶義工上來給他清理，但是都要待當區的中心與他再溝通清楚肯定，我們才能出動。不過實在太危險啦！希望伯伯真的要乖乖地聽話。後記：有眼利善長，見到其中一張相裏面伯伯的床...
15/10/2026

今次到東頭邨探訪，其中一位不良行動的伯伯家中實在太多雜物啦！口頭上應承了給我帶義工上來給他清理，但是都要待當區的中心與他再溝通清楚肯定，我們才能出動。不過實在太危險啦！希望伯伯真的要乖乖地聽話。

後記：有眼利善長，見到其中一張相裏面伯伯的床是紙皮鋪上，想送他一張床褥，其實社區中心好幾次給他，他一直拒絕，他鍾意紙皮比較通爽和可以經常替換。

大家好！又係善臨慈善基金會派物資日～ 今次主要派發風扇：部分已安排送俾老人中心，另外特意預留100把俾以下受助對象。今次對象包括：綜援家庭、綜援獨居長者、劏房戶、殘疾人士、SEN家庭。領取時請出示相關證明或證明照片。 注意：是次對象不包括只...
13/10/2026

大家好！又係善臨慈善基金會派物資日～

今次主要派發風扇：部分已安排送俾老人中心，另外特意預留100把俾以下受助對象。今次對象包括：綜援家庭、綜援獨居長者、劏房戶、殘疾人士、SEN家庭。領取時請出示相關證明或證明照片。

注意：是次對象不包括只持有全額書簿費津貼的人士；如本身同時屬上述類別（例如綜援家庭），則不在此限。

如受助人當日不便親臨，可委托他人代領。代領時須出示受助人相關證明文件或照片、受助人聯絡電話及代領人身份證明，並經本會致電受助人確認後，方可代領。

之前剩餘嘅物資都會照派，其餘物資如下：
1. 剩餘幾十對全新名牌運動襪（主要為厚款籃球襪）
2. 環保衣物（主要為少女款細碼、加細碼及中碼，另有少量男裝和童裝）
3. 少量全新女性背心內衣及內褲（全碼）
4. 少量環保廚房用品
5. 少量環保玩具（較大件，比較適合團體共享）
6. 出口女士飾物
7. 全新英國名牌啫喱膠涼鞋

＊溫馨提示：風扇盒size 32×39×18cm高，機身輕巧，請自備購物袋。所有物資為全新或二手環保物品，或有不影響使用之小瑕疵，完美主義者請斟酌。今次主要提供少女及女士衣物，另有少量男裝及童裝。派完即止。＊

地點：新蒲崗五芳街10號新寶中心12樓01室 善臨慈善基金會
日期：2026年10月17日（星期六）
時間：下午3:00-5:00

如有查詢，請致電2792 8100，如沒人接聽，不需多次致電，因辦公室未必時常有人當值，若有義工在寫字樓，會按來電顯示回覆，敬請耐心等候。建議盡量開啟來電顯示，以便回覆。

今日嚟到大埔廣福邨探訪行動不便長者和幫他們安裝風扇，慶幸天公做美，天氣晴朗，終於我哋班義工唔使成身熱到濕晒！老人家們次次傾偈都依依不捨我哋離開，應承你哋一有時間一定經常嚟！🥰🥰🥰
08/10/2026

今日嚟到大埔廣福邨探訪行動不便長者和幫他們安裝風扇，慶幸天公做美，天氣晴朗，終於我哋班義工唔使成身熱到濕晒！老人家們次次傾偈都依依不捨我哋離開，應承你哋一有時間一定經常嚟！🥰🥰🥰

今年最多機構出席，最受歡迎項目「九龍樂善堂的-深水埗社區客廳」，實至名歸！👍🏻👍🏻👍🏻
06/10/2026

今年最多機構出席，最受歡迎項目「九龍樂善堂的-深水埗社區客廳」，實至名歸！👍🏻👍🏻👍🏻

經歷咗七、八月不停收集、分類同派發物資嘅勞累，話說我同自己講好咗九月要全面休息，10月再衝刺。點知朋友公司好想辦一啲慈善活動，本來只係幫佢做聯絡，結果啲合作伙伴又想我幫手，呢個九月竟然變成我全年做最多活動、派最多物資嘅一個月😂 今次150部...
02/10/2026

經歷咗七、八月不停收集、分類同派發物資嘅勞累，話說我同自己講好咗九月要全面休息，10月再衝刺。點知朋友公司好想辦一啲慈善活動，本來只係幫佢做聯絡，結果啲合作伙伴又想我幫手，呢個九月竟然變成我全年做最多活動、派最多物資嘅一個月😂

今次150部風扇輪到德田邨嘅長者受惠👍🏻 非常感謝義工晨早起身幫手，直接將風扇送到行動不便嘅長者家中。心地好嘅人，真係特別靚。🥰🥰🥰

Yeah yeah yeah！最後一批月餅趕得切中秋前送到執紙皮、輪候免費飯盒嘅老友記手上。雖然着錯衫派到成身濕晒，但知道有幾位老友記真係未有月餅過節，就覺得辛苦都值得。一直都唔贊成送月餅給老人家的我，尋尋覓覓找到一家餅店願意幫我安排做低糖...
24/09/2026

Yeah yeah yeah！最後一批月餅趕得切中秋前送到執紙皮、輪候免費飯盒嘅老友記手上。雖然着錯衫派到成身濕晒，但知道有幾位老友記真係未有月餅過節，就覺得辛苦都值得。一直都唔贊成送月餅給老人家的我，尋尋覓覓找到一家餅店願意幫我安排做低糖月餅，總算對得住班善長朋友嘅心意。多謝大家，祝老友記中秋平安快樂！🥮

9月14、15日，我哋連續兩日帶同兩隊新合作嘅義工隊，聯同長者義工一齊上門探訪將軍澳區嘅獨居長者同埋行動唔方便嘅老友記。後記1. 呢班新加入嘅義工雖然年紀輕輕，但睇得出佢哋好用心同老人家傾偈溝通，值得讚賞！👍🏻👍🏻👍🏻2. 當一班長者義工負...
24/09/2026

9月14、15日，我哋連續兩日帶同兩隊新合作嘅義工隊，聯同長者義工一齊上門探訪將軍澳區嘅獨居長者同埋行動唔方便嘅老友記。

後記

1. 呢班新加入嘅義工雖然年紀輕輕，但睇得出佢哋好用心同老人家傾偈溝通，值得讚賞！👍🏻👍🏻👍🏻

2. 當一班長者義工負責帶住我哋嘅時候，雖然呢班大姐姐大哥哥年紀大我哋一截，但佢哋仲清楚過我哋，所有細節都幫手提點，個個都精靈又叻！👍🏻👍🏻👍🏻

3. 探訪嘅獨居同埋行動不便長者，普遍都長期孤伶伶留喺屋企，好需要有人同佢哋傾訴。咁多年嚟嘅探訪，大部份老友記都好唔捨得我哋。大家如果有時間，不妨盡點社會責任，百忙中抽少少時間做義工，幫助有需要嘅人。

4. 最後，今次活動背後其實發生啲好唔開心嘅事，不過詳情就唔多講喇，老友記開心就好了。希望大家繼續支持我哋，將焦點放返喺一班老友記身上。🙏🏻

呢個月馬不停蹄的派禮物做探訪，今日到藍田區特備節目，除咗聽婆婆唱歌之外，我同另外幾位義工都高歌一曲，🥰🥰🥰💪🏻💪🏻💪🏻!!!感恩有呢班年青生力軍義工，乖乖揀選老歌唱給老友記聽，我們做服務一定要貼地，到底係你想唱歌還是想老人家享受地去聽你唱...
23/09/2026

呢個月馬不停蹄的派禮物做探訪，今日到藍田區特備節目，除咗聽婆婆唱歌之外，我同另外幾位義工都高歌一曲，🥰🥰🥰💪🏻💪🏻💪🏻

!!!感恩有呢班年青生力軍義工，乖乖揀選老歌唱給老友記聽，我們做服務一定要貼地，到底係你想唱歌還是想老人家享受地去聽你唱歌？ 因為我真係見過有其他機構義工唱容祖兒陳奕迅跟住全場老友記都O晒嘴。😂😂😂!!!

Address

新蒲崗五芳街新寶中心12樓1201室
Kowloon

Opening Hours

Monday 09:30 - 18:30
Tuesday 09:30 - 18:30
Wednesday 09:30 - 18:30
Thursday 09:30 - 18:30
Friday 09:30 - 18:30
Saturday 09:30 - 13:30

Website

Alerts

Be the first to know and let us send you an email when 善臨慈善基金會 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category