Vinny Guidedog 導盲犬

17/09/2026

【🙏懇請你支持香港視網膜病變協會賣旗籌款~就在今個星期六~9月19日港島區🤗當然歡迎直接捐款贊助本會服務💞】

👋香港視網膜變協會2026年賣旗籌款日:
📌日期：2026年9月19日(星期六)
📌時間：上午7時至中午12時30分
📌地點：港島區
📌公開籌款許可證編號：FD/R043/2026

😎香港視網膜病變協會是由視網膜退化病患者組成的自助組織，早於1995年3月成立。我們致力推動科學研究，讓患者得到合適治療；並倡導適切的復康服務，鼓勵患者互助自強，攜手貢獻社區🤝

本會沒有政府或公益金的恆常資助，經費有賴社會人士支持🫶而賣旗正是本會主要的籌款活動😘本會將於今個星期六~9月19日在港島區賣旗，為支援視網膜退化病的科研、治療及復康服務籌募經費，敬祈各界共襄善舉 💞

👋也請認購金旗或捐款~歡迎各位善長慷慨解囊，捐款$100或以上可獲發免稅收據。請選擇以下捐款方法👇

1️⃣網上捐款~使用本會網上捐款平台： http://retina.org.hk/donation/form?fbclid=IwVERDUASkUrRleHRuA2FlbQIxMABzcnRjBmFwcF9pZAwzNTA2ODU1MzE3MjgAAR5skQrEOMdsFWav7gA4xDyKrbL1QJ0tSAyJ9xKTz3aSGYREIm-4SAfEPLe-Sg_aem_cSYz2pxiJwkRG7xmHa_SrQ

2️⃣網上捐款~使用支付寶平台: https://w.alipay.hk/s04/C9pSSbKkkL

3️⃣直接捐款~
請填妥以下表格，連同支票或入數紙擲回「香港視網膜病變協會」，請寄:「九龍長沙灣麗閣邨麗萱樓地下101號」，或傳真至2709 8915或電郵[email protected]。請在此下載捐款表格👇 https://drive.google.com/file/d/1QTPM_Heche2WSuaIvBhaMsv8gdLfY_2Q/view?fbclid=IwVERDUASkdC1leHRuA2FlbQIxMABzcnRjBmFwcF9pZAwzNTA2ODU1MzE3MjgAAR5skQrEOMdsFWav7gA4xDyKrbL1QJ0tSAyJ9xKTz3aSGYREIm-4SAfEPLe-Sg_aem_cSYz2pxiJwkRG7xmHa_SrQ

🤗非常感激你的支持🙏

#香港視網膜病變協會 #賣旗日 #9月19日賣旗日 #傷健共融 #視障 #導盲犬 #賣旗籌款 #義工招募 #金旗 #捐款 #結晶樣視網膜色素變性 #視網膜色素變性 #遺傳性眼底病 #眼底病 #罕見疾病

21/03/2026

大家好😃唔怕遲、今日都係拜年時！祝大家馬上心想事成❣️龍馬精神樂安康❣️
爹爹真係好錫我，我嘅一舉一動佢都瞭如指掌👋例如佢留意到我每次玩呢個玩具嘅時候都係全神貫注，兩年以來都好認真咁咬個頭仔，仲影咗我張相分享俾朋友睇😂我同胞哥哥Volniey嘅主人亦都分享番右邊張相，原來我哋兩兄妹都咁鍾意咬頭仔😃
其實我每次都如臨大敵咁玩（咬）㗎，因為佢個玩具製造商真係好厲害~兩年我都咬佢唔爛喎👍
講開又講，我事無大小都好認真㗎，因為我係一隻好專業嘅導盲犬呀🦮

#香港視網膜病變協會 #社區無障礙設施 #傷健共融 #視障 #導盲犬 #義工招募 #結晶樣視網膜色素變性 #視網膜色素變性 #遺傳性眼底病 #眼底病 #罕見疾病

23/11/2025

https://www.facebook.com/share/p/1DqmGtfmQc/

【🤗誠邀各位初中、高中同學參加「視覺無障礙2025」中學生無障礙設施體驗短片比賽~11月28日截止呀👋】

😃香港視網膜病變協會很高興再次獲得勞工及福利局支持及贊助，現誠邀初中及高中學生積極參與是次比賽👋我們希望藉此讓參與的學生、家長及市民大眾對視障人士加深認識和認同，加強彼此尊重和接納🫶一起創建一個「傷健平等共融」的關愛社會💞

🤩內容主題 (只需選取1️⃣項情景)：由參賽學生自行構思認識無障礙設施的方式，可以蒙眼親身體驗視障人士失去視力的日常😎例如乘坐交通工具、橫過紅綠燈、上落石級、乘坐升降機、用手杖沿引路徑前行、或超市購物等情景。並將情景拍攝視頻為參賽作品。

😃參賽組别：
🅰️初中組：中學1~3年級學生
🅱️高中組：中學4~6年級學生

👋比賽細則：
📍因應任何1️⃣個情景攝製1️⃣條短片視頻 ( 長度為3至4分鐘)。
📍可個人或小組合作參賽。
📍可於片尾加上個人體驗感想。
📍參賽作品請於11月28日截止日期或之前電郵本會：[email protected]。
📍頒獎禮於2026年1月17日(星期六)下午舉行。
*所有參賽作品一概不會發還。
* 參加者對比賽結果不得異議。
* 得獎者會由大會專函通知。

🏆比賽獎項 (初中組及高中組分設獎品)：
🌟冠軍(獎杯及書劵500元)、亞軍(獎杯及書劵400元)、季軍(獎杯及書劵300元)
⭐優異獎10名(證書及書劵100元)。

📞比賽查詢：
香港視網膜病變協會：27089363
電郵：[email protected]
負責職員：王先生/黃小姐

#視覺無障礙2025 #香港視網膜病變協會 #傷健共融 #視障 #導盲犬 #眼底病 #罕見疾病 #體驗短片 #中學生無障礙設施體驗短片比賽 #無障礙設施 #初中學生比賽 #高中學生比賽 #體驗無障礙設施

16/10/2025

大家好😃大家最緊要身體健康呀💪琴日爹爹帶咗我去獸醫診所做檢查，雖然啲月餅係我食曬，但我冇食滯喎😉
原來佢見我重咗又肥咗~驚我超標😂好彩獸醫話我都唔知幾fit，仍然屬於窈窕淑女級別㗎💃

#香港視網膜病變協會 #社區無障礙設施 #傷健共融 #視障 #導盲犬 #義工招募 #結晶樣視網膜色素變性 #視網膜色素變性 #遺傳性眼底病 #眼底病 #罕見疾病

07/03/2025

https://www.facebook.com/share/16G8p7tRfa/?mibextid=wwXIfr

【罕盟工作軼記（23）– 偷錯師❓】

Hello，我係🦮導盲犬Vinny。唔識我嘅朋友，可以睇番上兩個星期五嘅【 #罕盟工作軼記】！

我爹爹KP有兩個身份，一個係 Retina Hong Kong #香港視網膜病變協會 會長，另一個就係罕盟會長。爹爹同我外出工作時，我比較希望佢去做罕盟嘅野，因為多數可以見到兩位專門幫我打點「出入口事務」嘅「💕愛將」 – 營運總監阿May & 護理顧問Amy。

先講👩‍🦰Amy，佢主要負責帶我去💩排洪排便。我好滿意Amy嘅工作表現，因為佢識得睇我面色，一察覺到我有動靜，就會主動帶我到室外暢快一番。工作態度積極主動，簡直係🪙模範員工。

🧔‍♀️阿May主要係供應 😝 零食比我，所以我一見到佢，就第一時間同佢打招呼。可惜佢唔多醒目，明明袋住包🍿零食，都唔即刻攞出嚟，每次都要我暗示明示，有時仲要開聲提佢，先識得點做。有好幾次我喺爹爹演講或接受訪問時，就係掛住提佢攞包零食比我，唔覺意大聲咗少少，引到大家都望住我，搶晒爹爹風頭，搞到我畀人話 🙄 「曳曳」，其實「罪魁禍首」係阿May，希望佢好好反省！

不過有一樣野我唔明，爹爹成人教啲病友要勇於表達訴求，為自己爭取合理嘅權益；罕盟亦經常透過唔同📢渠道，鍥而不捨咁向當局反映罕病患者面對嘅挑戰同需要。而我只不過係從中偷師，用唔同嘅方法爭取我嘅 🫘 零食，咁點算係「曳曳」呢？仲有，罕盟同事聚餐時，阿May話要減肥唔食咁多，爹爹就叫佢😋放心食，因為「命裡有『肥』終須有」；但係我重咗幾公斤之嘛，爹爹就好緊張咁叫人唔好比咁多野我食，真係唔 ⚖️ 公平！睇嚟爹爹都要反省一下。

轉眼我就霸佔咗呢個專輯三個星期，唔知下次輪到邊個出場呢？唔捨得我嘅朋友，歡迎到我嘅Facebook粉絲專頁點讚同追蹤。希望🥰後會有期！

作者：Vinny Guidedog 導盲犬 （罕盟營運總監 何翠薇)

#罕病 #罕見病 #罕盟 #香港罕見疾病聯盟 #導盲犬

01/03/2025

https://www.facebook.com/share/17yxkky3LS/?mibextid=wwXIfr

【罕盟工作軼記（22）– 無得跳槽，唯有吐槽】

大家好，又係我🦮導盲犬 Vinny。上星期我分享咗工作上最難捱嘅部分，今日就講下令人🥰羨慕嘅地方。

我份工都算🌈多采多姿，除咗朝朝帶爹爹去🏊‍♀️游早水之外，又經常要陪爹爹出席各式各樣嘅 👩‍👩‍👦‍👦 病友活動、🗣️ 講座、🎤研討會、🪑會議等，仲可以一齊出✈️差兼遊阜。舊年10月，我哋去巴塞隆納參加 #2024年世界孤兒藥大會（歐洲大會）& #國際罕見病聯盟會議 、11月去東京參加癌症病人組織嘅倡導與能力建設工作坊、12月去蘇州參加一個關於罕病患者如何參與藥物研發及臨床研究嘅研討會，順便遊覽名勝古蹟。但最😂搞笑的一次，係我以為3月同爹爹去咗😎夏威夷。後來先知道，原來果次係一個SMA病友聚會，🏖️沙灘同太陽傘只係📷攝影背景紙！

不過，我都想借呢個機會吐槽一下，事關爹爹有時出門都無預我。記得2023年9月，係我陪爹爹去湖南長沙參加 #中國罕見病高峰論壇 ，聽聞每年都會舉辦。但舊年喺上海舉辦嘅論壇，佢就冇帶我去。仲有，爹爹5月去咗布魯塞爾參加 #歐洲罕見疾病及孤兒藥產品會議 （ 2024）；7月、9月都去咗北京一次，分別參加 #罕見病合作交流會 同 ；9月中又去咗澳門，出席首屆澳門協和學術周開幕式暨大師論壇，都係無我份。最初我🤔懷疑有行家爭飯碗，真係好擔心！直至我知道代替我出差嘅，原來係營運總監👩阿May同護理顧問🧔‍♀️Amy，心情先至平服番，皆因佢哋無我咁🐶年青活潑，唔係我嘅競爭對手🤪。

阿May曾經講過，我係爹爹嘅「💕愛將」，其實我都有兩位「愛將」，想唔想知道佢哋係邊個？下星期五開估，記住捧場呀！

作者：Vinny Guidedog 導盲犬（罕盟營運總監 何翠薇代筆）

#罕病 #罕見病 #罕盟 #香港罕見疾病聯盟 #罕盟工作軼記

01/03/2025

https://www.facebook.com/share/p/18egvixPHB/?mibextid=wwXIfr

【罕盟工作軼記（21）– 盡訴心中情】

大家好，我係🦮導盲犬Vinny，主要職責係引領👨🏻‍🦯爹爹（罕盟會長KP）安全地到達目的地。近排知道【 #罕盟工作軼記】歡迎同事投稿，所以我都要支持，一次過投咗3篇稿，同大家盡訴🩷心中情。

好多人以為我份工好易做，只要識得帶路就得。但其實我份工有一樣野都幾難捱，就係「😣等待」。

你知啦，我爹爹係罕盟會長，亦係罕盟嘅📸大紅人，經常被邀請四圍去做分享或🎤接受訪問。試過有兩位來自同一份報章但不同專欄嘅🤳記者，分別約爹爹喺相同時間同地點做訪問，好彩及時搞清楚，否則佢哋可能要即場猜🖐包✌剪👊揼嚟決定訪問次序！上兩個月，有兩間藥廠都不約而同地🤝請爹爹參加佢哋嘅內部年會，分享佢投身政策倡導工作嘅歷程、心得同埋成效等。

就算人哋唔揾爹爹，佢都會主動去📞揾人。例如舊年佢就約見咗7個病友組織，包括： #愛在延長炎症性腸病基金會、香港視神經脊髓炎協會 NMOHK 、香港威爾遜氏症協會、香港肌無力協會 - The Hong Kong Association Of Myasthenia Gravis 、 好磷社、Primary Immunodeficiency League（勉逆歷） & Russell-Silver Syndrome病友小組，目的係了解其他病友組織嘅近況同需要；4月同11月又帶我出席咗香港杜興氏肌肉營養不良症協會 HKDMD 同 #香港好磷社協會 嘅就職典禮。

呢啲交流活動有線上的，也有實體的；但每當爹爹掛住講野嘅時候，就唔得閒理😞我，淨係准我伏喺佢腳邊，感覺是「這麼近，卻又那麼🔭 遠」，又唔知要等幾耐，真係好掛住佢㗎！眼見咁多人同我爭爹爹，我當然要做番啲野啦。所以一等佢講完野，我就第一時間飛撲上去💋親吻佢，一方面等佢知道我有幾咁需要佢，另一方面就係要「👅宣示主權」。

趁住今日💐情人節，我更加要話比🌐全世界知，我會一生一世👩‍❤️‍👩陪伴爹爹、😘愛護爹爹，希望大家都好似我一樣咁敬愛佢啦！祝大家🌹情人節快樂‼

️作者：🐶 Vinny Guidedog 導盲犬 （罕盟營運總監 何翠薇代筆）

#罕病 #罕見病 #罕盟 #香港罕見疾病聯盟

29/12/2024

蘇州之行真係好開心，原來蘇州歷史可以追溯到4️⃣千多年前，爹爹同我難得有機會遊覽下名勝古蹟，包括北寺塔，係一個中國傳統樓閣式佛塔，屬於名勝北塔報恩寺，始建1700多年前嘅三國時代，係孫權為他乳娘所建，最初叫通玄寺，唐初改稱開元寺，最後叫報恩寺🥰
我哋又去咗一個叫怡園嘅地方，爹爹話係大戶人家嘅私人庭園，偶然開放俾遊人觀賞，我哋有幸去到呀👏

#香港視網膜病變協會 #社區無障礙設施 #傷健共融 #視障 #導盲犬 #義工招募 #結晶樣視網膜色素變性 #視網膜色素變性 #遺傳性眼底病 #眼底病 #罕見疾病 #蘇州 #京杭大運河 #北寺塔 #怡園

26/12/2024

https://www.facebook.com/share/v/Tkxa88oPwRkcgttV/
好高興做冬嗰朝早，同爹爹去幫香港視網膜病變協會賣旗籌款，應該成績都幾好㗎😃

20/12/2024

好高興爹爹同我喺蘇州呢個名城都遊覽咗一下🥰蘇州係建立喺運河上面嘅古城，即係京抗大運河呀😃呢條貫通南北嘅重要水道喺春秋時期已經動工，包括蘇州等等沿岸沿河城市都隨之發展，爹爹話應該有成2800年嘅歷史文化，好厲害呀👍我最鍾意就係喺河邊度跑跑跳跳，好開心呀😃

#香港視網膜病變協會 #社區無障礙設施 #傷健共融 #視障 #導盲犬 #義工招募 #結晶樣視網膜色素變性 #視網膜色素變性 #遺傳性眼底病 #眼底病 #罕見疾病 #蘇州 #京杭大運河