https://www.facebook.com/106547997593052/

hehe_college, 鑽石山, Hong Kong (2026)

04/03/2026

【📢Hehe college 送舊迎新活動】

3月31號之後，Hehe college會迎來新嘅服務形式，
同埋新嘅小編同事喇🫶🏼
呢個活動係一個好重要嘅儀式🎓，想邀請college嘅各位過嚟一齊送舊迎新！
到時將會有大食會、Recall college日常、整手工環節，回味過去嘅點滴，展望將來🔮

#繼續去放心去 #開發你新的秩序 #放心去我亦會繼續去
Graphic design@a_r_y_u.c
------------------------------------------------------------
🔎【活動詳情】
日期：14/3/2025 (六)
時間：7:45 - 10:00 pm
地點：鑽石山中心
對象：男同志青少年
名額：20位
內容：大食會、Recall college日常、整手工環節
費用：$30

📞【聯絡及報名方法】
報名鏈結：https://forms.office.com/r/wZxWEu6Tks (Link in BIO)
截止報名：12/3/2025 (三) 18:00*隨後小編會通知大家報名成功與否

歡迎大家向小編Hazel (6402 0262) 或 Tsoi (6612 1330)查詢活動詳情，WhatsApp / Signal亦可🙌🏻

16/02/2026

【 Hehe College 農曆新年服務安排公告📣】

兩位小編將會係17/2至20/2放假。如果想傾吓計、預約做快速測試，都可以DM我哋㗎，不過我哋就要假期後先覆到大家！

IG同FB嚟緊都會有新系列，
而14/3 嘅轉型前Farewell活動都會係稍後時間出宣傳，敬請期待喔🙌🏼

Hehe College全體同人祝大家馬年大吉🧧！平安順利🍊！龍🐴精神！

10/02/2026

【男子新編輯 Ch.3】

「魔鏡魔鏡，世界上邊個最靚？」連邪惡皇后都成日問呢個問題，就知容貌焦慮係好尋常嘅事🙂‍↕️就算小編們咁靚都有時擔心生暗瘡太明顯、最近肥咗搵唔到Jawline……今次同大家探討對容貌同性別氣質嘅焦慮，以及交友上嘅red flag警號🚩

我哋之前喺Story訪問大家，認為自己有多大程度符合主流男性氣質嘅框架🤔結果平均值係中等偏低，不足4%係投自己「根本就係主流嘅代表」，同時有接近17%係投自己與主流男性氣質框架完全不同。

同主流男性氣質唔同，又會唔會好焦慮同感到有壓力呢？有趣在有9%人認為自己符合主流氣質但仍感到大壓力，相反有26.8%人認為自己不太符合主流氣質但感到較少壓力💆🏻‍♂️當我哋追逐外在嘅理想形象，無法完美達到，只能無限趨近，所以前者可能都會不自覺咁俾咗壓力自己🤧而後者可能更著重自身嘅特質、欣賞自己嘅優點，同時對所謂「主流論述」表示：As if I care!👺

外表係一回事，社交技能又係另一回事，到底喺member圈子有咩特質係會令人感到red flag呢？🤢早前喺ig story收集到以下回覆：
- 樣=everything
- 太多「唯我獨尊」嘅queens，會表現得好目中無人
- 想搵一個真心、浪漫可以一齊長相處嘅人真係好難，好多都係用完即棄
- 曾經遇到一位三五識七嘅怪人Follow我IG&DM，發現原來係一個戀鞋癖
- 反智思想
- 沒邊界感，巨chur嘅溝通
從中可以發現令人感到red flag嘅特質，同member身份未必有直接關係，反而更多係相處技巧有待加強💪🏻主要包括1️⃣拿捏良好社交距離，循序漸進地建立關係，避免於初相識階段問太過私人的問題，以及轟炸機式密集發問；2️⃣建立平等嘅關係，以「和而不同」為相處目標，可以唔鍾意但都保持尊重，避免過多批判。

如果你對自己嘅性傾向有啲掙扎或者想搵人傾吓，不妨inbox小編～又或者WhatsApp香港小童群益會性向無限計劃 (2321-1103)🌈
=====================
文稿✍️由Community partner Leo 及小編T共同創作及資料蒐集🙌🏻

#中學生 #同志 #香港 #男生喜歡男生 #男子新編 #性別氣質 #陽剛 #陰柔 #社交技巧 #容貌焦慮 #主流論述

03/02/2026

【13/2 Self Love Day小聚】

一排冇見喇大家🙋🏻‍♀️🙋🏻‍♂️
最近小編們都陸續通知緊大家，因為需要配合基金會嘅調整，
🏳️‍🌈Hehe College將會喺2026年4月開始轉型，將會有新同事接手college部份類型嘅活動。

小編T同小編H將會喺3月尾同大家告別🫂👋🏼
嚟緊我哋會搞少少活動同大家聚吓舊！傾吓舊時又展望吓將來～

適逢係2月充滿愛嘅月份，13號又係Self Love Day～歡迎大家過嚟一齊整甜品傾吓偈💕
如果對於活動或college新動向有concern，都可以dm我哋㗎🙌🏼

🔎【活動詳情】
日期：13/2/2026 (五)
時間：7:30 - 10:00 PM
地點：鑽石山中心
對象：男同志青少年
名額：8個 (如人數眾多，將會進行抽籤)
內容：一齊整雪花酥同松露朱古力🍫，傾吓計～

📞【聯絡及報名方法】
報名鏈結：https://forms.office.com/r/QPhH7qvNfU
截止報名：10/2/2026 (二) 23:59 *隨後小編會通知大家報名成功與否

歡迎大家向小編Hazel (6402 0262) 或 Tsoi (6612 1330)查詢活動詳情，WhatsApp / Signal亦可🙌🏻

29/12/2025

聽講拜月老最緊要，係講清楚自己嘅擇偶條件！(有次小編拜完行出廟，先發現唔記得講擇偶性別，好在月老無亂咁派😂) 到底大家傾向重視邊啲特質呢？交友app上又想睇到對方邊啲資訊？🤔

我哋之前喺Story訪問大家，有91%嘅回覆認為理想【男朋友】同【性伴侶】喺特質上有分別，部分回覆期望兩者分別有以下特質：
【男朋友❤️】
性格：温柔、細心、熱情、成熟、幽默、隨性
外表：高大、靚仔
相處：會氹自己、唔Judge自己、互相照顧、肯溝通、重視承諾
其他：年紀相近、像1號或像直男的0號、工作能力強

【性伴侶💦】
性格：投入、友善、淫、壞男孩feel
外表：樣貌 (OK / 靚仔 / 壞男孩feel)、體重 (OK)、體型 (唔會瘦或太肥 / 大隻)、聲線 (低音炮)、性器 (大J、J型靚、長度ok)
相處：識撩、肯同我搞
身份：香港人、Cis man (i.e.順性別男性)
性事：無HIV、幫自己買(安全)套 / PrEP (i.e.預防感染愛滋病病毒藥物)、不會CF (i.e.藥愛)
其他：有學習能力

細心嘅你會發現，期望理想【男朋友】擁有嘅特質集中喺性格同相處上；而期望理想【性伴侶】擁有嘅特質更多喺外表同性事上。結果好似都幾理所當然，但當我哋理解社群就唔係咁簡單💭

人對事物嘅認知，好多時係透過接觸到嘅資訊或者親身經歷，慢慢形成一種印象或信念🙏🏻如果放返喺交友app (例如Grindr)嘅層面，望住好多格仔都係肌肉相、運動相💪🏾profile又寫住「no fat / sissy / old」🚫逐漸令人喺心中形塑一個印象：member圈只會鍾意偏陽剛、重「男人味」嘅仔仔😮Community Partner 喺”Grind Your Way Out: The Construction of Hegemonic Homomasculinities Amogn Young Hong Kong Grindr Users”中形容呢種係「同性陽剛霸權」(Hegemonic homomasculinity)，交友平台令人覺得「大隻=健康&值得被愛」，更有甚者，令人覺得「維持壯健係男同志嘅責任」，繼而透過管理身材，參與呢個論述，去重現或強化呢個概念♾️

唔係話健身唔好或者鍾意大隻仔唔啱，而係希望透過反思，去感受社會論述對個人外表、性格嘅批判同影響，到底係自己享受運動，定係為咗迎合個market而逼迫自己呢？😣

睇返上面嘅訪問結果，我哋會發現其實大家喺搵男朋友時，都會睇身材以外嘅其他個人特質，所以結論係......(1)人係有好多面向，自己都有值得被愛嘅地方💕(2)除咗身材以外，都可以focus喺性格特質、社交能力上，努力成為更好嘅人🔥

下回返嚟再同大家傾傾容貌焦慮😰同社群Red flag！🚩

=====================
文稿✍️由Community partner Leo 及小編T共同創作及資料蒐集🙌🏻

29/11/2025

【Boardgame night🎲】

最近社會都發生唔少事情，加上sem尾嘅忙碌，可能都不知不覺累積咗啲情緒😣

不如抽個晚上過嚟玩Boardgame，順便傾吓偈🫂將你嘅煩惱放下一陣吖

今次邀請咗elements boardgame組嘅義工帶我哋玩幾個遊戲🙌🏻到時見！
【Two rooms and a bomb💣】
【矮人掘金🏅】
【Moving wild🐒】
【與貓的距離🐈】

🔎活動詳情
日期：12月6號 (星期六)
時間：7:30pm - 10:00pm
地點：灣仔中心 (詳細地址之後會pm你)
名額：12人 (中學生及大專生男同志)
報名：https://forms.office.com/r/M9dRyBFGkv
聯絡：Hazel (6402 0262) & Tsoi (6612 1330)

26/11/2025

【男子新編 Ch.1】

你係男仔嚟，你應該________」——當我哋講起男仔嘅氣質/義務，你會諗到啲咩？唔知大家有無聽過呢啲說話👂🏻男仔應該大方啲讓人哋、男仔咁高大應該幫手搬簿、男仔應該Gentleman啲、男仔將來要賺錢買樓養另一半……又或者🥴……男仔有淚不輕彈、男仔聽晒另一半話點得㗎、男仔無180都係缺憾……

我哋之前喺Story問大家，對於「男性氣質/陽剛氣質」大家會聯想起咩字眼，綜合而言可以分成以下幾類嘅回覆🙌🏻
性格想像 - 堅強、勇敢、有主見、大男人(係指霸道？)、唔可以喊
生理想像 - 聲線低音、有180cm、有18cm、大隻
習慣想像 - 有健身習慣、唔化妝
職業想像 - 紮鐵

呢條問題有啲Tricky嘅😏細心嘅大家應該有發現我哋將「男性」同「陽剛」並置咁問，大家可能不知不覺就將兩者掛鉤，但事實上「男性」係咪得咁狹隘嘅形象呢？當我哋嘗試界題，定義「男性氣質」時，會習慣用社會對男子嘅期望去回答，但原來定義一件事，我哋可以有「規範性」(Prescriptive)同「描述性」 (Descriptive)兩種向度😎

1️⃣「規範性」，係強調規條，先有對男性嘅期望 (男子應該/唔應該有某啲性格特質、喜好、習慣、身形等)，再要求男性去追隨呢啲法則；而
2️⃣「描述性」，係強調説明，意思係透過觀察男子不同面向，去講解原來所謂男性氣質可以有多種表達方式，而呢種描述性定義都會隨時代改變👍🏻

雖然男子氣質嘅表達可以係百花齊放，可惜社會傾向用前者嘅方法，去限制男仔嘅可能性。話雖如此，亦有唔少男仔選擇懶理社會期望，做番自己😎

另一條問大家嘅問題係，你有無聽過男同志為咗「man」啲而act straight (扮直)，原來都有85%嘅朋友仔有聽過呢個現象，確實有點削足適履，辛苦了大家🥹

到底呢種對社會性男子陽剛氣質嘅追求，喺交友App上又有無反映出嚟呢？下回再講🫢

如果你對自己嘅性傾向有啲掙扎或者想搵人傾吓，不妨inbox小編～又或者WhatsApp香港小童群益會性向無限計劃 (2321-1103)🌈
=====================
文稿✍🏼由Communtuiy partner Leo 及小編T共同創作及做資料蒐集

#中學生 #同志 #香港 #男生喜歡男生 #男子新編 #性別氣質 #陽剛 #陰柔

18/11/2025

【「沉」開心🫧】

成日碌Threads同IG，見到唔少post係講自己沉船嘅經歷👀唔知大家又有冇經歷過呢❓
🚢沉船某程度上係一個戀愛status，唔係一個問題。

如果掌舵人响沉船過程中，定立到適當界線，分辨到red flag🚩，捉緊適時上岸嘅moment，係有沉得開心呢個可能🤔
今次小編會同大家💬講吓沉船！邀請你一齊嚟探索「沉」得開心嘅可能性🧭
------------------------------
Graphic design
溫馨提示🔔係個人探索活動，冇speed dating成份㗎！

【活動詳情】
日期：29/11 (SAT)
時間：7:30PM - 10:00PM
地點：鑽石山中心 (詳細地址之後會pm你)
對象：正就讀中學至大專，曾有/現有沉船經歷嘅男同志
名額：8人 (*未參加過hehe college活動的參加者優先)
內容：圍繞「沉船」呢個topic去玩吓Game，傾吓偈(當中會包括與其他參加者討論及分享嘅環節，有關內容將會保密)

【報名及聯絡】
報名：https://forms.office.com/r/YtrmpgqgEv (報名表內容絕對保密，純粹for reference)
截止報名：26/11/2025 (三) 18:00 (無論報名成功與否，都會有負責同事pm你)
歡迎大家向小編Hazel (6402 0262) 或 Tsoi (6612 1330) 查詢活動詳情， WhatsApp / Signal亦可🙌🏼

11/11/2025

【影到我 plz del Ch.3】

未入正題前，講少少題外話先！有人DM問係咪要停更了🥲
最近小編忙緊籌備hehe college轉型嘅事情，所以更新得慢咗，抱歉抱歉！

咁因乜解究隔咗咁耐，仲講緊Plz DEL？🤔
潮語會過時，但講到影像性暴力，Plz del係唔會過時，仲好重要添❗

👉🏼‘D’elete unconsensual images and videos
係各大網站發現未經同意散播性影像內容，可以善用檢舉、投訴功能👎🏼⛔
例如：
- Google：可提出「移除包含我的私人資訊頁面」申請🧑🏻‍💻
- IG：可以匿名舉報違反《社群守則》的相片，亦可透過內置的舉報選項向IG舉報對方的個人檔案。
- X：在貼文右上方點選三個點，點選「檢舉」、選擇「舉報」⌨

👉🏼‘E’xternal resources
影像性暴力受害人係有權利尋求適合嘅服務求助，求助不可恥！💪🏼現時有以下嘅服務同平台提供相關嘅支援同埋協助🫂
包括：
- 「Ta-DA 下架支援」服務
透過風雨蘭提出移除要求，減低當事人因自行檢舉而面對的二次傷害風險。
- StopNCII.org 免費支援平台
透過此平台，將自己的私密影像轉換成獨一無二的代碼(Hash)。
- 性暴力支援服務
1. 風雨蘭：支援遭受性暴力嘅女性及支援者
2. 東華三院芷若園：支援所有遭受性暴力侵犯嘅人士
3. 香港小童群益會性向無限計劃計劃：支援性小眾青少年
4. 香港家庭計劃指導會：支援26歲以下人士
5. 午夜藍：支援男性及跨性別性工作者
6. 青鳥：支援女性性工作者

👉🏼‘L’egal Issues
只要係未取得當事人嘅同意下，拍攝、發佈、儲存、製作同埋展示都係影像性暴力🚫
🧑🏻‍⚖現時有相關法例針對唔同影像性暴力行為，例如：

➡《防止兒童色情物品條例》
- 「兒童色情物品」包括照片、影片、電腦產生的影像或其他視像描劃
- 印刷、製作、生產、複製、複印、進/出口；發布；管有；傳遞出已經發布、發布或有意發布的訊息
- 例子：傳送未滿16歲人士的裸照給他人（即使是自己伴侶的照片／傳送對象是自己伴侶)

➡《淫褻及不雅物品管制條例》
- 淫褻 = 不宜向任何人發布；不雅 = 不宜向青少年發布
- 派發、傳閱、出售、出租、交給或出借予公眾人士
- 例子：下載色情短片後上載到網站，再將網站連結張貼在網上討論區內

➡窺淫罪《2021年刑事罪行 (修訂) 條例》
- 在有合理私隱期望的情況下／場所內或為了性目的
- 偷窺或偷拍別人進行私密行為
- 非法拍攝或觀察私密部位
- 發布干犯窺淫罪或非法拍攝或觀察私密部位罪所得的私密影像
- 未經同意下發布或威脅發布私密影像－例如「移花接木」）

以上內容參考自：https://seeme.hk/ 影像性暴力支援

如果你對自己嘅性傾向有啲掙扎或者想搵人傾吓，不妨inbox小編～又或者WhatsApp香港小童群益會性向無限計劃 (2321-1103)🌈
=====================
文稿✍🏼由義工小編siu him、小編H共同創作及做資料蒐集
Graphic design🎨 .e.e
#中學生 #同志 #香港 #冷傲退影像性暴力 #影像性暴力 #性同意 #性界線

15/10/2025

今日星期三，Wednesday用靈力通知小編🔮預視到下星期六晚將會有惡靈騷擾大家⋯⋯

為咗大家可以有一個愉快嘅Halloween ✨我哋準備咗幾個「異類」關卡，等大家可獲得力量，一齊對抗惡靈👺

🔎【活動詳情】
日期: 25/10 (星期六)
時間：19:30 - 22:00PM
地點：灣仔中心 (詳細地址之後會pm你)
名額：10人
對象：男同志青少年 (中學生及未參加過hehe college活動的參加者優先)
內容：當日小編會同大家玩團體合作game，同整特色飲品，等大家歡渡萬聖😈
費用：$20

【聯絡及報名方法】📞
報名連結: https://forms.office.com/r/jD0PKgagXQ (先到先得，名額有限，早報名有著數)
*活動舉行前會有專人msg通知你報名成功與否

歡迎大家向小編Hazel (6402 0262) 或 Tsoi (6612 1330) 查詢活動詳情， WhatsApp / Signal亦可🙌🏼

hehe_college

04/03/2026

16/02/2026

10/02/2026

03/02/2026

29/12/2025

29/11/2025

26/11/2025

18/11/2025

11/11/2025

15/10/2025

Address

Website

Alerts

Contact The Organization

Shortcuts

Share

Category