木蒔導賞 Leafy Hour Docent

木蒔導賞 Leafy Hour Docent 蒔語如脈 🌿 Every Leaf Tells

2026年8月27日觀塘潮僑工商盂蘭勝會舉辦「文化導賞」，當日木蒔導賞員將是其中一位義務導賞員，與大家分享盂蘭背後施食濟貧的歷史文化和孝道精神，歡迎大家參與，屆時見。
23/08/2026

2026年8月27日觀塘潮僑工商盂蘭勝會舉辦「文化導賞」，當日木蒔導賞員將是其中一位義務導賞員，與大家分享盂蘭背後施食濟貧的歷史文化和孝道精神，歡迎大家參與，屆時見。

木蒔將於九月十二日及十三日舉辦「荃灣導賞行」，分別到訪天后宮、三楝屋博物館和賽馬會德華公園，分享天后故事、荃灣陳氏家祠(三楝屋）、香港非物質文化遺產資訊，以及海壩村的過去和最新面貌等。集合和報名資訊：日期：2026年9月12/13日(星期六...
22/08/2026

木蒔將於九月十二日及十三日舉辦「荃灣導賞行」，分別到訪天后宮、三楝屋博物館和賽馬會德華公園，分享天后故事、荃灣陳氏家祠(三楝屋）、香港非物質文化遺產資訊，以及海壩村的過去和最新面貌等。

集合和報名資訊：

日期：2026年9月12/13日(星期六/日)
時間：1400-1700時
地點：荃灣地鐵站
報名連結 (IG Profile)：
12/9: https://forms.gle/7Uxp2kLvKpJNf9QQ9
13/9: https://forms.gle/ZDgJ4YrYbMXxtgKcA

行程：
1.⁠ ⁠二級歷史建築荃灣天后宮
2.⁠ ⁠法定古蹟荃灣三楝屋博物館(香港非物質文化遺產中心)
3.⁠ ⁠賽馬會德華公園(法定古蹟海壩村古屋，以及三級歷史建築海壩村民宅和義璋陳公祠)
4.⁠ ⁠丟空40年美港貨倉(免費加長版)
5.⁠ ⁠鄧氏「半月照潭」祖墓(免費加長版)
6.⁠ ⁠南豐紗廠解散(免費加長版)

費用：80元

備註：

1.⁠ ⁠木蒔荃灣導賞行全程為三合土路，輕鬆易行。其中「標準版」行程的天后宮、三楝屋博物館及德華公園相距不遠，步程不用半小時，但計及參觀和講解時間，預計需3小時。

2.⁠ ⁠為提高參加者對荃灣區的認識，特設免費「加長版」，徒步到訪美港貨倉、鄧氏祖墓和南豐紗廠，步程約半小時，途中參加者可按個人需要，在通知木蒔工作人員後可自行離開。

3.⁠ ⁠海壩村(德華公園)古屋、民宅和公祠，以及鄧氏祖墓均未有對公眾開放，只在外圍導賞。

4.⁠ ⁠「木蒔」為非營利導賞服務，非註冊旅行社，活動不涉及旅遊套餐或保險承保，須自承任何風險，並明確免除「木蒔」及其人員對任何人身傷害、財產損失或衍生經濟損失的法律責任。

#荃灣導賞 #香港導賞 #本地文化遊 #木蒔導賞 #香港好去處

歲月留痕，手雕麻雀的堅持與傳承 踏入今次拍攝場地「別來無恙」，牆上閃爍嘅霓虹燈字眼，宛如向這門逐漸式微嘅傳統手藝發出嘅一聲溫柔問候。昔日威靈頓街、油麻地同廣東道一帶，麻雀牌店林立。如今隨著機製牌普及，手雕麻雀嘅輝煌時代已過，堅守落嚟嘅店舖寥...
06/08/2026

歲月留痕，手雕麻雀的堅持與傳承

踏入今次拍攝場地「別來無恙」，牆上閃爍嘅霓虹燈字眼，宛如向這門逐漸式微嘅傳統手藝發出嘅一聲溫柔問候。

昔日威靈頓街、油麻地同廣東道一帶，麻雀牌店林立。如今隨著機製牌普及，手雕麻雀嘅輝煌時代已過，堅守落嚟嘅店舖寥寥無幾，主要靠翻新修補、辦工作坊、做客製化產品同旅遊紀念品，喺時代嘅夾縫中掙扎求存。

傳承三代嘅「標記麻雀」張順景師傅坦言，雖然手雕麻雀獨一無二，深受收藏家同遊客喜愛，但自己並冇計劃尋找「接班人」，因為唔想徒弟學成之後，要面對潮流退去、難以為生嘅困境。張師傅只希望，這門傳統技藝可以透過影像、紀錄傳承落去，成為大家心中永不磨滅嘅集體記憶。

歲月會流逝，但這些凝聚咗幾代人智慧嘅香港故事，值得我哋繼續用心記錄同細味。

#香港集體回憶 #文化傳承 #本土文化 #手雕麻雀 #香港故事

———
Photography: Hei Nam | 香港攝影師🇭🇰
Makeup Artist: 𝐋𝐨𝐮𝐢𝐬𝐞 𝐂𝐡𝐞𝐧𝐠
Models: Bobo Lai ₍ᐢ •͈ ༝ •͈ ᐢ₎ ♡ 𝐻𝑒𝑖𝑑𝑖🦋 🥬
Florist: 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article written by: 木蒔導賞 Leafy Hour Docent
Venue: SoleFete別來無恙🔸 葵涌·港式復古風主題 PARTYROOM / 懷舊影樓
Mahjong: 日暮 YAT MO Vintage

快、狠、準144隻麻雀牌背後，刀尖上的匠人精神 由一塊膠料到可以「攻打四方」嘅一副麻雀（一共144隻牌），背後需要經歷【截牌】、【磨牌】、【雕刻】同【上色】四個繁複工序，每一步都極考師傅功！昔日喺手雕麻雀嘅師徒制下，學徒要一步步由淺入深咁練...
06/08/2026

快、狠、準
144隻麻雀牌背後，刀尖上的匠人精神

由一塊膠料到可以「攻打四方」嘅一副麻雀（一共144隻牌），背後需要經歷【截牌】、【磨牌】、【雕刻】同【上色】四個繁複工序，每一步都極考師傅功！

昔日喺手雕麻雀嘅師徒制下，學徒要一步步由淺入深咁練起：
- 筒子：先學最基本，利用上下拉動橫軸嘅「鑽咀」，配上唔同刀片鑽出大小不一嘅同心圓。
- 索子 & 白板：用「索刮」拉出雛型，再用雕刻刀加深線條。
- 萬子、紅中 & 花：掌握好基本功後，先開始用雕刻刀一筆一劃刻出流暢有力嘅楷書字體。

雕刻過程必須做到「快、狠、準」，只要稍微分神「雕壞」咗一隻，成副牌就前功盡廢！刻完之後，要在牌面塗上滑石粉，用毛筆細緻地掃上紅、藍、綠三色，小心鏟走多餘顏料，最後放進燈箱烘乾。一副手雕麻雀，往往要耗費三至五天嘅極致專注先可以完成。

機器造嘅牌隻隻一樣，但手雕麻雀嘅每一刀，都帶住師傅嘅體溫同靈魂。

#手雕麻雀工藝 #匠人精神 #香港手藝 #非遺傳承 #工藝之美

———
Photography: Hei Nam | 香港攝影師🇭🇰
Makeup Artist: 𝐋𝐨𝐮𝐢𝐬𝐞 𝐂𝐡𝐞𝐧𝐠
Models: Bobo Lai ₍ᐢ •͈ ༝ •͈ ᐢ₎ ♡ 𝐻𝑒𝑖𝑑𝑖🦋 🥬
Florist: 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article written by: 木蒔導賞 Leafy Hour Docent
Venue: SoleFete別來無恙🔸 葵涌·港式復古風主題 PARTYROOM / 懷舊影樓
Mahjong: 日暮 YAT MO Vintage

BTS - 麻雀檯上的「竹」與花「碰！」、「吃！」 對好多香港人嚟講，打麻雀唔單止係一種娛樂，更加係一家人、三五知己圍坐一堂嘅溫馨時光。香港人常稱麻雀館為「竹館」，其實係有跡可尋㗎！喺二十世紀中期，早期的麻雀牌係喺木塊或者竹片上面，以「刮竹...
06/08/2026

BTS - 麻雀檯上的「竹」與花

「碰！」、「吃！」 對好多香港人嚟講，打麻雀唔單止係一種娛樂，更加係一家人、三五知己圍坐一堂嘅溫馨時光。

香港人常稱麻雀館為「竹館」，其實係有跡可尋㗎！喺二十世紀中期，早期的麻雀牌係喺木塊或者竹片上面，以「刮竹」嘅方式一刀刀雕刻出嚟。後來雖然演變到用亞加力膠物料，但這份巧奪天工嘅手藝，依然被列入香港非物質文化遺產（134個傳統手工藝類別之一）。

今次我哋特別用上「竹筒」作為花器，將竹嘅剛硬與花藝嘅柔美結合，擺上呢張充滿歲月痕跡嘅麻雀檯。當優雅嘅花藝遇上傳統手雕麻雀，線條與色彩相互映襯，摸一摸牌面上嘅凹凸感，那唔單止係手感，更加係幾代香港人沉澱落嚟嘅集體回憶。

#手雕麻雀 #香港非物質文化遺產 #香港傳統文化 #老香港 懷舊風 #本土文化

———
Makeup Artist: 𝐋𝐨𝐮𝐢𝐬𝐞 𝐂𝐡𝐞𝐧𝐠
Models: Bobo Lai ₍ᐢ •͈ ༝ •͈ ᐢ₎ ♡ 𝐻𝑒𝑖𝑑𝑖🦋 🥬
Florist: 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article written by: 木蒔導賞 Leafy Hour Docent
Venue: SoleFete別來無恙🔸 葵涌·港式復古風主題 PARTYROOM / 懷舊影樓
Mahjong: 日暮 YAT MO Vintage

#木蒔職人訪問系列 #木蒔職場獵人 爬蟲美容師 老虎茶樓 Tiger Teahouse 「爬蟲美容師」Ricky於三年前放下足以糊口的設計工作，全身投入烏龜、蛇、蜥蜴，以至蟑螂等爬蟲等動物的「護理」工作，並在朋友戲稱的「爬蟲師」加上「...
01/08/2026

#木蒔職人訪問系列 #木蒔職場獵人

爬蟲美容師 老虎茶樓 Tiger Teahouse

「爬蟲美容師」Ricky於三年前放下足以糊口的設計工作，全身投入烏龜、蛇、蜥蜴，以至蟑螂等爬蟲等動物的「護理」工作，並在朋友戲稱的「爬蟲師」加上「美容」兩字，以強調「護理」的重要性。

自小喜愛動物的Ricky，開始接觸爬蟲動物是爺爺送贈的巴西龜。當時只是單純的飼養者，覺得烏龜有趣，但對其生活習性全不了解。直至移居加拿大升學，醫治別人留下，卻在龜殼上長出「白點」的4隻巴西龜，才由原先的飼養者逐漸變為探索者，開始探研烏龜的「學問」。

Ricky坦言：「照顧4隻生病的烏龜，才發現這些不會發笑，愛獨行和曬太陽，不會主動接觸飼主，生活習性與愛親近人類的哺乳類動物完全不同的生物充滿神秘感」。這種神秘感亦吸引不少爬蟲動物愛好者，又或化身為「創造者」，為爬蟲動物打造大自然生態缸。

完成學業的Ricky，帶同4隻「烏龜」從加拿大回流香港，並從事多媒體設計師。然而朝10晚10和千篇一律的工作，讓Ricky決定在三年前離職，將護理動物的興趣，轉化為個人事業的發展，開始飼養烏龜、球蠎、樹棲蛇、大蜥蜴、毛蛛和馬島蟑螂等爬蟲動物。

烏龜和球蠎是較常見的物種，毛蛛和馬島蟑螂則被標籤為危險和不潔的生物。殊不知體型巨大，長滿粗毛，有毒但毒性很低的「毛蛛」卻有「新世界」和「舊世界」品種之分，其中「新世界」的毛蛛在危險時會用後腳將腹毛射出來而令敵人感到痕癢而已。至於蟑螂，尤其是馬島蟑螂，在大自然中均是愛潔的清道夫，而其他不同品種的蟑螂，還有天藍、翠綠，或金銅等鮮色華彩，可供觀賞。

「飼養」雖非主要職務，但從照顧和喂食的過程中，卻是美容師的經驗累積。對這些不言不笑的「受護者」，只需透過牠們的一舉手，一投足，便能「望聞」而得知其需要。例如烏龜「磨嘴」和「修甲」，並非貪美，而是為了健康。磨嘴可改善人工飼料令喙部過長變得難以進食的問題，而修甲則可減低因指甲過長而導致邊緣較薄的皮膚破損出血的情況。此外，美容師亦要以技巧和耐心協助「手忙腳亂」的飼主「喂藥打針」，或面對「愛寵如子」的飼主予以開解安慰。

蜥蜴「Happy」是Ricky的好幫手，也是爬蟲教育工作的好老師。因朋友遷居而交託照顧，一直陪同Ricky到訪不同學校或機構展示其真實的一面，深受學生和市民歡迎，直至11歲終老離世才由「橙皮」接替。面對蜥蜴會在新舊皮的夾層滲出油質以便「脫皮」的需要，將表皮經過浸水軟化程序後將更易清理。此外，生活在水中的烏龜亦會「脫皮」，將龜殼上六角形殼甲，逐片脫下再換上新的，反而陸龜只是將殼甲向外擴展而已。

「橙皮」與「Happy」是同一蜥蜴品種，在其兇惡，貌似微型恐龍的外表下，性格卻是十分溫馴的草食性動物，日常以蔬菜和生果為食糧，亦喜曬太陽。由於「橙皮」身長已超過一米，現與貓兒同在客廳自由活動，但所有物件都必須加固，以防「橙皮」爬高爬低時弄跌。

另一方面，美容師在教育講座上總要為爬蟲動物的誤解而耐心解釋，強調牠們並非「熒幕上」那些滿是危險，不衛生，甚至有毒的物種。

對任何動物而言，最終都離不開「生老病死」的大自然定律。由於爬蟲動物擅於隱藏病情，病發至離世的時間極短，此時飼主必須放下。至於有部分人或質疑利用活體喂食是否恰當。事實上，喂食是飼主的必然責任，除選擇合適的食材外，也可透過喂食過程，領悟到生老病死的大自然循環。採用昆蟲作為飼料，有時候是難以避免，但若是蛇類，則可將冷藏衛生的「全隻冰鮮鼠」解凍後才喂食，與街市販售肉食，超市出售動物罐頭糧一樣，背後也代表生命的終結，轉化為另一生命的延續。Ricky笑言，每當別人家中出現一條「蟲」，便會不期然問到，這是用來飼養，還是用來喂給其他動物食用。

在各式各樣的爬蟲美容師工具中，如彎曲鉗等自製種類相對較少，其他則有修甲鉗、開口器、電磨機、止血粉和消毒劑等都是常用的工具消。較為特別的莫過於前方彎曲和斜邊的萬用指甲鉗，主要用作修剪烏龜嘴部邊緣。

Ricky十分重視爬蟲動物的教育工作，在學校提出邀請時，總會帶同「橙皮」和「圓圓」到校園舉行教育講座，分享護理經驗，同時讓學生親身體驗，減少誤解，然而營運收支一直捉襟見肘，故只能自己「一個人」兼顧行政、聯絡、出差、護理、教育、講座等各項工作，並在時間安排上以「動物」為先，減少朋友間的約期和出外旅行的安排。

總結來說，Ricky寄語年青人，絕不能因看到「有趣」，而在不了解爬蟲動物的生活習性情況下，衝動地為買而買，在發現問題後便棄養，尤以近年不少人飼養具攻擊性和破壞自然生態環境的鱷龜等，棄養的破壞力較「經濟支出」嚴重得多。

此外，Ricky將繼續開班，傳承和教授爬蟲動物修甲、磨嘴等技巧，並鼓勵學員以興趣成為「美容師」，繼續鑽研相關的知識。日後或利用自己在設計方面的專長，在一些別人甚少推動的環節上，例如網絡世界，開拓更多爬蟲動物的教育和相關服務工作，又或安排合影活動，讓小朋友有更多機會接觸爬蟲動物，提升他們對爬蟲動物的認知。

#爬蟲 #爬蟲美容 #香港職人

【8月場次正式公佈】北角電車導賞行 🚃一連三個月舉辦的「北角電車導賞行」8月場次現已正式開放報名，想以電車視角探索港島百年歷史的朋友，千萬不要錯過！🚃 關於行程下午2時在石塘咀電車總站集合，參加者將以一般乘客（非包車）形式登車就座。沿途由專...
20/07/2026

【8月場次正式公佈】北角電車導賞行 🚃

一連三個月舉辦的「北角電車導賞行」8月場次現已正式開放報名，想以電車視角探索港島百年歷史的朋友，千萬不要錯過！

🚃 關於行程

下午2時在石塘咀電車總站集合，參加者將以一般乘客（非包車）形式登車就座。沿途由專業導賞員透過耳機，分享西環至北角逾百年的歷史點滴、電車路上的故事，以及社區的最新面貌。

經過約一小時車程抵達北角電車總站後，將徒步體驗春秧街街市。電車緊貼市集而行，有如泰國美功鐵道市集「極速收攤」的獨特場景。隨後到近年落成的東岸板道（北角段）欣賞維港全景，最後前往二級歷史建築、前香港皇家遊艇會會所的油街實現。

參加者更可順道參觀兩大藝術展覽（此部分不設導賞解說，參加者可自由參觀）：
1️⃣藝術家陳惠立在玻璃屋舉行的「左旋門浴場」（展期至8月30日）
2️⃣「油街焦點」鄭靖的藝術之道（展期至10月11日）

📋 活動詳情

日期： 2026年8月22日（星期六）
時間： 14:00 – 17:00
集合地點： 石塘咀電車總站
費用： 港幣80元
名額： 20人或以下

📝 報名方式

Google Form 報名連結：(IG Profile)
https://forms.gle/7bxndmPJ42WQzMYG6

名額有限，成功報名將以 WhatsApp 確認，並於活動前建立專屬通訊群組。

⚠️ 注意事項

•⁠ 活動收費並不包括電車票價，參加者下車時需以「乘客」身份繳付港幣3.3元的車票。
•⁠ 是次活動並非「包車」形式，參加者除須遵守電車公司的《乘車守則》外，亦不保證提供座位安排。
•⁠ 為免影響其他乘客，參加人數限定20人或以下。若報名後因事要求改期，木蒔將視乎報名情況決定，並收取港幣20元作為行政費。

名額有限，立即報名，與我們一起搭上叮叮，漫遊港島的百年時光 🚃✨

踏入七月，第三輪及第四輪一連兩天的木蒔電車北角導賞，在酷熱天氣順利完成，有賴一眾參加者的鼎力支持，多謝大家！是次電車導賞，行程沿用六月份的路線，由石塘咀電車總站出發，沿1904年電車啟用後的東行路線，經四環九約的西環、上環、中環和下環(灣仔...
18/07/2026

踏入七月，第三輪及第四輪一連兩天的木蒔電車北角導賞，在酷熱天氣順利完成，有賴一眾參加者的鼎力支持，多謝大家！

是次電車導賞，行程沿用六月份的路線，由石塘咀電車總站出發，沿1904年電車啟用後的東行路線，經四環九約的西環、上環、中環和下環(灣仔)，到「維多利亞城」外的鄉郊地區，即今日的天后、炮台山到北角電車總站，車程約一小時多。

在7月12日的行程中，有幸邀得香港導賞員學會資深導賞員Joey，為參加者講述昔日四環以外的「鄉郊地區」，由位處「銅鑼」形狀，海灣東角的大片土地，如何發展成為渣甸洋行王國和現時的人氣旺盛的商業和百貨業地區，以及炮台山和北角英皇道之名的由來，當然還有因「飛拱」而獲保留的皇都戲院「抛物線型桁架」。

別過「人先車後」的春秧街街市、旅議會推廣的春秧街特色電車軌和旁邊的僑冠大廈，隨即踏上東岸板道，看看板道上的轉盤橋和開合橋外，還有對岸九龍半島的四山，以及大家都十分期待的東維港灣區，並在參觀油街實現兩個展覽後結束行程。

推薦文章：(下文是6月14日參加者的行程回憶，謝謝Niels的用心)
[電車導賞之西環至北角段電車與東岸板道]
https://www.threads.com//post/Dar38qKESG-

香港非物質文化遺產大澳漁網編織技藝上文講完六代棚屋演變同「棚屋建築技術」，今次講吓另一個同大澳漁民息息相關嘅非物質文化遺產：「漁網編織技藝」（傳統手工藝類別清單編號5.90）🧵過去漁民「浮家泛宅」，由船居搬上棚屋之後，雖然唔再隨水漂流，但生...
18/07/2026

香港非物質文化遺產
大澳漁網編織技藝

上文講完六代棚屋演變同「棚屋建築技術」，今次講吓另一個同大澳漁民息息相關嘅非物質文化遺產：「漁網編織技藝」（傳統手工藝類別清單編號5.90）🧵

過去漁民「浮家泛宅」，由船居搬上棚屋之後，雖然唔再隨水漂流，但生活始終離不開「水」。一家人在棚頭食飯、棚尾曬物、棚身瞓覺、棚下小艇出入，就連「紅白」二事，都係喺棚屋入面搞掂。

但隨住漁業式微，今日住喺大澳棚屋嘅漁民，好多早已變身做「陸上人」。

我哋今次嘅受訪者「大勝哥」，細個嗰陣成日跟父親出海捕魚，日曬雨淋，汗流浹背，可惜黃花魚、鰦魚等漁穫越嚟越少，養活自己都勉強，最後只好「上岸」去玩具廠打工。

轉眼數十年，大勝哥冇再踏足捕漁船，只係間中揸住自家小艇去近岸「撒網」，用底部繫住鉛錘嘅圓錐形網具，重溫細個嗰陣嘅「捕魚」之樂。漁網穿咗都唔怕，佢由細到大都識得修補漁網。

受訪期間，大勝哥仲即場示範呢門香港非物質文化遺產：「漁網編織技藝」。

棚頭，就係編織漁網嘅理想地點。只見大勝哥好似後生仔咁悠然坐喺地板，筆直伸出右腳，將漁網一角扣喺拇指，有如第三隻手穩穩揸住，然後右手揸住枕子（梳），左手穿針引線，一邊繞過漁網嘅破孔，一邊打結，最後張口「咬」一下，搞掂。

「三隻手，一張嘴，一個木枕一個棋；坐下來，張開網，指公朝天手持枕；腿伸直，套網線，編織結繩動不停；左穿穿；右拉拉，張口一咬復舊觀。」

幾句說話，就道盡呢門手藝嘅精髓。

大勝哥示範嘅係「單層網」，輕身又細張。另一邊嘅三層網雖然差唔多大小，但重得多。當然，仲遠遠不及漁船上嘅「大網」。

喺用麻樹根莖織網嘅年代，大澳漁民編織漁網係全家總動員。織好雛形之後，仲要用鴨蛋蛋白蒸煮三次再曬乾，先至可以加強防水性。後來機械生產嘅漁網出現，先至減輕咗工作量。但為咗慳成本，漁民到今時今日仍然要經常保養同修補漁網，亦因為咁，呢門編織技藝先得以一代一代傳承落嚟。

「編網」最重要嘅工序，就係喺網眼上「打結」。對大勝哥嚟講，打結好似食飯咁簡單，左穿右拉，舉手投足間就完成。但對我哋呢啲「外行人」嚟講，淨係分清楚平衡網眼四邊嘅「左右結」、同穩固網眼嘅「八字結」，已經有啲「雞手鴨腳」。

「明月當空照，汪洋萬里秋，織織復織織，不聞機杼聲，漁夫可所思，漁夫可所憶？期盼千斤魚，艇存萬擔穫，楊侯驅邪魅，天后保平安。」

漁民手中嘅小梭子、一團密麻嘅細線，承載住大澳漁民嘅生活智慧，亦係香港非物質文化遺產嘅一部分。

——
Model erikaaa
Makeup Artist Kiki Cheung | HK Makeup Artist |新娘化妝師
Floral Installation 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article Written by 木蒔導賞 Leafy Hour Docent

香港非物質文化遺產「棚屋建築技術」（傳統手工藝類別清單編號5.85）🧵大澳棚屋，有「東方威尼斯」之稱，每年吸引無數遊客山長水遠入嚟，企喺大涌橋上，影返張背靠棚屋、面向漁村嘅經典打卡相📸但好多人未必知，呢排棚屋背後，藏住百年智慧同行先。大澳由...
14/07/2026

香港非物質文化遺產「棚屋建築技術」
（傳統手工藝類別清單編號5.85）🧵

大澳棚屋，有「東方威尼斯」之稱，每年吸引無數遊客山長水遠入嚟，企喺大涌橋上，影返張背靠棚屋、面向漁村嘅經典打卡相📸

但好多人未必知，呢排棚屋背後，藏住百年智慧同行先。

大澳由漁村起家，全盛時期有超過500艘漁船、30幾間漁商。好多來自珠江口同大灣區嘅蜑家漁民，由最初「浮家泛宅」嘅船居生活，慢慢搬上泥灘，住喺用木柱撐高嘅棚屋入面。

百幾年嚟，棚屋由第一代簡陋嘅圓頂簷蓬，演變到今日第六代，「有頭、有身、有尾」，甚至兩層高有露台。每一代嘅轉變，都係大澳漁民面對風浪、適應環境嘅見證🌊

可惜嘅係，2000年嗰場四級大火，燒毀咗好多極具歷史價值嘅木構棚屋。災後用杉木同鋅鐵重建嘅第六代棚屋，雖然保留咗「棚頭」（平台）、「棚身」（廳房）同「棚尾」（曬場），但部分傳統工藝已經隨火而逝。

講到非遺清單下嘅「棚屋建築技術」，共通點係建材以木質為主，鋅鐵為輔，而且一定要架高，先避到漲潮同颱風大潮嘅水浸。起棚過程一啲都唔簡單：先要「掂樑」設定大小，然後挖洞、落木柱、加三合土柱躉，再固定掂樑橫樑、釘杉板、鋪防水布同鋅鐵——搞足一個月先起到一間棚屋出嚟🔨

但講到最無奈嘅，都係水上人一直以嚟嘅困局。

大澳漁民一向被視為流動人口，棚屋區喺法律上係非認可鄉村。1982年嘅全港寮屋登記，更加將棚屋劃為寮屋。居民雖然要交棚牌費，但直到今日，棚屋依然冇正式業權，居民亦冇「原居民」身份。

冇原居民身份，意味着水上人嘅後代，就算喺棚屋出世、長大，都唔會有其他鄉村原居民嘅合法權益。棚屋唔可以轉讓、唔可以繼承（只限直系親屬），更加唔可以喺上面做生意。隨住老一輩水上人逐漸老去，後生仔因為冇誘因而選擇離開，棚屋就一間一間咁「自然流失」。

呢個就係大澳棚屋嘅另一面：遊客眼中嘅水鄉風情，背後係百年工藝嘅傳承，同埋一代水上人面對嘅身份困境同制度枷鎖。

而我哋木蒔今次用漁網同花藝走入大澳，就係希望用行動去記錄呢度嘅故事。即使漁網未必可以再撒，都唔好好似鮮花咁稍縱即逝。

-
Photography MOMENTOstory｜HK Photographer｜情侶攝影｜婚紗攝影｜家庭攝影｜紀實拍攝
Makeup Artist Kiki Cheung | HK Makeup Artist |新娘化妝師
Model erikaaa
Floral Design 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article Written by 木蒔導賞 Leafy Hour Docent

#大澳棚屋 #東方威尼斯 #大澳 #棚屋傳承 #香港非物質文化遺產

Address

The University Of Hong Kong, Pokfulam
Hong Kong

Telephone

+85262164982

Website

Alerts

Be the first to know and let us send you an email when 木蒔導賞 Leafy Hour Docent posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 木蒔導賞 Leafy Hour Docent:

Shortcuts

Share

Category