newlife330

09/10/2026

【精神健康月｜唞咗成晚都仲係咁攰 ? 原來要畀五感好好「休息」】

10 月 10 日是 #世界精神健康日，dayday 330，提提大家，忙碌後要畀自己好好休息。但有時明明放咗工、唞咗成晚，點解仲係咁攰？

可能唔係你休息得唔夠，而係你嘅五感一直冇真正停過，由朝早嘅通知聲，到返工時嘅電話、會議同訊息，再到夜晚不自覺咁打開社交平台，眼、耳同大腦都一直處理緊外界刺激。

👀 眼不停睇螢幕
👂 耳不停接收聲音
🧠 大腦不停處理訊息、通知同工作內容

當長時間接收外界刺激長時間，我哋可能會覺得煩躁、注意力散曬，甚至明明好攰，都靜唔到落嚟。呢個時候，你需要嘅可能唔係再睇一套劇、碌多陣手機，而係畀五感真正「收工」🌙

每日15分鐘嘅「感官休息時間」：
🔇 聽覺 閂咗音樂、手機嘅通知。如果環境太嘈，可以戴耳塞或降噪耳機
🌙 視覺 放低手機、調暗燈光，畀對眼暫時離開螢幕
🛋️ 觸覺 換一件舒服、寬鬆嘅衫，坐喺一個令自己舒服嘅地方
🌿 嗅覺 保持空氣流通，唔需要香薰，簡單清新就可以
🧘 心靈 最重要係——唔需要「做啲咩」先叫休息；你可以發呆、瞓一陣、靜靜坐喺度，咩都唔做

休息唔只有一種方式；如果你已經接收咗好多資訊，暫時減少外界刺激，可能更有助身心慢慢回穩。

#照顧身心靈

－－－－－－－－－－－－－－－－

🔍 三分鐘了解您嘅身心靈健康狀況：
https://wellbeingindex.dayday330.hk/330/home

📝 立即透過以下網站簽署dayday330約章，承諾每日抽時間進行「小休息」，好好照顧自己嘅身心靈：
https://dayday330.newlife330.hk/

📲 想體驗不同靜觀練習，可以下載「330」應用程式，為每日預留一份寧靜空間：
https://apple.co/42eOojo

08/10/2026

今個週末想放慢腳步，為自己充充電？💚

10月是精神健康月，提醒我們在忙碌的生活中，也要留意自己的情緒需要，關顧身心健康。

我們誠邀大家參加 Link HK Surprise 領展驚喜日常「TKO Spot 領展週末充電站」， #新生精神康復會 將於現場設置遊戲攤位，透過輕鬆有趣的互動，讓大家認識及分享自己的情緒，探索讓自己保持快樂的小方法；同場更設有樂齡椅子瑜伽體驗，讓大家在輕鬆愉快的氛圍中放鬆身心、舒展筋骨，以更好的狀態迎接新一天💪

活動詳情
📅 日期：2026年10月11日（星期日）
⏰ 快樂處方站攤位：下午1時30分至6時
🪑 樂齡椅子瑜伽：下午2時至3時（名額40位*）
📍 地點：TKO Spot 3樓 將軍競技場（新界將軍澳唐明街2號）

無論是想放鬆心情、增添活力，還是與家人朋友共度美好的週末時光，都歡迎前來參與！🫶

*樂齡椅子瑜珈參加方法及詳情，請參閱領展官方公布。

#身心靈健康 #週末好去處 #樂齡生活 #椅子瑜珈 #將軍澳 #充電站

02/10/2026

【照顧自己｜🎨 療癒身心嘅藝術之旅】

您有幾耐冇停低腳步，讓自己靜落嚟，去欣賞一件事物？

去藝術館欣賞藝術品，可以幫自己平靜心情，亦可以認識不同創作者嘅故事。無論係一幅畫作，定係奇特嘅展品，都可以幫您將日常嘅煩惱暫時放低，讓自己沉浸喺藝術世界之中，放鬆心情，好好休息一番。

嚟緊嘅假期，大家可以抽出時間，或者約埋朋友一齊欣賞藝術展覽，為自己安排一趟療癒身心嘅藝術之旅！

香港欣賞藝術好去處推介：
🏛️香港故宮文化博物館
🎨M+
🏛️香港藝術館
🖼️大館

－－－－－－－－－－－－－－－－
🔍三分鐘了解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

02/10/2026

開學不只是重新上課，更是一段重新適應的旅程。
面對新環境、新同學、新要求，有些孩子會感到期待，也有些孩子可能正默默承受焦慮與壓力。
在開學適應期，我們從接納和理解開始，一起解鎖孩子的開學焦慮 。

早上七時，孩子穿好校服，卻低頭坐在床邊，不願出門。作為家長十分焦慮，忍不住催促：「開學幾個星期了，為甚麼還未適應？」新學年本應充滿期待，卻成為無數家庭早上的磨擦。經過漫長的暑假，學生不單要調適作息，更

26/09/2026

【認識身心靈｜一餐食多咗，真係要節食補償？】

啱啱食完月餅、又覺得要食埋碌柚先叫應節⋯⋯再加埋一大班人一齊打邊爐、燒肉、飲汽水⋯⋯摸住個肚嗰刻，腦入面突然彈出一句：死啦，我係咪食得太多？😭

明明中秋應該開開心心，食完之後卻開始內疚，甚至諗住第二日唔食早餐、食少幾餐「補返數」。但節日同屋企人、朋友食飯，品嘗一啲平時比較少食嘅食物，好好享受相聚嘅氣氛，本來就係生活嘅一部分。

所以，下次食完一餐豐富嘅節日飯，不妨試下將「內疚」換成「覺察」。

🥮食慢啲
食嘢嘅時候可以食得慢啲，好好感受食物嘅味道、口感、香氣，覺察自己幾時開始飽，需要時就停一停。

✨ 對自己溫柔一點
健康嘅身體需要長時間維持，適時溫柔地對自己，覺察及照顧心靈嘅需要，亦可以促進健康。

中秋節同摯愛親朋聚一聚，一齊食飯、食月餅、傾下偈、共度美好時光，其實都係促進身心靈健康嘅好方法。等我哋一齊識得食、識得休息，亦識得好好享受節日氣氛，開開心心過節啦！🌕✨

#照顧身心靈

－－－－－－－－－－－－－－－－
🔍三分鐘了解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

25/09/2026

【認識身心靈｜點解一家人做節食飯，之後會覺得warm？🥰】

今日中秋佳節，大家都會同埋家人一齊慶祝，明明平時一家人各有各忙，有人返工、有人返學，有人放工返到屋企已經攰到唔想講嘢；但一到節日，大家圍埋一齊食飯，食完之後個心就會暖笠笠。

點解一樣「食餐飯」，感覺可以差咁遠？

其實，嗰份「warm」未必只係來自食物，因為當我哋同熟悉、重要嘅人一齊食飯，除咗分享食物，仲會有好多細微嘅互動：「食多啲啦。」「最近返工點呀？」「呢味餸您細個最鍾意食㗎喎。」呢啲說話聽落好普通，但其實係一種情感連結；而且，一家人坐埋食飯，亦會帶來一種「我屬於呢度」嘅感覺——熟悉嘅人、熟悉嘅食物、熟悉嘅節日習慣，會令人回想起以前一齊過節嘅經歷。

所以，節日飯局最珍貴嘅，可能唔係食咗幾多餸，而係嗰段一齊存在嘅時間，尤其係平時各自忙碌嘅家庭，節日就好似幫大家撳咗個暫停掣，令大家暫時放低手機、工作同生活瑣事，坐埋枱放鬆下，嗰種「有人陪住我」嘅感覺，本身就可以帶來安定同滿足🌙

🌿想令自己嘅身心更加健康，其實唔一定要做啲好複雜嘅事：

🍚偶爾同重要嘅人食餐飯

📵食飯時放低手機

💬主動問一句「最近過成點？」

有時候，真正令人覺得「warm」嘅，從來唔係張枱有幾豐富；而係，嗰張枱上面，有您在乎嘅人❤️

祝大家中秋節快樂!

#照顧身心靈

－－－－－－－－－－－－－－－－
🔍三分鐘了解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

22/09/2026

【今個中秋，用心感受每一刻 🌕】

平時食飯，有冇邊玩電話，邊聽屋企人講嘢？食完飯，好快已經唔記得啱啱食咗咩？
今年中秋，不妨用心感受同家人、朋友相處嘅每一刻！

放低手機，留意飯菜嘅色澤、香氣同味道，細味家人為一餐飯花過嘅心思；當家人分享近況時，專心聽清楚對方想講嘅說話。

重新感受當下，留意身邊人需要。一個眼神、一句「最近點呀？」、主動夾餸俾屋企人，或者向未能團聚嘅親友送上問候，都可以將心意化成實際關心。

學懂感受每一份熟悉嘅味道、聆聽每一句說話，珍惜每一個相聚嘅時刻。

祝大家中秋節快樂 🌕

－－－－－－－－－－－－－－－－
🔍三分鐘了解您嘅身心靈健康狀況： https://wellbeingindex.dayday330.hk/330/home
📝立即透過 https://dayday330.newlife330.hk/ 簽署dayday330約章，承諾每日抽時間進行「小休息」，好好照顧自己身心靈，了解更多健康資訊！
📲想體驗不同靜觀練習，可以下載「330」應用程式，為自己每一日都預留出一份寧靜嘅空間： https://apple.co/42eOojo

18/09/2026

🥮【中秋限定｜dayday WhatsApp Sticker 登場✨】
👉🏻立即下載：https://whatsticker.online/p/797879qaTtijh/HK/zh

中秋係一個團圓同分享嘅節日🌕

想向身邊嘅親朋好友送上祝福，dayday WhatsApp Sticker 幫您輕鬆表達心意💌

今年我哋準備咗一套中秋限定 dayday WhatsApp Sticker，等您可以隨時隨地：
🫶🏻 同朋友講聲「中秋節快樂」
🌕 約人一齊賞月
🥮 同家人分享節日喜悅
✨ 向掛住嘅人送上一點暖意

📲立即下載：https://whatsticker.online/p/797879qaTtijh/HK/zh

多點關心同問候💕，同身邊嘅人多聯繫，既有助拉近彼此距離，亦可以促進身心靈健康。😁

預祝大家中秋節快樂，佳節人月兩團圓😊✨

－－－－－－－－－－－－－－－－
🔍三分鐘了解您嘅身心靈健康狀況：
https://wellbeingindex.dayday330.hk/330/home
📝立即透過 dayday330 約章，承諾每日抽時間進行「小休息」，照顧自己身心靈：
https://dayday330.newlife330.hk/
📲下載「330」應用程式，體驗不同靜觀練習：
https://apple.co/42eOojohttps://apple.co/42eOoj

17/09/2026

【認識身心靈｜點解我哋成日不自覺有小動作？🧠】

一緊張就咬手指？溫書時不停抖腳？開會嗰陣忍唔住轉筆、摸頭髮或者摸臉？

有時自己都未必察覺，身體已經偷偷郁緊。尤其係新學期開始、去到新環境，或者工作突然排山倒海嗰陣，呢啲小動作好似特別明顯。

其實，抖腳、轉筆、摸頭髮等小動作十分常見。當我哋感到緊張、疲倦、無聊，或者需要長時間集中精神時，身體有時會自然郁一郁，幫助自己保持投入，或者稍為調整當下嘅狀態。

當發現自己有小動作時，不妨先帶住好奇心，留意小動作通常喺咩情況下出現。

🌿下次發現自己不停有小動作，可以試吓：
．停一停，留意當下
問問自己：「我而家係緊張、攰、悶，定係需要休息一陣？」
．起身郁一郁
如果環境許可，可以行幾分鐘或者伸展一下，讓身體轉換狀態。
．轉換專注方式
溫書或工作一段時間後，安排一個短暫休息，再重新投入眼前嘅事情。
．毋須急住阻止

如果小動作無造成不適或者影響日常生活，可以先觀察佢，而唔需要強迫自己立即停止。
小動作未必代表身體出現問題，有時只係我哋適應當下狀態嘅自然方式。與其問「點解我又係咁」，不如溫柔地了解自己：「我而家需要啲咩？」✨

#照顧身心靈
－－－－－－－－－－－－－－－－
🔍 三分鐘了解您嘅身心靈健康狀況：
https://wellbeingindex.dayday330.hk/330/home
📝 立即透過以下網站簽署dayday330約章，承諾每日抽時間進行「小休息」，好好照顧自己嘅身心靈：
https://dayday330.newlife330.hk/

📲 想體驗不同靜觀練習，可以下載「330」應用程式，為每日預留一份寧靜空間：
https://apple.co/42eOojo

11/09/2026

【認識身心靈｜自我介紹講錯嘢好尷尬？情況未必有想像中咁差】

去到新環境、識新嘅人，少不免要介紹自己，然後，您或者會開始擔心好多嘢：叫錯人名？講到口窒窒？明明想講「鍾意睇戲」，最後變咗「我鍾意……睇人」？

您覺得自己講錯一句，可能其他人只係聽到一個小失誤；就算有人留意到，過一陣可能已經將注意力放返自己身上。因為每個人都可能忙住諗：輪到我介紹嗰陣要講咩？😳

🌱 下次覺得自己「出醜」嗰陣，可以試下：

✨ 問自己：「如果係我聽到另一個人講錯，我會記幾耐？」
✨ 唔需要不停重播嗰句說話，專心返眼前嘅對話。
✨ 講錯嘢、講到口窒窒，都係認識新朋友時好正常嘅一部分。
✨ 「我感受到嘅尷尬，未必等於其他人感受到嘅尷尬。」

新環境最重要嘅，唔係每一句都講得完美，而係您願意講第一句，慢慢畀其他人認識真正嘅您。

#照顧身心靈

－－－－－－－－－－－－－－－－

🔍 三分鐘了解您嘅身心靈健康狀況：
https://wellbeingindex.dayday330.hk/330/home
📝 立即透過以下網站簽署dayday330約章，承諾每日抽時間進行「小休息」，好好照顧自己嘅身心靈：
https://dayday330.newlife330.hk/
📲 想體驗不同靜觀練習，可以下載「330」應用程式，為每日預留一份寧靜空間：
https://apple.co/42eOojo