幼稚園工作室 Kindergarten Insane Studio

幼稚園工作室 Kindergarten Insane Studio 我們是一個社區文化教育平台。旨在連結對香港有想法的朋友，一起忘記規限，回歸幼稚，重新建構我們的社區。

我們是一個社區文化教育平台。

旨在連結對香港有想法的朋友，一起忘記規限，回歸幼稚，重新建構我們的社區。「成長」令我們為自己設限，這裡希望大家忘記任何規範，忘掉一切對錯，找尋原本的你，尋回生活基本價值及原則。

我們會跟不同界別的手工藝師，一起合作構思、研發、開辨社區課程及生活產品，幼稚地愛，把我們的生命故事融合於工藝品並把訊息發放。

“Figure Out Our Social Rules And Norms On Our Own”
讓我們喘息、尋找動力、想像生活、實踐夢想，然後快樂地生活。

－－－－－－－－－－－－－－－－－－－－－－－－－
工作室現時有八位常規導師，提供各種手工藝課程、身心靈課程、講座分享、導賞團遊覽、攤位活動及市集服務。

三年間，曾跟五十個單位合作，包括幼稚園、中小學、大專院校、福利及非牟利團體、藝團、政府部門及商業機構。兩度被邀到台灣推廣香港文化，並參與多個

推廣本土文化項目及展覽 。

。參與展覽。
1.《[創藝• 傳承]西貢Teen藝術創作》2017-2018
機構：香港家庭福利會_藝進同學會賽馬會將軍澳青年坊
2.《教我啦師傅》2017
機構：香港教育大學_藝展計劃 VAECD Project -
3《失敗日常展》2019
機構：救世軍油麻地青少年綜合服務
4《1950 Heritage Art Fair》2019
機構：東南樓酒店

。參與項目。
1) 《一口吃下香港：港味市集》2018
機構：質人文化創意
2)《「境遇──五個人」》設計展覽紀念品2019
機構：M+西九文化區
3)《當我和世界不一樣》台灣交流團2019
機構：JUMP 聯校心理健康推廣計劃

《幼稚日誌：關於自己既文字》👩🏽‍🏫我：「點解唔寫自己嘅語言嘅？」💁🏽學生們：「其實我都唔係好識寫，識聽識講，但而家都係用英文溝通。」大家都知道語言係一個國家最重要嘅資產；當一種語言消失，如同整個文化消失。他鄉成長嘅小朋友，對於自己民族或家...
20/04/2025

《幼稚日誌：關於自己既文字》

👩🏽‍🏫我：「點解唔寫自己嘅語言嘅？」
💁🏽學生們：「其實我都唔係好識寫，識聽識講，但而家都係用英文溝通。」

大家都知道語言係一個國家最重要嘅資產；當一種語言消失，如同整個文化消失。

他鄉成長嘅小朋友，對於自己民族或家鄉嘅認知減少，看似係理所當然嘅結果。但究竟應該讓佢哋保留係自己嘅文化定係融入成長地嘅文化？

最理想當然係兩個文化共同擁護，但真係可以咁理想嗎？我哋追逐緊嘅香港核心價值其實又係啲咩呢？

#幼稚園工作室 #傳統工藝 #文化保育 #花牌工藝 #迷你花牌 #工作坊 #香港文化 #本土文化 #黃乃忠 #新忠花店

迷你花牌體驗
時數：2-6小時
人數：2-200人

歡迎個人及團體查詢

《幼稚日誌 ：終於終於第一次真正全英文教學》示範摺花方法時，👩🏽‍🏫我忍唔住問啲學生：「How can I describe this accurately？」💁🏼‍♀️💁同學們好努力咁講出唔同嘅形容方法，之後仲會主動同我研究點樣講會更加好...
20/04/2025

《幼稚日誌 ：終於終於第一次真正全英文教學》

示範摺花方法時，👩🏽‍🏫我忍唔住問啲學生：「How can I describe this accurately？」

💁🏼‍♀️💁同學們好努力咁講出唔同嘅形容方法，之後仲會主動同我研究點樣講會更加好。

🌱唔夠自信=自己唔夠信？

一直都有唔同團體邀請全英文教學，基於唔夠自信，咁多年冇翻譯或助教幫手的話，只係第一年教過一次。

然後突然覺得自己憑咩呀！？英文又差！
驚失禮香港人嘅心態，無翻譯就一直拒絕到底。

嚟到工作室嘅第八年半！
終於儲夠自信啦！可以嘗試啦！而結果確實呢係令我覺得感動嘅。

呢班16人嘅初中生黎自尼泊爾、印度、日本、菲律賓、巴基斯坦。花牌係全新嘅領域，所以佢哋會比一般本地學生更加好奇，會諗會問會唔明。雖然每一節得45分鐘，但佢哋高度專注，想學想知仲會認真做。

突然問自己：會唔會只係唔夠信呢個工藝有足夠價值？

☘️2020年尾曾立下左個目標

《無論如何10年之後呢啲中西文化混雜嘅文化工藝，都仲要存在。》

喺教香港人嘅過程，成日都會有啲失望。到今日大家都會比較認同同支持外國文化或工藝，大部分人依然停留喺懷舊同瞻仰遺容嘅階段，而唔會思考點樣重新建立我地獨有嘅文化工藝。

😐而教緊呢班同學時突然對自己產生批判：
一直都知道香港有好多唔同種族嘅人存在，但都從來都冇實際真正互相了解同融合。

發現對香港文化嘅底蘊唔夠自信係因為一直都將香港文化睇得太細。唔同地區種族國家嘅文化匯集，先係真正香港文化。

🍀文化保育係一直思考人類需要嘅文化去保護同教育。🍀

1️⃣希望未來同大家繼續探討乜嘢係香港文化？
2️⃣我哋選擇同相信緊啲乜嘢？

#幼稚園工作室 #傳統工藝 #文化保育 #花牌工藝 #迷你花牌 #工作坊 #香港文化 #本土文化 #黃乃忠 #新忠花店

迷你花牌體驗
時數：2-6小時
人數：2-200人

歡迎個人及團體查詢

⏳香港人有個有趣時差每年1月1日開始到農曆新年前都會瘋狂做回顧、Emo、諗呢年目標，進入神秘嘅緩衝沉澱期。當過埋農曆新年呢幾日假就好似真真正正開始新一年。‼️而我今年得一個目標：實踐相信‼️-信即人言：可畏又可敬、究竟信緊啲乜、點解要信-相...
29/01/2025



⏳香港人有個有趣時差

每年1月1日開始到農曆新年前都會瘋狂做回顧、Emo、諗呢年目標，進入神秘嘅緩衝沉澱期。當過埋農曆新年呢幾日假就好似真真正正開始新一年。

‼️而我今年得一個目標：實踐相信‼️

-信即人言：可畏又可敬、究竟信緊啲乜、點解要信
-相即彼此、審視或輔助：要點樣互相、點樣觀察、點樣實踐

-實踐即執行：決心唔再做last minute fighter!

⏳當上年探討「民主生活化 」時，
嘗些針對展開衝突，以表達去溝通；以溫柔解開不同，實踐民主生活。

發現成效很好但困難度極高！
然後，就發現大家相信或出發點跟本唔同，所以就有左今年呢個方向喇！

🟨🟨🟨🟨總結分隔線🟩🟩🟩🟩
「文化保育」就係讓內在嘅自己跟外在嘅世界嘗試放在同一水平線，一起學習如何從各種不同找到或創造那點平衡。

今年就從「理解相信」“「實踐相信」黎做起點。

🟩期待同大家係香港呢個幼稚花園繼續探索！🟩

#幼稚園工作室 #我係香港人 #文化保育 #相信 #堅持 #實踐 #諗到就下做系列 #信咪試下做系列 #傳承 #工藝 #形而上 #花牌 #迷你花牌 #工作坊 #小店


#歡迎私人或公司機構查訊
時數：2-5小時
人數：2-200人

圖：小學中華文化日200人的花牌活動花絮

#2025🌱2025年進入第11天，突然有種（我好似終於見返自己）嘅狀態。多謝2021-2024年迷左路但堅持繼續搵路嘅自己；多謝無論你知定唔知都係我身邊嘅朋友；更多謝身邊曾經忍受我情緒高低起伏嘅朋友同伴家人們。當然亦同樣好重要係多謝喜...
11/01/2025

#2025
🌱2025年進入第11天，突然有種（我好似終於見返自己）嘅狀態。

多謝2021-2024年迷左路但堅持繼續搵路嘅自己；
多謝無論你知定唔知都係我身邊嘅朋友；
更多謝身邊曾經忍受我情緒高低起伏嘅朋友同伴家人們。

當然亦同樣好重要係
多謝喜歡、欣賞同支持幼稚園工作室嘅你地。
係呢到提供空間同養份支撐同陪伴住我！

接下來都係果一句：要繼續多多指教！

🍀備註一句：放心。我無情緒病。
只係有啲人生關口需要啲時間，只有自己先幫到自己。

幼稚課程2025-木目系列我問印章導師😺「有咩圖案令你會心微笑？」印章導師😺：「當外星貓思考貓生點解有咁多限制嘅時候，抬頭望一望夾縫中嘅天空發呆一陣，你就自然會得到釋懷。」傳統上，「利是」代表分享同接收福氣的習俗。身為香港人撐過一年已經好唔...
07/01/2025

幼稚課程2025-木目系列


我問印章導師😺「有咩圖案令你會心微笑？」

印章導師😺：「當外星貓思考貓生點解有咁多限制嘅時候，抬頭望一望夾縫中嘅天空發呆一陣，你就自然會得到釋懷。」

傳統上，「利是」代表分享同接收福氣的習俗。身為香港人撐過一年已經好唔容易，不如同幼稚園工作室一齊儲儲氣，進入雕刻世界感受平靜，創作一個會令自己微笑的專屬印章，再印個一個可以講故事的利是封。

內容：
1) 靜一靜，會心微笑
2) 分享印章雕刻來龍去脈
3) 創作及雕刻會令自己笑的印章
4) 教授凸粉運用技巧
5) 製作利是封

🔖詳情：(二選一)
第一節：2025年1月12日(日) 2pm-530pm
地點：幼稚園工作室（土瓜灣落山道108號）

第二節：2025年1月18(日) 2pm-530pm
地點：(THIRSTY渴喝 （長沙灣青山道452號）

人數：4-8人 (15歲或以上)
費用：$380
查詢：陳小姐 92608606 (可WTSAPP/SIGNAL)

🔖導師介紹:
Aliencat@PLM Production
橡皮印章創作人，於 2011 年考獲導師証書，2010 開始從事教學及多方面的印章創作，因為她能帶來快樂，是我表達自己及跟外界溝通的媒介，更讓我反思生活模式並作出改變。於 2011 及 2012 年獲日本橡皮印章設計賞

👧🏽「我地唔講工藝住，先好好呼吸同感受自己先。」👩🏻「畫畫真係好赤粿」👩🏻「我真係好難被引導。」香港人太習慣用思考生活，咩都要計一計分析一下，慢慢遺失左本能、直覺、同感受自己嘅能力。👨🏻「就係細佬先做到。」咁點解細個做到而家會做唔到?最記得...
06/01/2025



👧🏽「我地唔講工藝住，先好好呼吸同感受自己先。」

👩🏻「畫畫真係好赤粿」
👩🏻「我真係好難被引導。」
香港人太習慣用思考生活，咩都要計一計分析一下，慢慢遺失左本能、直覺、同感受自己嘅能力。

👨🏻「就係細佬先做到。」咁點解細個做到而家會做唔到?

最記得畫一筆畫時，參加者只需要望住鏡入面既自己畫自畫像，但大家第一次都做唔到唔望紙。有人話：「我無望呀」但望一望自己畫時又諗起真係望左。

🟡係怕出錯？怕唔靚？習慣左畫畫既方法？🟡
答案當然有好多好多好多個，但有時當我地嘗試另一種方式體驗，放低思考，可能都係俾多一選擇或角度自己生活。

⚫請勿忘記能感受、敍述與溫柔地表達自己的能力，己承載著能改變的力量。⚫

希望呢個畫畫過程能為大家差一差電。
感謝大家嘅投入同專注。
感謝'Thirsty 渴喝。

#幼稚園工作室 #畫畫 #靜觀 #工作坊 #觀察 #放下 #專注 #回顧 #花牌工作坊

#關於2025新動向👩🏻「我覺我你明我想要啲咩。」👩🏻「放心! 支持你!」今次同Thirsty .hk 合作源於4年前同Lexi一個展覽的相遇，4年後仍然被記起係感動的。🟡首次同Thirsty合作的主題為：年尾「回顧」。🟡回歸返初心：用...
06/01/2025

#關於2025新動向

👩🏻「我覺我你明我想要啲咩。」
👩🏻「放心! 支持你!」
今次同Thirsty .hk 合作源於4年前同Lexi一個展覽的相遇，4年後仍然被記起係感動的。

🟡首次同Thirsty合作的主題為：年尾「回顧」。🟡
回歸返初心：用中設計一個將「而家的我們」跟「以前的文化」連返一齊- 即透過靜觀完成速畫，再將感受結合傳統工藝班，創作一份由心而發的禮物俾自己。

希望大家對傳統工藝有一個全新既理解。

⚫因為相信所以堅持 因為堅持所以看見⚫
最近「相信」呢兩個字經常出現係我眼前，包括呢位參加者嘅作品。但當太耐都「看見」唔到成果，自然就會質疑「堅持」同「相信」緊啲咩？

由好耐之前已經知道，所謂既「看見」係行緊一條永遠見唔到最終大佬嘅路，只會看見好多好多好多階段性變化。

👨🏽「你呢個諗法好好，改變到當然好。但我見唔到可以點做。」點做到我都答唔到，但如果大家都覺得係「好」嘅方向。不是就已經足夠了嗎？就已經足夠拎出黎試試實踐了吧。

‼️打左咁長 重點係‼️
黎緊工作室會係一個關於探討「相信」嘅一年。

相信緊啲咩？
唔信緊啲咩？
相又真係做到？
做到真係因為信？
等等等...

🟡🟡🟡
而點都要多謝一直一直一直留意我呢到嘅每一個你。
「你」就係我看見，而讓我堅持同相信嘅養份。

無你地我跟本行唔到落去。
萬年等待我更新嘅朋友。
黎緊真係會有一系列班啦。

愛你地啊。♥️

#幼稚園工作室 #傳統工藝 #花牌 #新忠花店 #相信 #文化保育 #文化教育 #工作坊 #香港人 #香港工作坊 #迷你花牌 #速畫 #藝術工作坊 #渴喝

Address

Hong Kong

Telephone

+85292608606

Website

Alerts

Be the first to know and let us send you an email when 幼稚園工作室 Kindergarten Insane Studio posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 幼稚園工作室 Kindergarten Insane Studio:

Shortcuts

Share

Category

幼稚園工作室 Insane Garten Studio

香港社區實驗平台，成立於2016年7月。兩條校規： 1) 帶住初心 2) 保持幼稚 工作室旨在連結對香港有想法的朋友，回歸幼稚，重新建構我們的社區。「成長」令我們被設限，這裡需要大家拋開所有規範，忘掉對錯，找尋原本的你，尋回生活基本價值及原則。

主要跟不同界別的手工藝師，一起合作構思、研發、開辨社區課程及生活產品，把我們的生命故事融合於工藝品並把訊息發放。

“Figure Out Our Social Rules And Norms On Our Own” 讓我們喘息、尋找動力、想像生活、實踐夢想，然後快樂地生活。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 現時有八位常規導師，提供各種手工藝課程、身心靈課程、講座分享、本地導賞團遊覽、攤位活動及市集服務。 三年間，工作室已跟五十個單位合作，包括幼稚園、中小學、大專院校、福利及非牟利團體、藝團、政府部門及商業機構。兩度被邀到台灣推廣香港文化，並參與多個推廣本土文化項目及展覽項目 。