Hong Kong YWCA 香港基督教女青年會

19/08/2026

【🎬沉浸式體驗：走入社區客廳嘅一天 🎬】
到2026年年底，全港將會有18間「社區客廳」投入服務 ❤️
呢啲社區客廳全年無休，睇片感受吓呢度朝11晚10、全年無休嘅超充實日常！
當中荃灣西社區客廳仲有為SEN小朋友設計嘅訓練室，滿足社區唔同人士嘅需要呢🙂~

12/08/2026

💕 🧵【 鼓勵婦女展才｜ 招募縫紉高手🧵💕 】
每一個特殊教育需要(SEN)小朋友喺學習路上，都需要一啲小工具幫佢哋認識世界。
太古地產愛心大使 x 女青-Y SENse 特殊教育需要專業支援服務 推出「婦女展才計劃」，邀請一眾縫紉高手，善用針線嘅溫柔力量，成為他們的守護天使！✨

誠邀有縫紉經驗嘅你，一齊為SEN小朋友縫製上學感官工具，展現才能兼賺取津貼！💰✨
📍 人數：25人（名額有限！）
📍 形式：2026年8月至2027年1月（可選指定中心或彈性在家製作）
🗓️ 必修訓練班（二選一）：8月15日 （六）9:30-11:30 女青-明儒松柏社區服務中心 或 8月17日 （一）14:00-16:00 荃灣西社區客廳
⏳ 截止日期：2026年8月10日 （8月12日通知入選）

用你的巧手，點亮孩子的未來，活動詳情如下👇🏻：

💕【太古地產愛心大使 x 女青】：婦女展才計劃👩‍🦰
🧵 招募縫紉車手：縫製特殊教育需要兒童的工具

如果你是對車縫有經驗的婦女，我們誠邀你成為我們的車手之一！💪一同車縫為SEN兒童上學的感官工具🪅

目標：
⭐️幫助有特殊教育需要小朋友
⭐️展現婦女才能
⭐️減低照顧者壓力

製作形式：
📍時間：2026年8月至2027年1月
📍人數：25人
📍形式：指定中心/在家製作
*完成每件縫制工具將提供相應津貼

參與婦女需參與其中一場車手訓練：
第1️⃣場：2026年8月15日（六）
📍上午9時半至11時半
📍地點：明儒松柏社區服務中心
第2️⃣場：2026年8月17日（一）
📍下午2時至4時
📍地點：荃灣西社區客廳

📩有意者請透過以下連結報名：
https://forms.gle/mn4twxDgAEit2XK87

💌報名截止日：2026年8月10日
💌入選者通知日：2026年8月12日

如有任何疑問，歡迎致電香港基督教女青年會
2676 7067與麥姑娘查詢🩷

#太古地產愛心大使 #婦女展才

10/08/2026

🌧️【鄰里互助 物資送暖｜大澳棚屋長者颱風應急包派發行動】🌧️
大澳地勢低窪，暴雨同颱風侵襲嘅時候，極容易出現嚴重水浸，對居民生命財產構成威脅。
女青 大澳社區工作辦事處 早前聯同大澳文物酒店向棚屋居民派發攜手籌備嘅「颱風應急包」，包括🧼 清潔用品、🛠️協助加固及防漏工具、🦺 個人安全裝備，做防風及防水浸措施，為大澳棚屋長者送上關懷與支援！
面對風雨，女青與大澳居民齊心，發揮鄰里互助精神，共建安全和諧社區！💪✨

05/08/2026

【🎊又到Shopping做善事時間🎊】
暑假點可能唔買嘢Shopping，又點可能唔順便做善事呢!
AEON Stores Hong Kong 嘅「幸福的黃色小票」🎫活動又嚟喇
今次，我哋 Y Evergreen 女青賽馬會樂齡活學中心 - 退休人士興趣班組及義工活動 嘅「銀丫手作」團隊，將會喺8月11日（星期二），進駐屯門市廣場1期地下AEON分店，同大家分享50+退休人士嘅手作技藝👒
8月11日當日，只要你將AEON購物所得的黃色收據（黃色小票）🎫，投放到女青專屬投票箱📥，AEON就會捐贈相等於小票總金額1%嘅產品畀女青，幫助有需要的弱勢社群﹗
下星期二，屯門見﹗

關於「銀丫手作」
女青「銀丫手作」為50+退休人士提供平台，學習新技能，自我增值，展示銀齡人士的創意及手藝；同時鼓勵他們建立社區網絡，開展豐盛第三齡人生。是次活動所得之捐贈物品，將用於準備家訪禮物，派發予獨居或雙老長者，傳遞關愛，建立社區支援網絡。

03/08/2026

【🦸帶年輕人做生命的「顧勇者」🦸】
邊個話學生哥、後生仔就唔會明白照顧者同被照顧者感受❓
女青 - 青衣綜合社會服務處 今年就組織咗一班學生同青年做「顧勇者」🦸，透過街站同義工服務，喺地區為呢班社會上有需要嘅人士打氣🔉、睇戲甚至製作擴香石、香囊同餃子畀屋企人💪
👇下面個post👇仲有佢哋精心拍攝嘅🎬焦點微電影「要離別才可喘息？」連結，快啲撳入去睇下年輕人點樣演繹照顧者面對嘅困難啦❤

28/07/2026

🔥【2026最熱血壯舉　銀髮傲跑計劃　正式展開】🔥
超過40位 50+人士，不論身份、背景，憑住一股信念同熱血，立定決心用雙腳跑出自己人生下半場!

女青 - 秀群松柏社區服務中心 籌辦多時嘅 「銀髮傲跑計劃」，今個月已經踏上征程！
嚟緊幾個月，佢哋會一齊接受恆常、嚴格同自律嘅訓練，為嘅就係一圓參加長跑比賽嘅夢想！💪

今次，我哋仲非常榮幸邀請到香港長跑隊教練、精英運動員黃啟樂Eric Sir拔刀相助！
有黃教練同 Trailblazer Running 一眾助教悉心栽培，班老友記第一堂初次踩上跑道，就已經有板有眼，彷如跑返去年輕時候！

喺佢哋身上，年齡絕對唔係限制、唔係借口!
不過佢哋絕對需要大家支持，記得繼續關注、like同share佢哋動向🏃‍♂️✨ 🔥 🔥 🔥

25/07/2026

【女青X馬會義工隊　穿梭大館古蹟　與親子尋藝覓趣】

好多家長都想帶小朋友認識香港歷史文化，但唔知從何入手🤷‍♀️🤷
最近，女青就參加咗由香港賽馬會主辦嘅「大館導賞團 X 和諧粉彩工作坊」，聯同36位小學生及家長組團，一齊遊歷擁有超過180年歷史嘅大館🏯

喺 Philanthropy 港心事 by HKJC 馬會義工導賞員引領下，導賞員講解大館180年歷史演變、作為古蹟及藝術館嘅獨特定位📍

以及點樣持續化同保育大館，讓參加者深入淺出認識香港文化歷史，以及文化遺產喺促進可持續發展方面所扮演嘅重要角色👩‍🏫

除咗導賞團，當日仲有「和諧粉彩工作坊」🎨由馬會義工導師及小組義工悉心帶領及，小朋友同家長共同創作獨一無二嘅《大館小馬》畫作。和諧粉彩藝術唔單止讓參加者體驗創作樂趣，更讓親子以色彩同圖案表達情感，加深互相了解同連結🧬

衷心感謝馬會義工隊邀請，希望更多人認識大館同香港嘅文化價值❤️

21/07/2026

[⚽世界盃完咗？我哋嘅暑假運動狂熱先剛剛開始！⚽]

世界盃曲終人散，你有冇估中冠軍呢🏆？
睇波最緊要圍威喂同過癮， 女青 - 青衣綜合社會服務處 喺決賽夜變身成超級球迷基地，同40位青衣街坊、青年人一齊狂歡！
由賽前嘅FIFA 電競、足球競技同大電視遊戲，氣氛一直High爆到決賽完結～
最後睇住西班牙捧盃🏆個個都嗌到喉嚨痛先走，呢個通宵真係夠哂熱血！🔥

雖然世界盃完咗，但大家嘅體育魂唔好熄呀！暑假正式開始，記住 Keep 住呢份熱血，繼續落街踢吓波、做吓運動啦⚽🔥！

18/07/2026

【🧬生命線索216條生命線索　交織人生「驚愕美學」🧬】
成日講栽培生命、影響生命，其實都建基於認識生命🙋‍♀️🙋
女青 梁紹榮度假村 嘅「敘說人生2.0」營會🏕，最近就邀請咗資深香港教育學者與神學工作者鄭漢文博士，引導參加者以摺紙藝術，認識「六乘六乘六」生命結構🧬
並且將人生各種片段，投放入由呢216條生命線索組成嘅空間，互相連結同重組，最後以更宏觀、更高聳嘅角度，睇到自己生命嘅全貌⭕
想知呢種述說方式同「驚愕美學」有乜關係❓
趁住周末，畀幾分鐘用心聆聽鄭博士嘅聲音導航啦🎵

15/07/2026

【🏆世界盃決賽，點可以一個人自私睇🏆】
四年一度世界盃決賽，匿埋喺房睇波呢件事，係唔可以發生🫣
女青 - 青衣綜合社會服務處 就精心為青衣區居民準備咗一場7小時馬拉松式派對🎉
有機打🎮、有世界盃問答比賽玩🎯、有免費小食同飲品🍿🥤
仲可以近百人一齊對住超巨型螢幕🖥吹住水睇波
再同1:1大力神盃🏆嚟張大合照，為今屆世界盃睇波之旅，劃上完美句號，諗起都爽😍
🎊🎁
唔洗排隊架，只要你係青衣區居民，👇去下面個post報名就得👇，額滿即止❗

【⚽️ 世界盃決賽派對！Chill 住嚟睇大螢幕！】

四年一度嘅足球盛事終於嚟到最高潮——總決賽！你準備好未？今次唔使再獨自對住部電視，嚟我哋青衣綜合社會服務處，同班波友、青年人、街坊一齊喺 7米 X 5米 超巨型大螢幕下感受現場熾熱氣氛！

呢場派對由我哋一班後生仔親手籌劃，絕對係為球迷度身訂造，由賽前熱身到睇波，全晚絕無冷場：

✨ 活動亮點：
* 🎮 FIFA 電競之夜 & 有獎遊戲：熱身賽事，玩埋遊戲贏獎品！
* 🧠 世界盃問答比賽：考驗你對足球嘅熱情同知識！
* 🏆 1:1 大力神盃打卡：親身同「大力神盃」合照，做個真正球迷！
* 🍿 免費小食飲品：睇波點可以冇零食？我哋為你準備好，等你 Chill 住睇！
* 💬 賽事分析 & 球迷評論：同場球迷交換意見，睇波梗係要人多先有 Feel！

📅 活動詳情：
* 日期：7月19日（星期日）
* 時間：晚上 11:00 開始
* 地點：青衣長青邨青荷樓平台2樓2號
* 費用：全免！

名額有限，機會難逢！快啲約埋朋友仔、屋企人一齊報名，感受呢場震撼嘅巔峰對決啦！

👉 立即報名：https://forms.gle/ouBrR9vJqLfhTbK78

📞 查詢： 2497 3030（黃家俊先生 / 何冠毅先生，註冊社工）

#青衣女青 #世界盃 #總決賽 #睇波活動 #青衣綜合社會服務處 #青年人籌劃 #社區聚會 #四年一度 #一齊玩 #免費活動 #長青邨