點子匯 Solutions Hub / Good Take

24/06/2026

「營造東涌·共想共做我社區」已經喺 4 月 19 號圓滿結束啦！🎉

當日好榮幸邀請到太古集團慈善信託基金理事會成員布傑信先生 (Mr. Chris Bowden)，以及社聯行政總裁陳文宜議員蒞臨致辭，為活動揭開序幕，並一同回顧「營造東涌」計劃第三階段嘅豐碩成果。🏆

非常感謝咁多位夥伴同街坊嘅熱情參與！好開心見到每一位街坊喺攤位遊戲中嘅燦爛笑容，同埋喺歌舞表演時嗰份投入同熱情。呢個社區之所以咁美好，全因為有你哋每一位參與！❤️

即刻去片，一齊重溫當日嘅精彩盛況啦！🎥👇

#太古基金 #香港社會服務聯會 #社聯
#營造東涌 #東涌
#營造東涌共想共做我社區 #成果回顧
==============
「營造東涌」計劃由太古基金贊助

18/06/2026

【重逢遇新知：創革同行平台——晚間聚會 🌟】

早前一班歷屆創革者難得聚首，搞咗一場勁熱鬧超溫馨嘅晚間聚會呀🥰而今屆嘅創革者都首次同歷屆「師兄師姐」 們會面，一齊加入「創革同行平台」🤝

「創革同行平台」嘅成立目的，就係想連結歷屆嘅創革者，建立一個有溫度嘅支援網絡，讓大家喺社區創新嘅路上互相分享經驗、促進共學交流。當晚，大家一邊享受美食，一邊 Free Flow 地自由暢談、互相給予支持。除咗分享彼此最新近況，更「圍爐」傾談喺社福業界、推動服務時遇到嘅痛點與挑戰，為未來嘅同行路種下更多可能性嘅種子💡

喺社福界工作或者推動社區創新，最治癒嘅時刻，莫過於有一班志同道合嘅同行者一齊叉電、互相扶持❤️劇透一下，今次聚會只係正式啟航嘅第一步！想知道平台之後仲會有啲咩活動？記得追蹤我哋嘅社交媒體，密切留意我哋嘅最新動向啦！✨

「創革者」計劃 查詢：
☎️ 電話：2864 2960 (葉先生) / 2864 2993 (汪小姐)
✉️ 電郵：[email protected]
🌐 計劃網站：http://t.ly/EmVhc
Instagram: https://www.instagram.com/ngo.changemakers/
Facebook: https://www.facebook.com/SolutionsHub.GoodTake/

#社會福利機構創革者培育計劃 #創革者

05/06/2026

【領展中學生獎學金2026 工作坊（二）｜Gen Z 眼中嘅Young Old係？】

【🧠 腦力激盪！當獎學金得主遇上「少老」世界 💡】

「領展中學生獎學金」由 領展 愛‧匯聚計劃 贊助，香港社會服務聯會統籌。上個月中，首30名獎學金得主齊集一堂，參加以「少老（Young Old）」為主題嘅設計思維工作坊。

今次好高興邀請到 非常香港 Very Hong Kong 帶領一班同學仔，一齊解鎖「設計思維」呢套實用工具🛠。大家以「數碼共融」為切入點，設身處地走進「少老」嘅世界，用創意打破跨代隔膜！

但淨係紙上談兵點夠貼地呢？為咗切身了解「少老」喺社區中嘅處境同需求，我哋特別邀請咗一班「神秘嘉賓」——「少老」老友記們現身說法！同學仔都十分落力，爭取機會同老友記打成一片，發掘佢哋嘅隱藏需要🔍👍。

事實上，同學仔喺認真體驗工作坊嘅同時，其實已經為七月嘅面試日做緊準備啦！✨嚟緊佢哋需要針對「少老」唔同範疇嘅需要提出創新方案，到時就會向評審解説喇😎～

期待各位將今次嘅得著轉化為創意，喺面試日大放異彩🤩！加油！

#領展中學生獎學金 #領展 #愛匯聚計劃 #香港社會服務聯會 #少老長者

01/06/2026

「營造東涌」團隊早前踏上咗一趟特別嘅學習之旅——離開熟悉嘅東涌，去到順德，透過設計師、社工嘅分享，用另一個角度去重新思考「社區營造」 嘅意義。

📍 碧江村：百年古蹟社區傳承
我哋走進一條百年古蹟活化成社區文化場地嘅村落。歷史建築唔再只是遺跡，而係成為咗凝聚居民、傳承文化嘅空間，透過居民參與一齊去梳理同處理唔同議題。呢啲被細心保存嘅故事提醒我哋：每個社區都有自己嘅根。

📍 龍溪藝社：以藝術關顧兒童心靈健康
我哋喺度見到創新嘅社會服務模式——基金會、社工、居民聯手，透過藝術教育關注兒童嘅心理健康。藝術不只係技巧嘅學習，更令孩子找到安全表達自己嘅空間。亦正正提醒我哋：社區服務可以有更多元化嘅可能。

💭 回望營造東涌工作
呢趟旅程都讓我哋重新審視過去兩年喺東涌嘅工作，我哋明白到：
✨ 居民被看見、被賦權，搵到自己在社區嘅位置
✨ 社區領袖正在萌芽，居民開始帶領彼此前行
✨ 不同機構之間嘅協作，讓社區網絡更緊密

感謝各位同行嘅夥伴同居民，一齊繼續為東涌社區努力！🌱

#太古基金 #香港社會服務聯會 #社聯
#營造東涌 #東涌
==============
「營造東涌」計劃由太古基金贊助

27/05/2026

社聯透過Good Lab 好單位分析咗「營造東涌」過去兩年嘅計劃成效，成果令人鼓舞！ ✨

報告顯示：社區發展唔單止係提供服務，更重要係創造條件，令居民一齊參與、共同設計、共同推動改變。過去兩年，居民嘅能力、信心同回饋社區嘅意願明顯提升。💪

下一步，我地期望進一步搭建平台，將呢股動力轉化，為持續嘅改變。透過長期合作，連結不同界別、凝聚居民參與，一同推動東涌社區持續發展。🤝

呢種模式不單適用於東涌，亦為其他地區嘅社區發展提供重要參考。💡

展望未來，我們期望呢個項目能夠繼續深化，進一步連結更多東涌街坊，特別係新搬入嘅居民同不同背景嘅社群。👨‍👩‍👧‍👦🏡 我哋會繼續支持東涌社區，探索更多共創同連結嘅可能性！✨🌈

#太古基金 #香港社會服務聯會 #社聯
#營造東涌 #東涌
==============
「營造東涌」計劃由太古基金贊助

22/05/2026

【第五屆「社會福利機構創革者培育計劃」創革者訓練營 + 正念靜觀加油站 #3 🎨🧩 】

不經不覺間，已經嚟到最後一個創革者訓練營 + 正念靜觀加油站完成咗呢段同行共學嘅時光呀📝

【😴食好睡好精神爽，表達藝術幫心靈鬆吓綁🖍】

香港佛教聯合會 Hong Kong Buddhist Association — 陳榆中醫師與創革者繼續同行，今次同大家拆解都市人經常面對嘅 #失眠 同 #腸胃健康 ，更以飲食切入，打破迷思，呼籲大家好好吃飯，一齊做到「寢食兩安」，從根本改善健康💪🏻 而「 #好好照顧自己 」系列就教大家日常等車等𨋢、等朋友... 都可以用「企喺到」嘅狀態悄悄養生😆透過改變日常小習慣，就已經可以偷偷幫自己充充電、踢走疲勞，隨時隨地好好愛護自己💗

緊接住 基督教聯合那打素社康服務 (UCN)「愛鄰網絡及樂齡同行匯」項目經理 — 陳詠恩女士, Vanice 就帶領大家運用表達藝術探索自己；並提供一個空間讓參與者喺創作嘅過程期間，好好同內心對話、重新認識自己，最後創造出獨一無二，屬於個人嘅作品。💫而Vanice除咗係註冊表達藝術治療師外，更係第三屆嘅創⾰者之一，佢亦都趁呢個機會同大家分享自己過往嘅經驗同體會，讓大家深受啟發✨

【🎡社區空間創革與點子交流🕹】

培訓夥伴仁愛堂 青年夢工場 亦繼續教授同引導大家將 #設計思維（Design Thinking）工具，並具體套用落各位創革者即將實踐嘅創新意念當中。創革者之間互相交流、大膽拋橋，俾咗好多實質嘅意見同鼓勵對方，互助精神滿分💯

當日仲有歷屆接待機構— 非常香港 Very Hong Kong 總經理— 陳沛賢女士, Crystal 及同事Carol 嚟到現場，分享佢哋重塑 #社區空間 嘅寶貴經驗同感受。Crystal 同 Carol 嘅分享令大家對點樣連結社區資源、活化空間，有咗更深一層嘅思考同啟發🧠

今屆最後一個訓練營雖然圓滿結束，但一班創革者改變嘅腳步先剛剛開始！想知佢哋之後仲會點樣將呢啲創新諗法變成現實？就記得追蹤我哋嘅社交媒體啦！🔈

========================

「創革者」計劃 查詢：
☎ 電話：2864 2960 (葉先生) / 2864 2993 (汪小姐)
✉ 電郵：[email protected]
🌐 計劃網站：http://t.ly/EmVhc
Instagram: https://www.instagram.com/ngo.changemakers/
Facebook: https://www.facebook.com/SolutionsHub.GoodTake/

#社會福利機構創革者培育計劃 #創革者

20/05/2026

「營造東涌」發揮居民能力 凝聚互助力量

東涌作為一個發展中的新市鎮，人口急速增長帶來不同社區需要。由太古集團慈善信託基金支持💪、香港社會服務聯會（社聯）統籌的「營造東涌」計劃，自2020年10月起連結超過8️⃣0️⃣間本地社會服務機構、學校及企業攜手合作🤝，透過跨界別協作為東涌居民及基層家庭提供一系列家庭、運動、兒童遊戲、青年就業及共融活動，以回應東涌人口增長帶來的社區需要。計劃分三階段進行，並獲太古基金資助逾3,200萬港元，在六年間已惠及逾2️⃣0️⃣萬人。

「營造東涌」計劃其中一個的核心理念在於發掘居民的潛能，讓他們從受助者轉化為貢獻者✨，攜手構建一個充滿互助精神的韌性社區。「營造東涌」計劃鼓勵東涌街坊回饋社區❤️，無論是學習職場技能的青少年、打破孤獨感的少數族裔🧕🏽，還是教育兒童特色小遊戲的家長，他們都在實踐「發揮能力、凝聚互助」的目標😍。這份互助力量不僅改善了個人的生活質量↗️，更為東涌營造了一個充滿溫情與活力的理想家園。

#太古基金 #香港社會服務聯會 #社聯 #營造東涌 #東涌 #營造東涌共想共做我社區

18/05/2026

「營造東涌」計劃第三階段雖然接近尾聲，但計劃帶嚟嘅改變同力量會一直延續落去！💪

呢個計劃其中一個核心理念，就係發掘東涌居民嘅潛能，讓大家由「受助者」慢慢變成「貢獻者」，一齊打造一個充滿互助精神、堅韌又有溫度嘅社區。❤️

今次我哋邀請咗幾位街坊，分享佢哋參與計劃嘅得著，同埋點樣同計劃夥伴攜手，為社區出一分力。

💬️ Jasmine — 由手忙腳亂嘅烘焙助手，變成擁有一技之長，為未來職場打好基礎
💬 Sun Fu Ling— 打破孤單，透過活動與不同族裔朋友建立友誼，幫助其他少數族裔新街坊
💬️博博爸爸 — 教導小朋友魔尺、疊杯、扭計骰，讓孩子們放下手機，重拾互動樂趣

佢哋嘅故事證明咗每一位街坊都有能力回饋社區。

即刻睇片，感受東涌街坊嘅力量同改變啦～▶️ https://youtu.be/F7FF9S3JNek

#太古基金 #香港社會服務聯會 #社聯
#營造東涌 #東涌
==============
「營造東涌」計劃由太古基金贊助

「營造東涌」發揮居民能力 凝聚互助力量 Ver 5A

15/05/2026

營造東涌第三階段嚟到尾聲，我哋想同大家一齊回顧呢段建構社區嘅旅程。🗺️

過去兩年，計劃一路陪伴街坊逐步轉化，讓大家慢慢建立自信，覺得自己「有能力做到」。

👨‍👩‍👧‍👦 家長學習如何與小朋友相處，並成為社區嘅遊戲大使；
🤝 青年開始主動了解他人需要，再貢獻社區；
🌍 少數族裔由起初唔敢接觸社區，到後來主動走出去，教其他街坊煮家鄉小菜。

透過社工同街坊之間互相鼓勵同支持，大家一齊喺東涌試新事物、學新技能、識新朋友，逐步由參加者變成社區參與者 ！✨

多謝每一位街坊、同工、計劃夥伴🙏 ，因為你哋嘅投入，令呢個社區多咗連結、多咗信任、亦多咗可能性。呢份社區力量，會繼續留喺東涌 。 💖

#太古基金 #香港社會服務聯會 #社聯
#營造東涌 #東涌
==============
「營造東涌」計劃由太古基金贊助

06/05/2026

【🔍最新活動資訊—第五屆「社會福利機構創革者培育計劃」
創革者訓練營 及 正念靜觀加油站 #3】

自2022年起，在社區伙伴的支持下，香港社會服務聯會推出「社會福利機構創革者培育計劃」，至今已踏入第五屆，計劃主要為同工：提供喘息反思機會、建構跨界同儕網絡、啟動創革共學精神及重拾初心信念根本💚。

是次創革者訓練營 及 正念靜觀加油站 #3 活動透過香港佛教聯合會— 陳榆中醫師針對睡眠與腸胃失調提供調養建議🌿，助業界同工在繁重工作中緩解壓力並修復身心，維持專業精神；同時邀請基督教聯合那打素社康服務「愛鄰網絡及樂齡同行匯」項目經理、第三屆創革者 — 陳詠恩女士, Vanice，以「Expressive Arts × Change × Maker」為題🎨，引導同工在表達藝術體驗中透過創意反思自身與工作的可能性，並分享參與計劃後的啟發，鼓勵同工以韌性與初心應對專業服務中的各項挑戰💪🏼。

誠邀各位報名參與本次活動，與本屆創革者，一起同行共學，讓心燈長明💡！

【活動反應熱烈，已截止報名❤️】
活動詳情如下：
日期： 2026年5月19日（星期二）
時間： 上午10時正 至 下午1時正
地點： Art Piece 銅鑼灣 27樓（銅鑼灣勿地臣街 3 號）
分享嘉賓：
* 養生之道分享 @ 香港佛教聯合會— 陳榆中醫師
* 表達藝術體驗及分享 @ 基督教聯合那打素社康服務「愛鄰網絡及樂齡同行匯」項目經理、第三屆創革者 — 陳詠恩女士, Vanice
語言： 廣東話
對象： 對活動有興趣之社福機構同工及公衆人士
費用： 全免
報名連結：https://forms.gle/W2ZXntGZitZyA9aT9
截止報名日期：2026年5月15日（星期五）下午2 時正
（名額有限，如報名人數超出名額，將以抽籤方式分配；成功報名者將在5月15日或之前收到電郵通知確認。）

「創革者」計劃 查詢：
☎️ 電話：2864 2960 (葉先生) / 2864 2993 (汪小姐)
✉️ 電郵：[email protected]
🌐 計劃網站：http://t.ly/EmVhc
Instagram: https://www.instagram.com/ngo.changemakers/
Facebook: https://www.facebook.com/SolutionsHub.GoodTake/
#創革者
#社會福利機構創革者培育計劃

#共創
#主辦機構 #香港社會服務聯會 #社聯 #點子匯
#贊助機構 #社區伙伴
#培訓夥伴 #仁愛堂青年夢工場