What are the opening hours?

Monday 09:00 - 12:30 14:00 - 18:00 Tuesday 09:00 - 12:30 14:00 - 18:00 Wednesday 09:00 - 12:30 14:00 - 18:00 Thursday 09:00 - 12:30 14:00 - 18:00 Friday 09:00 - 12:30 14:00 - 18:00

屈臣氏集團香港傑出學生運動員獎 HKSSA

Home
Hong Kong
Hong Kong
屈臣氏集團香港傑出學生運動員獎 HKSSA

「屈臣氏集團香港傑出學生運動員獎」於2005年成立，是首個及唯一一個以全港中、小學及特殊學校學生為嘉許對象的運動獎項，透過「每校一獎」形式嘉許傑出學生運動員。

09/10/2026

【😎看淡勝負只管全力以赴🔥】 2025-26得獎學生✨曾悅孜學咗跳繩兩年後，喺小四就成功加入港隊。對佢嚟講，個人、花式跳繩同團體賽事各有各嘅樂趣—個人跳繩較能展現自己嘅風格同創意；花式跳繩就能挑戰自我極限，而團體賽事就可以同朋友一齊編舞，結伴出賽。😆

芸芸比賽之中，令悅孜最難忘嘅係2023年泰國皇后盃。當時佢忍住腳傷、咬緊牙關完成賽事，最後更成功奪得個人花式冠軍🏅，令佢不禁為自己嘅表現感到自豪。

接觸跳繩超過10年，悅孜對贏輸有另一番體會。「上得賽場嘅選手，相信都為比賽用心準備，但冠軍只得一個🏆，更多嘅係落敗嘅人。所以，你所付出嘅努力同時間未必一定能夠換來好成績。我慢慢睇淡咗輸贏，學會接受自己嘅實力水平🫂，但每次比賽都會全力以赴、努力突破💪。」

近日悅孜於西安舉行嘅UJR 世界跳繩公開賽暨 UJR 世界盃🌏勇奪 7面獎牌，喺世界舞台取得亮眼成績！🤩祝願佢繼續保持水準，喺國際賽愈戰愈勇，迎來更多突破同更高排名！

#屈臣氏集團香港傑出學生運動員獎

06/10/2026

【🎉喜訊速報】恭喜 2025-26得獎學生、技巧體操運動員✨黃思蔓 (Ceci) 近日喺2026年全港技巧體操分齡賽中，獲得5級 (10歲或以上) 女子雙人第一名🤸‍♀️，用實力交出亮眼成績！👍

除咗喺本地賽事屢創佳績，Ceci於今年9月亦聯同拍擋遠赴意大利🇮🇹，參加第2屆國際體操總會世界青年技巧體操錦標賽。🌍首次參與國際賽事，Ceci分享難免有啲緊張，但仍然全力以赴完成賽事，更透過今次難得嘅機會擴闊視野、汲取經驗，令佢感到滿足同開心！☺️

😍期待Ceci繼續精進技巧、累積大賽經驗，喺更大嘅舞台上發光發亮！💫

#屈臣氏集團香港傑出學生運動員獎

03/10/2026

【🎉喜訊速報】恭喜 2014-15 得獎學生✨黃澤林 Coleman🎾，喺名古屋亞運會勇奪網球男子單打金牌🏅，為香港網壇摘下首面亞運金牌！👏🏻👏🏻

決賽中，Coleman 面對曾於全國運動會等大型賽事交手過嘅國家隊名將吳易昺，展現出冷靜表現同強大實力👍🏻，直落兩盤奪冠！

🤩嚟緊只要 Coleman 喺明年 6 月 12 日保持世界排名 500 名內，就可以順利取得洛杉磯奧運入場券！✈️

祝願呢位網球少年繼續努力追夢，保持狀態，😆愈打愈 firm，創造更多、更大嘅成就！💪🏻

📸：中國香港網球總會

#屈臣氏集團香港傑出學生運動員獎

30/09/2026

【🎉喜訊速報】恭喜 2022-23得獎學生蔡思晨 (Season)、2018-19得獎學生鄒子蕎 (Claudia)、2013-14得獎學生潘幸慧 (Wise)，聯同隊友徐穎恩出戰名古屋亞運會女子4x400米接力，合力刷新香港紀錄！👏🏻🔥

幾位女將一直都係400米好手🏃‍♀️，彼此之間更有住特別嘅緣分💫 Claudia同Season曾一齊出戰2025年東亞U20田徑錦標賽4x400米混合接力，合力勇奪銀牌🥈；Wise同Season就係昔日中學校友🏫，Wise更曾擔任Season嘅班主任，今次兩師生更齊齊披上港隊戰衣，並肩作戰！💪🏻

今次係港隊首次派員出戰女子4x400米接力項目，4位女將更一舉將香港紀錄推前逾3秒！佳績背後，除咗靠每位運動員刻苦訓練、不斷突破自己，更係團隊默契同互相信任嘅最佳印證。❤️

再次恭喜4位女將，期待你哋繼續突破界限，喺跑道上創造更多佳績！✨

📸: 港協暨奧委會

#屈臣氏集團香港傑出學生運動員獎

29/09/2026

【🎉喜訊速報】港隊壁球力量閃耀亞運舞台！💫

恭喜多位歷屆得獎學生、壁球好手代表香港出戰名古屋亞運會，勇奪佳績，為港爭光！🤩

✨ 2015-16得獎學生謝依霖夥拍隊友黎卓楠，勇奪壁球混雙銀牌
✨ 2013-14得獎學生陳善鈺，摘下壁球女單銅牌
✨ 2006-07、2012-13得獎學生何子樂，打入女單8強

壁球港隊即將迎來團體賽！🤝🏻一起繼續關注港隊最新戰況，全力支持所有運動員，為他們加油打氣！💪🏻

📸: 中國香港壁球總會、SportSoHo

#屈臣氏集團香港傑出學生運動員獎

24/09/2026

【🏅不只求成績更想長見識👀】 2025-26得獎學生✨潘穎棽(Daisy) 3歲已經著上兒童滾軸溜冰鞋，喺一次次跌跌碰碰中慢慢學會平衡，由興趣玩到入選港隊。🇭🇰提起自己嘅滾軸溜冰之路🛼，Daisy坦言同身為速度輪滑運動員嘅家姐潘善淇🌟有好大關係。「細個見到家姐玩滾軸溜冰，令我對呢項運動充滿興趣；大個之後，家姐陪我練習，一齊研究技術。我哋一齊努力奮鬥，成件事好有愛💖！」

不過原本Daisy都曾有想放棄滾軸溜冰嘅一段時期——當時佢突然覺得滾軸溜冰好無聊，好似失去咗原有嘅興趣同熱情🥹。雖然係咁，但佢卻從未諗過放棄比賽。「我知道自己參加國際賽事未必贏🏆，但我希望透過比賽學習唔同地方運動員嘅技術同訓練方式，亦藉此去更多地方✈️，見識多啲。🌍」

憑住呢份信念🔥，Daisy成功取得代表香港參加亞錦賽同世錦賽嘅資格。上年佢更首次出戰全運會，雖然成績不如預期，但佢對自己嘅表現仍感到滿意。「當時我嘅比賽狀態同情緒管理都唔錯。即使比賽途中遇到其他選手阻擋，我仍努力堅持、尋求突破💪，相信每一次比賽都係成長同學習嘅機會！」

#屈臣氏集團香港傑出學生運動員獎

21/09/2026

【🌊以毅力迎浪而上划出成長之路💪】 2025-26得獎學生✨林衍榛 (Alvin) 由細到大都熱愛水上運動，曾接觸獨木舟水球、滑浪風帆等項目。8歲時，Alvin獲教練賞識👍，加入獨木舟水球培訓隊，成為隊中僅有嘅兩名小學生之一。惟因翌年隊伍改制，成員必須為12歲以上，佢就由獨木舟水球轉向賽艇🚣‍♂️，開展全新嘅運動旅程。

Alvin分享，要喺賽艇項目取得理想成績，需要刻苦訓練同持之以恆。「練賽艇要好捱得😎，一星期要練足6日，每朝早6點就要開始訓練，練完就返學，放咗學後再練。平時訓練內容包括體能訓練、水上訓練、跑步、單車機同室內划艇機訓練。」

賽艇設有唔同競賽項目，而佢特別鍾意講求團隊合作同默契嘅四人艇項目。🤝中三已經加入體院並跟港隊訓練嘅Alvin，分享最深刻嘅比賽經歷就係，有次參加雙人艇賽事，佢同拍檔一度落後對手約5至6個艇位，但佢哋咬緊牙關全力追趕🔥，最終後來居上，反敗為勝。🏅

作為廣州運動交流團成員，Alvin出發前期望💭了解廣州運動員嘅訓練模式、參觀當地體育設施，以及結識來自唔同項目嘅運動員，而呢啲目標最終亦一一實現。👏透過今次交流，佢唔單止擴闊視野，更見證自己嘅成長。🌱希望Alvin喺賽艇路上繼續堅持，努力追夢，🎯向心目中嘅理想成績同更高成就進發！

#屈臣氏集團香港傑出學生運動員獎

14/09/2026

【💪一齊關注亞運為港隊打氣🇭🇰】第20屆亞洲運動會將於名古屋舉行，並喺9月19日正式開幕。📣今次港隊派出近580位運動員出戰，其中包括多位歷屆得獎學生✨田徑運動員鄒子蕎及蔡思晨🏃‍♀️、單車運動員吳保利🚲、跳水運動員阮柏鈞🌊、體操運動員曾凱緣🤸、水球運動員李旨桓🤽，以及賽艇運動員張菀珊🚣等。

💡值得一提嘅係，🆕今屆亞運首次有香港運動員出戰現代五項、摔跤、板網球及藝術體操項目。除咗透過收睇電視直播支持港隊之外，🔎大家不妨趁呢個機會認識更多運動項目！🔥全城一齊集氣，為港隊加油啦！

#屈臣氏集團香港傑出學生運動員獎 #名古屋亞運會

11/09/2026

【🎾由網球到匹克球轉拍打上世界舞台🌏】 2024-25得獎學生✨梁雅琳 (Athena) 接觸網球超過11年，今年佢受朋友啟發，轉打近年香港新興嘅熱門運動匹克球 (Pickleball) 🔥。短短接受專業訓練2個月，Athena已成功入選港隊🇭🇰，更出戰匹克球世界盃！🏆

「由學校體育堂初次接觸Pickleball，到馬來西亞運動交流團時與當地運動員切磋球技，我漸漸對呢項運動產生濃厚興趣🤩，仲發現佢比想像中更容易上手！」Athena 表示，豐富網球經驗令佢能夠更快掌握同樣屬於拍類運動、講求球感同反應嘅Pickleball。佢既鍾意網球拍線擊球時嘅爽快碰撞感💥，又享受鑽研Pickleball嘅細微技術及戰術變化嘅樂趣。

首次參加世界級匹克球賽事，Athena分享世界盃之旅令佢大開眼界👀。除咗見識到各地選手將唔同運動技巧融入Pickleball，衍生出多元化打法外﹐佢亦深深感受到港隊成員近距離觀戰、互相打氣嘅團隊凝聚力🤝，以及香港運動員喺國際匹克球舞台上展現出嘅競爭力。💪面對實力強勁嘅國際選手，Athena與青年組隊友不斷突破自我、激發潛能，並成功於小組賽突圍而出，最終打入8強。😍

嚟緊Athena亦將考取匹克球教練資格，以另一個角色喺社區推廣呢項運動。「希望更多青年人一齊加入打Pickleball，因為佢真係冇大家想像中咁難上手。😆只要上一次Pickleball堂，就能夠同其他人對打、來回擊球！⚡️」下次有機會，大家不妨都親身落場體驗，感受一下匹克球嘅魅力啦！💫

#屈臣氏集團香港傑出學生運動員獎

09/09/2026

【😤永遠都要對自己有120%信心！💪】受動畫《名偵探柯南》中擅長空手道嘅角色小蘭啟發，加上家人鼓勵， 2025-26 得獎學生、空手道運動員✨呂雯洳🥋自小接觸空手道，一練就已經7年。第一次參加全港青少年賽事，雯洳就打出驚喜😍，成功奪牌，展現出過人天賦，更喺14歲之齡入選港隊🇭🇰。

專項係搏擊嘅佢分享，鍾意空手道不單因為呢項運動好講求臨場反應，更因為空手道令佢學識禮儀、尊重等做人道理。同時，空手道亦令佢有個志向，不斷追尋目標、提升技術及排名🎯。不過，雯洳都曾經歷近3年嘅瓶頸期，成績未見突出，甚至曾考慮過放棄。幸好得到師兄師姐以過來人身份分享經驗同鼓勵，雯洳明白到自己須進一步加強自信心及精進技術📈。

「💬永遠都要對自己有120%信心，因為信心對落場表現有好大影響。連你都唔相信自己，又點會相信自己可以贏得比賽。」憑住更強大嘅信念同實力，雯洳喺2026年收穫多項佳績，包括世界一級空手道青少年聯賽馬尼拉站女子青年48公斤以下個人組手銅牌。👏

嚟緊10月，雯洳將代表香港遠赴波蘭，出戰世界青少年空手道錦標賽。佢表示，希望用比上屆更輕鬆、更自信嘅心態比賽，「打得幾多場就打幾多場」，全力衝擊更高排名及獎牌。🏅祝願雯洳繼續保持穩定發揮，打出信心，做出理想成績！

#屈臣氏集團香港傑出學生運動員獎

Address

Hong Kong

Opening Hours

Monday	09:00 - 12:30
	14:00 - 18:00
Tuesday	09:00 - 12:30
	14:00 - 18:00
Wednesday	09:00 - 12:30
	14:00 - 18:00
Thursday	09:00 - 12:30
	14:00 - 18:00
Friday	09:00 - 12:30
	14:00 - 18:00

Telephone

+85235216225

Website

http://ssa.aswatson.com/, https://www.instagram.com/aswhkssa/

Alerts

Be the first to know and let us send you an email when 屈臣氏集團香港傑出學生運動員獎 HKSSA posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 屈臣氏集團香港傑出學生運動員獎 HKSSA:

Want your organization to be the top-listed non profit organization in Hong Kong?