Nullahplace 水渠道社區實驗

Nullahplace 水渠道社區實驗 Nullahplace是一個活化閒置空地的城市設計研究，由香港中文大學建築學院及? Nullahplace is a research project organized by CUHK Architecture.

It aims to explore "Regenerating the Unplanned: Tactical urbanism to reclaim public urban spaces for the community” .

【主要用途】
日常供公眾休息如閒坐、等候、歇息、玩耍及做運動等。「水渠道空地」營運者會不時舉辦社區活動。

【開放時間】
每天早上9時至晚上6時。

【Main Function】
As a public open space for the general public, for the purpose of sitting, waiting, resting, playing, exercising and so on. The operatior of Nullahplace may reserve the venue for community activitities.

【 Opening Hours】
9:00am to 6:00pm.

【水渠道公眾諮詢大會 之 大家齊參與！】唔知道大家有冇留意到水渠道依家有啲變化呢～關草聯實習同學喺兩星期前在水渠道公共空間設置左兩週嘅社區意見板💖收集左好多街坊對水渠道公共空間嘅意見～但無奈Memo紙位置有限，未能盡收全部街坊嘅意見🥲我地黎...
20/07/2022

【水渠道公眾諮詢大會 之 大家齊參與！】
唔知道大家有冇留意到水渠道依家有啲變化呢～關草聯實習同學喺兩星期前在水渠道公共空間設置左兩週嘅社區意見板💖收集左好多街坊對水渠道公共空間嘅意見～但無奈Memo紙位置有限，未能盡收全部街坊嘅意見🥲我地黎緊會係機構開展一場公眾諮詢大會！！想收集番各位街坊對於水渠道問題同未來建設嘅睇法🙋🏽‍♀️希望各位有興趣嘅朋友仔，無論係住係附近又好、對公共空間議題有興趣嘅朋友都好，都可以踴躍喺Google form俾意見同報名出席㗎～👼🏽

日期：2022年7月30日（六）
時間：20:00-21:30
地點：旺角塘尾道66-68號福強工業大廈B座10樓4室

由於疫情因素，要麻煩大家致電34812699 Gigi/甄姑娘或填寫Google form報名☎️～

網上問卷：
https://forms.gle/Z68rbJRqYjTCM2XAA

【髒了便洗一洗：水渠道大清潔】 針對早前衛生問題，我哋嘅煙腸同學決定來一次大掃除，當中包括：執走垃圾（例如飯盒、煙頭、啤酒樽等）；掃走枯葉（有好多枯葉堆積咗係休息區）；沖洗部份污漬；執走損毁設施。整個清潔過程大概用咗三小時（其實可以再做多...
12/07/2022

【髒了便洗一洗：水渠道大清潔】

針對早前衛生問題，我哋嘅煙腸同學決定來一次大掃除，當中包括：執走垃圾（例如飯盒、煙頭、啤酒樽等）；掃走枯葉（有好多枯葉堆積咗係休息區）；沖洗部份污漬；執走損毁設施。整個清潔過程大概用咗三小時（其實可以再做多啲，但人力有限）將水渠道實驗空間還原靚靚。做完之後，當中有實習同學都感嘆要諗方法「源頭清潔」，而唔係「頭痛醫頭，腳痛醫腳」式嘅清潔。我哋都想藉著清潔表達：想有一個舒服嘅空間，就要靠大家落力維繫同打理。

如果大家都想呢個空間可更可持續，就要每個使用者都貢獻一分力嚟維護。有冇咩方法可以改善使用習慣(會帶返走自己嘅垃圾)，煙腸同學G就設計咗款貼紙，如果你哋有方法，歡迎comment~~~

如果大家知道水渠道同空地嘅故事，歡迎留言或者inbox同小編講！

#水渠道社區實驗 #連結彼此 #公共空間 #水渠道
-------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

【小編落區：旺角嘅星空】水渠道公共空間位處於旺角同太子一帶，而旺角亦被稱為「世界上人口最密集嘅地方」。究竟係最密集嘅地方設置一個歇腳點，會產生點樣嘅化學作用呢？有晚，小編落區做咗啲觀察～～～水渠道空間開放之後，多左唔少人夜晚來飲酒吹水🍺🍺。...
27/06/2022

【小編落區：旺角嘅星空】

水渠道公共空間位處於旺角同太子一帶，而旺角亦被稱為「世界上人口最密集嘅地方」。究竟係最密集嘅地方設置一個歇腳點，會產生點樣嘅化學作用呢？有晚，小編落區做咗啲觀察～～～

水渠道空間開放之後，多左唔少人夜晚來飲酒吹水🍺🍺。小編曾經喺夜晚同兩個來自南韓嘅年青人傾過計，佢哋都表達咗水渠道的確係一個好好休憩嘅空間，而香港好少呢啲空間，所以呢度實在好難得。

小編：點解你哋會來呢度？
南韓人🇰🇷👨‍🦰: 因為我哋來公幹，住附近嘅旅館，咁啱食完飯，都想落來Hea下。
小編：咁你哋係度Hea完感覺係？
南韓人🇰🇷👨‍🦰: 呢邊好好風，同埋可以喺旺角鬧市坐喺度，係一種好奇特嘅體驗！希望韓國都可以有多啲呢啲空間～～～

縱使坐在水渠道的沙攤椅上仰望旺角嘅星空🌟🌟，仍然會看到不少「光污染」（誤：即刻變得唔浪漫～～～），但其實在繁忙嘅街道中有一道抖氣處，而咁多人使用，都反映社區過於急速，生活節奏緊逼。小編從同佢哋傾計既過程中得知，佢哋真係好享受呢地方，希望嚟緊可以再收集更多使用者既諗法～～～

如果大家知道水渠道同空地嘅故事，歡迎留言或者inbox同小編講！

#水渠道社區實驗 #連結彼此 #公共空間 #水渠道
------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

【社區實驗報告焦點（四）：公園不同區域情況】水渠道空間係設計時，特意將空間分開不同區域：休息區、遊樂區、運動區。小編發現不同區域的衛生情況有明顯嘅差異。例如休息區嘅枯葉比較多🍂，而且有積水和煙頭🚬。呢啲除了影響空間外觀，亦影響到衛生情況。而...
25/06/2022

【社區實驗報告焦點（四）：公園不同區域情況】
水渠道空間係設計時，特意將空間分開不同區域：休息區、遊樂區、運動區。小編發現不同區域的衛生情況有明顯嘅差異。例如休息區嘅枯葉比較多🍂，而且有積水和煙頭🚬。呢啲除了影響空間外觀，亦影響到衛生情況。而運動區就較乾淨，多數小朋友都會係呢個區玩樂🏃‍♀️🏃🏃‍♂️。至於，遊樂區有時也會出現一些曱甴。事實上，唔同區域之間嘅差異，正正係反映緊唔同嘅使用方式，亦畀咗我哋團隊一個更整全嘅圖象，令我哋更清楚團隊嘅未來方向。🧐

如果大家知道水渠道同空地嘅故事，歡迎留言或者inbox同小編講！

Photo credits: School of Architecture - CUHK, Max Au
#水渠道社區實驗 #連結彼此 #公共空間 #水渠道
------------------------
School of Architecture - CUHK 關注草根生活聯盟 非常協作 Collaborate Hong Kong
關注學童發展權利聯席 (關學聯) Alliance for Children Development Rights

【社區實驗報告焦點（三）：餵飼鳩鴿】🕊根據街坊既講法，水渠道前身係一個油站，當油站被拆毁之後，呢度就變成一片空地，亦都荒廢接近十年～～～喺呢十年裡面，由於有人係呢度長期餵飼鳩鳥同白鴿，呢度就變成鳩鴿棲息地。最高峯既時期，呢度有接近一百至二百...
24/06/2022

【社區實驗報告焦點（三）：餵飼鳩鴿】🕊

根據街坊既講法，水渠道前身係一個油站，當油站被拆毁之後，呢度就變成一片空地，亦都荒廢接近十年～～～喺呢十年裡面，由於有人係呢度長期餵飼鳩鳥同白鴿，呢度就變成鳩鴿棲息地。最高峯既時期，呢度有接近一百至二百隻鳩鴿。當呢塊空地被活化成水渠道公共空間，白鴿數目亦減至四、五十隻。現時，我地觀察到途人餵飼鳩鴿好多時會以錯誤既食物（例如麵包，午餐肉）餵飼，令鳩鴿健康大受影響，雀糞💩更變為非一般的大量。而遺留下來的食物，更容易出現發霉發臭而同引來蟲鼠其他問題。🤢🤢🤢

有好多街坊都向我地機構表示擔心餵飼鳩鴿所帶來嘅衛生或清潔問題，但我地都發現好多街坊其實對於鳩鴿同場地嘅關係有誤解，例如會直接扣連鳩鴿同傳染病。🙈

而另一方面，我哋都留意到有關心鳩鴿嘅朋友又對於場地開放表示憂慮，對於我地機構嘅發展方針亦唔了解。😢

點樣做到鳩鴿相關嘅知識主流化，再令持唔同立場而又關注嘅人願意走埋一齊，o係有認識基礎同足夠信任嘅情況下傾，似乎係黎緊一個好重要嘅工作。💪💪

如果大家知道水渠道同空地嘅故事，歡迎留言或者inbox同小編講！

Photo credits: Max Au

#水渠道社區實驗 #連結彼此 #公共空間 #水渠道
------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

【社區實驗報告焦點（二）：使用者遺留垃圾】😢小編每晚返去水渠道空間閂門時，有時都總會見到唔少垃圾留咗係空地，例如：紙包飲品盒、紙巾、啤酒罐、膠袋等等。💩而呢種垃圾問題，都唔係一次兩次，而係持續地出現，有時都會令小編非常無力：既想開放空間畀公...
23/06/2022

【社區實驗報告焦點（二）：使用者遺留垃圾】😢
小編每晚返去水渠道空間閂門時，有時都總會見到唔少垃圾留咗係空地，例如：紙包飲品盒、紙巾、啤酒罐、膠袋等等。💩而呢種垃圾問題，都唔係一次兩次，而係持續地出現，有時都會令小編非常無力：既想開放空間畀公眾使用，但係，又感覺太多人唔珍惜呢片空間，而遺留垃圾……😢

垃圾問題仲會令空間愈來愈污糟，而且亦會惹曱甴🪳、鼠蟲🐀。因此，點樣提高使用者衞生意識都係嚟緊重要嘅方向～～～

如果大家知道水渠道同空地嘅故事，歡迎留言或者inbox同小編講！

#水渠道社區實驗 #連結彼此 #公共空間 #水渠道
------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

【社區實驗報告焦點（一）：劏房街坊、家庭照顧者唞啖氣】☕️水渠道公共空間開放後，小編都落過去同唔同使用者傾偈。🗣其中發現好多劏房街坊都趁晚上涼爽時段落嚟坐下。劏房街坊嘅居住環境往往相當狹窄，有時連招呼朋友都無辦法。水渠道空間可以令劏房街坊落...
21/06/2022

【社區實驗報告焦點（一）：劏房街坊、家庭照顧者唞啖氣】☕️

水渠道公共空間開放後，小編都落過去同唔同使用者傾偈。🗣其中發現好多劏房街坊都趁晚上涼爽時段落嚟坐下。劏房街坊嘅居住環境往往相當狹窄，有時連招呼朋友都無辦法。水渠道空間可以令劏房街坊落街同朋友相聚，甚至抖下氣，讓佢哋可在忙碌生活中紓緩一下。🫂再者，早前我哋關草聯曾經做過調查，發現劏房嘅溫度相當熱，特別係依家夏天，所以可落去水渠道空間乘涼💨，都係一件樂事嚟㗎。另外，每日傍晚六至七點，都會見到一班媽媽帶著小朋友落嚟水渠道空間，小朋友係旁邊玩樂，媽媽們可以傾下偈，所以，一個舒適的公共空間對家庭照顧者來講都好重要～～～

如果大家知道水渠道同空地嘅故事，歡迎留言或者inbox同小編講！

#水渠道社區實驗 #連結彼此 #公共空間 #水渠道
------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

【水渠道前世今生之一】水渠道空地到底為何荒廢到今時今日？咁就要由水渠道呢個名講起！水渠道前身為集水渠，上接花墟道明渠。不過隨城市發展，鄰近食肆將污水倒入路邊坑渠口，亦有大廈將污水渠接駁到雨水渠，嚴重污染環境。集水渠逐漸變成城市污水露天明渠，...
20/06/2022

【水渠道前世今生之一】
水渠道空地到底為何荒廢到今時今日？咁就要由水渠道呢個名講起！

水渠道前身為集水渠，上接花墟道明渠。不過隨城市發展，鄰近食肆將污水倒入路邊坑渠口，亦有大廈將污水渠接駁到雨水渠，嚴重污染環境。集水渠逐漸變成城市污水露天明渠，其後被加蓋明渠。喺1998年申訴專員公署文件亦曾證實呢條地下加蓋明渠嘅存在。相關文件亦指出，明渠曾被建築廢料淤塞而導致旺角水浸。

而正正因為呢條地下主水渠，局限了水渠道地面的發展，無法插針式起樓發展。因此水渠道空地一度成為油站，地底另設油缸。直至喺油站結業、拆除相關設施後，便一直荒廢。

往後日子，空地被鐵絲網圍封，佢喺油尖旺區議會被稱為「小荒地」。最後區議會喺2015年通過在圍欄內設30盆大型盆栽，以美化小荒地。該地一度被擬作改建行車路，惟最終又因空間不足及地下為主水渠而告吹。

多年來，唔同地區組織同人士都曾經為開放呢塊鬧市空地而出一分力。最近關注草根生活聯盟以短期租約形式租用呢塊空地，並聯同中大建築團隊合作，嘗試將空地打造一個街坊休憩、喘息的「水渠道社區實驗」。

我哋團隊長遠希望可以喺呢塊空地上，以組合屋形式設立照顧者支援中心，同時提供公共空間畀唔同街坊使用！

如果大家知道水渠道同空地嘅故事，歡迎留言或者inbox同小編講！就等我哋之後再一齊回顧下呢片空哋係點變身啦！！！

#水渠道社區實驗 #連結彼此 #公共空間 #水渠道

資料來源： 申訴專員公署文件、區議會會議錄音、網上資料、Google Map圖片
------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

【水渠道社區實驗小報告（第一階段）】位處水渠道、通菜街交界嘅公共空間由2022年5月3日至今已經開放一個多月喇！過去一個多月嘅初始階段，我哋團隊盡量減少對空間嘅干預，並觀察使用者嘅用途👀；另一邊廂，都收集使用者的反應同埋想法，盡量根據呢啲意...
09/06/2022

【水渠道社區實驗小報告（第一階段）】

位處水渠道、通菜街交界嘅公共空間由2022年5月3日至今已經開放一個多月喇！過去一個多月嘅初始階段，我哋團隊盡量減少對空間嘅干預，並觀察使用者嘅用途👀；另一邊廂，都收集使用者的反應同埋想法，盡量根據呢啲意見來調整將來嘅安排✍️。無論如何，呢片空地已逐漸成為旺角鬧市中嘅聚腳點。🥳

根據我哋觀察，同埋使用者嘅意見，佢哋都會話喺呢度得到「治癒」嘅感覺🧘‍♀️。究竟係點樣「治癒」呢？🤔

💡每日最高使用時段為晚上時段，下午六時後開始每小時平均有十至十五人。
💡劏房街坊因家中環境狹窄，都會感覺到生活壓逼。呢片空地就會提供一個場所畀劏房街坊與朋友相聚。
💡家庭照顧者會帶小朋友落去，一方面可以畀小朋友係空地放電，另一方面亦都可以藉著呢個機會畀家庭照顧者抖下。👩‍👧‍👦
💡清潔工因為返夜更，夜晚做完嘢之後，仲有少少時間先放工，於是就會坐喺嗰度好好休息下，慰勞辛苦了一整天嘅自己。
💡後生仔會坐喺沙攤椅上睇書。

從佢哋嘅回饋得知，水渠道公共空間係一個令人喺車水馬龍嘅鬧市中憩息嘅場地。😎所以，每次見到佢哋能自在、放鬆使用呢個空間，都係對我哋關草聯嘅莫大鼓勵。💪🏻💪🏻💪🏻

另外，短短一個月內，我們曾遇上有待改善嘅困難，呢啲困難令我哋發現唔同「社區問題」或者個區本身嘅狀況，當中包括：
🌚 部份使用者在離開時，未有自行清理垃圾。
🌚 部份設施損毀：一張沙攤椅破爛。
🌚 ​​有人拋麵包及倒大量雀粟、米等餵飼白鴿，間接令雀鳥糞便散佈於場地內，加上食物沒有清理好而引來蟲鼠等，亦影響場地的衞生。
🌚地面因天雨關係而積水，容易滋生細菌。💦
🌚水渠道公共空間內運動區地面的清潔及衞生情況較其他區域差。

上述狀況令我哋開始思考：呢啲「社區問題」嘅成因究竟喺點樣呢？可以點處理呢啲具體問題？點樣能有效聆聽社區持份者嘅意見呢？我哋團隊會開始處理空地上出現嘅「社區問題」，令不同持份者各取所需，連結彼此。🗣️

接下來，水渠道公共空間將會踏進第二階段（籌辦活動階段）。喺呢個階段，我們希望嘗試提升街坊參與度，我哋亦相信，一個空間可以容納各種聲音，並平衡各種需要。未來我們計劃喺呢度舉辦不同嘅活動，以連結區內街坊與組織！🤝🤝🤝

係嚟緊幾個Post，我哋將會特別詳細講述一些觀察，希望都可當係同大家報告呢一個多月嘅狀況～～～

如果大家知道水渠道同空地嘅故事，歡迎留言或者inbox同小編講！

#水渠道社區實驗 #連結彼此 #公共空間 #旺角 #旺角好去處
------------------------
School of Architecture - CUHK
關注草根生活聯盟
非常協作 Collaborate Hong Kong
關注學童發展權利聯席 (關學聯) Alliance for Children Development Rights

Address

Nullah Road, Prince Edward
Kowloon
999077

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00
Sunday 09:00 - 18:00

Telephone

+85234812699

Website

Alerts

Be the first to know and let us send you an email when Nullahplace 水渠道社區實驗 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category