東華三院越齡 TWGHs Engage

29/05/2026

活得自在行 - 香港公園半日遊

今集兩位年輕長者主持帶各位護老者觀眾同老友記慢遊香港公園，景點包括免費入場嘅茶具文物館、有長凳休息嘅人工湖、環境優美嘅紅棉路婚姻登記處，以及輪椅友善嘅尤德觀鳥園。路面平坦，沿途有廁所同飲水機，金鐘站出口直達，適合長者散步同護老者陪同出行，等大家行得安心、玩得自在。

影片連結：
https://youtu.be/pLeflifDFD4?si=fUTl9RfFaUmw2O1Q

#東華三院 #越齡 #年輕長者 #護老者頻道 #護老者 #香港好去處 #香港公園 #長者好去處 #護老者資訊 #輪椅友善

今集兩位年輕長者主持帶各位護老者觀眾同老友記慢遊香港公園，景點包括免費入場嘅茶具文物館、有長凳休息嘅人工湖、環境優美嘅紅棉路婚姻登記處...

29/05/2026

香港電台《善報》訪問預告

好消息！東華三院越齡下星期二會接受香港電台《善報》節目訪問，同全港聽眾分享我哋嘅故事！

到時我哋嘅社工、加上「咖啡走動」嘅咖啡師義工、仲有「UPBEAT」無伴奏樂隊成員，會一齊同主持人傾吓計，介紹我哋點樣透過咖啡同音樂，連繫社區、跨代共融。

50+嘅人生，一樣可以好精彩——學新嘢、做義工、玩無伴奏、仲可以推住咖啡車周圍去送暖。

📅 播出日期：2026年6月2日（星期二）晚上8點
📻 香港電台第五台《善報》

記得較定鬧鐘收聽，支持我哋嘅金齡朋友！💪

#東華三院 #越齡 #年輕長者 #咖啡走動 #無伴奏樂隊 #善報 #香港電台

29/05/2026

益力多。多多Fun 活動花絮

益力多作為香港人耳熟能詳嘅飲品，一直深受大人細路喜愛，而越齡上星期五就帶埋一班大朋友去到位於大埔嘅益力多工場參觀。當日由益力多員工帶領，了解益力多歷史、學習健康知識、參觀生產線等，同埋緊係唔少得喺拍攝區打卡留念喇！

期待下次再同大家探索香港好去處！記得追蹤我哋嘅動態，唔好錯過之後嘅活動啊！

#東華三院 #越齡 #年輕長者 #活動花絮 #益力多 #工場參觀 #香港好去處 #香港製造

26/05/2026

走走黃大仙~認識非物質文化遺產 活動花絮

大家可能成日去黃大仙祠拜神，但你又對呢個香港數一數二重要嘅宗教地點認識幾多呢？喺上星期五，越齡帶咗一班YO去參觀黃大仙祠及黃大仙信俗文化館，喺導賞員帶領下，YO們通過各種多媒體互動裝置，深入了解黃大仙祠的歷史、建築特色、信仰以及文化意義。

如果你都想跟越齡周圍去玩、了解香港歷史，就要密切留意我哋嘅動態喇！

#東華三院 #越齡 #年輕長者 #活動花絮 #黃大仙祠 #黃大仙信俗文化館 #香港好去處

19/05/2026

退而不休 解鎖新技能 學沖咖啡巡迴社區送暖

《明報》最近訪問我哋東華三院越齡嘅「Coffee Express 咖啡走動」計劃！呢班50+咖啡師真係唔講得笑——退咗休唔單止唔得閒，仲學埋沖咖啡、考埋證書，推住架綠色咖啡車周圍去，請長者、學生、照顧者飲杯靚啡。

今次邀請咗友幫手Anny同 Crystal分享佢哋加入計劃嘅經歷，以及沖咖啡呢件事點樣拉近佢哋同年輕一代嘅距離，打成一片。越齡相信，年齡從來唔係框框，退咗休一樣可以解鎖新技能，玩出新人生！

👉 想睇佢哋嘅故事？即刻click入以下連結睇全文：
https://news.mingpao.com/pns/副刊/article/20260506/s00005/1777999644063

#東華三院 #越齡 #年輕長者 #咖啡走動 #明報專訪 #退而不休 #以啡會友

【明報專訊】不少文青心中都有一幅咖啡地圖，哪裏可喝到最佳Americano，哪間cappuccino的拉花最靚。不過，有一杯「期間限定」的心意咖啡，相信他們亦未必喝過。這杯咖啡來自一群東華三院咖啡走動計劃的50+咖啡師之手，他們.....

15/05/2026

活得自在行 - 商陽穴按摩
各位長者、護老者平時腸胃有冇唔舒服啊？今集由年輕長者介紹商陽穴按摩，商陽穴喺中醫理論中具有通便導滯、促進消化嘅作用，希望可以幫到大家啦！
影片連結： https://youtube.com/shorts/rhO1b4QzP28
#東華三院 #越齡 #年輕長者 #護老者頻道 #護老者 #照顧 #商陽穴 #按摩 #穴位 #通便 #促進消化

由年輕長者介紹商陽穴按摩，商陽穴喺中醫理論中具有通便導滯、促進消化嘅作用，希望可以幫到大家啦！ #東華三院 #越齡 #年輕長者 #護老者頻道 #護老者 #照顧 #商陽穴 #按摩 #穴位 #通便 #促進消化

13/05/2026

UPBEAT 國際無伴奏馬拉松音樂會表演

#東華三院 #越齡 #年輕長者 #無伴奏合唱 #表演 #香港國際無伴奏合唱節2026 #藝術無界限 #我們都是這樣長大的

13/05/2026

UPBEAT國際無伴奏馬拉松音樂會表演

越齡年輕長者無伴奏樂隊UPBEAT好榮幸再度獲香港國際無伴奏合唱節2026邀請，參與喺 3月28日舉行嘅「國際無伴奏馬拉松音樂會」！當日雲集多隊本地及海外嘅無伴奏合唱單位，而我哋UPBEAT就繼續以年輕長者嘅身份，用音樂打破年齡界限！

今年我哋準備咗兩首風格截然不同嘅歌：
🎶AGA《CityPop》，用城市節奏展現年輕長者嘅型格與熱情
🎶鄭秀文《我們都是這樣長大的》，以真摯和聲唱出人生經歷嘅沉澱與領悟UPBEAT用行動話俾大家知：藝術無關年齡，舞台屬於每一個有夢嘅人！

多謝每一位到場支持嘅朋友，我哋會繼續用音樂活出精彩第二人生，請密切留意我哋嘅動態！

#東華三院 #越齡 #年輕長者 #無伴奏合唱 #表演 #香港國際無伴奏合唱節2026 #藝術無界限 #我們都是這樣長大的

20/04/2026

活得自在行 – 九龍城一日遊（下）

各位護老者，帶老友記出街唔一定要去商場。今次我哋行勻九龍城三個充滿舊香港味道嘅地方：九龍寨城公園南門遺址、侯王古廟同石屋家園！南門遺址地面平坦，適合長者慢慢行。但要留意：侯王古廟需要行一段樓梯上去，石屋家園都有少量樓梯，如果長者行動唔太方便，可以喺外面睇吓外圍，或者喺附近坐低休息吓。南門遺址可以睇到昔日寨城嘅界石，石屋家園就帶老友記重返舊時生活場景，勾起滿滿回憶。

同老友記一齊散步、打卡、傾下當年往事，就係最窩心嘅陪伴。快啲睇片，跟住我哋嘅年輕長者主持出發啦～

影片連結：https://youtu.be/HEdGdpT2kdk?si=-QJYr5D9WOBff0tB

#東華三院 #越齡 #年輕長者 #護老者頻道 #護老者 #九龍城 #宋皇臺站 #香港好去處 #九龍寨城公園 #侯王古廟 #石屋家園 #懷舊之旅

10 likes, 2 comments. "活得自在行 – 九龍城一日遊（下）"

15/04/2026

萬馬奔騰賀新歲 活動花絮

今年，越齡聯同方樹泉長者地區中心以及方樹泉綜合家居照顧服務中心，喺3月11號舉辦聯合春茗🎊，同大家共度新春佳節！當日我哋好榮幸邀請到東華三院社會服務科區域主任（港島東）黃詠澬女士嚟到現場，同大家一齊歡度佳節，氣氛相當熱鬧！

當日嘅表演一浪接一浪！越齡嘅K-POP、印度舞、Ukulele、仲有UPBEAT表演，個個都睇到拍晒手掌👏！除咗精彩表演，當然唔少得幸運大抽獎🎁同 財神送福🧧啦～大家滿載而歸，個個都笑住走！

多謝每一位出席嘅越齡人，一齊過咗個咁開心嘅下午！下年再見！🎉

#東華三院 #越齡 #年輕長者 #馬年 #春茗 #花絮 #印度舞 #無伴奏合唱 #新春快樂