The Community Chest of Hong Kong 香港公益金

06/07/2026

【公益月餅券 送暖慶團圓🥮】
中秋節就梗係同一大班朋友、屋企人圍埋一齊食月餅一齊過啦✨！不過你又有冇諗過，食月餅迎佳節之餘，原來仲可以幫人😍？公益金連續37年與慈善夥伴榮華香港 Wing Wah HK合作，凡購買一張最受歡迎嘅「雙黃白蓮蓉」或人氣之選「流沙奶黃月餅」公益月餅券， 榮華香港 Wing Wah HK 就會捐出HK$50予公益金，為有需要人士提供適切嘅服務💕。
想過一個更有意義嘅中秋節？即刻支持公益金嘅公益月餅券，一齊將愛心傳遞出去啦💝！

🛒訂購公益月餅券方法及發售日期：
1. 由7月3日起，你可以嚟公益金辦事處（至9月8日）或 全線榮華門市（至8月12日）購買公益月餅券，並於指定日期前到榮華分店換取月餅。了解詳情Click入(https://www.commchest.org/tc/event/mooncake2026)，或
2. 由7月3日起至7月31日可以喺榮華網店(https://www.wingwah.com/tc/products/21-wing-wah-charity-mooncake-coupon)訂購，一單過購買3張公益月餅券，即送榮華$50禮券1張！
公益月餅券數量有限，售完即止。快啲share比親朋好友一齊支持啦🌟！
#香港公益金 ‪ #公益月餅

24/06/2026

【人生下半場 — 退而不休，開展戲劇人生】

退休人士，現年七十多歲嘅Cat加入咗雋藝劇社接近二十年。由2007年至今，佢一共參演咗超過十二套話劇及多個公開演出，包括《七十二家房客》、《施家有計》，以及本年度以預防虐老為主題嘅《老人與貓2040》等作品。

熱愛表演嘅佢，每星期都會風雨不改到中心排戲，讓退休日子唔止「過得去」，而係活得精彩、有意義。佢經常笑住講：「喺劇社越做越有癮，我會堅持做戲直至我行唔到！」喺佢身上，可以睇到一股「退而不休」嘅幹勁同熱情。

Cat 希望透過自己嘅經歷，鼓勵更多「同路人」積極參與唔同類型嘅社區活動，接觸更多新事物，擴闊社交圈子，從而建立積極嘅晚年人生。佢深信：退休唔係終點，而係開啟新生活嘅起點。

公益金一直重視長者嘅多元發展，透過資助香港耆康老人福利會嘅「雋藝劇社」計劃，為長者提供話劇培訓及表演機會，發展佢哋嘅多元才藝同潛能，提升自信心，實踐「老有所養、老有所屬、老有所為」嘅精神，活出精彩豐盛嘅銀齡人生。

了解更多受助者嘅故事：https://www.commchest.org/tc/funding-allocations/stories
💝將善心化為行動，快啲Click入: https://www.commchest.org/tc/donation/form，幫助更多有需要嘅人！

#香港公益金 #服務透視 #公益金會員機構 #香港耆康老人福利會 #雋藝劇社 #安老服務 #社區支援服務

23/06/2026

為公益起跑，報名參加「中國銀行（香港）港珠澳大橋（香港段）半馬拉松2026」慈善名額！🏃♀️🏃♂️💖

公益金衷心感謝中國銀行（香港）及中國香港田徑總會嘅支持，為「中國銀行（香港）港珠澳大橋（香港段）半馬拉松2026」預留100個半馬賽事名額予公益金作慈善用途。透過捐款參與賽事，除咗可以挑戰自我，仲可以支持公益金資助嘅社會福利服務，幫助有需要人士。

今屆賽事別具意義，係香港首個獲世界田徑聯會認可嘅白金道路賽事。

誠邀大家把握機會，參與呢項國際級體育盛事，一齊跑出愛心！
活動詳情：
📅 日期：2026年11月15日（星期日）
📍 起點及終點：港珠澳大橋香港連接路
🎟 慈善名額：名額有限, 先到先得
💰 參加者捐款金額：每位HK$2,200或以上
👤 年齡限制：參加者必須於2026年年滿16歲或以上（以出生年份計）
📝 報名日期：2026年6月22日（星期一）
⏳ 截止日期：2026年8月25日（星期二）（額滿即止）

🔗立即報名：https://www.commchest.org/tc/event/hzmbhm2026

活動詳情： https://www.hzmb-halfmarathon.com/

#公益金 #慈善跑 #白金級中銀港珠澳半馬 #中銀港珠澳半馬 #中銀香港 #中國香港田徑總會 #支持公益 #半馬拉松

由中國香港田徑總會聯乘中國銀行(香港)舉辦的「中國銀行（香港）港珠澳大橋（香港段）半馬拉松2026」定於2026年11月15日(星期日) 隆重舉行。香港公益金非常榮幸獲得大會送出部分半馬賽事名額以作籌款用途。

10/06/2026

【公益金支援受創幼兒重建身心發展】

20個月大嘅 Sasa，出生於一個印尼難民家庭，年紀小小已經經歷難以想像嘅創傷。2025年5月，Sasa懷疑因非意外受傷入住公立醫院，影響到佢嘅腦部、眼睛及肌肉發展。長時間住院，令佢喺成長關鍵期缺乏穩定嘅生活環境，以至身心發展面對重重挑戰。

喺呢段艱難時期，由公益金資助、智樂兒童遊樂協會推行嘅「護嬰港：確保嬰幼兒順利由醫院過渡到兒童住宿照顧服務」計劃，為Sasa提供咗重要支援。計劃中嘅醫院遊戲師通過評估佢嘅發展需要，為佢制定左一系列嘅治療性遊戲，每日幫助佢從遊戲中增強視覺追蹤、肌肉力量、身體協調同埋與外界互動嘅能力，讓佢喺遊戲中逐步建立信心同安全感。

喺持續支援下，Sasa嘅情況持續改善，逐漸學識主動翻身、追視玩具同人物，對周遭環境嘅反應亦有所提升，更開始講出簡單詞語。除咗促進佢嘅發展，醫院遊戲師亦積極同社工及跨專業人士緊密合作，提供發展評估及支援，協助佢順利轉介至兒童住宿照顧服務，展開新生活。

香港公益金一直致力支援有需要嘅兒童及家庭，透過資助「護嬰港：確保嬰幼兒順利由醫院過渡到兒童住宿照顧服務」計劃，幫助身處困境嘅幼兒獲得適切支援，跨越困難，喺關愛中重拾成長希望。

了解更多受助者嘅故事：https://www.commchest.org/tc/funding-allocations/stories
💝將善心化為行動，快啲Click入: https://www.commchest.org/tc/donation/form，幫助更多有需要嘅人！

#香港公益金 #服務透視 #公益金會員機構 #智樂兒童遊樂協會 #兒童支援 #嬰幼兒服務

06/06/2026

今晚8點一齊將「1蚊變３蚊」！❤️❤️❤️

喺《萬眾同心公益金》電視籌款節目時段內拎起電話📱📱，打18282支持「長江捐款熱線」，你捐1蚊💗，長江集團聯同李嘉誠基金會就會雙倍支持「捐兩蚊」💗💗。善款全數撥捐「公益金及時雨基金」，幫助有需要人士。

長江集團第21年配對捐款予「公益金及時雨基金」，記得要打18282支持「 長江捐款熱線」！今晚8點《萬眾同心公益金》約定你！😉😉

#香港公益金 ‪ #萬眾同心公益金 #長江捐款熱線 #捐款熱線18282 #公益金及時雨基金 #施比受更有福‬‬‬‬‬‬ #關愛精神‬‬‬‬ ‬‬‬‬‬‬‬‬‬

05/06/2026

【萬眾同心公益金】

🌟公益金伴你同行超過半世紀，與香港走過無數變遷 🌟

公益金一直同香港人並肩同行，支援社會上各個有需要人士。聽晚8點《萬眾同心公益金》同公益金一齊攜手幫助有需要人士。

你嘅一個小小舉動，就能發揮 3 倍嘅慈善力量！✨喺《萬眾同心公益金》電視籌款節目時段內拎起電話📱📱，打18282支持「長江捐款熱線」，你捐1蚊⭐，長江集團聯同李嘉誠基金會就會雙倍支持「捐兩蚊」⭐⭐。籌得嘅善款，唔會扣除任何開支，全數撥捐「公益金及時雨基金」，幫助有需要人士。💪💪

公益金及時獻關懷，呢份堅持始終不變！聽晚8點《萬眾同心公益金》約定你☺️☺️，一齊傳遞加倍愛心！ ❤️❤️❤️

#香港公益金 ‪ #萬眾同心公益金 #長江捐款熱線 #捐款熱線18282 #公益金及時雨基金 #施比受更有福‬‬‬‬‬‬ ‬ #關愛精神‬‬‬‬ ‬‬‬‬‬‬‬‬‬‬

05/06/2026

【《萬眾同心公益金》之《愛情故事Une Histoire D'amour》暨慈善晚宴圓滿舉行 💃🎵✨】

5月29日晚上，公益金喺香港演藝學院歌劇院舉行《萬眾同心公益金》之《愛情故事Une Histoire D'amour》暨慈善晚宴🌟🌟，係一個東西文化交匯嘅舞台鉅作，以舞蹈同音樂交響而成💃🎵，高水準嘅演出以視覺同聽覺編織出動人愛情故事，贏得全場熱烈掌聲！👏👏

活動當晚邀請到香港特別行政區勞工及褔利局局長孫玉菡先生擔任主禮嘉賓，聯同法國駐港澳總領事杜麗緹女士、一眾公益金代表、表演監製暨呈獻贊助王以智女士、活動贊助機構代表、香港殿堂級歌手葉麗儀女士同埋荷蘭爵士歌后羅拉·費琪女士一同主持祝酒儀式，為晚宴揭開序幕！🎊🎊

精彩嘅表演過後，舞台更隨即轉為宴會場地🍽️🍽️，讓各位嘉賓喺舞台上享用晚宴。活動當晚更係星光熠熠✨✨，多位來自政界、商界及演藝界嘅名人出席，一同見證呢個難忘嘅慈善盛夜。⭐⭐

公益金非常感謝表演監製暨呈獻贊助王以智女士嘅專業同鼎力支持，將呢場世界級嘅跨文化視聽盛宴呈現於舞台✨✨，讓大家喺欣賞精彩演出嘅同時，為公益金籌募善款。

公益金衷心多謝法國駐香港總領事館同「法國五月藝術節」嘅支持同協助。同時亦感謝主要贊助機構–中國銀行(香港)、餐飲贊助機構–美麗華集團，同埋所有其他贊助機構同善長嘅慷慨支持。💪💪

活動籌得嘅善款，唔會扣除任何開支，全數撥入「公益金及時雨基金」，向因意外傷亡、天災或生活遭逢突變而陷入困難嘅個人及家庭，提供迅速嘅及時援助。💪💪

《萬眾同心公益金》電視籌款節目📺於聽晚8點喺無綫電視翡翠台播出。誠邀大家安坐家中欣賞精彩節目嘅同時，踴躍捐款支持公益金，幫助社會上有需要人士。☺️☺️

#香港公益金 #萬眾同心公益金 #愛情故事 #慈善晚宴 #公益金及時雨基金 #法國五月藝術節 #慈善籌款

03/06/2026

《萬眾同心公益金》電視籌款節目會喺6月6日(星期六)晚上8點喺無綫電視翡翠台播出📺！節目籌得嘅善款將會全數撥捐「公益金及時雨基金」，幫助因意外傷亡、天災，身陷財困嘅家庭、個人，提供迅速嘅援助。💪💪

今年，長江集團第21年配對捐款予「公益金及時雨基金」，並連續第6年聯同李嘉誠基金會攜手加碼配對捐款，將善款「1變3」⭐⭐⭐。只要喺節目時段內致電「長江捐款熱線18282」，您捐1蚊，長江集團聯同李嘉誠基金會雙倍支持「捐兩蚊」 ，加倍善心❤️❤️❤️！

睇節目嘅同時，記得要打18282☎️☎️支持「公益金及時雨基金」！

#香港公益金 ‪ #萬眾同心公益金 #長江捐款熱線 #捐款熱線18282 #公益金及時雨基金 #施比受更有福‬‬‬‬‬‬ #關愛精神‬‬‬‬ ‬‬‬‬‬‬‬‬‬‬

27/05/2026

【公益金支援宏福苑｜援助總結】

透過兩輪撥款，公益金向宏福苑住戶合共提供超過港幣1億6,000萬元援助，當中包括緊急援助金、慰問金及安居資助金。

公益金衷心感謝社會各界的慷慨捐助，所有善款不扣除任何行政費用，全數用以幫助宏福苑家庭。同時，公益金感謝及時雨八間批核中心協助審批及發放兩輪援助金。

#香港公益金 #公益金 #公益金及時雨大埔火災援助基金 #及時雨安居資助金

24/04/2026

【公益金推出第二輪援助方案 向宏福苑每戶發放港幣57,000元「及時雨安居資助金」 協助各個家庭重置長遠居所】

因應宏福苑住戶將於2026年第四季起陸續開展新居安排，公益金宣布推出第二輪援助方案，協助住戶順利過渡至新居所。於2026年5月4日至29日期間，透過公益金及時雨八間批核中心，向宏福苑每戶發放港幣57,000元「及時雨安居資助金」，協助受助家庭為新居添置傢俬、家庭用品及其他基本生活所需，紓緩因重置居所所帶嚟嘅經濟負擔。

今輪援助方案總撥款額超過港幣1億1,300萬元，連同首輪於去年十二月發放逾港幣4,700萬元嘅緊急援助金及恩恤金，公益金兩輪援助合共向宏福苑住戶提供超過港幣1億6,000萬元嘅經濟支援。

公益金衷心感謝社會各界嘅慷慨捐助與支持，善款不扣除任何行政費用，全數用以幫助宏福苑家庭。

*首輪申請所屬批核中心的社工將稍後主動聯絡上次成功獲基金發放援助的住戶，並通知受惠者於基金發放時間內到中心領取資助金。

#香港公益金 #公益金 #公益金及時雨大埔火災援助基金 #及時雨安居資助金