香港利物浦官方球迷會 lfc.org.hk

23/06/2026

【俾件波衫嚟啦！】
今場阿根廷 對 奧地利 嘅比賽焦點，一定係放咗喺梅開二度兼打破高路斯入球紀錄嘅球王美斯身上。不過賽後高普同麥卡嘅重聚，就令小編睇得非常開心。今屆世界盃 擔任電視台主持/嘉賓嘅高普，亦都係今場比賽嘅座上客，完場後高普踩落草地開工，見到麥卡里士打後先大力擊掌，最好笑係擁抱後高普打個手勢，要求麥卡俾件波衫俾佢。然後好開心咁拎住麥卡件波衫打卡，認真過癮 😂😂😂

而家見到高普放低執教球會嘅壓力，先後同雲迪克、軒達臣重聚，睇得出佢臉上嘅重現享受足球嘅笑容，小編都戥高普開心。

Video Source: IG@Kloppo

19/06/2026

2026/27
英超第一場揭幕戰，作客紐卡素。
尾場係主場迎戰般尼茅夫。

#香港利物浦官方球迷會

Our schedule for 2026-27 🗓️

19/06/2026

#夏季 第一簽

從西甲奧沙新拿簽入西班牙翼鋒蒙路斯。

#香港利物浦官方球迷會

We have agreed a deal to sign Victor Munoz from Osasuna, subject to a successful work permit application and international clearance 😄

19/06/2026

之前登記訂七折波衫嘅會員
麻煩check返你哋填寫嘅email acc
入數指示已經send出咗 (星期三晚)
謝謝🙏🏼

12/06/2026

【非常可惜】
雖然遠藤航受重創後一直為復出而努力，更不惜植入人工十字韌帶，嚟換取可能係最後一次參加世界盃嘅機會。可惜隨國家隊喺集訓期間，遠藤航復元進度不似預期，只能夠作單獨訓練，經過深思熟慮為免影響球隊進度下，遠藤航決定忍痛退出今次比賽，兼且宣佈從國家隊退役：「由受傷到而家，我已經盡哂所有能力去復元，雖然未能出賽，但我從來都冇後悔過。當然冇得踢世界盃係有唔開心，但令我覺得自豪嘅係，自從喺卡塔爾世界盃後開始做隊長，可以帶領呢支成長中嘅球隊到以可以講出贏世界盃呢個口號，呢段經歷值得驕傲。而家嘅國家隊係一支好出色嘅隊伍，無論遇到咩逆境，我相信隊友有能力跨過，並且帶俾大家未見過嘅風景。
至於我，今次世界盃之後就會正式喺國家隊退役。之後我會以一個球迷身份繼續支持日本隊，深信將來日本一定會奪得世界盃冠軍。希望大家一齊相信，一齊支持日本隊！」

#香港利物浦官方球迷會

10/06/2026

【有機會重生？】
上季有唔少球員遭到外借，或處於離隊邊緣，不過新教頭伊拉奧拿表示，嚟緊將會重頭嚟過：「 我對利物浦進行過好多分析，研究咗球隊可能存在嘅弱點同優勢。我認為球隊有一個非常好嘅陣容，當然去到呢個情況同大部分球會一樣，仍然有一啲工作需要完成。但對我嚟講，現階段最重要嘅係充分認可同重視球隊目前陣中每一位球員。嚟緊我會親口同佢哋講，我會當每一個球員都係新簽返嚟嘅，我認為目前球隊實力唔錯，好期待同佢哋一齊合作。喺而家嘅球隊，我只係同過卡卡斯一個人合作，亦曾經同幾位球員交流過，但能夠再同卡卡斯一齊合作係一件開心嘅事，希望佢繼續進步，繼續成長，我充滿期待。 呢番說話對於艾利諾，巴錫迪等邊緣球員嚟講，希望係一個可以證明自己合適伊拉奧拿踢法嘅機會。

至於早前盛前離隊嘅基艾沙，將會跟隨大軍到美國集訓 ，屆時呢位意大利國腳將會同球會，主教練一同就自己嘅前景交流。有傳新主教練伊拉奧拿對基艾沙嘅拼搏態度非常欣賞，願意再俾機會同時間。利物浦將會喺美國進行季前集訓，7月25日將會喺美國拿舒維爾對新特蘭、7月29日喺紐約對域斯咸、8月2日芝加哥對列斯聯。

#香港利物浦官方球迷會

10/06/2026

香港利物浦官方球迷會為各會員帶嚟球衣團購優惠，今次為大家爭取到７折優惠，亦可以優惠價錢印字。名額有限(60件)，有興趣嘅會員請盡快登記！

登記日期：10/6/2026 至 17/6/2026 (或額滿即止)
團購項目：
1. 利物浦 26/27 主場短袖球衣 (男裝)
(原價:HK$ 699.00)(7折後為HK$490.00)
或
2. 利物浦 26/27 主場短身短袖球衣 (女裝)
(原價:HK$ 599.00)(7折後為HK$420.00)

*每位合資格2025/26會員只可訂購一件球衣

登記link: https://forms.gle/fwkyWz1NyWjthBrX6

團購會員可以選擇:
淨球衣 (交收方式為順豐到付) 或
球衣加印字 (交收方式可以選擇DirectSoccer到店取貨或順豐到付)
印字價錢：(只有英超字選擇）
> 單號碼（除 #8外）：HK$300
> 雙號碼（包括 #8）：HK$350
*以上已包括英超字章及反歧視章（金色或紫色英超章同價）
*7個字母以下自訂人名同價，第8個字母開始每個字母加HK$12。
Direct Soccer專頁：
https://www.facebook.com/LiverFansbyDirectsoccerhk

團購流程:
1. 合資格2025/26會員填寫google form (請勿重複提交)
2. 名額為60件，額滿即止
3. 截止後球迷會向合資格參加者發出付款電郵
4. 收到確認電郵的會員72小時內付款 (付款方法只有FPS)
5. 球迷會確認訂單後發出電郵通知取貨安排

團購條款:
1. 是次團購活動只提供予合資格2025/26球迷會會員。
2. 每位合資格會員只可訂購一件球衣，重複登記者將被取消資格。
3. 名額為60件，先到先得。
4. 收到確認電郵的會員需在電郵發出的72小時內根據電郵內的付款資訊作出付款 (付款方法只有FPS)。
5. 如該會員在限期內未能完成支付全數，其資格會讓給其他登記團購會員。
6. 如選擇印字服務，會員需與DirectSoccer安排印字服務及取貨安排。
7. 已選擇印字服務及到店取貨，如臨時取消印字服務，DirectSoccer將收取HK$30.00作存倉費。
8. 不可將折扣球衣轉售，如發現，球迷會有權取消該會員的會員身份。
9. 如遇缺貨會全數退回款項
10. 球迷會擁有最終決定權及安排。

#香港利物浦官方球迷會

10/06/2026

(會員團購預告)今日中午大約兩點會有26/27主場波衫七折團購，只有男裝短袖及女裝短身短袖，可以揀印埋字(香港波衫舖印)，合資格2025/26會員有興趣就登記，呢轉名額唔多先到先得！

*每位會員限購一件
*名額有限額滿即止
*請準備好2025/26會員號碼同順豐資料
*👀亞洲碼

08/06/2026

【奧歷治退休】
曾經為利物浦射入好多重要入球嘅奧歷治宣佈掛靴，結束球員生涯。現年31歲嘅奧歷治喺19歲時由里爾轉會利物浦，雖然效力利物浦時多數擔任後備，但呢位比利時前鋒往往喺後備入替後屢次攻入關鍵入球，（對愛華頓門前執死雞頂入致勝入球），18-19歐聯僅僅射門3次，但全部轉化成入球（對巴塞梅開二度以及決賽對熱刺入波），所以有 「Football without Origi is nothing」嘅橫額出現。相信奧歷治退休後，將會加入利物浦傳奇隊，跟隨一眾紅軍名宿踢表演賽。 All the best!

大家對奧歷治邊場比賽最深刻呢？不妨留言話俾小編聽。

#香港利物浦官方球迷會

04/06/2026

Welcome New Head Coach
歡迎新任教練，伊拉奧拿

#香港利物浦官方球迷會