劉姚社區工作室

26/08/2026

民政幫到你💪🏻 | 議員🤗關愛隊💞跨區支援🫶🏻

上星期，我哋辦事處收到一個令人揪心嘅求助：一位長者同佢嘅殘疾仔仔關係長期緊張，日常爭拗不斷，仔仔啱啱獲派天恩邨公屋，但一老一殘要搬屋，真係舉步維艱😔。佢哋好想盡快開展新生活，我哋決定一定要幫到手！

我哋聯絡了 #元朗區富恩關愛隊 同 #黃大仙竹園北關愛隊 商討協作，義工們二話不說，出心出力💪🏻💪🏽💪🏿，搬箱、抬傢俬、執細軟，大汗疊細汗，終於齊心協力幫佢哋順利入伙！🎉

搬完屋只係第一步，我們知道事主因搬屋使費太多，手頭好緊，連基本電器同食物都成問題……今日關愛隊又再出動，即時送上簡單煮食電器同糧油乾糧🍚🧺，希望幫佢哋撐過呢段適應期，真真正正喺天恩邨「安居樂業」🌈。

最令我哋感動嘅係，事主話：「第日安頓好，我都想做義工幫返人！」呢份心意，就係社區最美嘅循環🌱。我哋而家正招募義工新血，如果你都想將溫暖傳開去，歡迎 inbox 我哋📩，一齊做街坊嘅後盾！

最後，衷心感謝 黃大仙區譚美普議員 嘅穿針引線，同 黃大仙竹園北關愛隊 嘅全力支援🥰🙏，冇你哋，呢件事做唔成！

一個社區，守望相助，就係最靚嘅風景🏡✨。

#民政幫到您 #關愛隊 #老殘支援 #社區協作 #跨區支援 #弱勢社群 #義工 #鄰里互助 #劉姚社區工作室

26/08/2026

【🎉出席民建聯元朗支部就職典禮有感🎉】

昨晚（25/8），好榮幸應邀出席民建聯元朗支部第十四屆委員會就職典禮，場面既熱鬧又莊重👏 首先要恭喜新一屆委員會成員正式就任🎊，同時亦要感謝歷屆委員多年來喺地區嘅持續付出💪🏻🌹，真係唔簡單！

典禮上，發展局副局長同元朗民政事務專員擔任主禮嘉賓。副局長曾任新界西北規劃專員，對元朗、天水圍一帶嘅規劃脈絡瞭如指掌🗺️ 席間傾到北部都會區、新田科技城、交通配套同社區設施等議題，全部都係街坊最關心嘅焦點。我哋特別感受到，無論咩黨派，地區工作最終都離唔開回應居民實際需要——房屋、交通、就業、社福，缺一不可🏠🚌💼❤️

🥰但最令我哋感動嘅，係義工嘉許環節🌟 地區工作從來唔係一個人嘅事，背後有大量無名英雄默默付出：探訪獨居長者、颱風後清理街道、協助街站、陪診送飯……呢份熱誠唔應該分顏色，更唔應該被政治立場磨蝕。今日獲嘉許嘅義工🌟，好多都係熟悉嘅面孔，佢哋服務嘅對象，正正係我哋共同關心嘅街坊🤝

作為區議員，我哋深信民生議題永遠係跨黨派合作嘅基礎。元朗幅員廣大，由鄉郊到新市鎮，問題複雜多樣，單靠任何一方都好難獨力解決。期望新一屆民建聯元朗支部繼續深耕社區，我哋都會喺議會同前線保持溝通，就規劃、交通、社福等議題尋求共識，為街坊謀取最大福祉💪

最後，再次多謝邀請，讓我哋有機會見證呢個重要時刻🌈 地區工作貴在堅持，願各位委員、義工同朋友繼續並肩同行，令元朗變得更宜居、更有溫度🏡

#元朗 #地區工作 #民聯絡元朗支部 #就職典禮
#跨黨派合作 #感謝義工 #社區同行 #宜居社區
#工聯會 #元朗區議員 #姚國威 #劉桂容

26/08/2026

【 元朗警區 • 打擊街頭賭博行動 ⚖️ • 拘4人 】

【 元朗警區 • 打擊街頭賭博行動 ⚖️ • 拘4人 】

昨日（25日），元朗警區同於天澤邨澤潤樓對出公園展開打擊非法街頭賭博行動。行動中，警方共拘捕4名男子，涉嫌干犯「在賭場以外任何場所或在街道上進行賭博」罪，並於現場檢獲相關賭具及現金等證物。

為保障社區安寧，元朗警區將持續執法，並強烈呼籲市民切勿參與街頭聚賭，切勿以身試法，共同守護平安元朗 💕！


#香港警察
#元朗警區
#持續執法
#打擊街頭賭博
#平安元朗

22/08/2026

【 元朗警區 • 打擊街頭賭博行動 ⚖️ • 拘4人】

今日（22日），元朗警區於天水圍俊宏軒一帶展開打擊非法街頭賭博行動。行動中，警方共拘捕4名男子，涉嫌干犯「在賭場以外任何場所或在街道上進行賭博」罪，並於現場檢獲相關賭具及現金等證物。

為保障社區安寧，元朗警區將繼續嚴厲執法，並強烈呼籲市民切勿參與街頭聚賭，切勿以身試法，共同守護平安元朗 💕！


#香港警察
#元朗警區
#嚴厲執法
#打擊街頭賭博
#平安元朗

20/08/2026

【社區愛心資訊分享會圓滿舉行🥳】

感謝各位街坊嘅熱情參與！由姚國威議員及劉桂容議員辦事處聯同宏逸開心圈、天樂寶慈善基金有限公司合辦嘅「社區愛心資訊分享會」已於8月20日（星期四）上午喺天暉路社區會堂禮堂順利舉行，活動內容非常豐富！👏

🔥 消防講座：流浮山消防隊及元朗消防義工隊親臨現場，同大家講解家居防火安全知識，仲即場示範防火用品嘅正確使用方法。街坊們個個留心聆聽，喺問答環節中踴躍回答，展現出大家嘅學習成果，真係好叻呀！👍

🏢 《建築物管理條例》修訂諮詢：姚國威議員及劉桂容議員亦即場向街坊講解政府就《建築物管理條例》（第344章）提出嘅修訂建議。今次公眾諮詢涵蓋五大方向，包括提高大型維修工程及大額採購決定嘅出席及投票門檻、完善委任代表文書（授權票）制度、完善利益申報制度、加強主管當局權力，以及清晰會議程序。政府希望透過修例進一步提升業主對大廈管理嘅參與度同決策透明度，更好保障業主權益。諮詢期至2026年9月11日，歡迎各位街坊踴躍發表意見！

🛡️ 防騙講座：姚國威議員特別為街坊剖析近期備受關注嘅Fun Coffee龐氏騙局。呢個以「養生咖啡」為包裝、實則以虛擬貨幣高回報誘騙市民嘅跨境騙局，短短一年已喺港澳兩地吸引234名受害者，涉及騙款高達9,760萬元。議員透過真實案例，提醒大家提高警覺，唔好誤墮投資陷阱！🙅‍♂️

🎬 HMVOD影視應用介紹：HMVOD影視平台送上一年免費會籍，仲有福米贈送，等街坊可以安坐家中享受精彩影視娛樂！

❤️ 愛心福袋及飯盒：除咗豐富嘅福袋之外，仲有愛心飯盒供應商贊助暖心餐盒，真係滿載而歸，暖胃又暖心！

再次多謝所有協辦單位、消防團隊同義工嘅鼎力支持，令活動得以圓滿成功！日後我哋會繼續舉辦更多有意義嘅社區活動，凝聚街坊力量，共建關愛社區！💪

#姚國威議員 #劉桂容議員 #社區愛心資訊分享會 #流浮山消防隊 #元朗消防義工隊 #宏逸開心圈 #家居防火 #建築物管理條例 #社區關愛 #元朗區議員

19/08/2026

【滬港同心・社區連線】🤝✨

今日好榮幸🎉，上海浦東新區區委統戰部副部長達明宗先生率團到訪天水圍，我哋親自帶路🚶，一邊行一邊介紹天水圍嘅社區特色—由屋邨布局、公共設施，到街坊日常聚腳嘅休閒空間，仲有呢度獨有嘅濃厚人情味🥰，等上海嘅朋友們真真切切感受我哋社區嘅脈搏同面貌🏡🚶‍♂️💬。

沿途我哋去到議員流動服務街站🗳️，同義工們傾吓偈，深入了解居民最關心嘅民生需要；之後再到元朗區宏逸關愛隊服務點，介紹關愛隊嘅工作💖，也參觀佢哋嘅中醫義診服務🩺，見證社區點樣善用中醫藥資源，貼心守護街坊健康❤️，呢份細緻關懷令來賓大為讚賞👏！

行程嘅重頭戲🎊，就係喺姚國威議員辦事處舉行滬港「區區對接」合作簽約儀式✍️📜— 由上海市浦東新區川沙新鎮 與 香港宏逸居民服務社 正式簽訂協議🤝，為兩地社區未來嘅資源共享、經驗互鑑揭開新一頁🥳！

期待日後更多雙向互動🔄，一齊建設更溫暖、更互助嘅美好社區💪🌟！

#滬港合作 #區區對接 #天水圍 #浦東新區 #社區連線 #宏逸關愛隊 #中醫義診 #同心同行 #議員流動服務站 #姚國威 #劉桂容 #七夕節快樂

19/08/2026

【💰市區重建局｜8萬元長者維修津貼｜睇清條款免中伏！】

近日，辦事處收到長者業主查詢「有需要人士維修自住物業津貼計劃」（8萬元長者維修津貼）！呢個計劃由市區重建局推出，合資格長者最高可獲 8萬港元 維修資助，用來維修漏水🧱、換窗🪟、修外牆都適用！⚠️不過申請程序嚴謹，大家記得睇清楚條款，免中伏！⚠️

👴 合資格條件（須全部符合）
✅ 持有效香港身份證
✅ 為住用或綜合用途樓宇內的住用單位業主
✅ 申請人及合法配偶（如已婚）均居住在該物業
✅ 年滿60歲並通過入息及資產審查；或正領取長者生活津貼／綜援（須符合特定條件）／傷殘津貼（須符合入息及資產審查）
✅ 非未獲解除破產令的破產人士

📌 入息及資產限額（60歲或以上申請人）
👤 單身人士：每月入息限額 $10,770｜資產限額 $1,218,000
👫 夫婦：每月入息限額 $16,440｜資產限額 $1,848,000

⚠️ 三大中伏位（做錯隨時唔批！）
1️⃣ 先動工後申請＝唔批 ❌
必須等市建局職員上門視察及審批報價後方可動工！若在獲批前已開始工程，相關費用將不獲資助！
2️⃣ 工程公司須合規 👷
聘用公司必須使用合法合規員工，若發現僱用非法勞工，申請將不獲批核！
3️⃣ 報價項目要睇真 🔍
部分項目（如木工、傢俬）不獲批；電力工程需由註冊電業承辦商進行並提交「完工證明書」(WR1/WR1A)；鋁窗工程需由合資格承辦商進行並按需要申報小型工程！

🚨 提防陷阱！
市建局 冇 同任何工程公司合作或設立推薦名單。自稱「官方合作」或代辦申請者，請提高警覺！📢

📞 有疑問？計劃詳情可瀏覽市建局「樓宇復修平台」網站 brplatform.org.hk 或致電查詢熱線 3188 1188。

#元朗區議員 #劉桂容 #姚國威 #天富苑 #市區重建局 #有需要人士維修自住物業津貼計劃 #長者維修津貼 #8萬元資助 #社區關懷 #伏位注意 #提防陷阱

Enjoy the videos and music you love, upload original content, and share it all with friends, family, and the world on YouTube.

13/08/2026

【免費法律諮詢服務｜專業律師幫您解困】⚖️

遇上租務糾紛、工傷索償、婚姻問題、遺產承繼，還是其他法律疑難？唔使徬徨，我哋幫到你！

劉桂容議員辦事處聯同資深專業律師，為元朗區居民提供 15分鐘免費法律諮詢，名額有限，敬請必須電話預約！

📅 日期：2026年8月12日、8月26日（星期三）
⏰ 時間：下午5時開始
📍 地點：天水圍天恩邨恩福樓地下（劉桂容議員辦事處）

📞 預約及查詢：5610-0030
（亦歡迎WhatsApp或致電辦事處）

---

🔹 其他社區求助／投訴渠道
📱 6385-4116 / 9343-5749（姚國威、劉桂容議員）
📧 [email protected]
🏢 天水圍俊宏軒第九座地下（姚國威議員辦事處）

社區大小事，我哋同你並肩同行。💪
快啲轉發畀有需要嘅親友，一齊善用免費資源！

#元朗區議會 #姚國威 #劉桂容 #免費法律諮詢 #天水圍 #社區服務 #法律支援

11/08/2026

🚨天水圍「消失的停車場」最新進展！🅿️

感謝YouTuber近日詳細報導，等更多街坊了解事件來龍去脈🙏🎥

姚國威議員、劉桂容議員在2024年收到街坊投訴區內泊位不足，立即向房屋署及運輸署跟進。運輸署回覆話栢慧豪園二期有近300個公眾車位，點知我哋實地視察，發現個場幾乎空置，時租要$30仲要最低消費兩小時，比隔籬$15-$18貴成倍😱

經議員喺區議會討論同媒體曝光，多個政府部門聯手跟進，停車場終於大幅減價至每小時$18，市民真正用到車位！💪

隨住天榮站YOHO WEST等新盤陸續入伙，我哋會繼續盯實區內車位供求，絕不鬆懈！👀

未睇片嘅街坊，上YouTube搵相關影片啦～

https://youtu.be/UF0lrh341jA?si=9psp7EV7Ivl0iTja

#元朗區議員 #姚國威 #劉桂容 #天水圍 #消失的停車場 #泊車位不足 #地區工作 #為民請命

Instagram: https://www.instagram.com/carcammanFacebook: https://ww...

07/08/2026

【夏日送關懷・逍遙遍社區福袋活動🎁】

8月6日（星期四），劉桂容議員嚟到天幕街市對出空地，參與「夏日送關懷，逍遙遍社區」派福袋活動。雖然當日天氣真係好熱🌞，但都無阻街坊們嘅熱情，雖然排隊人龍好長，個個笑住等收禮物，氣氛勁熱鬧！

贊助團體「當下逍遙居」嘅義工一邊親手送福袋，一邊同街坊傾偈問好，見到大家收到禮品時嘅開心笑容，再熱都值得！💦

感謝主辦單位用心準備，理想清潔有限公司的支援，仲有咁多位義工朋友嘅幫手，令活動咁順利。今後劉桂容議員及姚國威議員會繼續落區，同大家一齊面對炎夏，傳遞更多社區關懷。

辛苦晒各位街坊，記得飲多啲水、提防中暑呀！💧

#劉桂容議員 #姚國威議員 #夏日送關懷 #當下逍遙居 #天幕街市 #理想清潔有限公司 #派福袋 #社區關懷 #街坊齊參與