Hong Kong YWCA 香港基督教女青年會

12/10/2026

【🌟第二屆非遺手藝證書課程11月開課 現正招生🌟 】
女青 - 秀群松柏社區服務中心 舉辦嘅第一屆非物質文化遺產證書課程有 11位大師順利畢業🎓，仲成功喺中心開咗超好玩嘅金箔畫班同糖畫快閃！

依家第二屆正式招募新血，等各位 50+退休老友記 一齊嚟傳承非遺，成就職人夢！
✨ 課程亮點：一堂學齊白族扎染、吹糖、燒金箔、竹編等8大非遺手藝！學成仲可以變身導師教人！
🎁 早鳥優惠：10月5–19 日期間報名即送教班秘笈📖《最後一分鐘：50+手作導師教班貼士》一本！

名額得 18個，額滿即止！
詳情如下，快啲把握早鳥優惠報名啦！👇🏻

11/10/2026

【一起邁向　基層醫療服務願景】
完善嘅基層醫療服務配套，係應對人口老化挑戰嘅良方📝
女青總幹事楊建霞，最近就以基層醫療委員會委員身份，出席「基層醫療交流座談會2026」，與病人組織、長者服務機構、地區康健中心、賽馬會慈善基金、區議會及醫管局的代表等，一齊交流未來發展方向🫶

要推動基層醫療高質量發展，喺唔同層面都需要仔細規劃，例如 #構建可持續發展的基層醫療治理體系、 #設立法定基層醫療服務提供者名冊 、 #五年內令受惠於地區康健中心的累計人數達100萬、 #持續增加投放於基層醫療健康計劃的資源 等，希望各界持份者一齊努力💪

07/10/2026

【🏃‍♂️🔥 「銀髮傲跑」長跑隊出發　支持老友記用雙腳繼續遊歷世界🔥🏃‍♂️】
上星期日11位 女青 - 秀群松柏社區服務中心 「銀髮傲跑」嘅老友記參加咗科學園嘅公開長跑比賽🏃‍♂️
佢地之前認真練咗好多課，個個都好期待呢日嘅show time！
最後全部都順利完走，真係夠哂firm呀，睇相感受到老友記同社工同事都非常開心！😎🔥
笑容無價，健康亦都無價，如果大家都想身體力行支持佢哋繼續跑步人生，歡迎聯絡我哋或者 女青 - 秀群松柏社區服務中心

07/10/2026

【女青「堅城萬事屋」項目　說好社福故事】
支援弱勢社群，係社福界共同使命🤝
星期二（10月6日），香港社福界心連心大行動 就舉辦 「慶祝中華人民共和國成立77周年『心連心 • 國慶社福薈萃』 暨 2026年『說好社福故事』比賽頒獎禮」，女青總幹事楊建霞、副總幹事李雯珊及服務總監（青年及社區服務）林遠濠一齊出席，並在現場見證 女青 - 西環綜合社會服務處 嘅「堅城萬事屋」項目，喺超過280個項目入面脫穎而出，獲頒「香港進行的社福項目」組別入選項目嘉許👏
請大家繼續多多支持女青嘅服務，一齊說好社福故事🫶

06/10/2026

【照顧者友善夥伴網絡@青衣　攜手推動照顧者友善社區 】
照顧者常有起居日常、醫療以至經濟等方面等需要，及時、適切的支援和資源配對非常重要🌟
最近， 女青賽馬會照顧者中心（青衣），就成立咗「青衣照顧者友善夥伴網絡」🌐，凝聚區內嘅物業管理公司、零售商戶、診所，以至社福機構、學校同教會等夥伴，建立跨界別社區支援平台🫶，希望可以全方位推動照顧者友善社區發展，將來其他地區可以借鏡﹗
呢個平台已經喺上星期舉行嘅「照顧者『森』活科技展 × 友善社區感謝日」活動上正式啟動，當日現場除咗有一眾老友記同照顧者表演，仲有唔少樂齡科技、長者疾病新知等攤位，讓公眾感受到跨界合作嘅行動力同效率﹗
📍「青衣照顧者友善夥伴網絡」期望於區內商場、零售商戶、餐飲食肆、屋苑、醫療機構及服務單位等，為照顧者及被照顧者：
1. 提供無障礙通道、輪椅友善設施、休息空間及優先服務安排
2. 推廣照顧者支援資訊、識別有需要人士及轉介社區資源
3. 提供消費折扣、指定產品或餐飲優惠等

06/10/2026

【一針一線，織出連結25年之默契】

唔講唔知，原來25年前，Hong Kong YWCA 香港基督教女青年會 #明儒松柏社區服務中心，已經同太古地產愛心大使拍住上，服務東區嘅長者！

今年「愛心大使❤️同行25年」慈善義賣，來自女青 #銀丫手作 一班退而不休嘅女俠再度出動，用巧手創作100對限量手工鉤織公仔 (售價由 $125 起) 🧶 每一對作品，都見證住愛心大使與女青一同成長嘅故事，為有才華嘅女俠提供平台，發揮潛能， 學今次嘅鉤織女俠Vivian話齋：「退咗休唔代表要停落嚟，自己嘅作品有人欣賞，原來咁有成就感！」

25年嚟，我哋嘅合作無間，由「左鄰右里 」陪伴東區長者建立互助網絡、到疫情期間火速發起「婦女展才」計劃，製作超過30,000個可重用布口罩解社區燃眉之急；再到近年合辦關顧照顧者的「陪您森呼吸」等項目，一路帶著源源不絕嘅愛同行 🩵

約定你喺義賣現場見，支持一眾女俠嘅手工精品，同時為義工發展出一分力！

【Stitch by Stitch, Celebrating 25 Years of Connection 🧶】

Did you know? 25 years ago, the YWCA Ming Yue District Elderly Community Centre and Swire Properties Community Ambassador already began working side by side to support older people in the Eastern District!

For this year’s “Community Ambassador❤️Together for 25 Years” Charity Bazaar, YWCA’s inspiring retired women from are back with 100 pairs of limited-edition handmade crochet dolls, from HK$125 each. Every pair tells the story of our journey together—giving these talented women a platform to shine. As one of our heroines, Vivian, puts it: “Retirement doesn’t mean stopping. Knowing that people appreciate my creations gives me such a wonderful sense of achievement!”

Over the years, our partnership has grown from “Be My Friend” Program, which supports older people in building neighbourhood networks, to the SEWomen initiative started during the pandemic, when over 30,000 reusable fabric masks were made for the community. More recently, we have also joined hands on caregiver-support projects such as “Let's Breathe Together” Exhibition. Through every chapter, we have kept walking forward together, with love and care to share 🩵

See you at the Charity Bazaar—take home a handmade treasure, support our everyday heroines and help grow the spirit of volunteering!

__

🔍 活動詳情 Event Details
https://cloud.edm.swireproperties.com/CA25A_CharityBazaar

「愛心大使❤️同行25年」慈善義賣
"Community Ambassador❤️Together for 25 Years" Charity Bazaar

📅 15-18/10, 2026 (Thu - Sun)
⏰ 12 nn - 7 pm
📍 太古城中心地下 (近誠品生活太古店)
G/F, Cityplaza (near eslite spectrum Tai Koo Store)

💙 活動收益將撥捐 Agency for Volunteer Service 義務工作發展局 All proceeds will be donated to Agency for Volunteer Service

#太古地產愛心大使 #同行25年 Y Evergreen 女青賽馬會樂齡活學中心 - 退休人士興趣班組及義工活動

05/10/2026

【🥮✨月到中秋份外「甜」 8千名長者及護老者獲贈甜蜜祝福✨🥮】
今年中秋，女青非常榮幸獲得 憶京慈善集團、新旺餐飲集團 以及 曾文忠先生 慷慨捐贈 𝟴,𝟬𝟬𝟬 個中秋月餅！

呢 8,000 個月餅已經化身成福袋同節日心意，透過地區慶祝活動、長者探訪同好玩嘅問答遊戲，交到長者、護老者、義工同服務使用者手中。

再次感謝善長們與女青攜手同行，用愛心照亮社區每一個角落，同大家過咗一個超溫馨嘅中秋節！❤️

04/10/2026

【🎉🏠 屯門街坊注意！全新樂齡「萬事屋」2027年進駐屯門業旺邨🏠🎉】
由女青同加減乘除基金聯營合辦嘅屯門樂齡中心 女青-屯門樂齡中心 將會喺2027年初開幕，服務區內金齡人士同護老家庭。

呢間「萬事屋」提供超多元化服務，包括：
🍱健康與膳食支援： 健康測量、健身器材、飯堂及速凍餐服務
📱大腦與增值： 健腦活動、腦退化症支援、手機學習同興趣課程
💪🏻強大後盾： 護老者支援、社工輔導、義工培訓及服務、院舍申請
無論您想充實退休生活，定係需要照顧支援，呢度通通幫到手！💪🏻 記得萬大事有萬事屋撐住您！💪🏻

快啲 Follow 專頁緊貼最新動態！👇

屯門樂齡中心將於2027年初開張啦！

好消息！🎉
由香港基督教女青年會同加減乘除基金聯營合辦，座落於屯門業旺邨嘅新中心 - 屯門樂齡中心！預計2027年初就會開張，為區內金齡人士及護老家庭服務！

我哋相信，每位長者都值得安享健康、有尊嚴嘅晚年。同時，護老者嘅無私付出，我哋一樣重視，期望可以支援護老者，並提供一個可以放鬆、交流嘅空間。

🐮「屯門牛」貼地精神，做最親切嘅街坊！
我哋團隊秉承「屯門牛」堅韌貼地嘅精神，將積極聯繫政府、地區伙伴、企業義工與區內商戶及醫療團體等，齊心服務屯門嘅金齡一族同護老家庭！

🌟 中心有咩服務？
🏠 哩間「智叻萬事屋」，有兩大服務特色：
「智」— 學習智能科技📱，增添趣味，便利日常生活與照顧
「叻」— 搭建自我實踐嘅人人舞台💃🏻，提升生活幸福感

「智叻萬事屋」內仲有七大服務，包括：

智活小屋 🕺🏻：多元活動，體驗新事物及新科技，朋輩共學。
智Chill小屋 💆🏻‍♀️：提供護老者支援同專屬嘅喘息空間。
智健小屋 💪🏻：推廣基層健康，掌握健康管理貼士，保持活力。
智愛小屋 🫶🏻：遇疑難搵社工輔導與支援轉介，置身關愛社區。
智義小屋 🙋🏻‍♂️：義工培訓，鼓勵金齡人士回饋社會。
智膳小屋 🍚：飯堂、速凍餐等餐膳支援，食得安心。
智醒小屋 🧠：開心、好玩嘅健腦活動，延緩認知退化。

想知多啲？快啲Like & Follow我哋Facebook專頁，睇晒最新消息！

有嘢想問，請WhatsApp我哋：59573613

#屯門樂齡中心 #萬事屋 #人人舞台 #屯門業旺邨 #長者服務 #護老者支援 #屯門牛 #樂齡科技 #健康生活 #社區關懷 #2027開張

02/10/2026

【五感寶盒買一送一 🥳10月限時大優惠、售完即止‼️】
今個10月係照顧者月，女青準備咗「五感寶盒®️」限時優惠俾各位照顧者、老友記、長者及醫療服務單位。
由 10月1日至10月31日喺網上訂購「五感寶盒®️」🎁
▶https://gift.ywca.org.hk/products/5-sense-box
即可獲限時 ‼️買一送一 ‼️優惠 🤯 !

快啲同隔離左右一齊訂，一齊享受親耆、健腦嘅有趣時光啦 🫶🏻!
有關五感寶盒的研究可參考以下網址▶https://www.ywca.org.hk/zh-hant/新聞稿/女青x理大-認知障礙症研究-多感官認知刺激訓練-證實可延緩患者認知能力退化

01/10/2026

【同賀國慶　弘揚漢字妙趣】
10.1國慶大日子，普天同慶之餘，最好就係一家大細感受中華文化深厚底蘊，以及漢字源遠流長嘅歷史妙趣！

香港基督教女青年會幼兒教育部 喺 荃灣D·Park 舉行嘅「女青『童』樂日 字字生趣」大型嘉年華，今日繼續透過八大主題展區，以多元感官體驗，帶領親子從「看、聽、摸、動」之間探索漢字藝趣；下午更加舉行盛大頒獎典禮，邀得女青幼兒教育部十一校校監陸西琳、校董及女青總幹事楊建霞親臨主禮，場面生色不少！

典禮上，首先播放升旗儀式影片，以表達對國家的情懷；隨後，趣沂幼稚園學生亦演出「春曉」，為整場典禮增添濃厚的中華文化氣息，家長及觀眾都睇到入迷！現場亦有多場故事劇場表演，讓公眾感受學童點樣融會貫通中華文化知識！

藉此，女青祝願國家繁榮富盛、國泰民安，繼續傳承偉大嘅中華文化同漢字歷史！