CMAC 緣路有你 - 離異及再婚家庭支援計劃

21/08/2026

最近我哋膽粗粗試新嘢，以繪本作為主題錄Podcast🔊 今次就帶嚟《我家來了一頭大象》，故事係關於小主角發現屋企多咗一隻灰黑黑嘅大象，阻礙佢同媽媽傾計。到底大家點樣搬走大象，令到母子之間可以坦誠相對呢？

podcast連結︰

製作︰香港公教婚姻輔導會 緣路有你—離異及再婚家庭支援計劃 ​

21/08/2026

不朽的玩具？

最近觀賞了《反斗奇兵5》，這個系列已經有31年歷史，陪著許多家長成長。其中一個主題是「隨着孩子的長大，玩具還有甚麼存在的意義呢？」新的影片更帶出「面對電子產品深深吸引孩子的威脅，玩具在孩子的生命中還剩下甚麼意義呢？」

同樣地，一般的家長在孩子的成長歷程中，不但感到自己不敵孩子的朋輩影響，更加在電子產品的使用上出現不少思想及情感的距離，甚至在親子關係上因為衝突而出現鴻溝或缺裂，有些孩子因而被安排至院舍居住；親子的連繫更大機會的被削弱。

電影帶出與玩伴連結的重要性，玩具可以是連結的對象，也可以是與人連結的一個渠道。已有27年歷史的爆旋陀螺，近年再次成為熱玩，而近月在香港更掀起全城熱議及參與！這玩意不但將年青人帶出電子世界，帶動了不同世代的玩家之間的溝通和互動，更促成不少父子兵甚至婆孫組合的出現，連結了人際之間的斷連⛓️‍💥。學校更將之融入學習，推動了學生的學習動機、增強了學生之間的合作及師生之間的聯繫。這玩意更因要練習技術而被定性為運動，有人為了勝利的目標，不但鑽研組裝，更會到健身室鍛煉肌肉以致增強拉力。

雖然並非每位孩子都對某個電影主題或潮流玩意有興趣，但這些例子在在刺激筆者去思考💭：
1. 與人（尤其是與親人）連結是每個人的內在渴求，只是負面或創傷的成長經歷（大多數來自原生家庭）導致孩子不敢、不相信或不再願意與人連繫。孩子雖然與其中一位家長分開居住，但普遍仍然渴望與非同住家長及其家庭成員保持聯繫。

2. 媒體或玩具是將人連結的一種渠道，但隨著孩子日益成長及發展需要的蛻變，連結的渠道也需要演變去吸引孩子及適切他們的需要。

3. 孩子連結的目標對象－家長是不可取替的。筆者有時會聽見孩子說：「我與非同住家長一起，都是自己使用電子產品，他/她都在忙自己的事情。」又或「我和非同住家長只是玩電子產品，大家沒有傾偈。」因此，親子連結的渠道與對象我們務必要搞清！

#離異家庭 #孩子 #成長 #以孩為本 #親和坊 #護孩成長 #重新得力 #曙光 #反斗奇兵 #玩具

19/08/2026

「愛之語」Love Language入面，其中一項係肯定語言Words of Affirmation。華人社會唔容易開口稱讚別人，甚至會驚讚得多會「讚壞咗」。除咗做老師會成日讚學生之外，喺屋企入面大家都可以透過讚賞，表達對家庭成員嘅肯定同欣賞。

其實讚人真係好簡單︰
你可以讚下屋企人為你準備飯菜、執好間屋提供舒適居所🏠
亦可以讚下小朋友今日比琴日又進步左多啲📈
仲可以讚下伴侶喺工作/家務上嘅付出🧹

就好似《日落下的彩虹》嘅皓皓咁講「你好叻呀，我好欣賞你」👏🏻如果怕尷尬講唔出，send個msg、send個sticker，一樣可以傳情達意❤️

14/08/2026

好多client都會問︰再次迎接新關係時，應該點樣去選擇伴侶呢？
經歷過傷痛再出發，再揀伴侶唔止係睇激情，而係睇日常細節能唔能夠建立穩固嘅心理連結：

1. 狼狽時提供依靠🫂
當你遇到挫折或情緒崩潰，對方唔會指責你，而係遞杯水講句「休息下再做」。真正健康嘅關係，係可以包容彼此嘅脆弱、唔完美。

2. 吵架後願意和解❤️‍🩹
鬧交唔係要爭輸贏。好嘅伴侶唔會玩冷戰，而係願意先放下情緒，主動講「不如傾返頭先件事？」，用建設性溝通一齊解決問題。

3. 未來有你🗺️
健康嘅關係需要共同藍圖。無論係搬屋定生活小事，對方規劃未來嗰陣都會考慮埋你，令你感受到自己被重視同被愛。

4. 舒服且無聊嘅相處😜
相處唔使特登搵話題。哪怕只係各自玩電話、安靜陪住大家，都覺得踏實自在。呢種唔尷尬嘅沉默，代表極高嘅信任同安全感。

5. 做最真實嘅你🥰
喺佢面前你唔使戴面具或逼自己懂事。你可以放鬆展現最真實、甚至幼稚嘅一面，而對方依然珍惜同包容獨一無二嘅你。

陪伴係一整頁嘅人生課題。最重要嘅係，你同對方心入面，都有願意彼此同行嘅心❤️

07/08/2026

當身邊有朋友/家人經歷離婚，我哋往往會好心急想開解佢，好想講啲嘢令佢好過啲。但其實你願意陪伴，遠遠比講道理更有力量。

離異朋友最唔想聽到「唔好諗咁多啦」、「好快會過去嘅」呢類否定對方情緒嘅說話。一段婚姻嘅結束，背後嘅傷痛同迷惘，從來唔係靠一兩句罐頭正能量就可以撫平。

陪伴經歷離異階段嘅朋友，你可以：
🫶🏻少俾建議，用心聆聽：
佢哋需要嘅唔係人生導師，而係一個安全、無批判嘅傾訴空間。
🫶🏻接納情緒，允許傷痛：
容許佢喊、流露軟弱，陪伴佢經歷情緒，而唔係強行將佢拉出嚟。如果有啲情緒你未必處理到，建議交俾專業人士去處理。
🫶🏻陪伴勝過說教：
一句簡單嘅「我喺度」，或者一齊靜靜地食餐飯、散下步，比一百句「你要加油」更有力量。

安慰離異朋友，從來唔需要完美嘅說語技巧。
只要令佢知道：無論發生咩事，你都唔係自己一個!👣👣

31/07/2026

最近電視劇《日落下的彩虹》，提及婚姻關係。夫婦間多年來關係上嘅誤會矛盾，一觸即發💣明明內心仲有愛，但因為心入面嗰條刺，令到大家口硬心軟，睇到觀眾都覺得個心「拿住拿住」🥲

呢個場面好熟面口，因為我地喺輔導室幾乎日日都見到👀 首先想俾啲掌聲所有願意一齊見輔導嘅夫婦，因為願意一齊出席，無論最終結果如何，都係一個好機會俾大家了解心中想法。就好似劇中嘅斌哥、斌嫂，當有輔導員在場下，先表達到內心最深處嘅脆弱💔

「再思婚姻」係一個俾夫婦重新考慮婚姻去與留嘅過程，就好似為婚姻做一個body check咁，審慎地檢視雙方離合抉擇。呢個過程，無非都係想為夫婦及子女減低怨恨同傷害。

好多人都話呢一集係open ending，究竟斌哥、斌嫂最後會唔會離婚呢??? (好似話導演會開live再解釋😛) 不過劇集只係有限呈現呢一刻主角們嘅決定，喺另一個平時線上，有更多斌哥、斌嫂繼續喺婚姻路上學習、磨合、掙扎，兩個人相處都係一個好值得探討嘅終身課題。

#日落下的彩虹 #潘燦良 #唐詩詠 ViuTV

24/07/2026

暑假流流長，一方面家長要諗活動俾小朋友，其實都真係幾傷腦筋。但另一方面，既然唔洗擔心夜瞓早起，可以出去玩嘅選擇又多咗!

最近大家成日都講「黃金記憶球」，起源自電影《玩轉腦朋友》入面嘅核心記憶，代表塑造主角人格，最珍貴、最溫暖嘅核心經歷。今個暑假，我哋精選咗5️⃣個地方，各位家長可以試下同小朋友一齊製造「黃金記憶球」🔮

1️⃣石峽尾配水庫
2️⃣華富邨
3️⃣九龍城寨電影場景
4️⃣西沙Go Park
5️⃣馬灣

13/07/2026

感謝幼稚園邀請
舉行一節手繪小夜燈活動
暑假，是家長最忙碌的時候
可以在最後一個上課周為家長舉行活動
讓他們充充電，再回到家中發光發亮💡

06/07/2026

小編最近睇完《鐵拳教育》
開始追緊另一套好多人討論、被寓為「婚姻照妖鏡」嘅台劇—《欠妳的那場婚禮》!!!
輔導室入面，有啲client會同我哋講婚姻終結係因為出軌、因為大吵大鬧
但張孝全同蘇慧倫喺劇入面完美演繹咗：
真正殺死婚姻嘅
係日積月累嘅「老奉」同「冷漠」 💔

雖然成日講到口臭
但係有幾個小貼士都可以提提大家︰

1️⃣ 唔好當所有嘢都係老奉
試下將「多謝」掛喺嘴邊，即使係好小嘅事，話畀對方聽：「老婆/老公，多謝你，你辛苦喇。」，等對方知道自己嘅付出有被睇見🫶🏻

2️⃣ 每晚留 15 分鐘吹下水，試下放低電話、放低阿仔阿女、放低屋企啲家頭細務，粹好似以前拍拖咁，分享吓今日網上見到嘅無聊笑話，或者自己嘅心情🤪

3️⃣ 唔好好似細路仔咁玩「冷戰」...因為只會慢慢磨滅晒兩個人嘅愛。兩公婆有分歧係好正常，試下用「我覺得……」去講自己感受，比對方明白你嘅處境🤔

4️⃣ 維持「拍拖儀式感」，睇套戲、揀套靚衫、去返以前拍拖聖地......搵返二人嘅甜蜜時光🥰

婚姻唔係簽張紙就一勞永逸，係一場要兩個人一齊不間斷落力經營嘅長跑
大家又有無睇呢套劇？你又覺得維持婚姻最難嘅又係咩呢？

#欠妳的那場婚禮 #台劇 #婚姻關係 #兩性關係 #婚姻保鮮

22/06/2026

剛過去嘅父親節
集誌社 The Collective HK 出咗一篇專訪
主角係視障鋼琴家+單親爸爸—李昇

睇唔清楚嘅，唔止係眼前景物
更難看清嘅，係兩位囡囡嘅「少女心事」
一方面要身兼母職照顧家庭
另一方面一個大男人要處理複雜嘅「少女心事」
由於完全冇經驗，坦言真係要好大耐性

隨住女女長大，她們嘅樣貌喺李昇眼中卻一日比一日模糊
當記者問到如果佢不幸變成全盲，最想腦海留下咩畫面？
佢堅定話：「一定是她們笑的樣子，笑容是最珍貴。」
期盼女女無論經歷咩事，都能由心底感到快樂、學識感恩🥰

你覺得單親爸爸最需要邊一類型嘅支援呢？