02/10/2026
【對政府上調外傭工資表示遺憾：百上加斤，誰來體恤雙職家庭照顧老幼的「急難愁盼」？】
特區政府今日（10月2日）宣佈，外傭「規定最低工資」將上調 2.35%，由每月 $5,100 增加 $120 至 $5,220（明日起生效），而膳食津貼則維持不變。
「國際家政服務業持續發展聯會」作為代表家庭僱主嘅協會，我哋對政府未能接納「凍薪」訴求，表示極度失望及遺憾！😞
早前，我哋帶住 6,211 個香港僱主家庭嘅真實調查數據，據理力爭，苦口婆心咁向社會各界解釋：凍薪並非刻薄，而係為咗「保外傭就業」，達致「釋放本地婦女勞動力」嘅雙贏局面。可惜，政府最終依然選擇加薪，令一眾喺經濟壓力下苦苦支撐、需要照顧家中老弱嘅雙職家庭，百上加斤。
對於今日嘅公佈，本會有以下幾點強烈回應：
1️⃣ 兩年合約連跳兩級，累計升幅實為 4.6%！
有人可能會話，每個月加 $120 唔算多。但大家必須明白，外傭合約一簽就係兩年！若以一個完整嘅合約週期計算，外傭底薪實際上已由 2024 年嘅 $4,990，連續跳升至今次嘅 $5,220。對於正準備續約或重新請人嘅僱主嚟講，實際面對嘅係高達 4.6%（每月 $230）嘅加幅！喺通脹、供樓/交租、龐大醫療同子女教育開支嘅重重壓力下，每一分一毫都係血汗錢。政府今次嘅決定，完全忽視咗基層及中產家庭喺「上有高堂、下有妻兒」水深火熱中嘅真實承受能力。💸
2️⃣ 最低工資僅屬底線，硬推門檻扼殺「獎賞彈性」
香港僱主絕不吝嗇！我哋必須強調，$5,220 只係法定嘅「最低門檻」。廣大僱主其實非常通情達理，只要外傭表現好、肯幫手，大家絕對樂意按表現加人工或發放獎金嚟留住好員工。我哋要求凍薪，反對嘅係政府「硬性推高底線」，咁樣不但大幅增加家庭嘅固定開支，更變相扼殺咗僱主按外傭表現調整薪酬嘅彈性！🙅♀️
3️⃣ 勞資雙方「唇寒齒亡」，恐引發停聘潮及照顧危機
正如我哋一直強調，勞資雙方係「唇齒相依」。如今強行加重「唇」（僱主）嘅負擔，我哋非常擔憂會如調查數據所示，部分家庭將無奈選擇停聘外傭。這不僅令外傭失去工作，更會迫使本地婦女放棄事業，無奈回歸家庭親自照顧老幼。呢個「雙失」局面，會令原本已經缺乏支援嘅兒童及長者照顧問題雪上加霜，完全與政府提倡嘅「鼓勵生育」及「居家安老」大方向背道而馳！📉
4️⃣ 促請政府正視僱主權益，推出實質支援及保護措施
既然加薪已成定局，我哋強烈促請政府唔好只係單方面增加僱主負擔，必須同時推出實質措施支援僱主：
✅ 加強保障兒童及長者安全：協會近期接獲不少僱主反映，懷疑家中老幼遭外傭疏忽照顧甚至虐待。政府在調整工資嘅同時，必須正視外傭質素參差問題，加強監管並設立更完善嘅通報與跟進機制，保障家中弱勢社群人身安全！
✅ 落實外傭開支扣稅：切實減輕雙職家庭嘅稅務負擔，真正做到支援家庭照顧老弱。
✅ 嚴厲打擊「跳工」行為：完善外傭政策，堵塞漏洞，保障僱主免受不合理對待。
雖然今次未能成功爭取凍薪，但我哋絕對唔會氣餒。6,211 個家庭嘅聲音已經被社會聽見，我哋成功阻止咗部分團體脫離現實嘅大幅加薪訴求。未來，我哋會繼續監察外傭政策，寸步不讓，繼續為全港僱主發聲！💪
📢 【特別通告：社區照顧支援資訊整合中】
面對加薪壓力及外傭質素問題，我哋明白好多僱主正考慮其他照顧方案。近日協會收到大量關於社區保姆、日間託兒、長者日托等社區資源嘅諮詢。
為咗解大家燃眉之急，團隊已經著手整合緊相關實用資料，稍後會喺專頁發佈「照顧資源懶人包」，敬請密切留意！
⚠️ 如果您目前正面對突發嘅照顧危機（例如外傭突然斷約/被解僱），情況緊急，請即刻 PM（私訊）我哋！ 協會團隊會盡力為您提供緊急建議同協助，陪您度過難關。🤝
感謝每一位與我哋並肩作戰嘅僱主，請大家繼續團結一致！歡迎大家 Share 呢個帖文，等更多人明白香港僱主嘅真實處境！👇
#外傭加薪 #百上加斤 #中產之苦 #長者照顧 #幼兒照顧 #虐兒零容忍 #居家安老 #社區保姆 #日間託兒 #長者日托 #外傭開支扣稅 #打擊跳工 #繼續為僱主發聲 #6211個家庭的聲音 #香港經濟 #國際家政服務業持續發展聯會
