22/08/2025
🎉【活動回顧｜港鐵「站．見」鐵路樂融日】🚆💛
由樂苗基金主辦、港鐵公司 MTR 贊助同合作機構新生精神康復會 dayday330 攜手舉辦嘅港鐵「站．見」鐵路樂融日，已經喺8月9日完滿結束，現場氣氛滿載笑聲、溫暖同感動！
當日，我哋同來自三間學校 - 香港紅十字會瑪嘉烈戴麟趾學校、中華基督教望覺堂啟愛學校、炮台山循道衛理中學嘅 21個有特殊學習需要嘅家庭一齊參與，一方面畀學生有機會探索鐵路文化，另一方面家長可以真正放鬆一下、互相支持。
🚆 學生組
1️⃣ 港鐵紅磡站「站．見」鐵路展館內盡情體驗 - 三大主題展區、退役列車、駕駛室模擬、經典制服試穿，寓學習於遊戲，激發好奇心同學習興趣。
2️⃣ 共融工作坊，透過音樂、感官探索及創意表達學習及互相交流。
🧘♀️ 家長組
1️⃣ 由 dayday330 團隊帶領「靜觀親職工作坊」幫助家長認識親職壓力、練習覺察自己情緒與身體反應、學習以靜觀態度陪伴自己與孩子情緒。
2️⃣ 編織療癒工作坊、輕鬆茶聚，享受社企「糕點時光」嘅精緻茶點，輕鬆傾計、互相打氣，真正享受一段屬於自己嘅 me time。
🧡 特別鳴謝
感謝港鐵公司派出超過40位熱心義工，由集合、帶隊、到沿途照顧行動不便嘅參加者，再到活動中陪伴同傾聽，每一刻都用心守護；感謝 dayday330 嘅專業團隊帶來溫柔而實用嘅情緒支援；亦感謝各位導師、三間學校嘅校長、老師、家長、學生同合作單位 - 你哋令這一天變得更有意義。
💬 今日嘅笑容同溫暖，將成為我哋同每位家庭心中嘅美好回憶。
#樂苗基金 #站見鐵路樂融日 #靜觀親職 #感官遊戲 #親子連結
#港鐵義工 #共融社會
