賽馬會樂齡同行計劃 JC JoyAge

20/08/2026

【時間嘅平行時空：你今日開咗邊種時速？⏳】
有時望吓身邊嘅人，會發現同一個天空下，大家對時間嘅感覺都可以好唔同。

🏃‍♂️ 有人將24小時活成「雙倍速」： 生活節奏好緊湊。一邊要顧工作，一邊要顧家庭，日程表密到連一分鐘唞氣嘅時間都冇。分秒必爭，雖然攰，但每一步都過得好踏實、好有價值。

⚖️ 有人過住最踏實嘅「正常24小時」： 朝九晚五，按部就班。返工就認真做嘢，放工就自然咁切換返生活模式。步伐唔快唔慢，有付出嘅汗水，亦有屬於自己嘅私人時間，平淡得嚟最安穩。

☕ 有人將24小時過成「8個鐘」嘅慢板： 生活步伐調到最慢。不慌不忙咁沖杯茶、睇吓花、聽吓歌。外人睇落好似乜都無做，但其實佢哋係用緊最溫柔嘅方式，去細味以前錯過咗嘅生活細節。

好神奇，有人喺度衝刺，有人過得規律，有人喺度睇風景。 但生活從來都無標準答案，緊湊有緊湊嘅光芒，規律有規律嘅踏實，悠閒有悠閒嘅福氣。

最緊要嘅，唔係你張日程表有幾滿，而係你享唔享受而家嘅節奏。❤️

你今日過緊嘅，又係邊一種平行時空？

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #你我他的療癒日常

19/08/2026

【「喊」係最深層嘅療癒？】
「男兒有淚不輕彈？」、「大人點可以隨便喊？」🙅🏻‍♂️🙅🏻‍♀️
喺我哋成長嘅過程入面，唔知由幾時開始，流眼淚好似變成咗一種「軟弱」或者「唔理性」嘅表現。

其實，人天生係識喊嘅，你睇BB就知啦！👶🏻💧但隨著我哋慢慢長大，我哋經歷唔同嘅情緒：有時笑到喊、有時驚到喊、有時嬲到喊、有時壓力大到喊、有時委屈到喊……每一滴眼淚，背後都承載住我哋最真實嘅情緒故事。

由心理同生理角度嚟睇，情感性嘅眼淚有好多神奇嘅功能：當我哋喊嗰陣，大腦會分泌內啡肽等化學物質，幫我哋排毒兼止痛 。眼淚仲可以帶走積聚喺身體入面嘅壓力荷爾蒙，所以喊完之後，好多時都會覺得「鬆一口氣」。

❓ 點解長大後我哋會變到「唔識喊」？點樣表達情緒、喊唔喊，其實同我哋嘅文化、社會同家庭環境有關。

一齊睇吓節目入面嘉賓嘅分享啦！

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #活學活用知多啲

「男兒有淚不輕彈？」、「喊係唔正常？」❌ 其實，喊係我哋身而為人最本能嘅排毒機制。科學證實，大腦處理「情感嘅痛」與「身體嘅痛」區域...

18/08/2026

📸✨ 《影伴同行 - 看見彼此的力量：攝影比賽2026》現正接受報名！ ✨📸

你有冇試過用鏡頭捕捉一個溫暖瞬間？一句問候、一個陪伴、一份關懷，看似平凡，卻蘊藏著觸動人心的力量。

「賽馬會樂齡同行計劃」西貢區團隊誠邀大家參加 《影伴同行．看見彼此的力量》攝影比賽2026，透過照片同文字，記錄社區中人與人之間互相關心、守望相助的珍貴時刻，分享有關同行、關愛、互助及精神健康的故事，讓更多人看見彼此的力量，共同推廣精神健康及發揮鄰舍守望精神。

🌏 公開組 ：歡迎所有年滿18歲或以上人士參加。
👨‍👩‍👧‍👦 親子組 ：歡迎家長同小朋友一齊參與。
📷 參加形式 ：提交一張原創照片及簡短文字，帶出推廣精神健康、鄰舍守望精神。

🏆 獎項
* 冠軍（親子組及公開組）各1名 (獎品：即影即有相機)
* 亞軍（親子組及公開組）各1名 (獎品：印相機)
* 季軍（親子組及公開組）各1名 (獎品：鑰匙圈數碼相機盲盒)
* 最觸動人心獎 2名 (獎品：鑰匙圈數碼相機盲盒)
* 最佳鄰里故事獎 2名 (獎品：鑰匙圈數碼相機盲盒)

📅 截止提交作品 2026年8月31日（一）23:59
📣 結果公布 2026年9月30日（三）
📱 立即掃描海報上的QR Code報名！
讓我們透過鏡頭發掘生活中的溫暖故事，記錄人與人之間同行互助的力量，一同建立更關愛、更具連結的社區。❤️

查詢:
• 香港聖公會將軍澳安老服務大樓-賽馬會長者綜合服務中心暨日間護理中心 (2702 9897)
• 基督教家庭服務中心和悅軒-精神健康綜合社區中心 (2706 7198)
• 基督教靈實協會 靈實寶琳社區健康發展中心 賽馬會樂齡同行匯 (2157 2202)
• 基督教靈實協會-靈實長者地區服務 (2178 4370)

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #西貢區 #將軍澳 #基督教家庭服務中心 #和悅軒 #基督教靈實協會 #靈實長者地區服務 #香港聖公會福利協會 #香港聖公會將軍澳安老服務大樓賽馬會長者綜合服務中心暨日間護理服務 #影伴同行 #看見彼此的力量 #攝影比賽2026 #精神健康 #鄰舍守望 #親子組 #公開組 #社區連結 #用鏡頭說故事 📸✨

17/08/2026

【找回屬於自己嘅「媽MeTime」】
成為四個孩子嘅媽媽，意味著整整 19 年嘅時間，生活幾乎完全俾照顧家庭同孩子填滿。每日圍繞著柴米油鹽同孩子嘅成長，我哋都會喺不知不覺中忘記咗「自己」。

影片中嘅媽媽分享咗佢喺19 年後，重新攞起畫筆，發揮自己嘅繪畫專長，喺創作嘅過程中搵返沉寂已久嘅自信同生活重心！愛孩子、愛家庭嘅同時，唔好唔記得留一點時間同空間俾自己。❤️

一齊睇吓影片中嘅故事，為每一位默默奉獻嘅媽媽加油打氣！

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #是他也是你和我

15/08/2026

【今日可以奉旨「認真發呆」】
你有冇試過，難得有一日唔使返工、唔使湊孫、唔使做家務，可以靜落嚟…… 結果坐咗唔夠十分鐘，心裡面突然冒出一股怪怪嘅感覺？
「好似仲有衫未摺……」
「咁樣坐喺度，我係咪太懶？」

一直以嚟，我哋都習慣咗將全副精神放喺工作同家庭。不知不覺間，我哋學識咗「忙碌＝有價值」，反而「停落嚟」變成一件需要適應嘅事，甚至會出現罪惡感。

其實，你已經辛苦努力咗好耐，早就值得好好休息！生活嘅價值，唔止係我哋做咗幾多嘢，仲包括我哋可唔可以安心享受當下嘅平靜。

今天係「＃國際放鬆日」！不妨俾自己暫時放低心裡面嘅待辦清單，放下嗰啲無形嘅負擔，安心咁「認真發呆」一下吧！

沖一杯熱茶☕️✨，坐喺窗邊睇吓雲、聽吓風。發呆唔係浪費時間，而係讓疲倦嘅心重新充電。

👉 今日你打算點樣「認真發呆」？留言區分享吓你嘅「放鬆專屬秘方」啦！👇

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生

12/08/2026

【一齊探討更年期嘅大小事】
「以前我明明可以將屋企同工作安排得妥妥當當，點解而家連控制自己嘅脾氣同體力都覺得咁困難？」

喺早前嘅更年期專題講座入面，由香港大學跨團隊優化的義工時數記錄平台「時間義」，邀請咗本計劃嘅陳博士與莫博士擔任客席講師，同大家一齊深入探討中年女性喺呢段特殊時期所經歷嘅生理同心理轉變。當日除咗有好多女士出席，更令人感到溫暖嘅係，現場亦有幾位男士專程前來聆聽同支持。

📉 「荷爾蒙懸崖」：點解女性會突然覺得失控？
男性嘅荷爾蒙變化通常是平穩而緩慢咁下降；但女性喺50歲左右，雌激素就會出現「斷崖式」嘅急劇下跌。呢種突如其來嘅生理波動，往往令習慣咗「咬緊牙關就能解決問題」嘅女性措手不及。

💔 更年期女性常見嘅難關：自我批判
更年期過程中最難捱嘅，其實是「對自己嘅不滿」與內心嘅自我批判。

過去習慣事事妥當嘅女性，面對無法單靠意志力控制嘅身體與情緒，好容易會自責。但更年期嘅身體失控唔係自己嘅錯，亦唔係因為自己唔夠努力，只係生理機制正在經歷一場巨大嘅轉變。

當日有男士專程到場聆聽，已經係一個好好嘅開始。中年女性面對更年期，除咗需要被自己理解，更需要身邊人嘅包容。 當伴侶同家人明白呢種「斷崖式」嘅辛苦，一句體諒嘅說話、一個理解嘅眼神，就足以成為陪伴佢哋渡過呢段日子嘅最強後盾。

不如我哋一齊俾身邊嘅中年女性，或正經歷呢個階段嘅自己，多一份溫柔同照顧。

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #活學活用知多啲 #更年期

10/08/2026

【奏出激昂嘅樂齡人生】
退咗休，人生下半場可以點過？有一班長者就揀咗拎起樂器，合奏出最震撼人心嘅人生樂章！🎶

由東華三院成立嘅長者管弦樂團「E大調合奏團」（E Major），團員平均年齡超過 60 歲。佢哋當中有半世人從未接觸過音樂嘅新丁，亦有想圓童年音樂夢嘅退休人士。即使要面對視力變差、睇譜困難，同體力上嘅挑戰，佢哋憑住對音樂嘅熱誠，一齊克服種種障礙，喺合奏中搵到平靜、滿足感同歸屬感！❤️

一齊睇下文章入面嘅介紹啦！

樂團相關資訊可瀏覽網站：
https://emajor.tungwahcsd.org/zh-hant/

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #是他也是你和我

【明報專訊】「砰！」定音鼓被重重敲下，隨即響起激昂的管樂與弦樂。如斯澎湃的演奏，來自一群平均年齡逾60歲的長者，他們正排練捷克音樂家Dvořák的第九號交響曲《新世界》（New World Symphony）。這隊由東華三院成立的長.....

08/08/2026

【活到呢個年紀，不如學吓做一隻貓 🐾】
你有無留意過身邊嘅貓貓？ 佢哋想你摸嗰陣，會主動貼過嚟喵喵叫；但當佢哋想獨處嘅時候，就算你點叫，佢都係優雅咁轉身走開，完全唔會因為「無回應你」而覺得內疚。

但人就唔同。好多時，我哋活到中年，反而越活越攰。習慣咗照顧所有人嘅感受，習慣咗對每個要求都講「好」，甚至拒絕別人會有一種罪惡感。

心理學家 Henry Cloud 喺佢嘅書《Boundaries》入面提到，心理界線（Personal Boundaries）並唔係要推開別人，而係幫自己釐清「責任嘅邊界」—— 邊啲係我嘅責任，邊啲唔係。臨床研究亦指出，識得建立清晰界線嘅人，情緒壓力同內耗會比較低，人際關係反而更健康。

貓貓，正好就係「界線美學」嘅最佳示範。

佢哋教識我哋嘅，從來唔係冷漠，而係一種優雅又健康嘅自我保護：
✨ 學識保持距離：愛一個人，唔代表要 24 小時黐到實。適當嘅空間，反而令關係更舒服、更自在。
✨ 優雅咁講「唔好」：拒絕唔需要長篇大論嘅解釋，亦唔需要覺得愧疚。
✨善待自己：搵一個舒服嘅陽光位，留返啲時間同精力俾自己。

愛人之前，先學識好似貓一樣，好好守護自己嘅界線。

💡今日試吓對一件你「唔係好想做、但又習慣咗忍讓」嘅小事，溫和地講一次：「我今次想先休息吓。」 感受吓嗰種重新掌握自己生活嘅輕鬆感。

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #國際貓貓日

06/08/2026

【那些年，佢哋陪我哋走過嘅光影歲月】
最近打開電視或者新聞，見到一位又一位熟悉嘅演藝界前輩離我哋而去，心裏難免有不捨。

對於同呢班巨星一路成長嘅我哋嚟講，佢哋唔單止係螢幕上嘅演員、歌星，更加似係識咗好多年嘅「老朋友」。每次見到佢哋，就會諗起自己年輕時追劇嘅夜晚、同家人圍住電視機歡笑嘅時光，仲有嗰段無憂無慮嘅日子。

睇到呢啲新聞，如果覺得心入面空空地，甚至有啲難過，呢啲都係好自然嘅感受。因為佢哋確實承載咗我哋好多青春與回憶。

雖然光影會謝幕，但佢哋留俾我哋嘅歡笑、感動同陪伴，會一直留係我哋心入面。

你記憶中最深刻、最喜歡嘅又係邊一位前輩嘅經典角色或金曲？ 最近大館正舉行一個名為「拍住上—光影裡並肩馳騁的我們」嘅展覽，在館內重現多個震撼嘅電影動作場景，大家不妨同家人或者老朋友去睇下，一齊回味嗰啲陪伴我哋長大嘅時光，好好珍藏呢份回憶。❤️

展覽詳情可到以下網站瀏覽
https://www.taikwun.hk/zh/programme/detail/better-together-partnering-up-for-hong-kong-movies/1795

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #你我他的療癒日常

05/08/2026

【更年期諮詢服務】
樂妍站與全港18區嘅地區健康中心/站組成地區康健網絡，為合資格婦女提供以預防為本、更加個人化嘅基層醫療服務。由７月１日開始，已經新增更年期諮詢服務啦！女士們可以向樂姸站或地區康健中心/站查詢及預約。

瀏覽網站了解更多
https://www.wws.org.hk/

#賽馬會樂齡同行計劃 #香港賽馬會慈善信託基金 #香港大學社會工作及社會行政學系研究 #抑鬱 #情緒管理 #心理健康 #精神健康 #中年好生活 #康泰人生 #活學活用知多啲

更年期諮詢服務已經由今年7月1日開始喇！
女仕們可以向樂姸站或地區康健中心/站查詢及預約。

聯絡我哋了解更多服務：
https://www.wws.org.hk/page/contact-us
港島樂妍站：2855 1333
九龍樂妍站：2855 1222
新界樂妍站：2851 1722