小星星愛心傳遞sen特殊學習需要自閉症

24/08/2026

💫小星星帶你進入奇妙之旅part 2今日順利進行中💫🤗

一行20人小星星及其家人開開心心暢遊迪士尼，昨日監察住天氣預告，預報今日將係風雨飄搖的日子，感謝天父對小星星的愛，賜予銀河系風和日麗的天氣，讓眾小星唔需要在風雨中闖蕩樂園，感謝感恩✝️🩷💛🩵

今日有第一次參加活動嘅小星星，亦有細細個就已經開始參加活動嘅大星，知道仍然有家庭仍在樂園中暢遊，今日超級好天氣，大家應該可以睇埋煙花作一個圓滿的序幕，願大家繼續玩得開心好好享受今日的奇妙之旅🩷💛🩵

特別鳴謝好朋友愛心捐出20張迪士尼門票，讓小星星們能夠同爸爸媽媽一齊展開探索奇妙旅程，Thank you so much🩷💛🩵

30號輪到暑期重頭節目第十屆小星星運動會，小星星愛心傳遞已經準備當中，everybody你哋準備好未💫🤗

23/08/2026

第十二屈2026年親子福音營已經順利完結💫✝️

小星星愛心傳遞之前三年全數資助有需要嘅家庭進入福音營，今年感恩獲得「特殊需要群體福音事工有限公司」全數資助十個有需要小星星家庭一行27人，一同帶著信望愛的心去認識主耶穌對他們的愛🩷💛🩵

三日兩日營會中每位小星星都有助教單對單貼身照顧，由助教帶領一同從遊戲中認識上帝的愛，而家長就去參與家長活動，藉著每一場福音重新得力🩷💛🩵

感謝特殊需要群體福音事工上上下下每一位義務事工，感謝每一位自費去迎會做助教的義工們，感謝大家在三日兩夜中用無比的愛去包圍所有特殊學習需要孩子家庭，令他們各自的創傷得以癒合，讓他們明白孩子並不是災難而是玫寶，帶領他們進入上帝的門，感謝感恩✝️🩷💛🩵

今年福音營會已經順利完結，期待下一年有你你你和你的參與，一起接受上帝既溫暖兼豐厚無比夠的愛，願主祝福地上每一位特殊學習需要孩子家庭，祝福大家天天平安喜樂，日日主福滿溢✝️💫

23/08/2026

小星星免費匹克球親子練習班，5月及暑假的第一期課堂今日12堂已經全數順利完結💫🤗

在這12堂中，眾小星有幾位經歷之前體驗班，有幾位係未上過堂，大家由零經驗以及初接觸開始，經歷三個多月課堂練習，小星星愛心傳遞看見每一位小星的技巧都提升了，自信亦增強，家長在陪伴孩子一起練習之時，亦更能夠從中體驗很多事情只作旁觀者是不明白固中難處，與孩子一同去體驗才能明白很多看似簡單的其實並不簡單，當中亦更看見及體會孩子的努力，欣賞角度及親子關係亦有所提升🩷💛🩵

第一期練習班順利完結，祝福每位隊員之後亦都能夠繼續抽時間享受打波的樂趣，而第二期嘅匹克球免費親子練習班亦會在九月開始，各位新隊員are you ready，9月6號準時與你們課堂中見面💫🤗

22/08/2026

💫小星星帶你一同進入紫昕姐姐非凡音樂劇之旅活動在今日晚上順利完成🤗

一行200位小星星及其家人，一齊開開心心熱熱鬧鬧欣賞兒童舞台劇，大家都一同無障礙地一起吶喊一起歡呼一起尖叫，今日有第一次睇舞台劇的小星星，更有家長從來都冇想像過可以帶到孩子入大會堂演奏廳嘅小星家庭，小星星愛心傳遞再一次感動能夠與大家一起經歷你們的第一次，在此亦高度欣賞每一位願意陪伴孩子的爸爸媽媽們，銀河系你們是最棒的🩵💛🩷

感謝菁菁自閉症慈善基金會攜手一同合辦，讓眾星們能夠擁有一個咁美好嘅體驗，更衷心感謝善長何國光先生愛心支持200張門票，Thank you so much🩷💛🩵

任何能力人士亦有權利體驗及享受不同的場所及活動，今日活動順利完結，期待下一次活動有你你你及你一同參與🤗💫

21/08/2026

💫🐰小星星中秋diy玉兔燈籠親子手工製作工作坊

活動對象：特殊學習需要人士親子(歡迎任何年齡以及任何智能特殊學習需要人士參與）

活動名額：16對親子(活動當日每對親子會有一位義工專屬照顧，有手語義工，歡迎聾啞人士親子聽障人士親子參加)

活動日期：9月13號(星期日)

活動時間：下午兩點半至五點半(確認人士會在9月6號收到whatsapp訊息，沒有中籤者不會過別通知)

活動內容：diy燈籠製作，猜燈謎，同唱詩歌，福袋禮物派發

活動地點：荔枝角美孚道33號政府綜合大樓4樓美孚小童群益會

活動費用：全免

中秋禮物福袋內容🎁每個小朋友
耳機、畫簿、公仔扇、曲奇、雪花酥、驅蚊殺菌噴霧、濕紙巾、飲品等

有興趣人士可按入以下連結報名👇🏻

活動對象：特殊學習需要人士親子(歡迎任何年齡以及任何智能特殊學習需要人士參與） 活動日期：9月13號(星期日) 活動名額：16對親子(活動當日每對親子有一位義工專屬照顧，有手語義工，歡迎聾啞人士親子聽障人士親子參加)...

20/08/2026

8月17及20日小星星同佢哋嘅爸爸媽媽一起齊集高山劇場新翼展覽廳，一起學習文化以及靜態的悠閒💫🍃

大家一起睇展覽，欣賞普洱茶文化展覽，一齊做有關普洱茶文化嘅手工，吸收完文化氣息之後就一齊去食早餐填飽肚皮，喜歡高速移動的的小星星們，亦從中學習放慢放慢再放慢的悠閒🩷🩵💛

多提供不同的場景不同的體驗，小星星們都能夠從中慢慢學會動靜皆宜，從中接觸一些平時可能經常會接觸的事物例如茶葉，但就好少會親自去了解佢嘅文化，甚至未試過真正將一塊茶葉放在手上去看清楚，感謝家長們願意陪同孩子，讓他們去認識更加多不同的事物，唔需要一定做狀元即時將呢個知識變成資深，能夠擴闊眼界聽多啲睇多啲就已經係very good🩷🩵💛

特別鳴謝極地同行一起愛分享，讓小星星和家長們一起體驗這份閒情，一起學習這份文化，thank you🩷🩵💛

活動順利完結，銀河系下一場活動再見🤗💫

17/08/2026

🎬💫小星星暑假同你一齊睇好戲第二擊，反鬥奇兵5電影包場活動今日順利完成🤗

108位小星星及其家人座無虛設濟濟一堂，一齊開開心心免費卡通電影欣賞，今日有第一次參與小星星活動嘅家庭，亦有第一次入戲院睇戲嘅小朋友，亦都有第一次能夠坐定定係張櫈度睇戲嘅小朋友，小星星愛心傳遞非常感恩看見每一個第一次，亦都期盼大家藉著這個第一次，逐漸變成宇宙無限大的恆久成功，大家都一起加油，在此同時亦都非常欣賞每一位願意陪伴孩子衝破障礙的爸爸媽媽們，你們和孩子都是最棒的🩷🩵💛

而小星星愛心傳遞最喜歡資源共享，各大機構攜手協一起成為眾星們的樹蔭力，今日亦邀請咗童樂行動嘅小朋友一齊睇戲，在此感謝大家的參與🩷🩵💛

特別鳴謝好朋友全數資助今日電影活動的所有門票，小星星愛心傳遞在此代所有受惠的特殊學習需要孩子們感謝你的支持和滿滿的愛，Thank you so much🩷🩵💛

今日活動順利完結，但係小星星嘅暑假活動仲未完結呀，期待下一場活動見到你你你和你的出席🩷🩵💛

銀河系下一場活動再見💫🤗

16/08/2026

小星星親子免費匹克球練習班由暑假前開始到今日已經進入今期倒數第二堂，上埋下個星期今期就會完結，有始有終，但終點亦都可以係起點💫🤗

感謝今日練習班由小星星愛心傳遞嘅好朋友ice幫忙照顧隊員，Thank you so much🩷🩵💛

由暑假前到而家，大家都已經進步咗好多，期待每一位隊員在之後的日子都能夠繼續努力自動練習，好好keep住呢個運動，大家都要加油🩷🩵💛

今日課堂順利完結，everybody下一堂最後一堂準時再見💫🤗

15/08/2026

小星星小腳板遊世界21.0昨日已經順利回港💫🤗

暑假當然要去玩，今次84位小星星及其家人浩浩蕩蕩出發惠州，繼續小星星最鍾意嘅水水水，玩足三日兩夜水世界，早上去玩山溪捉小魚，等小星們除咗泳池水之外都去玩下活水，體驗更多不一樣，下午就去水世界玩大滑梯小喇叭衝浪，個個都玩到唔捨得走，夜晚就去無動力樂園，一個人人都玩到，家長完全放心畀佢哋嘗試隨時可以煞停，唔使擔心小朋友跳機受傷，場内有個兩個小山頭咁大嘅彈床，應該稱之為彈彈山先啱，個個彈到半空放足晒電，仲有個超級滑草場，眾星們開心過去迪士尼，3日2夜無限復活咁玩，玩到要回程喇小星們都唔捨得走😂

今次小星星小腳板遊世界21.0三日兩夜之旅，非常感謝廣東旅遊茵茵姐姐幫手安排兩位導遊哥哥國枝哥哥及高高哥哥，兩位對小星星們照顧到非常體貼入微，係兩位導遊哥哥對銀河係嘅愛呀，期待下次再相聚🩷🩵💛

特殊孩子家庭帶住特殊寶寶單獨去旅行係困難的，甚至因為這些困難而卻步，但一班同路人一起同行再加上充滿愛嘅導遊，所有問題都不再是問題，任何能力人士亦有權利參與不同的活動及體驗不同的場景，上帝創造天與地就是給我們進入當中好好感受每一花一草一樹一木🩷🩵💛

小星星小腳板遊世界21.0順利完結，期待下一次的旅程有你你你和你願意嘗試與我們一起出行，一起帶孩子行遠啲睇多啲🩷🩵💛

11/08/2026

今日小星星愛心傳遞帶領一行13位小星星及其家人，一同去學做大師傅學整中式茶樓點心🧑🏻‍🍳💫

飲茶茶一齊食點心做午餐之前，大家一齊跟大師傅學製作酒樓頂點點心蟹子鮮蝦燒賣🦐

自己手工製作當然特別好味道，今日除咗學製作燒賣，同時學咗好多茶樓嘅文化，包括人哋斟茶畀你你敲枱係咩意思，原來呢個典故係出自乾隆下江南飲茶嘅事情，民間出巡大臣唔可以高調向佢跪拜，就用呢個方法作行禮，這個禮儀在茶道中被稱為「叩指禮」或「叩手禮」，意思是「以手代首」當中都會論輩份分用拳頭兩隻手指或者一隻手指👊🏻✌🏻☝🏻

而不同嘅茶葉喺行內都有不同嘅手勢暗號，普洱摸耳仔，壽眉摸眼眉，香片膜鼻哥，鐵觀音合十，包點心用嘅器材叫做餡挑，相信今日家長同小朋友都獲益良多，小朋友可以親手製作點心，家長可以學到咁多咁得意嘅資訊，最後大家一齊飲茶茶食飽飽，除咗自選點心之外，仲食到自己親手製作新鮮出籠嘅蟹子鮮蝦燒賣，而且仲有證書一張，大家身心靈都非常滿足🩷🩵🧡

特別鳴謝極地同行邀請小星星愛心傳遞一起同行，讓眾星們一同參與一個咁開心嘅點心製作班，Thank you so much🩷🩵🧡

今日活動順利完結，everybody下一場活動再見🤗💫