What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

點滴是生命 A Drop of Life

Home
Hong Kong
Hong Kong
點滴是生命 A Drop of Life

http://www.adropoflife.org

點滴是生命於1998年成立，致力為有需要的人士帶來潔淨的水資源。
我們深信獲取清潔食水是每個人生存的基本權利，亦是解決失學、貧窮等問題的關鍵。

秉承「傳遞愛，實現愛」的宗旨，我們在尼泊爾、柬埔寨及中國內地推行可持續發展的水項目，在偏遠山區建設水設施，
為有需要的人帶來清潔食水。同時，點滴是生命亦會制定扶貧賑災、學校重建等計劃，從生命到生活，延續希望。

在香港，我們服務弱勢社群，將愛傳遞。成立至今，點滴是生命的水慈善和發展項目已惠及超過4百萬人。

26/06/2026

【🚾 柬埔寨廁所美化工程 🪄✨】

水同衛生總係息息相關 ——
💧 淨水可以帶嚟良好嘅衛生習慣 🧼🪥
🫧 良好管理嘅衛生設施就可以保護水源免受污染 🦠

所以點滴除咗透過興建＼淨水設施🚰／解決落後村落水源短缺問題，我哋都會透過興建＼家用洗手間🚽／，為村民提供一個方便、安全、委善排污嘅洗手間，減低排泄物流入水源造成污染。

由2018年至今，點滴已經喺柬埔寨村落起咗1️⃣2️⃣5️⃣1️⃣個家用洗手間，令6️⃣7️⃣8️⃣8️⃣人受惠！

除咗實用性，我哋都希望令洗手間更加美觀✨，同時將香港人嘅心意好好傳達畀村民～所以過去點滴曾經喺＼世界廁所日／收集大家嘅畫作，並化為大型牆紙送到柬埔寨，為廁所外牆添上繽紛嘅色彩🌈！大家嘅作品都已掛上村民嘅廁所外牆喇！曾經交畫嘅你，有無搵到自己嘅作品呀👀～？

📍支持點滴工作：https://bit.ly/4f5yUUM

#廁所 #點滴是生命

$【柬埔寨水設施Admin的一天🌞帶大家睇設施落成的管理後續⏩️】喺村落入面，大型水設施落成後，其實仲有後續嘅管理工作同埋保養功夫🤲🏻✨。為咗令水設施可以用得更耐、更可持續，部份村落會成立 \\ 水設施委員會 // ，由可靠嘅村民擔任委員，除...$

25/06/2026

【柬埔寨水設施Admin的一天🌞帶大家睇設施落成的管理後續⏩️】

喺村落入面，大型水設施落成後，其實仲有後續嘅管理工作同埋保養功夫🤲🏻✨。為咗令水設施可以用得更耐、更可持續，部份村落會成立 \\ 水設施委員會 // ，由可靠嘅村民擔任委員，除咗負責向村民講解淨水與衛生訊息外👩🏽‍🏫，亦會幫忙處理與水設施相關嘅admin事宜，例如核對每個用水嘅家庭嘅登記資料，以及每個月尾到每家每戶抄錶⏱️，記錄每個家庭嘅用水量，並收取水費💧

▌村落水費是設施可持續的關鍵!!
村落入面一個家庭嘅水費平均係每月約3蚊美金，呢個費用將會交由委員會管理，作為日後水設施維修之用⚙️，由大家一同維護呢個由整條村共用嘅水設施🩵

📍支持點滴工作：https://bit.ly/4eEY0bQ

24/06/2026

【香港本地義工活動紀錄‼️點滴福sender首個護老院探訪圓滿結束】

端午長假過後，點滴福sender「糭」動員出動，帶埋福袋嚟到元朗「基德泰衡護老院」，同50位老友記一齊玩遊戲、做手工，度過咗一個愉快嘅下午。義工們亦因應端午節，同老友記一齊DIY糭形香包掛飾！原來老友記們都好鍾意做手工，一邊做一邊好緊張自己嘅成品，又會主動向在旁嘅義工求教～最後見到製成品時老友記們都開心又滿足：）

院舍工作人員向我哋分享，雖然不時有團體來探訪，但每一次嘅探望都會為老友記嘅院舍生活添許多趣味，最重要是讓佢哋知道社會上仍然有人關心佢哋。

未來點滴福sender都會繼續帶住福袋＼SEND福、SPREAD LOVE／❣️如果你都想體驗長者義工服務，歡迎DM我哋了解下次探訪嘅詳情～

了解點滴在社區：https://adropoflife.org/localservice/
支持點滴工作：https://bit.ly/4eqeaXI

#本地義工 #社區探訪

22/06/2026

【最新尼泊爾💧水資源慈善合作計劃已簽訂!! 工程下半年即將啟動✨】

尼泊爾🇳🇵一直係點滴慈善項目嘅核心地區。自2021年起，我哋聯同「中國鄉村發展基金會」，展開高山引流供水系統項目，期望將偏遠嘅水源引流到村民聚居嘅地方，令佢哋喺屋企扭開水龍頭就有水用，毋須再每日攀山取水～

至今，喺同「中國鄉村發展基金會」嘅合作下，已有2個供水系統成功落成，另有1個正在建設中，受惠人數達到9800人！

▝ 點滴代表北京行🇨🇳 簽訂最新水項目合約!! ✍🏻
最近，點滴代表亦專程嚟到北京，正式同「中國鄉村發展基金會」簽訂全新嘅水項目合約！即將為尼泊爾加德滿都Chandragiri地區村落，建設高山引流供水系統，預計會有715名村民受惠。

「中國鄉村發展基金會」是由農業農村部主管的全國性社會組織，非常感謝「中國鄉村發展基金會」以及每一位捐款者多年來與點滴同行。點滴會繼續堅守慈善初心，以淨水改變命運。

\\ 點滴×中國鄉村發展基金會尼泊爾供水系統項目里程 //
2021年｜Bhupu 村落｜4700人受惠
2022年｜Kavresthali村落｜4500人受惠
2025年｜Kesari Bhanjayng村落｜600人受惠
ᴺᴱᵂꜝꜝ 2026年｜Chandragiri地區村落｜715人受惠

21/06/2026

【Thanks, Dad!】

好多時村落入面嘅相，都好少見到爸爸嘅身影。因為村落爸爸多為屋企嘅經濟支柱，為咗有更可觀嘅收入同工作機會，佢哋多數在外地打工👷🏽‍♂️，犧牲與家人相處嘅時間，低調而努力地撐住一頭家🤲🏻。

爸爸總係默默守護住屋企，為孩子遮風擋風☔️。即使不將愛意說出口，作為子女嘅我哋，總能感受到爸爸嘅愛同付出。

如果「我愛你」太肉麻，咁「父親節快樂」這句話，剛剛好！

趁住父親節，一齊祝天下爸爸＼父親節快樂／啦！

#父親節 #點滴是生命

17/06/2026

【谷埔水堂暑期活動回歸🌞！「渴」水生活親子體驗日營現正接受報名💧】

今個夏天，帶小朋友走出課室、放低電子產品，一齊走進「谷埔水堂」，化身小小村民，親身體驗世界另一端孩子每天面對嘅缺水生活！

🤲 動動手・親身體驗
💧 到河邊取水，感受缺水村民每日取水嘅挑戰，感受大自然
🫧 挑戰鄉村生活任務，體驗簡單家務，訓練大小肌肉及獨立能力

🧠 動動腦・探索科學
🧪 透過有趣 STEM 實驗，將「污水」一步步轉化成淨水，訓練解難能力
🌍 認識全球水資源問題，了解慈善工作如何改善偏遠村落生活
❤️ 從體驗中學習珍惜資源、關心他人，建立同理心

📍同場加映
活動將於沙頭角乘船前往谷埔。更可帶小朋友遊覽充滿歷史及文化特色的邊境，來一趟不一樣的親子探索之旅。

今個夏天，讓孩子在大自然中探索、學習與成長，收穫一段難忘而有意義嘅暑假回憶！

✨ 完成活動後，每位小朋友均可獲發活動證書一張。

📲 立即報名：https://form.jotform.com/261618622132451

📅 活動場次
✅ 7月19（日）9:00 – 13:00
✅ 8月16（日）9:00 – 13:00

👧 合適年齡
3–8歲小童（需由至少一位成人陪同）

📍 集合及解散地點
沙頭角

💰 活動費用
$700／組（1位小童＋1位成人）
額外成人 +$100／位

歡迎PM我地組團參加

#谷埔水堂 #親子活動 #暑期活動 #谷埔 #沙頭角

16/06/2026

【慈善項目UPDATE!! 供水系統落成後的日常🧚🏼羊仔都有乾淨水飲喇】

尼泊爾山區村民因為水源偏遠、欠缺供水設施而面對缺水困擾。點滴自2017年開始於尼泊爾開展水項目，為山區搭建供水系統，長遠解決缺水問題💧！

今次我哋就為位於📍尼泊爾拉蘇瓦縣Naukunda村落搭建供水系統。工程由今年2月開始，近日設施陸續落成，終於實現村民喺家門前扭開水龍頭就有淨水嘅願望喇✨！一齊嚟睇吓村民嘅用水日常啦！

💖可愛預警!! 村民得到淨水後仲分畀羊仔飲，水項目嘅受惠者唔止村民，仲有動物呢🐏～

🤲🏻支持點滴工作：https://bit.ly/4oAsMay

#點滴水項目 #供水系統 #尼泊爾 #點滴是生命

15/06/2026

【點滴社區手記🤲🏼｜走入蝨患家居為長者踏出改變第一步】

剛剛過去嘅星期六，點滴義工隊喺黃雨下出動，完成咗兩場家居清潔✨

暴雨下做清潔本來就唔容易☔️（因為義工需要喺長者家同戶外垃圾房間來回，將清走咗嘅垃圾清空、保留空間繼續執拾）。而今次嘅個案入面，其中一戶因為有蝨患🦟，義工需要著上保護衣進行清潔，汗水同炎熱程度都Double up😣🥵，但義工們都無放棄！花上5個小時，為長者清走接近8車垃圾及雜物，令本來凌亂而積滿雜物嘅家居，回復久違嘅整淨同空間🫧。

▌清空雜物開啟改變
之所以要深入蝨患家居，其實係為咗幫助長者踏出改變嘅第一步～今次個案係居內嘅隱蔽長者，因長年囤積而出現蝨患。經社工長期接觸及鼓勵，長者願意著手改變現況❤️‍🩹！不過由於家中太多雜物，無法滅蝨，所以點滴義工隊就先為長者清走家中雜物及垃圾，下一步再透過滅蝨而帶嚟徹底嘅改變💪🏼～

▌清潔女子力🩷
雖然每次清潔嘅家居環境都唔太理想，甚至有小昆蟲，但每次都有唔怕污糟、全心助人嘅男女義工～而今次清潔更係由女子團隊大力CARRY!!! 大家一齊畀大大力掌聲各位義工👏🏻!!! 同時感謝點滴長者家居清潔嘅長期合作伙伴「現代清潔(滅蟲)服務有限公司」全力支持及帶領!!

\\ 歡迎加入成為點滴義工，一齊為社區帶嚟更多正面改變 //

🙌🏼立即成為義工：forms.gle/TC5gLZpm85AfdGUm8
💧支持點滴工作：https://bit.ly/4ovGDyI

#點滴是生命 #清潔 #囤積 #長者服務

11/06/2026

【∗ˊᵕ`∗ 村落孩子最純粹的快樂 ✿】

玩樂可以發揮小宇宙🪐，係孩子成長中重要嘅學習，亦係佢哋嘅基本權利～藉住今日國際遊玩日，等小編分享一下柬埔寨村落孩子嘅＼大自然玩具／🌿

柬埔寨村民嘅生活比較簡樸，小朋友未必擁有玩具，但仍無阻佢哋玩樂嘅心🙂‍↕️！佢哋就地取材，利用村落中最多嘅＼泥土／搓成＼小曲奇／🍪，又或者用杯將泥土切割成唔同形狀嘅泥塊，再加上小花裝飾🌸。

雖然村落孩子未必擁有最新、最多、最豪華嘅玩具🧸，但快樂毋須複雜，簡單如泥土，同樣可以令孩子擁有最純粹嘅快樂 ˊᵕˋ

▌關於國際遊玩日

聯合國成立國際遊玩日嘅目的，係想強調每個小朋友都有休息與休閒、從事同年齡相符嘅遊戲及娛樂活動嘅權利。

喺落後地區，唔少孩子需要工作或協助大小家務，幫助維持生計，因而失去玩樂嘅權利😣。過去點滴亦遇過唔少村落孩子因為要打水而失去上學或玩樂嘅時間。所以一個淨水設施，唔止為家庭帶嚟方便，更係守護住孩子嘅快樂童年～✨

☺︎ 支持點滴工作：https://bit.ly/43Z4WeT

#國際遊玩日點滴是生命 adropoflife 兒童發展

10/06/2026

【高質 #儲水池要具備咩條件？】

講起儲水池，係咪挖一個大窿、可以收集雨水嘅地方就算係儲水池？一個高質儲水池除咗要夠大夠深，仲有一個關鍵要點：圍欄。

唔好睇少圍欄呢個看似基本嘅設備呀～由於儲水池屬於開放水源，如果無圍欄嘅保護，動物嘅排泄物同污水就容易流入水池，污染水源。

喺點滴水項目入面，儲水池屬於社區共用嘅大型水設施。除咗圍欄，我哋仲會加設抽水平台，方便村民取水，讓水設施發揮最大成本效益！過去我哋仲將唔同嘅水設施mix and match，喺儲水池旁邊加設大型生化砂濾淨水器即時濾水，居民就可以直接取得可飲用水！

▾ 呢邊睇【點滴儲水池之最】的故事 ▾
https://www.facebook.com/share/p/1FFjdbwf8U/

支持點滴工作：https://bit.ly/4alWN7U

#點滴水項目字典 #點滴是生命

Address

香港九龍荔枝角永康街63號Global Gateway Tower 1910室
Hong Kong

Opening Hours

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00

Telephone

+85227358377

Website

http://www.ADropOfLife.org/

Alerts

Be the first to know and let us send you an email when 點滴是生命 A Drop of Life posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 點滴是生命 A Drop of Life:

Want your organization to be the top-listed Non Profit Organization in Hong Kong?