03/05/2026
🍒
【2026.05.02 果燃繫護膝】
黃大仙長者綜合服務中心 x HKU DOE x 果燃共享慈善基金🦵💚
喺勞動節嘅翌日，我哋嚟到黃大仙長者綜合服務中心，舉行咗「果燃繫護膝」活動，同老友記一齊關注膝關節健康😊！
相信好多人都知道隨住年紀增長，關節嘅承受能力會漸漸下降。咁我哋可以點樣去減慢關節嘅退化、確保關節健康呢？今次我哋就好開心可以同一班HKU嘅醫學生同埋教授一齊舉辦活動，同各位老友記分享護膝小知識！
活動一開始，由香港大學HKU DOE嘅學生分享膝關節炎嘅成因同預防方法，仲同老友記一齊做咗護膝運動，氣氛既熱鬧又溫馨💪✨。之後再有HKUortho嘅教授講解手術治療嘅選項🦿，令大家對膝關節健康有更全面嘅認識。
而我哋果燃共享就準備咗水果福袋🍊🥝🫐，等老友記帶返屋企繼續享受健康。學生義工仲介紹咗水果入面有助保持關節健康嘅成份，例如維他命C同抗氧化物，鼓勵大家每日食水果，由內到外保護膝頭😋。
見到老友記做運動做到笑晒口，拎住福袋話「多謝」，我哋都覺得好溫暖。希望每一次嘅分享，都可以喺大家心中種下一顆健康同愛嘅種子🌱，繼續喺社區入面傳播溫暖😊😊
衷心感謝贊助商贊助新鮮水果，多謝HKU DOE學生同HKUortho教授贊助活動經費，亦多謝黃大仙長者綜合服務中心提供場地支持。感謝每一位嘅付出，令今次活動更加圓滿、更有意義😊💚
-
Facebook: Fruitful.Sharing
YouTube: https://www.youtube.com/channel/UCBtfvpuwJErYz7Du1Bag5kA
#分享源自同理心 #果燃共享 #果燃繫護膝 HKUDOE HKUortho 黃大仙長者綜合服務中心 果燃共享慈善基金
