newlife330

25/08/2026

【認識抗拒心🙅🏻‍♀️🙅🏻‍♂️ 學習與自己和平共處🥰】

我哋思考時🧠，經常會根據過往經驗同個人喜惡，判斷事物係「啱定錯」、「有用定無用」。但世界往往唔係非黑即白⭕❌，當遇到唔合心意、令人不安，甚至難以接受嘅事情時，內心好容易產生「抗拒」。

「抗拒心」係面對不愉快經歷時常見嘅自然反應。不過，當我哋長時間被抗拒牽動，又無好好覺察同照顧自己，便可能愈諗愈困擾，甚至陷入鑽牛角尖，增加內心嘅痛苦😵‍💫。

面對「抗拒心」，我哋可以嘗試透過「靜觀」減少內耗👀。靜觀並唔係要趕走抗拒，而係讓我哋不加批判地覺察當下，溫和地承認：「我而家正經歷抗拒嘅感覺。」

🧘🏻‍♀️ 如何透過靜觀面對抗拒心？🧘🏻‍♂️

1️⃣ 覺察：當發現自己煩躁或不安時，先停一停，辨識「而家我有抗拒嘅感覺」。

2️⃣ 命名：喺心中溫和地對自己講：「抗拒嚟喇。」毋須急於將感受標籤為正面或負面。

3️⃣ 感受身體：留意抗拒感出現喺身體邊個位置，例如胸口翳悶、肩膀繃緊，靜靜感受佢嘅存在。

4️⃣ 允許同在：好似招待一位暫時到訪嘅客人，容許抗拒停留一陣，唔急住分析、解決或趕走佢。

⭐透過以上練習，我哋未必可以即時令不快情緒消失，但可以逐漸學習用另一個角度觀察感受，同「抗拒心」保持適當距離，避免被負面想法牽着走，為自己騰出更多空間，回應眼前嘅挑戰。

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

24/08/2026

【照顧自己｜學識「自我慈悲」，溫柔陪伴成長中嘅自己✨】

平時面對挑戰或者追求目標時，您有冇試過不自覺咁俾壓力自己？又或者只顧住解決問題，忽略咗自己嘅感受；有時甚至忘記，其實每個人都需要時間慢慢學習同適應？

善待自己，都需要練習。

真正嘅善待，係即使遇到挫折或未如理想，仍然願意給予自己理解、空間同支持。心理學家Kristin Neff提出嘅「自我慈悲（Self-Compassion）」，包括三個核心元素：自我友善、共通人性同靜觀覺察。簡單嚟講，就係學習好似對待好朋友一樣，以溫柔、理解同包容嘅態度對待自己。

不妨將以下四個小步驟融入日常，先安頓自己，再一步步陪伴自己成長：

1️⃣ 覺察當下感受
面對挑戰時，先停一停，對自己講：「我留意到自己而家感到……」如實看見當下嘅心情，毋須急住批判、壓抑或者趕走佢。

2️⃣ 連結共通人性
提醒自己：「學習同成長都需要時間，每個人都會經歷迷惘、挫折同調整。」您並唔係孤單一個，呢啲經歷亦係人生中自然嘅一部分。

3️⃣ 給予身體安慰
將手輕輕放喺胸口，或者感到繃緊嘅部位，留意掌心嘅溫度同身體嘅感受，以溫柔嘅方式安撫自己。

4️⃣ 對自己講鼓勵嘅話
好似陪伴好朋友一樣，用溫柔嘅語氣對自己講：「願我能善待自己」、「願我有力量繼續前行」，或者「我已經盡力，可以俾自己一點時間」。

研究顯示，自我慈悲有助我哋調節情緒、面對挫折同培養心理韌性。當我哋願意放低過度苛刻嘅自我要求，先理解同關懷自己，便能騰出更多內在空間，回應生活中嘅挑戰。

✨由今日開始，不妨將自我慈悲融入生活。下一次面對新挑戰時，試吓少一點自我批判，多一點溫柔陪伴，好好照顧自己❤️

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

14/08/2026

【認識身心靈｜點解緊張、壓力大就會肚痛？🤯💭】

您有冇試過：考試前肚屙、見工前冇胃口、一緊張就胃痛、肚痛？如果有，唔使擔心，唔係您「太誇張」，而係身體真係會回應情緒。

心理學上有個概念叫「腸腦軸（Gut-Brain Axis）」——即係腸道同大腦之間有好密切嘅神經連結，會互相影響。當您感到焦慮、壓力大時，大腦會即時向腸道發出訊號，所以您可能會出現肚痛、胃脹、反胃，甚至肚瀉等情況。更有趣嘅係，人體大部分血清素其實都同腸道有關。不過，腸道血清素唔係簡單等於「令人開心」，而係反映腸道同情緒、壓力反應之間有密切關係。

所以：
😵 情緒差，腸胃會亂
🥗 腸胃健康，心情都可能穩定啲
🌿 如果您最近成日覺得好繃緊，可以試下做 grounding 練習，幫個人慢慢冷靜返，拉返自己去「當下」。
👀 望下 5 樣您見到嘅事物
✋ 感受 4 樣您摸得到嘅觸感
👂 留意 3 種您聽到嘅聲音
👃 察覺 2 種您聞到嘅氣味
👅 感受 1 種您口中嘅味道

呢個方法可以幫大腦由「亂諗 mode」慢慢返返去當下，令身體知道：「而家係安全嘅。」

照顧情緒聽落好難，但其實可以由好好呼吸、好好食飯、好好休息開始。

#照顧身心靈
－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

10/08/2026

【10/8齊齊理直氣壯「懶惰」😴】

8月10日係「國際懶惰日」（World Laziness Day）💤！呢個節日源於哥倫比亞伊塔圭（Itagui）喺舉辦「工商文化節」時，當地居民發起嘅特別概念。佢哋覺得平時日日都咁忙，不如留返文化節最後一天「乜都唔做」，甚至將屋企嘅床墊、吊床直接搬去戶外，全城一齊放鬆！呢個咁特別嘅日子，仲喺2012年獲得聯合國認可㖭！

⭐其實「國際懶惰日」並唔係要宣揚偷懶，而係提醒大家要學識「忙裡偷閒」。人就好似一條橡筋，如果長時間拉扯，隨時會斷裂；適時放鬆、適度放空，對身心健康百利而無一害！

唔一定要等到8月10號先至可以「懶惰」，平時或者假期都可以試吓適當咁放鬆一下㗎：

✅放低手機，靜靜感受呼吸同當下
✅咩都唔做全日放空
✅享受鐘意嘅美食
✅靜觀一下感受當下

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

31/07/2026

【與人聯繫｜學識「正向聆聽」，建立更有連結嘅溝通✨】

日常同家人、朋友、伴侶或者同事相處時，您有冇試過傾完之後先後悔：

「頭先應該咁講先啱……」

又或者，對方仲未講完，自己已經急住插嘴、解釋或者畀建議；有時一邊望住手機、一邊「hea應」，令對方感覺自己冇被好好聆聽？

其實，溝通都需要練習。

真正嘅聆聽，唔只係人喺度，個心都要喺度。透過「正向聆聽」，我哋可以暫時放低自己心入面嘅答案、判斷同反應，將注意力帶返去眼前嘅人，了解對方真正想表達嘅感受同需要。

不妨將以下溝通小方法融入日常，練習專注當下，先安頓自己，亦讓對方感到被聽見：

📱 對話前先放低手機
同屋企人、朋友、伴侶或者同事傾計時，可以先將手機放低，畀對方知道：呢一刻，我願意專心陪伴您。

😮‍💨 回應前先停一停
聆聽對方分享時，如果心入面開始急住解釋或者畀建議，可以先停一停、深呼吸，將注意力溫柔地帶返當下。確認自己理解對方想表達嘅意思，再作回應。

💬 專注眼前嘅人
嘗試留意對方嘅說話、語氣、表情同身體語言。好多時候，對方需要嘅未必係答案，而係一份不帶批判、願意陪伴嘅聆聽。

❤️ 先理解，再表達自己
您可以嘗試用自己嘅說話覆述對方嘅意思，例如：
「聽落您好似因為呢件事覺得好委屈，係咪？」

簡單嘅確認，可以減少誤會，亦讓對方知道自己嘅感受有被接住。

有研究發現，較專注嘅聆聽與更正面嘅人際互動及較高嘅關係滿意度有關。當我哋願意放低急於回應嘅衝動，先了解對方，彼此就更容易建立信任同連結。

✨由今日開始，不妨將正向聆聽融入生活。下一次同身邊人傾計時，試下少一點急於回答，多一點專心陪伴，好好照顧自己同身邊人❤️

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

26/07/2026

因颱風影響，原定今天 (7月26日) 在香港藝術館舉行的最後一場免費「靜觀呼吸體驗」活動取消，並不設補辦安排。

在這個天氣不穩的日子，希望您能繼續透過靜觀練習錄音，讓自己的內在感受片刻平靜。而相關錄音將開放至7月29日「園美生活──中外園林藝術」展覽結束當日，歡迎聆聽。

廣東話：https://hk.art.museum/tc/web/ma/exhibitions-and-events/mindful-breathing-experience.html
普通話：https://hk.art.museum/sc/web/ma/exhibitions-and-events/mindful-breathing-experience.html
英文：https://hk.art.museum/en/web/ma/exhibitions-and-events/mindful-breathing-experience.html

🔗 關於展覽詳請：https://hk.art.museum/tc/web/ma/exhibitions-and-events/blooming-the-art-of-gardens-in-east-and-west.html

#新生精神康復會 #香港藝術館 #好去處 #工作坊 #身心靈 #靜觀 #自然療癒

最後召集！ 📢26/7最後一場免費「靜觀呼吸體驗」

✨最近生活節奏太快，覺得喘不過氣？不如給自己一個空間，在香港藝術館的藝術氛圍中，一同放慢步調，透過身心練習重新連結當下，感受內在的寧靜與平衡。🧘

匯聚莫奈和張大千等中外大師真跡的「園美生活——中外園林藝術」展覽將於 7 月 29 日結束。展覽配套活動「靜觀呼吸體驗」的最後一場將於本周日舉行，歡迎大家前來參與這場結合「藝術與靜觀」的免費體驗！

📅體驗活動詳情請參閱帖圖
📣 無需報名｜活動前10分鐘開放入場

未能到場參與的人士，亦可聆聽我們的靜觀練習錄音📱，一起感受當下，找回內心的平靜與覺察。

廣東話：https://hk.art.museum/tc/web/ma/exhibitions-and-events/mindful-breathing-experience.html
普通話：https://hk.art.museum/sc/web/ma/exhibitions-and-events/mindful-breathing-experience.html
英文：https://hk.art.museum/en/web/ma/exhibitions-and-events/mindful-breathing-experience.html

🔗 更多詳請：https://hk.art.museum/tc/web/ma/exhibitions-and-events/blooming-the-art-of-gardens-in-east-and-west.html

#新生精神康復會 #香港藝術館 #好去處 #工作坊 #身心靈 #靜觀 #自然療癒

24/07/2026

【24/7齊齊自我關懷❤️】

7月24日係世界衞生組織訂立，每年一度嘅「國際自我關懷日」（International Self-Care Day）❤️，提醒大家喺每星期7日📅，每日24小時⏰，隨時隨地都要預留時間俾自己，好好咁關心自己，照顧自我精神健康。

⭐其實關心自己並唔需要大量時間，只需要將休息嘅項目，好好分配喺日常生活之中，甚至係用嚟「攝時間」都絕對無問題，例如曬吓太陽享受陽光🌞、嘆杯茶或咖啡，配合靜觀，幫助自己放鬆自然事半功倍🥰！

不妨參考以下呢個「自我關懷打卡表」，睇吓您今日照顧咗自己未啦：
✅靜觀一下
✅見字飲水
✅曬太陽
✅做運動
✅安排Me Time
✅與朋友聊天

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

21/07/2026

【認識身心靈｜睇完決賽，個人好似無晒寄托？⚽】

過去一個月，您係唔係都喺通頂、眼瞓、補眠之間不斷循環？

不過，隨住決賽落幕，突然唔使再追賽程，社交平台上嘅討論逐漸降溫，朋友同事之間亦好似少咗個共同話題。生活回復正常，反而令人覺得好似少咗啲趣味，甚至有少少空虛。

心理學及日常討論中，有人會將呢種感覺稱為「大型活動後失落感（post-event blues）」。當一段持續令人期待同投入嘅日子突然結束，生活節奏回復平常，情緒自然可能出現落差。

就好似旅行返到屋企、演唱會散場，或者一項籌備已久嘅活動結束後，明明一切順利完成，心入面卻突然有種「跟住落嚟做咩好？」嘅感覺。

過去一段時間，您可能一直期待下一場賽事，同朋友討論賽果，亦會為支持嘅球隊緊張、失望或者歡呼。您投入嘅，除咗比賽本身，仲有期待、參與感，以及同身邊人連結嘅時刻。

⚽ 所以，當決賽完結，令人失落嘅未必只係冇波睇，而係生活突然少咗一件每日值得期待嘅事。

面對呢份失落，唔需要急住迫自己立即「搵返目標」。不妨先讓身體休息，慢慢調整返作息，再想想世界盃為自己留下咗啲咩。

您可以試下：

✨ 問問自己：「過去一個月，最令我享受嘅係比賽、期待，定係同人一齊投入嘅感覺？」

✨ 將部分熱情帶入生活，例如相約朋友踢波、做運動、學習新事物，或者重新發展一直想試嘅興趣

✨ 繼續約朋友見面——唔一定要有球賽先可以相聚，重要嘅可能一直都係嗰份連結

✨ 為生活加入一個小小期待，例如一次聚會、一項挑戰，或者一件想完成嘅事

比賽總會完場，但球場上帶嚟嘅熱情、投入同連結，仍然可以延續落去🙌

#照顧身心靈

－－－－－－－－－－－－－－－－

🔍 三分鐘了解您嘅身心靈健康狀況：
https://wellbeingindex.dayday330.hk/330/home

📝 立即透過以下網站簽署dayday330約章，承諾每日抽時間進行「小休息」，好好照顧自己嘅身心靈：
https://dayday330.newlife330.hk/

📲 想體驗不同靜觀練習，可以下載「330」應用程式，為每日預留一份寧靜空間：
https://apple.co/42eOojo

20/07/2026

【把注意力，溫柔地放回身體裡✨】

現代人經常活喺思緒當中，成日忙住應付排山倒海嘅工作，又或者係思考過去、展望將來，好多時會忽略咗「當下」，更忽略忽略咗身體一直發出緊疲勞或者緊張嘅訊號。呢個時候，不如我哋一齊用短短一分鐘，幫自己做個「身體掃描（Body Scan）」，練習將注意力溫柔咁帶返返嚟當下，建立照顧自己嘅良好習慣。

其實正念（Mindfulness）並唔係「放空」或者「無念頭」，但其實最緊要嘅係：當您發現自己分心嗰陣，只需唔帶批判咁覺察，然後溫柔咁將注意力帶返去身體就可以㗎喇。根據正念減壓課程（MBSR）嘅研究指，培養呢種身體覺察（Body Awareness），唔單止可以幫您舒緩壓力、提升情緒調節能力，仲可以令您更早察覺到攰，及時照顧自己。

✨ 隨時隨地1分鐘「身體掃描」小練習
無論係喺辦公室、屋企，甚至係返工搭緊車，您都可以隨時隨地試吓呢個簡單練習：

Step 1️⃣：安頓自己
搵個舒服嘅姿勢坐低或者瞓低，調整一下呼吸，令自己定落嚟。

Step 2️⃣：專注頭部
閉上眼（或者眼神放鬆），深呼吸，將注意力先集中喺個頭。感受吓頭皮、眉心同埋下顎有無不自覺咁用力？試吓將佢哋放鬆。

Step 3️⃣：掃描身體
慢慢將注意力向下移動去身體軀幹。留意吓膊頭有無沉重感、呼吸嗰陣胸口嘅起伏，仲有背脊貼住凳或者床嘅感覺。

Step 4️⃣：延伸至四肢
最後，將意識延伸去雙手、雙腳，直至腳底板。感受吓佢哋嘅存在，只需如實觀察，唔需要特登追求咩感覺。

練習「身體掃描」嘅過程，其實係一次同自己重新連結嘅機會。只要持之以恆，您會發現自己可以更敏銳咁察覺到身體嘅訊號，喺壓力爆煲之前，就能夠俾自己最及時嘅陪伴。由今日開始，試吓俾自己 1 分鐘，將注意力溫柔咁放返入身體入面啦❤️

－－－－－－－－－－－－－－－－
🔍三分鐘暸解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo