香港失明人協進會 Hong Kong Blind Union

19/06/2026

【端午節快樂🚣‍♂️｜一齊划、一齊衝！】

講到端午節，大家腦海中一定會浮現「划龍舟」嗰種全隊人跟住鼓聲、目標一致、齊心向前衝嘅畫面。

其實喺運動嘅世界入面，熱血從來唔分視力。無論係落場划龍舟、喺賽道上靠一條繩與領跑員一齊奔跑，定係為場上嘅運動員加油，視障朋友一樣「有心有力」。只要有合適嘅配套同夥伴，都一樣可以全情投入！💪🏽🔥

小編再一次祝大家「粽」有同路人相伴，無論喺生活定運動場上，都可以好似龍舟健兒咁，逆風前行，衝向目標！

#香港失明人協進會
#端午節快樂 #平等參與
💚支持視障學童及青少年個人成長發展：https://donation.hkbu.org.hk/tc/project/23
🚩🚩 協進會 YT : https://bit.ly/3mHMDUJ
🚩🚩 協進會 IG: https://bit.ly/2IRhVad
🚩🚩 協進會 FB: https://t.ly/tdH_R
|| 香港失明人協進會 #平等 #機會 #獨立 ||

18/06/2026

早前，本會會長於《明報》撰文，探討並反思政府近日煞停「兩元乘車優惠」限制決定的背後意義。文章指出，政府這次決定充分展現了公共決策的靈活性與實事求是的態度，體現出數據主導決策及願意聆聽弱勢社群聲音的精神。

在此基礎上，視障社群一直期望政府能善用因政策調整而節省下來的資源，將其投放於在香港全面引入「巴士助乘技術」，切實為本地的無障礙出行打好基礎。

我們期盼這次良好的政策調整並非曇花一現。優良的政策有賴事前的充分溝通與客觀的數據支持，期望政府未來在制定各項社會政策時，能繼續與不同持份者保持緊密交流，攜手共建真正無障礙及共融的社會。

閱讀完整文章內容�https://www.hkbu.org.hk/uploads/files/Past-stances-20260618063412-file_tc.pdf

12/06/2026

【📣📣2026年6月號 #協進之聲】 #由視障會員主理的聲音雜誌 #大家多多支持

🍸視障朋友點樣整Mocktail?
🎤究竟呢位得獎者點解會學習聲樂？
📱視障朋友點樣用Gemini？
🌀視障朋友都鍾意玩陀螺？
📖王陽明係明朝一位好有影響力嘅哲學家，佢嘅一生係點樣呢？
🛒究竟網上購物問卷調查有咩發現？視障朋友喺網上購物難唔難呢？

想知道答案嘅話，大家就快啲去收聽今期《協進之聲》啦！

2026年6月號 《協進之聲》節目
🌟6月節目簡介及有獎問答遊戲
🌟會務動態－Mocktail調製體驗
🌟我認識的視障朋友－李冰得獎者歐陽均然
🌟協進連線－迎接AI Gemini
🌟會務動態－陀螺激戰區
🌟協進連線－《此心光明-王陽明傳》上集及下集
🌟獨評視倡－網上購物問卷調查

立即收聽：
https://www.hkbu.org.hk/tc/publication/voice/index

09/06/2026

政府近日宣佈未來將不會實施「每月只限 240 程」的限程方案，本會對此決定表示高度支持與歡迎。二元乘車優惠的初衷是鼓勵殘疾朋友走出社區、融入社會的重要橋樑。我們非常感謝政府願意聆聽社會上不同的意見，並深刻體會到殘疾朋友在日常出行上的實際困難，讓大家不用再為「計住車程」而增添心理包袱。

這次的安排同時亦為公帑省下了一筆不小的開支。本會誠摯希望政府未來能將這些珍貴的資源，更精準地投放在改善殘疾人士的交通出行設備上，從而構建更進步的無障礙交通環境，讓殘疾朋友的出行更安全、更便利。

未來，本會將繼續密切關注二元乘車優惠政策的落實細節，以及其對視障人士的長遠影響，並確保該政策在未來發展中，能成為一個切合用家實際需要、兼具公平性及財政可持續性的社會政策。

【二元優惠計劃 — 不會實施限程方案】

二元優惠計劃「兩蚊兩折」新安排已在今年4月3日順利實施，至今運作順暢。

這段期間，我們收到一些殘疾朋友來信，就日後實施限程方案（即優惠車程每月只限240程的方案）表達關注。他們指出部分殘疾朋友須要比一般人較多次轉車才能到達同樣的目的地，也有一些殘疾朋友須要年長照顧者陪同，才能上班、上課。對他們來說，每月240程未必足夠。

我們審視了「兩蚊兩折」實施後的最新數據，發現由去年5月至今年4月乘車超過240程的受惠人士每月平均只有約450人，在約270萬名受惠總人數之中可謂微不足道。然而，在上述450人中，約22%為合資格殘疾人士。這比例卻遠高於合資格殘疾人士（約14萬人）在受惠總人數的佔比（約5%），在一定程度上印證了部分殘疾人士確需較多車程。

雖然受影響的人數不多，但若實施限程方案，難免會影響部分殘疾人士出行，包括就醫覆診、接受康復服務、工作等生活需要。雖然大部分受惠人士一般不會每月乘車超過240程，但限程方案難免會使大家（尤其是老友記）擔心超過限制，部分人士或會因而不時檢查剩餘優惠車程，徒添心理負擔。

另一方面，每月乘車超過240程的只有數百人，實施限程方案每年可節省的公帑約幾十萬元，但系統更新及測試的開支估計約為3,000萬元，並不划算。

綜合考慮，我們決定不會推行限程方案。希望所有合資格殘疾人士及老友記安心使用二元優惠計劃，做個精明乘客，避免長車短搭，開心出行，融入社會。

勞工及福利局局長
孫玉菡

08/06/2026

【用身體感知建立嘅「家」🏡】
大家平時去買樓或者租樓，第一時間會睇啲咩？廳夠唔夠大？海景靚唔靚？但對我哋視障朋友嚟講，原來「睇樓」係一場結合觸覺、聽覺，甚至空間記憶嘅深度體驗。

早前，28Hse 嘅YouTube頻道「易發睇樓團」邀請本會財務秘書睿知(Merrick)一齊去開箱鑽石山同黃大仙嘅租盤。雖然睇樓時會有地產代理喺旁邊幫手口頭描述屋宇結構，邊度係房、邊度係廁所，但呢啲始終係抽象嘅文字。要真正將間屋「畫」出嚟，視障人士必須用自己嘅方法，去想像成個空間嘅立體畫面。

喺影片入面，Merrick唔係拉尺，反而用自己嘅腳步去計「由窗邊到房門有幾遠」，再用雙手同手臂去「量度」空間，咁樣就可以完美咁喺腦海入面，勾畫出空間感。除咗屋內狀況，Merrick亦會好留意屋苑嘅無障礙細節，好似係樓下有冇有蓋行人路避雨、大廈電梯有冇聲響提示、燈光夠唔夠等等，因為呢啲都會直接影響視障人士日後出入嘅安全感。

最後，多謝「易發睇樓團」嘅細心報道，用最真實嘅鏡頭帶大眾認識視障人士❤️

未睇呢條片嘅朋友，可以撳以下連結重溫👇🏼
重溫片段：https://youtu.be/XBduYvRabuA?si=5kSjwRjFbYJ8Yztt

#香港失明人協進會
#易發睇樓團 #租樓 #視障人士 #無障礙生活 #社區共融
💚支持視障學童及青少年個人成長發展：https://donation.hkbu.org.hk/tc/project/23
🚩🚩 協進會 YT : https://bit.ly/3mHMDUJ
🚩🚩 協進會 IG: https://bit.ly/2IRhVad
🚩🚩 協進會 FB: https://t.ly/tdH_R
|| 香港失明人協進會 #平等 #機會 #獨立 ||

跟視障人士去搵樓👨🏻‍🦯 有咩方法可以量度距離❓｜龍蟠苑、現崇山.一般人參觀單位，很多時會先看面積、裝修、景觀，再想像家具如何擺放...

01/06/2026

🚣‍♂️ 【一拉一推都有板有眼！艇機初體驗】

想做運動，但又驚曬或者驚落雨？其實只要揀啱項目，無論咩天氣都可以出身汗，仲可以玩得安全又開心！

早前職教中心及服務中心聯合舉辦咗一場「開聲體活動 - 划艇機體驗活動」。當晚一眾會員出發前往觀塘海濱活動空間，雖然今次唔係真正落水划賽艇，但一邊吹住好舒服嘅海風、一邊望住海景做運動，體驗一樣咁正，當晚嘅氣氛真係好值得同大家分享！🎉

今次我哋好榮幸邀請到「香港海岸賽艇體育會」嘅資深賽艇教練——張國強先生同陳建中先生親臨指導。喺兩位教練嘅耐心帶領下，大家由最基本嘅熱身運動做起，再一步步掌握划艇機嘅操作技巧與正確姿勢。

對初次接觸划艇機嘅會員嚟講，要配合好呼吸，一拉一推咁保持節奏，其實一點都唔容易。不過我哋嘅會員好快就摸索到竅門，越拉越得心應手，姿勢有板有眼，非常有力量！💪🏽🔥

其實坐喺划艇機上面，大家流嘅汗水同付出嘅努力都係一模一樣。視力嘅限制從來都阻擋唔到大家對健康同突破自我嘅追求，只要有合適嘅引導，每個人都可以平等咁享受運動帶嚟最純粹嘅快樂。

感謝各位會員嘅全情投入，亦多謝教練團隊、一班職員同義工朋友嘅同行協助，令活動圓滿結束！❤️

🎬 睇完呢條 Reel，你下次想同我哋一齊挑戰咩運動？
歡迎喺下面留言話畀小編知，或者分享吓你覺得仲有啲咩項目都好啱視障朋友一齊享受！👀👇🏼

#香港失明人協進會
#開聲體 #划艇機體驗 #香港海岸賽艇體育會 #體育面前人人平等
#無障礙運動 #突破自我 #觀塘海濱
💚支持視障學童及青少年個人成長發展：https://donation.hkbu.org.hk/tc/project/23
🚩🚩 協進會 YT : https://bit.ly/3mHMDUJ
🚩🚩 協進會 IG: https://bit.ly/2IRhVad
🚩🚩 協進會 FB: https://t.ly/tdH_R
|| 香港失明人協進會 #平等 #機會 #獨立 ||

28/05/2026

【網購「彈窗」變高牆？4 招教你打造無障礙網店 💻🛑】

早前同大家分享過本會最新發布嘅《視障人士網購平台體驗調查報告》，唔知大家仲記唔記得入面一個好驚人嘅數字？

原來喺網購遇到困難嘅視障消費者當中，有高達 88.4% 嘅人都指控同一樣嘢——就係「彈出式廣告或選單難以關閉」！ 平時大家網購，行行吓突然跳出一個最新優惠或者會員登記嘅「廣告彈窗」，對一般人嚟講可能只係煩，撳個「X」就搞掂。但對用讀屏軟件嘅視障朋友嚟講，呢個熄唔到嘅彈窗，就好似一幅突然喺前面起好、跨越唔到嘅數碼高牆，結果好多時逼住要放棄成個網購流程。❌🛒

科技本來係帶嚟方便，我哋唔應該喺追求網店生意嘅同時，將視障朋友拒之門外。

其實改善「數碼無障礙」從來都唔難！本會 GATE 就會由技術核心出發，喺呢個 Post 入面同大家分享 4 個好簡單、但可以發揮好大作用嘅網頁改造細節🎯。

無論你係網店店主、網頁開發者，定係關心資訊共融嘅朋友，都誠邀大家一齊撳入去睇下，順手 Share 埋呢個 Post 出去，等多啲人知道呢個咁重要嘅訊息，一齊用科技打破隔閡！👀👇🏼

#香港失明人協進會 #數碼無障礙
#網頁改造指南 #網購體驗調查 #傷健共融

【4 大網購障礙設計｜消失的「關閉」按鈕🛑】

根據本會最新發布的《視障人士網購平台體驗調查報告》，在網購遇到困難的視障消費者中，高達 88.4% 的用戶指出「彈出式廣告或選單難以關閉」是他們購物時最大的絆腳石 。

⚠️ 視障消費者的真實困境：
大家網購時，經常會遇到突然跳出的最新優惠、會員登記或 Cookie 授權彈窗。對讀屏軟件（Screen Reader）使用者而言，當彈窗出現時，系統「焦點（Focus）」往往仍停留在背景網頁，導致讀屏軟件不斷報讀後方的資訊，用戶根本不知道前方被廣告阻擋；即使知道，亦因焦點無法移入彈窗，而難以尋獲「關閉（X）」按鈕 。

🛠️其實要符合國際 WCAG 標準，網頁開發者或網店店主在設定這些「彈出式視窗」時，只要做好以下幾點，就能輕鬆讓所有用戶有效瀏覽網頁：

1️⃣ 焦點移入（Focus Shift）： 當彈窗一出現，網頁焦點必須第一時間強制移至彈窗內部（例如直接跳到關閉按鈕），讓讀屏軟件即時報讀彈窗（如廣告）內容。
2️⃣焦點鎖定（Focus Trap）： 在用戶關閉彈窗前，無論用戶使用鍵盤（Tab 鍵）或讀屏軟件瀏覽時，焦點必須鎖定在彈窗內循環，不能穿透讀取到背景的網頁內容。
3️⃣鍵盤支援： 必須支援標準鍵盤操作，允許用戶按下 Esc 鍵直接關閉彈窗。
4️⃣語義化標籤： 在編寫網頁程式碼時，彈窗外層建議使用 HTML5 的 標籤，或加上 role=”dialog“ 及 aria-modal=”true“，等於主動告訴讀屏軟件：「這是一個彈窗，請通知用戶！」

網頁設計多走一步，無障礙就跨進一大步。只要做足以上 4 招，就可以協助 88.4% 的視障用戶順暢排除干擾，不需要再因為一個廣告，而被迫放棄整個網購流程 ！

請繼續密切留意我們接下來的無障礙網頁改造指南分享，一齊打造共融的智慧城市 👀

#數碼無障礙 #網頁改造指南 #焦點管理

27/05/2026

📸【活動回顧｜痛症知多D講座2.0 圓滿結束】 🦵📚

平時忙於照顧身邊人，好多時都忽略咗自己身體發出嘅警號。
早前我哋好高興邀請到註冊脊醫 Dr. Joe 健康教室 ，聯同其義工團隊「 #脊骨肌腱痛症關注協會」，為大家帶來《照顧者叢書分享及痛症知多D講座2.0》！🎉

當日 Dr. Joe 除了分享新書《Dr Joe教你運動醫膝痛》嘅精髓，更與義工團隊即場示範，深入淺出咁講解痛症成因。現場大家仲一齊跟住指示，學習一系列喺屋企都可以做到嘅伸展同強化運動。睇返相片，就知道大家都學得幾咁認真、投入！💪✨

✨ 聽聽參加者嘅真實心聲：
💬 「原來好多動作喺屋企都做到，對我舒緩膝痛真係好有幫助！」
💬 「以前唔知點做先唔傷膝，今次學到正確姿勢，個人安心好多。」
💬 「即場示範好清晰，跟住做一次已經 feel 到個人拉鬆咗！」
💬 「網上都可以同步參加好方便，資訊真係好實用。」

透過今次講座，一班會員同照顧者唔單止認識到常見痛症嘅成因，更掌握到用正確姿勢去改善膝痛、減少受傷風險，一步步提升自己管理痛症嘅能力。

🙌 衷心感謝 Dr. Joe 嘅精彩分享，亦謝謝每一位會員同照顧者嘅積極參與。
希望大家都能將當日學到嘅小技巧融入日常生活，慢慢改善痛症，讓自己活得更輕鬆、更自在。💖

📚 溫馨提示： 已登記嘅會員可以透過「賽馬會無障易學計劃」繼續借閱相關電子書，隨時溫故知新！

#香港失明人協進會
#照顧者支援 #膝痛舒緩 #自我照顧 #無障易學計劃
💚支持視障學童及青少年個人成長發展：https://donation.hkbu.org.hk/tc/project/23
🚩🚩 協進會 YT : https://bit.ly/3mHMDUJ
🚩🚩 協進會 IG: https://bit.ly/2IRhVad
🚩🚩 協進會 FB: https://t.ly/tdH_R
|| 香港失明人協進會 #平等 #機會 #獨立 ||

22/05/2026

【政策下被遺忘的一群？視障人士尋找回贈機困難重重 🛑】

自「兩蚊兩折」新交通收費安排實施以來，不少視障人士的交通費用都有所增加。對於視障朋友而言，要在下車後順利找到分段收費回贈機拍卡，到底有多難？感謝《集誌社》記者日前與本會會長黃俊恒(Billy)一同進行實測。實測結果正正反映出，現行的硬件配套對視障群體極度不友善。視障人士在嘗試獨立領取回贈時，往往面臨以下「三大障礙」：

❌ 回贈機的安裝位置沒有統一標準，有時在站頭，有時在站尾。視障人士單憑白杖在車站摸索，往往猶如大海撈針，容易「走過龍」，在尋找過程中更險象環生。

❌ 拍卡機屏幕缺乏突出的觸覺標記或點字。視障朋友根本無從得知正確的拍卡位置，只能在平滑的機身上盲目嘗試。

❌ 欠缺聲音回饋，巴士站環境極度嘈雜，當成功拍卡時，提示音微弱得無法聽見，令視障人士難以確認自己是否已成功領取回贈。

本會促請政府與巴士公司正視問題，並提出四大改善建議：
1. 統一設施位置： 將回贈機統一設於巴士站的固定位置（如首端或尾端），建立清晰規範。
2. 改善硬件設計： 於機身加上清晰的觸覺標記，並大幅提高拍卡機發聲提示的音量。
3. 提供精確資訊： 於巴士手機應用程式內，明確標示各站回贈機的具體位置。
4. 善用節省資源： 將政策節省的公帑投放於殘疾人士交通配套，例如資助研發及引入「視障乘客助乘系統」。

香港人固然充滿同理心、樂於助人，但視障朋友同樣渴望並擁有「獨立出行」的權利，不應因為政策與設施設計的缺失，而被迫凡事依賴途人協助。

我們期望當局真正重視殘疾社群的需要，從細節出發，一同建設一個真正無障礙的交通環境！

👉 點擊閱讀《集誌社》實測報導：https://thecollectivehk.com/%e5%85%a9%e8%9a%8a%e5%85%a9%e6%8a%98%e8%a6%96%e9%9a%9c%e4%ba%ba%e5%a3%ab%e5%af%a6%e6%b8%ac%e7%9b%b2%e6%91%b8%e6%91%b8%e5%85%a9%e5%88%86%e9%90%98%e6%90%b5%e6%a9%9f%e9%a0%98%e5%9b%9e%e8%b4%88/

#香港失明人協進會
#集誌社 #兩蚊優惠 #分段收費回贈機 #無障礙交通 #獨立出行

21/05/2026

【今天是 全球無障礙關注日🌍｜別讓「障礙設計」將視障人士拒之門外】

網上購物，對現代港人來說是不可或缺的日常。根據政府數據，在2024年全港已有近七成人使用網購。但你可曾想過，在這個動動手指就能購物的時代，視障人士在網購時卻要像「過五關斬六將」般艱難？

今天是「全球無障礙關注日」（Global Accessibility Awareness Day, GAAD），旨在喚起大眾對數碼無障礙的關注。本會特別選在今日發表於2026年4月進行的《視障人士網購平台體驗調查》。我們發現，視障人士絕對「有心有力」，卻往往被平台的「障礙設計」硬生生拒之門外：

❌ 不是技能不足，而是設計有缺陷
高達 61% 視障受訪者自評數碼技能熟練，但高達 88.4% 被「無法關閉的彈出式廣告」阻擋，81.4% 更在結賬付款的最後一步因介面不兼容而被迫放棄。

❌ 努力過後，只剩挫敗
近六成(59%)受訪者曾因平台難以使用而被迫放棄網購，超過四成人因而感到深深的氣餒與挫敗。

❌ 本地及內地平台 vs 海外平台
技術稽查發現，多個本地及內地平台（如 HKTVmall、KeeTa、拼多多）在使用讀屏軟件時存在嚴重漏洞；相反，Amazon等海外平台因無障礙設計較完善，成功吸納了這群具消費力的視障用戶。

💡 我們的倡議：
真正的「智慧城市」，不應只追求技術的躍進，更要確保每個人都能平等、獨立地享受科技帶來的便利。

我們呼籲各大企業與電商平台履行社會責任，改善應用程式及網頁的無障礙設計。當「用戶的數碼素養」遇上「企業的數碼無障礙」，雙管齊下，香港才能成為真正共融的智慧城市！

🔗 閱讀新聞稿全文及詳細調查結果：https://www.hkbu.org.hk/tc/about/latest-news/detail/131

#香港失明人協進會 #全球無障礙關注日 #數碼無障礙 #網購體驗 #智慧城市 #共融香港