Chow Tai Fook Charity Foundation 周大福慈善基金

Directions Website

Chow Tai Fook Charity Foundation 周大福慈善基金 Contact information, map and directions, contact form, opening hours, services, ratings, photos, videos and announcements from Chow Tai Fook Charity Foundation 周大福慈善基金, Non-Governmental Organization (NGO), 九龍城, Kowloon.

A private family foundation established by Dr. Cheng Yu-Tung and his family, the Foundation is committed to providing opportunities and resources for the underprivileged, empowering individuals and accumulating social capital for social development.

【聽過「Gen Z Stare」嗎？是不懂聊天，還是這個年代已經不太需要開口說話？】👀最近網上流行一個 term：Gen Z Stare。問年輕店員一個問題，對方冇即時回答，只係靜靜望住你；喺電梯隨口講句嘢，換嚟幾秒空白😶 有人覺得冇禮貌，...
20/10/2026

【聽過「Gen Z Stare」嗎？是不懂聊天，還是這個年代已經不太需要開口說話？】👀

最近網上流行一個 term：Gen Z Stare。問年輕店員一個問題，對方冇即時回答，只係靜靜望住你；喺電梯隨口講句嘢，換嚟幾秒空白😶 有人覺得冇禮貌，有人話係社交焦慮，亦有人歸咎於「呢一代唔識溝通」。

仔細諗諗，其實我哋每個人嘅生活都一樣：愈來愈多事情，唔使開口都可以完成。以前買咖啡要同店員講，訂位要打電話，蕩失路要問人；而家用自助點餐、網上預約、開 Google Maps 就搞掂，連搵坐喺隔離嘅同事，都可能先 send 個短訊 📱

呢種感覺唔完全係錯覺🔍 2026 年，University of Missouri–Kansas City 心理學家 Valeria Pfeifer 同 University of Arizona 心理學家 Matthias Mehl 喺《Perspectives on Psychological Science》分析咗 2,197 人嘅日常錄音資料。參與者來自 22 項研究，年齡由 10 至 94 歲，資料橫跨 2005 至 2019 年 📊 結果發現每過一年，人們平均每日少講約 338 個字；14 年間每日說話量估計下降約 28%，25 歲以下人士尤其明顯。

研究冇證明手機、社交媒體或自助點餐就係原因，所以唔可以簡單證明「科技令人唔識講嘢」。但佢帶出一個有意思嘅問題：消失咗嘅字，去咗邊？🤔

我哋未必少咗同最親嘅人談心，少咗嘅可能係每日好細碎嘅交流：問路、落單、同司機閒聊兩句、等候時同陌生人講句「今日好熱」☀️ 雖然每一次消失都好似微不足道，加埋一齊，生活卻可能安靜咗好多。

而呢啲細碎交流，其實都係練習真正對話嘅機會 💬 專家留意到，即時說話同 send 短訊唔一樣：面對面要一邊記住對方啱啱講過咩、一邊聽、一邊諗下一句；短訊就可以停低、修改，甚至隔幾分鐘先覆。識接話、頂得住冷場、聽唔明再問多次，呢啲聽說技巧都係手機取代唔到。

所以，不妨故意留低一點「不方便」，為自己保留多啲同真人練習對話嘅機會。下次買咖啡，可以親口落單☕ 唔明白就直接問多句。因為人與人嘅連結，往往就藏喺呢啲時刻入面 🤍

#周大福慈善基金 **kCharityFoundation #人際溝通

【每次買手搖飲品，你想點的，可能不只是味道？】🧋覺得今日過得特別漫長，經過熟悉嘅茶飲店，總會自然地停低睇睇Menu：「不如買杯嘢飲！」💭 好多時，買杯嘢飲純粹為解渴，又或者想做一件令自己開心嘅小事。不過，如果每次孤獨、焦慮或心情低落都去買杯...
30/09/2026

【每次買手搖飲品，你想點的，可能不只是味道？】🧋

覺得今日過得特別漫長，經過熟悉嘅茶飲店，總會自然地停低睇睇Menu：「不如買杯嘢飲！」💭 好多時，買杯嘢飲純粹為解渴，又或者想做一件令自己開心嘅小事。不過，如果每次孤獨、焦慮或心情低落都去買杯嘢飲，呢個固定習慣代表嘅，可能已經超越解渴嘅需要。

2023年刊登喺《Journal of Affective Disorders》、一項涉及5,281名大學生嘅研究，嘗試了解「孤獨感」同「手搖飲品習慣」之間嘅關聯📊。研究者除咗問參與者飲咗幾多，亦參考物質使用準則，量度一系列「依賴傾向」，例如：

- 好想飲
- 想減少但停唔到
- 需要愈飲愈多
- 唔飲唔舒服
- 飲完感到內疚

呢個並唔係正式嘅精神科「成癮」診斷，但反映咗寂寞與Comfort Drink嘅關係。數據顯示，越感到孤獨嘅人，越容易過度依賴手搖飲品，而佢哋出現抑鬱同焦慮情緒嘅比例亦相對較高。📉

因為當生活令人感到孤單或失去掌控，一件容易取得、結果穩定嘅小習慣會變得特別吸引，例如熟悉嘅店舖、熟悉嘅甜度、熟悉嘅第一啖... 我們唔需要等人哋回覆，唔需要解釋心情，亦唔怕被拒絕，只要付款，就能夠得到一份舒坦。🍂

下一次想買嘢飲，唔需要阻止自己，但可以了解自己多少少：依家我想要嘅其實係甜甜嘅味道、習慣，抑或陪伴？如果發現每次焦慮、低落或孤獨，都要靠茶飲令情緒好一啲，或者同可以為生活探索其他出口，例如同信任嘅人傾計、隨意落街散步10分鐘、搵一個令自己安心逗留嘅地方靜一靜；甚至咩都唔做，只是輕輕向自己承認：「今日有點難過」... 🤍

#周大福慈善基金 **kCharityFoundation #手搖飲品依賴 #情緒習慣

【 #世界認知障礙症日 記性差，何時不再只是普通老化？】今日 9月21日 係「世界認知障礙症日」。每年嘅今日，大家都會將焦點放喺「腦部健康」同「認知轉變」上，提醒我哋要及時關心身邊長輩，甚至漸漸年長嘅自己。出街唔記得帶鎖匙、突然醒唔起一個熟...
21/09/2026

【 #世界認知障礙症日 記性差，何時不再只是普通老化？】

今日 9月21日 係「世界認知障礙症日」。每年嘅今日，大家都會將焦點放喺「腦部健康」同「認知轉變」上，提醒我哋要及時關心身邊長輩，甚至漸漸年長嘅自己。

出街唔記得帶鎖匙、突然醒唔起一個熟悉名字，或者入房後唔記得原本想拎咩…… 呢啲「斷片」時刻隨住年齡增長，你同我都有發生過，而呢個狀況亦屬於正常老化嘅一部分；所以，一次半次嘅健忘並唔足以判斷自己有冇患上認知障礙症。真正判斷健忘情況需唔需要進一步了解，可以檢查以下三件事：

1️⃣ 與過去相比：是否出現明顯轉變？
2️⃣ 發生頻率：情況是否反覆或持續發生？
3️⃣ 獨立生活能力：是否開始影響原本能夠獨立處理嘅日常生活？

例如一直準時服藥，依家經常漏服或重複服用；以前處理帳單同銀行事務完全冇問題，依家非常混亂；喺熟悉嘅地方迷路；或者煮食、購物、安排日程等熟悉事情，開始反覆出錯。有呢啲情況，唔等於已經患上認知障礙症，反而提醒我哋係時候尋求專業評估。

懷疑自己或身邊長輩有持續嘅認知轉變，可以先上網進行評估，香港中文大學醫院提供「認知能力自我篩查 AD8 問卷」，如果出現 2 項或以上轉變，建議盡快求醫作進一步檢查。

不過，記憶變差唔一定只有認知障礙症一個原因。睡眠問題、情緒困擾、藥物副作用，以至部分身體疾病，都可能影響記憶同思考能力。

今年9月嘅世界認知障礙症月，Alzheimer’s Disease International 及香港認知障礙症協會提倡一個核心觀念：「The Earlier You Know, The More You Can Do.（越早知道，可以做得越多）」好多人擔心一旦做咗評估、知道答案，人生就提早被定局。但今年希望帶出嘅訊息正好相反──診斷可以令患者更早接觸合適治療。早啲了解狀況，亦代表患者擁有更多機會參與之後嘅生活、照護同財務安排，家人都有更多時間了解情況同尋找支援。💙

#周大福慈善基金 #淨緣慈善基金 #健康生活在線

【照顧別人的人，也需要被照顧。遇見他們，請先問一句：「你最近還好嗎？」❤️‍🩹】香港理工大學團隊喺 2025 年訪問 323 位本港家庭照顧者，發現 42% 受訪者面對緊精神健康問題，當中過半數更出現抑鬱症狀；部分高強度照顧者表示，佢哋每日...
18/09/2026

【照顧別人的人，也需要被照顧。遇見他們，請先問一句：「你最近還好嗎？」❤️‍🩹】

香港理工大學團隊喺 2025 年訪問 323 位本港家庭照顧者，發現 42% 受訪者面對緊精神健康問題，當中過半數更出現抑鬱症狀；部分高強度照顧者表示，佢哋每日照護時間超過 16 小時，壓力可想而知😔。另一項本港紓緩治療病房研究亦指出，22.9% 晚期癌症患者嘅照顧者有中度至嚴重焦慮，37.1% 出現抑鬱症狀。💭

對需要長期照顧癌症患者、失智症家人，或者陪伴 SEN 孩子覆診及訓練嘅照顧者嚟講，壓力唔只來自照護本身，亦包括長期嘅不確定性、情緒負擔，以及持續調整生活安排。

有時，當我哋見到身邊嘅照顧者，都會出於本能同關心，第一時間幫佢哋諗辦法：

「你應該休息多啲。」
「不如睇多個醫生？」
「唔好諗咁多啦。」
「你要堅強啲呀！」

喺心理學上，呢種本能叫做「修正反射（Righting Reflex）」──當我哋見到別人遇到困難，自然想指出問題、提供方法，希望事情得到改善💡。不過，出於關心嘅建議未必一定能夠成為支持。當照顧者未有機會表達自己嘅處境，我哋已經急於畀答案，可能令佢感到自己被糾正，而唔係被理解。

所以，關心照顧者唔只係問佢需要咩幫助，亦包括學識點樣聽。要做到「支持性溝通」可以由「解決問題」改為「先理解」：

1️⃣ 先接住感受
「聽你咁講，呢段時間真係太攰喇......」

2️⃣ 再了解處境
「依家令你最辛苦嘅係邊部分？」

3️⃣ 徵求同意後先畀建議 💬🤝
「我有個諗法，想唔想一齊研究下？」

先理解，唔等於唔畀意見。而係先畀對方知道自己被聽見，再由佢決定需要傾訴、整理情緒，定係一齊搵方法。所以，面對一位長期照顧屋企人嘅朋友，與其急住問「點解決」，不妨先問：「你最近還好嘛？」 ❤️‍🩹

#周大福慈善基金 **kCharityFoundation #修正反射

【💗 陪伴抗癌路｜為癌症患者同家庭多添一份支持】抗癌呢條路，從來都唔容易。除咗要面對身體同心理上嘅巨大壓力，持續而高昂嘅藥物費用，亦係唔少家庭難以負擔嘅沉重負擔。為咗等呢條漫長嘅治療之路冇咁徬徨，周大福醫療基金攜手嘉里集團郭氏基金會，全力支...
14/09/2026

【💗 陪伴抗癌路｜為癌症患者同家庭多添一份支持】

抗癌呢條路，從來都唔容易。
除咗要面對身體同心理上嘅巨大壓力，持續而高昂嘅藥物費用，亦係唔少家庭難以負擔嘅沉重負擔。

為咗等呢條漫長嘅治療之路冇咁徬徨，周大福醫療基金攜手嘉里集團郭氏基金會，全力支持癌症資訊網慈善基金推出「港區病人癌症藥物資助計劃 2.0」！

我哋希望透過實質嘅藥物資助同跨境陪診支援，幫合資格嘅香港癌症患者減輕經濟同心理壓力。

✨ 「計劃 2.0」全面升級：
👥 名額增加：資助名額由 50 人增加至 60 人
🏥 機構增至 4 間：指定深圳醫療機構由原先 2 間擴展至 4 間
⏳ 期限延長：延長指定標靶藥物嘅資助期限，令支援更持續、更貼心

抗癌呢條路真係好唔容易。我哋希望呢份微薄嘅支持，可以為患者同家人帶來多一點安心同力量。💗 周大福醫療基金會會繼續傾聽患者嘅需要，支持更多貼近大家實際所需嘅項目。

#周大福醫療基金 #嘉里集團郭氏基金會 #癌症資訊網慈善基金 #港區病人癌症藥物資助計劃 #癌症支援 #關愛社區 #抗癌同行

【E 人比 I 人快樂？為了幸福，我們要把自己訓練成另一種人格嗎？】呢個世代識新朋友，開場白總唔少得：「你係 I 人定 E 人？」觀察身邊嘅朋友，E 人週末永遠 full booking、聚會不斷；I 人就鍾意一個人食飯、留喺屋企。久而久之...
11/09/2026

【E 人比 I 人快樂？為了幸福，我們要把自己訓練成另一種人格嗎？】

呢個世代識新朋友，開場白總唔少得：「你係 I 人定 E 人？」觀察身邊嘅朋友，E 人週末永遠 full booking、聚會不斷；I 人就鍾意一個人食飯、留喺屋企。久而久之，大家好容易產生錯覺：外向、朋友多嘅人天生比鍾意獨處嘅 I 人快樂。為咗幸福，難道我哋要訓練自己成為另一種性格嘅人？🤔

要解答呢個問題，我哋可以睇睇心理學點講！好多人以為見越多朋友就會越開心，但 2023 年一項涉及 949 名加拿大參與者嘅研究發現，過去一星期同朋友相處咗幾多時間、朋友數量多寡，其實同幸福感冇顯著關聯 🙅‍♀️。我哋可能花好多時間聚會，但唔代表真正深刻「交匯」過。

既然朋友數量唔係重點，到底咩至係快樂嘅關鍵？2015年有心理學研究指出，外向雖然多優勢，但真正決定幸福感嘅，係「高質素嘅人際關係」同「良好嘅情緒調節能力」💡。只要具備呢兩點，即使係鍾意獨處嘅內向人士，幸福感同樣極高。

更有趣係，原來 I 人對「情感支持」更加敏感。數據發現，只要親友支持、孤獨感較低，呢種高質素嘅關係為 I 人帶來嘅幸福感，甚至比外向人士更強烈。

所以，鍾意獨處唔等於唔需要被理解，I人需要嘅未必係更少嘅連結，而係一段可以安心說話、唔怕沉默、毋須一直用力表現自己嘅關係 ☕。同樣地，E 人如果只有無止境嘅熱鬧，但缺乏可以信任、求助嘅對象，一樣感到孤獨。

與其繼續用 I / E 框住自己，不如放低刻板印象，停一停檢視你嘅社交狀態 🔍：

- 我有冇可以坦白說話嘅人？
- 需要幫忙時，係咪知道可以搵邊個？
- 每次社交過後，感到被連結，抑或更疲累？

幸福冇指定人格 ✨，你唔需要認識更多人，亦唔需要為快樂強行改變自己嘅性格。我哋真正需要做嘅係搵返最適合自己嘅社交節奏，照顧好嗰幾段真正重要嘅關係 🌱。

#周大福慈善基金  **kCharityFoundation    #幸福感

04/09/2026

【🤖 從清水灣到廣州南沙｜攜手開啟機械人科研新篇章】

一份對科研創新嘅支持，由香港延伸到廣州！✨

「鄭家純機器人研究院（廣州）」正式喺香港科技大學（廣州）揭牌。周大福慈善基金主席鄭家成先生聯同基金代表，以及香港科技大學與香港科技大學（廣州）代表一同出席，見證呢個重要時刻。

鄭氏家族及周大福慈善基金與香港科技大學一直有深厚淵源，多年來支持大學推動教育及科研發展。今次研究院由清水灣「走到」廣州南沙，亦為兩地校園嘅科研合作打開更多可能 💡

揭牌後，一眾嘉賓參觀研究院，近距離了解團隊喺機械人技術方面嘅研究成果及最新探索。未來，兩地研究院將發揮各自優勢，推動更多前沿研究、技術創新同成果轉化，讓科研真正走進社會、回應生活所需。

科技嘅價值唔只在於突破，更在於為人同社會帶來改變。我哋期待繼續與學界及各界攜手，支持科研創新及人才發展，為未來創造更多可能 🚀

#周大福慈善基金 #香港科技大學 #香港科技大學廣州 #鄭家純機器人研究院 #機械人 #科研創新 #科技創新

04/09/2026

【🐼💛 一齊見證加加同得得嘅成長！】

由出生時只有約100克，到而家已經兩歲，「加加」與「得得」嘅成長過程，背後有好多愛、守護同堅持。早前，CTF Life 周大福人壽邀請約千位參加者，一齊欣賞全港首部大熊貓紀錄片《從100克開始》，重溫兩隻港產大熊貓成長嘅珍貴時刻。🐼🐼✨

周大福人壽聯同周大福慈善基金，邀請來自九間慈善機構、基層兒童及家庭，一齊入場欣賞紀錄片。除咗睇住「加加」同「得得」一步步長大，小朋友亦從佢哋嘅故事入面得到啟發，更有人分享自己將來嘅夢想同志願。🌱💫

一齊重溫當日嘅開心同感動時刻啦！🎬✨

【體檢報告見到紅字？一次學識睇身體畀你嘅重點訊號——血壓、血糖與膽固醇🩺】由細到大，我哋都習慣睇數字。收入、業績、回報、增長率，邊一項升咗、邊一項跌咗，總有方法可以分析📈。但面對一張滿滿數字嘅體檢報告，好多人第一眼睇到嘅多數只係「紅字」🚨。...
02/09/2026

【體檢報告見到紅字？一次學識睇身體畀你嘅重點訊號——血壓、血糖與膽固醇🩺】

由細到大，我哋都習慣睇數字。收入、業績、回報、增長率，邊一項升咗、邊一項跌咗，總有方法可以分析📈。但面對一張滿滿數字嘅體檢報告，好多人第一眼睇到嘅多數只係「紅字」🚨。

其實，體檢報告入面每一個數字都有佢自己嘅意思💡。真正重要嘅唔係單純睇有冇超標，而係了解呢個數字代表咩，同埋身體狀況有冇持續變化。

「三高」之所以容易被忽略，正正係因為高血壓、糖尿病同高膽固醇好多時都冇明顯症狀⚠️。香港衞生署《人口健康調查2020–22》指出，實際患有相關問題嘅人士當中：

・41% 高血壓患者唔知道自己有高血壓
・36.5% 糖尿病患者唔知道自己患病
・69.7% 高膽固醇人士唔知道自己嘅膽固醇偏高

所以今次就由最常見嘅3組數字開始，教大家學識點樣睇血壓、血糖同膽固醇🔍。

1. 血壓

血壓通常會見到兩組數字，例如 140／90 mmHg。喺呢個例子入面，

140mmHg = 上壓／收縮壓 Systolic BP，係心臟收縮、把血液泵出去時，血液對血管壁形成嘅壓力🫀
90mmHg = 下壓／舒張壓 Diastolic BP，係兩次心跳之間，心臟放鬆時，血管仍然承受嘅壓力😌。

《香港高血壓參考概覽》指出，高血壓嘅診斷唔應該剩係根據一次求診嘅一組血壓讀數。一般需要喺不同時間重複量度，先可以判斷是否屬於持續性高血壓📝。

而血壓去到唔同水平，跟進方式亦有所不同：

140–159／90–99 mmHg
需要進一步確認是否持續偏高

160–179／100–109 mmHg
建議約 1 個月內接受評估及處理

≥180／≥110 mmHg
屬於非常高水平，建議 1 星期內接受評估

如果血壓高於 180／120 mmHg，同時出現胸痛、呼吸困難、突然無力或麻痺、視力改變、說話困難等症狀，就可能屬於高血壓急症，需要立即求醫🚑。所以，重點唔係每日追求一個「完美數字」，而係知道咩時候應該再量、咩時候唔應該再等。

2. 血糖

睇完血壓，下一組常見數字係血糖。體檢報告入面，空腹血糖 Fasting Plasma Glucose 比較似係身體當下一張照片；而 HbA1c 糖化血紅素，反映過去大約 2至3個月嘅平均血糖狀況。

兩個數字睇嘅時間範圍唔同，所以即使空腹血糖正常，都唔代表可以完全忽略長期血糖狀況。《香港人口健康調查》採用嘅糖尿病界線包括：空腹血糖 ≥7.0 mmol/L 或 HbA1c ≥6.5%

同樣，一次數字踩界唔代表可以自行判斷有否患上糖尿病。醫生會結合檢查結果、數字有冇持續，以及整體健康背景作判斷。

3. 總膽固醇

最後一組，就係經常令人疑惑嘅膽固醇。見到 Total Cholesterol ↑，第一個反應可能係：「係咪以後唔可以食蛋？」🥚 其實，總膽固醇只係其中一個數字，一份完整血脂報告通常仲要睇埋 LDL-C、HDL-C 及 Triglycerides。

LDL-C｜低密度脂蛋白膽固醇（俗稱「壞膽固醇」）
會加速血管內脂肪聚積，增加患上冠心病風險

HDL-C｜高密度脂蛋白膽固醇（俗稱「好膽固醇」）
可預防血管閉塞，降低患上心臟病風險

Triglycerides｜三酸甘油脂
係身體儲存能量嘅形式之一，過高可能增加心血管風險

而真正要留意嘅係，醫生唔會只憑 Total Cholesterol 一個數字決定心血管風險。年齡、血壓、糖尿病、吸煙習慣、家族史及既往心血管疾病等，都會影響整體風險，以及適合自己嘅 LDL-C 目標🎯。

所以，見到膽固醇偏高，唔係立即將雞蛋或某一種食物列入「禁食清單」，而係先理解自己嘅整體飲食同心血管風險🥗。美國心臟協會建議，健康人士可以將每日約一隻全蛋納入健康飲食模式；已有血脂異常人士，則需要按情況審慎處理🍽️。

血壓、血糖、膽固醇，三組數字有一個共同點：唔係單純睇一次結果，就完整了解自己嘅健康狀況。真正值得留意嘅係：

- 數字有冇持續變化？
- 變化方向係點？
- 自己有冇及早知道？

下一次攞到體檢報告，與其剩係問 「有冇超標？」，不如多問醫生三句💬：

1｜呢個數字對我嚟講代表咩？
2｜我嘅目標應該係幾多？
3｜幾耐之後需要再檢查一次？

健康管理唔係追求一張「合格」嘅成績表，而係了解身體數字，知道咩時候需要留意，亦畀自己多一啲時間作出改變🌱。

（註：以上內容僅供健康參考，如有任何疑問，請諮詢專業醫生意見。）

#周大福慈善基金 #淨緣慈善基金 #健康生活在線

【說話包裝得太委婉，對方反而收唔到你嘅重點。拆走溝通上嘅 Bubble Wrap！🫧】有啲「唔緊要」，其實唔係體諒，而係將不滿收喺「禮貌」入面😶。呢種情況喺日常溝通好常見，香港人習慣顧及場面，表面總係 overly-polite，某程度上係...
24/08/2026

【說話包裝得太委婉，對方反而收唔到你嘅重點。拆走溝通上嘅 Bubble Wrap！🫧】

有啲「唔緊要」，其實唔係體諒，而係將不滿收喺「禮貌」入面😶。呢種情況喺日常溝通好常見，香港人習慣顧及場面，表面總係 overly-polite，某程度上係因為由細到大，我哋都聽慣「唔好阻住人」、「唔好咁多要求」、「講得太直好似好惡」呢啲說話。🤐

正因為受呢種觀念影響，我哋提出唔同意見，怕被認為難合作；拒絕人哋，怕顯得不近人情；要求對方準時完成，又怕似催促⏳。於是開口之前，好多人會先諗對方，結果原本一句簡單說話，慢慢多咗好多包裝，加入大量試探同退路。外國職場將呢種包得又厚又軟嘅說話方式稱為 Bubble Wrap Language。

喺語言學上，「可能」、「或者」、「唔知方唔方便」呢類柔化語氣字眼亦被稱為 Hedging🛡️。佢哋本身有重要作用，可以避免衝突，減低要求帶嚟嘅壓力。不過，一旦過度包裝就會衍生其他問題，真正令人疲累嘅係：心裏明明有清楚需要，講出口卻假裝自己唔係咁在意...... 💭

當每句話都要靠對方閱讀語氣、估計暗示、推測你有幾在意時，溝通就變成一場猜心遊戲🔮：

- 「得閒先覆」到底真係唔急，定已經等咗三日？
- ⁠ 「都可以」係真正冇偏好，定其實心裏不滿？
- ⁠ 「我自己處理」係主動幫忙，定希望對方感到內疚？

其實，禮貌唔代表要令自己冇立場。真正嘅體貼，唔係將所有稜角收起，而係清晰表達需要，令大家都唔需要喺說話嘅包裝裏面，辛苦猜測彼此真正嘅含意。

#周大福慈善基金  **kCharityFoundation    #過度客氣

Address

九龍城
Kowloon

Website

Alerts

Be the first to know and let us send you an email when Chow Tai Fook Charity Foundation 周大福慈善基金 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category