https://www.facebook.com/868498033005746/

挪亞教育基金 Noah's Academy Foundation

Home
Hong Kong
Hong Kong
挪亞教育基金 Noah's Academy Foundation

「挪亞教育基金」成立於2024年，旨在為不同年齡階層人士提供寓教育於娛樂的多元化活動及互動體驗，培養參加者持續學習的熱誠，並在個人和社會方面建立正向價值觀。

08/06/2026

【📢「保育角色創作及造型比賽」結果出爐喇！感謝大家踴躍支持～】

透過「環境及自然保育基金資助 - 珍愛地球」宣傳及教育項目，本會主辦嘅「保育角色創作及造型比賽」已經順利完成評選🎉 感謝咁多位同學仔同家長嘅用心參與，善用回收物料創造出充滿創意嘅保育角色，仲拍片分享環保訊息，真係好值得欣賞👏
經過大會評審團嘅評分，再加埋公眾投票嘅支持下，我哋終於選出10個優異作品！排名不分先後，結果如下：
● 2號作品【環保小保保】
● 4號作品【環保小博士】
● 5號作品【海洋阿寶】
● 6號作品【環保小公主的回收箱】
● 12號作品【綠行戰士】
● 13號作品【紙盒機械人】
● 14號作品【清潔海洋小先鋒-大口】
● 15號作品【貝貝】
● 16號作品【守護森林小狐狸】
● 17號作品【歡樂保育小丑】

🏆 獎項安排：我哋將透過電郵通知所屬學校，家長們可以留意學校嘅公佈。
得獎作品可於活動相簿中重溫(見回覆欄)。

再次多謝每一位參加嘅小朋友、家長同老師，你哋嘅努力令地球變得更美好💚 我哋繼續一齊「珍愛地球」，由生活小細節做起！

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友
#保育角色創作比賽 #升級再造 #挪亞教育基金

20/05/2026

【📢 公眾投票開始｜投選最喜愛的保育角色】

本會透過「環境及自然保育基金資助 - 珍愛地球」宣傳及教育項目，舉辦「保育角色創作及造型比賽」。參加者需用回收物料設計一個原創保育角色，並以短片親自講解環保訊息。🌱

經過學校初選，以下17個晉級作品現正接受公眾投票🗳️

🗳️ 投票方法：
從Ablum揀選你鍾意嘅短片俾Like， 1 Like👍 = 1票。
即日起至2026年6月5日，為你鍾意嘅作品俾Like！（可Like多過1個作品）

🏆 獎項：
綜合「影片Like數」及「大會評審團」評分，選出10個優異作品，每位得獎者可獲 HK$150書券。

📌 條款及細則：
比賽結果以大會評審團最後判決為準，參賽者不得異議；挪亞教育基金保留對比賽安排的最終決定權，所有資料如有更改，恕不另行通知。

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友
#保育角色創作比賽 #升級再造 #挪亞教育基金

29/04/2026

【參觀濾水廠｜認識香港環保設施】

透過「環境及自然保育基金資助 - 珍愛地球」宣傳及教育項目，本會喺4月份舉辦咗濾水廠導賞團，帶領公眾實地參觀小蠔灣污水處理廠同埋啟德河！嚟緊5至6月，仲會有沙田污水處理廠同翠屏河接力登場!

📌 活動適合親子、學生及任何關心環境嘅公眾人士參加！大家可以親身了解香港嘅環保設施、河道活化嘅過程，認識污水處理之餘，更可提高環保意識，一齊愛惜地球!🌏

各地點特色:
✅小蠔灣污水處理廠 – 設有太陽能發電場
✅沙田污水處理廠 – 設有再造水生產設施
✅啟德河 – 活化排洪渠道後兼具防洪、休憩與生態功能
✅翠屏河 – 設跨河通道及智能水閘，更有藝術裝置與生態設施

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友
#環保教育 #挪亞教育基金 #珍惜用水

23/03/2026

【回收物料大變身！✨｜齊齊創造屬於你嘅保育角色】

環境及自然保育基金資助-珍愛地球 —「保育角色創作及造型比賽」正式啟動！🌍

誠邀幼稚園／初小學生及家長一齊發揮小宇宙，用回收物料創作環保角色，並拍低條片，齊齊宣揚「珍愛地球」訊息。

👉 參加方法好簡單：
1️⃣ 揀選物料：膠樽、舊衫、報紙……咩都得，最緊要係回收物料♻️
2️⃣ 創作角色：發揮創意，造一個屬於你嘅保育英雄
3️⃣ 拍攝短片：3分鐘內，介紹你嘅角色同環保訊息
4️⃣ 上傳作品：Scan QR code 或 click 以下連結提交

📅 截止日期：2026年4月26日
📥 提交連結：https://forms.gle/XKargv2ZWRjuu16c8

🏆 獎項：
🗳 公眾投票（Facebook Like） + 👨‍🏫 專業評審選出 10個優異作品，每位得獎者可獲 $150書券！
得獎結果：2026年5月26日以電郵通知

📌 拍片小提示（俾家長）：
✅ 唔使怕醜，小朋友點講都得，最緊要夠真
✅ 可以唔出樣，只拍角色 + 配音都得
✅ 拍攝時記得確保光線充足、聲畫清晰

詳情請參閱海報。立即行動，發揮創意，齊齊珍愛地球！🌱
*受條款及細則約束

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友
#馬灣 #環保教育 #挪亞教育基金 #珍惜用水

03/03/2026

【認識如何保護水資源】

知道現時污水處理設施，每日處理幾多污水嗎？

本會透過環境及自然保育基金資助-珍愛地球項目，於 #香港馬灣公園挪亞方舟「珍愛地球館」設置【環保展覽】，展示💧香港污水處理過程，加深大眾對保護水資源的認識。

📅展期：即日起至2026年8月31日
📍地點：香港馬灣公園挪亞方舟「珍愛地球館」

另外，本會亦會為公眾安排【污水處理廠導賞團】，親身了解現代科技如何解決環保問題，學習珍惜水資源。

💧報名查詢：電郵 [email protected]

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友
#馬灣 #環保教育 #挪亞教育基金 #珍惜用水

15/12/2025

【濾水器工作坊｜學習保護海洋】

環境及自然保育基金資助-珍愛地球 —「濾水器工作坊」以互動體驗讓幼稚園學生認識保護海洋嘅重要性！

💧喺藍色水波燈光下，大家彷彿置身海底世界，同學們專注聆聽導師講解海洋生態面對嘅危機。之後，小朋友模擬拯救海洋動物，加深認識污染問題點樣影響動物生存。

通過觀看影片及導師講解，同學初步認識香港污水處理設施，仲一齊合作造濾水器，學習污水過濾原理，喚起珍惜用水意識。

活動鼓勵小朋友同家人實踐環保生活習慣，透過節約用水、妥善處理廚餘、選用環保清潔產品，由源頭減少污染，一起守護地球。

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友
#馬灣 #環保教育 #挪亞教育基金

21/11/2025

【植物智慧導賞｜提高樹木保育意識】

環境及自然保育基金資助-珍愛地球 —「植物智慧導賞」，為幼稚園學生帶來寓學於樂嘅戶外植物探索之旅！

🌱小隊員跟住導師，喺香港馬灣公園，啟動感官學習，觸摸棕櫚樹、辨認簕杜鵑嘅顏色，認識各種植物嘅生態價值。

🌳🍂小朋友亦都用落葉拼貼出充滿大自然氣息嘅相框，欣賞葉子獨特形態之餘，更認識到樹葉可以透過光合作用吸收空氣中嘅二氧化碳，樹木有助減緩地球暖化。

活動喺學生心裡種下 #珍愛地球嘅種子，鼓勵佢哋多接觸同愛護大自然，並提高樹木保育意識。

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友 #馬灣 #環保教育 #挪亞教育基金

28/10/2025

【2025-26年度「環境及自然保育基金資助-珍愛地球」已啟動】

本會成功申請「環境及自然保育基金資助-珍愛地球」宣傳及教育項目。項目為期一年，已於2025年9月正式啟動，旨在讓一千名幼稚園學生從小建立環保意識，養成保護環境的生活習慣，並提升公眾對環境保護的關注。

項目由三大主要活動組成：
【植物智慧導賞】🌳帶小朋友探索樹木嘅生態價值;
【濾水器工作坊】💧讓同學了解污水處理同水資源保護;
【保育角色創作及造型比賽】🐳鼓勵學生同家長利用回收物料設計漫畫角色，宣傳環保。

除此之外，公眾都可以到香港馬灣公園挪亞方舟參觀環保展覽，或者參加小蠔灣污水處理廠導賞團（報名查詢請電郵本會[email protected]）。

記得Follow我哋，一齊學習環保知識，珍愛地球就係咁簡單！🌎

本帖文內容並不反映或代表香港特別行政區政府或環境及自然保育基金的立場。

#環境及自然保育基金資助 #環保友 #環保教育
#馬灣 #挪亞教育基金

Address

香港新界馬灣珀欣路33號 No. 33 Pak Yan Road, Ma Wan, New Territories
Hong Kong
852

Website

facebook.com

Alerts

Be the first to know and let us send you an email when 挪亞教育基金 Noah's Academy Foundation posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 挪亞教育基金 Noah's Academy Foundation:

Shortcuts

Want your organization to be the top-listed Non Profit Organization in Hong Kong?