https://www.facebook.com/278542855348403/

仁愛堂吳偉光紀念長者日間護理中心

Q: What is the address?

新界屯門和田邨和彩樓地下

Home
Hong Kong
Hong Kong
仁愛堂吳偉光紀念長者日間護理中心

中心理念: 自主自能健樂晚晴融入社區
服務介紹：個人照顧、護理服務、復康運動、膳食服務、健康教育、社交及康樂活動、護老者支援服務、輔導及轉介服務、會車接送服務、治療小組

07/08/2026

🌸 各位照顧者，您辛苦了！ 🌸

💛 您是否正在照顧家中的長者或病患？
💛 您知道自己也是「照顧者」嗎？

👉 仁愛堂吳偉光紀念長者日間護理中心最新一期《護老者充電加油站》通訊已經出版！📖

📌 本期內容包括：
✨ 認識「照顧者易達平台」及「照顧者易達咭」四大功能
✨ 了解不同階段的照顧者：新手照顧者、隱蔽照顧者、高危照顧者、資深照顧者
✨ 獲取最新的照顧者支援資訊

💖 您不孤單，我們在這裡支持您！
無論您是剛開始照顧之路，還是已經照顧多年，我們都明白您的付出和辛勞。

📍 地址：屯門興貴街和田邨和彩樓地下
📞 電話： 2475 0211

🌟 歡迎查詢或登記成為「照顧者易達平台」會員！

#護老者充電加油站 #照顧者支援 #仁愛堂 #照顧者易達平台 #您不孤單 #互相關懷 #長者照顧 #社區支援

03/08/2026

🌸💡【花見隔熱墊】💡🌸

早前我哋中心同仁愛堂「綠在屯門一齊搞咗個花見隔熱墊工作坊 🎉。長者們好投入，發揮創意 🎨，親手整出靚靚又實用嘅花形隔熱墊 🧩，真係好有心思！

活動除咗玩得開心 🤗，仲學到升級再造嘅環保理念 ♻️，將舊物變新生，生活更添趣味 🌟👵👴❤️。

📸 一齊嚟睇下長者們嘅精彩作品啦！

#長者創意 #環保升級再造 #花見隔熱墊 #生活有趣 🌿🌸

25/07/2026

☕️ 「啡」嚐幸福：「掛」住你 ❤️

繼之前個咖啡工作坊之後，中心又再傳嚟陣陣咖啡香啦！

今次老友記自己落手落腳，由磅豆、磨粉到熱封包裝，一步一步齊心合力整咗 50 個以上咖啡掛耳包。最特別嘅係，呢份心意唔係留畀自己，而係想親手送畀一直默默付出嘅護老者！🎁

照顧老人家真係一啲都唔容易，老友記都想透過呢包親手做嘅掛耳包，向護老者講聲多謝。希望大家喺忙碌嘅日常入面，可以抽空沖一杯咖啡，好好放鬆一下、享受一個屬於自己嘅喘息時間～☕️✨

📸 精彩花絮出爐啦！快啲點開相簿睇下老友記整咖啡同送禮物嘅溫馨時刻啦！👇

24/07/2026

【旋風再起！長者化身陀螺戰士！⚡️】

近排流行爆旋陀螺，我地中心嘅長者都唔甘示弱，齊齊化身成為「陀螺戰士」！🛡️🔥 陀螺遊戲絕對唔係年輕人嘅專利，一眾老友記玩得投入又過癮，現場戰況超激烈！💥

老友記們除咗可以藉此訓練手眼協調、上肢肌力同專注力之外，仲喚起咗佢地童年玩玩具嘅美好回憶～💭✨

雖然唔少長者係第一次接觸，需要時間摸索同熟悉拉射器嘅操作（大家仲搞笑話玩得未夠飽，下次要再戰！），但在場義工好細心咁喺旁邊鼓勵同協助，全場充滿笑聲同加油聲，氣氛超級融洽又溫馨！❤️🤝

#旋風再起 #陀螺大激鬥 #長者活動 #童年回憶 #手眼協調 #跨代共融

21/07/2026

☕️ 「啡」你莫屬：長者咖啡掛耳包手作坊 ☕️✨

上個星期（13/7–17/7）一連幾日嘅早上，中心老友記一齊化身「咖啡師」！滿滿都係咖啡香！

今次帶老友記體驗做「咖啡師」，自己親手整咖啡掛耳包。大家分工超級有默契，自動分成三個小隊：
第一隊好專注咁用電子秤量咖啡豆、磨粉 ⚖️
第二隊接手，細心將咖啡粉倒落掛耳包 🫖
最後一隊就負責操作熱封機，將掛耳包同包裝袋密封好 🔒

老友記學得真係好快，好快就搞掂！做完仲有精美包裝，等大家可以帶返屋企送畀家人同護老者，分享呢份心意。🎁❤️

玩完全場最期待嘅一定係試飲！大家一邊品嚐自己親手整嘅咖啡，一邊讚「好香好飲」，個個都有滿滿嘅成就感～☕️🥰

📸 精彩相片出爐啦！快啲點開睇下各位「老友記咖啡師」嘅架勢啦！👇

15/07/2026

📢【仁愛堂吳偉光紀念長者日間護理中心】
2026年7月《護老者充電加油站通訊》已推出✨！

本月通訊主題是 🛡️👵【認識長者安全】——日常生活中，跌倒、火警、天氣變化等都可能影響長者健康與安全。只要掌握一些小貼士，就能大大減低風險，安心照顧家人❤️。

👉 本月通訊內容包括：
✨ 預防跌倒的小技巧（清除障礙物、使用防滑設施等）
✨ 衣履與家務安全（合適衣鞋、室內晾曬更安全）
✨ 慎防火警與燙傷（煮食、沐浴、電器使用注意事項）
✨ 留意天氣變化（夏天防中暑、冬天保暖、防火安全）

07/07/2026

【「牌」排坐：老友記腦力大激盪！🧩✨🧠】

噚日（6/7）我哋仁愛堂吳偉光紀念長者日間護理中心好熱鬧啊！🥳🎉 我哋好高興邀請到救世軍油麻地長者地區服務中心嘅受訓義工，嚟到中心教一班老友記玩超考腦筋嘅「魔力橋（米蘭牌）」！🃏🧮

雖然大部份老友記都係第一次接觸魔力橋，但喺義工們超有耐性嘅講解同鼓勵之下，大家越玩越順手！💪🏻✨ 過程中仲一齊研究出牌策略、互相交流，全場氣氛又輕鬆又搞笑，笑聲不斷！🗣️😆💬

呢個益智遊戲不單止可以練埋長者嘅觀察力👀、邏輯思考💡同手眼協調🙌🏻，仲等長者同義工們建立咗好好嘅正向社交，豐富晚年生活！👵🏻👴🏻❤️🧑🏻‍💼

#仁愛堂吳偉光紀念長者日間護理中心 #救世軍油麻地長者地區服務中心 #魔力橋 #米蘭牌 #腦力大激盪 #跨中心合作 #義工服務 #活到老玩到老 #長者社交

01/07/2026

🎮【老友記變身電競選手！Switch住開心🕹️✨】

邊個話打機係屬後生仔嘅專利？中心最近搞咗個「Switch住開心」小組，帶一班老友記跟上潮流體驗打機！

呢個活動不單止新奇好玩，仲可以幫長者練埋專注力、反應力同手眼協調，大家齊齊圍埋玩，個人都精神啲、開心啲！

見到各位老友記玩得咁投入🥳、笑得咁開心😄，我哋做職員嘅就最滿足、最開心❤️。期待下次再同大家「Switch住開心」！

27/06/2026

今天屯門兒童合唱團來中心探訪及表演，真的是用音樂把歡樂與感動帶給了每一個人。小朋友唱歌及跳舞非常活潑，動作「盏鬼」可愛，充滿童真活力，瞬間融化全場。青少年唱懷舊兒歌《叮噹》，《IQ博士》，《長腿叔叔》等......立刻勾起全場童年回憶，情懷滿滿。樂器演出也非常精彩，為整場探訪活動增添了豐富的音樂層次。
是次活動長者們感受到濃厚的歡樂氣氛，小孩們的天真活潑令長者充滿喜悅、溫暖和愛。當小朋友唱歌的時候，長者們都十分投入及專注也會跟在一起唱。

19/06/2026

前兩日中午，本中心同老友記一齊過咗個好熱鬧慶祝活動！適逢端午節同父親節差唔多到，一於實行雙重慶祝！

一開場嘅遊戲環節，大家都玩得好投入，現場充滿歡笑聲。估中答案長者都收到一份精緻嘅端午龍舟禮物，拿住合照時個個都笑得好開心！📸✨

當然唔少得過節必備嘅愛心派糭環節，等大家可以帶返屋企應節。另外，為咗向各位偉大嘅爸爸致敬，中心今年特別為男會員送上好有創意嘅「紅酒樽毛巾」，祝各位爸爸都開開心心、型格十足！🍷🧣

見到大家喺派糭同合照時嘅笑容，真係感覺到中心好似一個大家庭咁溫馨。❤️

喺度再次祝各位老友記端午安康！各位爸爸父親節快樂！💪✨
#銀杏館

Address

新界屯門和田邨和彩樓地下
Hong Kong

Telephone

+85224570211

Website

facebook.com

Alerts

Be the first to know and let us send you an email when 仁愛堂吳偉光紀念長者日間護理中心 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 仁愛堂吳偉光紀念長者日間護理中心:

Want your organization to be the top-listed Non Profit Organization in Hong Kong?