屈臣氏集團香港傑出學生運動員獎 HKSSA

18/06/2026

【💙嚴師 · 父愛｜培養單車運動員嘅成長之路—仇斯雅🚴‍♀️】 2025-26 得獎學生仇斯雅Zea✨自細見到爸爸—前香港單車隊成員及教練仇多明踩單車，就想追隨爸爸嘅步伐，慢慢培養出對單車嘅興趣同熱愛。🤩為咗同Zea建立更多共同成長經歷，同時培養佢嘅心理素質，爸爸親自擔任Zea嘅單車教練，甚至建立單車隊、店舖及訓練中心，為Zea打造一個發展平台。

單車🚲，成為咗兩父女之間嘅重要橋樑，唔單止拉近咗彼此嘅距離，亦令佢哋有更多共同回憶同話題。Zea分享，自己好鍾意同爸爸踩單車，但有時想休息，依然會被「教練爸爸」叫去訓練。😆而爸爸亦坦言，過程中充滿掙扎：一方面希望女兒多參加比賽、挑戰自己，另一方面又擔心佢受傷；亦要喺📚學業同訓練👟之間取得平衡。

近年Zea開始接觸場地單車，🏅積極參與唔同比賽汲取經驗，漸漸培養出「好想贏，但亦接受到失敗」嘅正面心態。💪期待兩父女繼續並肩前行，創造更多難忘回憶。🫶祝各位爸爸，以及每一位身兼父職嘅你，🎊父親節快樂！

#屈臣氏集團香港傑出學生運動員獎

17/06/2026

【🎉喜訊速報】恭喜 2024-25得獎學生、賽艇運動員蔡震✨早前成功出戰於泰國芭堤雅舉行嘅「🚣‍♂️2026亞洲海岸賽艇沙灘衝刺錦標賽」，與拍檔陳慧希合力奪得U19男女混合雙人雙槳銅牌，🇭🇰為港爭光！👏

蔡震曾分享，其中一個最寶貴嘅經驗，係因一時大意錯過咗原本志在必得嘅賽事機會🥺。相信隨住比賽經驗不斷累積，無論佢嘅心態定實力都有所提升💪。期待呢位賽艇新星🌟繼續創造更好嘅成績，划出更高嘅成就！

📸 賽事相片來源: 中國香港賽艇協會

#屈臣氏集團香港傑出學生運動員獎

16/06/2026

【💬一齊聽吓得獎學生心聲啦！🤩】今屆 得獎學生涵蓋超過 70個運動項目，✨幾位學生運動員同大家分享佢哋嘅得獎心情🎊，以及心目中成為傑出學生運動員最重要嘅特質！

我哋希望透過嘉許👍，為學生運動員帶嚟鼓舞之餘，更重要係鼓勵更多人積極參與運動👟，繼續努力追夢🌟！

#屈臣氏集團香港傑出學生運動員獎

11/06/2026

【🚀唔係一次突破 而係做好每一次成績💪】 2025-26 得獎學生、IPSC 氣槍實用射擊運動員✨梁銘津Jophy自細就覺得氣槍好有型😎，升中後主動搵資料深入了解🔎。最初，IPSC 氣槍實用射擊只係佢嘅興趣，但經過唔同比賽後，就漸漸成為佢嘅運動專項。

Jophy分享，突破可能只得一次，但訓練同比賽嘅穩定表現更重要，佢更追求每一場都發揮出平穩水平🎯。自從佢接觸呢項運動後，唔單止變得更沉穩冷靜🧠，學識點樣調節情緒，更贏得唔同獎項🏆，包括上年喺菲律賓世界賽勇奪青少年標準組世界冠軍、標準組地區隊世界冠軍等，表現令人鼓舞👏🏼！

對運動嘅熱忱，更推動Jophy將仍未普及嘅IPSC氣槍實用射擊🔫向身邊嘅人及社區推廣。佢更加感染原本跳舞嘅妹妹加入，令兩兄妹多咗共同話題，關係亦變得更緊密😍。

➡️一齊了解更多Jophy嘅故事啦： topick.hket.com/article/4133597

#屈臣氏集團香港傑出學生運動員獎

【 】日練12小時成射擊世界冠軍

中五嘅梁銘津由貪有型到變世界冠軍，背後付出超多汗水！阿妹都受佢影響一齊練，兩兄妹真係好勵志呀

#梁銘津 #屈臣氏集團傑出學生運動員

08/06/2026

【一齊支持體育盛事 | ⚽ FIFA世界盃2026🏆】四年一度嘅世界盃又嚟啦！今屆賽事被譽為歷來規模最大，首次由三個國家——美國、加拿大及墨西哥聯合主辦，比賽場地橫跨16個城市🌍。同時，參賽隊伍由以往嘅32隊增加至48隊，賽期更係歷屆最長，讓更多國家有機會踏上世界舞台🌟，進一步推動足球熱潮！

2025-26 得獎學生之中，都有唔少熱愛足球嘅同學㗎！例如曾受氣胸困擾嘅黃樂希Ethan✨分享，喺運動生涯中最難忘嘅並唔係得獎或者射入一球「世界波」，而係成功戰勝病魔。由一度以為要放棄足球，到憑堅定意志克服心理關口同身體限制💪，一步步重建肺活量及體能，Ethan用行動證明👍：真正嘅勝利，係永不放棄！

💡 #世界盃2026 將於香港時間6月12 日正式開戰，無論踢開波嘅你，定係想感受足球魅力嘅你，都不妨留意下電視直播👀，一齊投入全球足球狂熱啦🔥！

#屈臣氏集團香港傑出學生運動員獎

02/06/2026

【🎉喜訊速報】👟田徑好手閃耀亞洲舞台 打破多項香港青年紀錄🏆

恭喜 多位歷屆得獎學生✨喺 取得突破性成績，🆕刷新多項香港青年紀錄，成功超越自我😍。當中鄺施愛於女子標槍擲出51米27，不但打破香港紀錄，更成為史上首位突破50米嘅香港女將👏，並順利取得世界青少年田徑錦標賽嘅參賽資格🌍。

徑項方面，陳一樂、黃佑楠分別刷新男子100米及400米嘅香港青年紀錄⚡️；黃詠瞳、庾沛怡、邱蒨庭，聯同隊友黃韻之，🤝合力創下香港女子4x100米青年新紀錄，真係可喜可賀🎊！

祝願各位田徑健兒繼續越戰越勇，不斷努力突破💪，向更大嘅舞台進發💫！

📸相片來源: 第二十二屆亞洲U20田徑錦標賽 2026

#屈臣氏集團香港傑出學生運動員獎

29/05/2026

【🎥媒體報導】🏅回顧頒獎禮盛況 嘉許近千名體壇明日之星⭐️

好高興喺屈臣氏集團185周年香港傑出學生運動員獎頒獎典禮當日，2025-26 得獎學生佘承軒、李樂悠及江祖華接受TVB節目《J Sport》訪問📺，分享佢哋嘅得獎感受同參加頒獎典禮嘅心情！➡️一齊重溫頒獎禮嘅精彩花絮😍，以及幾位同學嘅分享啦🎤！

🎞️影片來源：TVB J Sport

#屈臣氏集團香港學生運動員獎

28/05/2026

【🏀籃球女將｜場下靦腆 場上強勢 MVP🔥】今年 得獎學生當中，有位同學因為要出戰比賽，未能親身出席頒獎禮—佢就係尤靖然啦！✨當日Jesse代表學校出戰GA110全港學界三人籃球錦標賽2026總決賽，同隊友一路過關斬將，最終勇奪女子小學組亞軍，更獲選為九龍西區女子隊 MVP！

Jesse自細就跟爸爸開始打籃球，一打就打咗 5 年。籃球不但令佢變得更自信、更強壯，亦結識到一班並肩作戰嘅好朋友🤝。呢位籃球隊長通常擔當控球後衛同得分後衛，一方面積極主動進攻、落力搶分⚡，另一方面細心觀察隊友表現同場上形勢👀，適時調整場上節奏，帶動全隊發揮🙌。

問到有冇諗過放棄籃球、專注學業，Jesse堅定表示「冇諗過，因為打咗咁多年波，我都係咁鍾意籃球，而且我有一班隊友陪住我！☺️」

期待Jesse升中後繼續努力追夢🌟，向住加入港隊目標進發！💪

#屈臣氏集團香港傑出學生運動員獎