01/09/2026
活動回顧：第七屆「專資青年追夢計劃」泰國考察交流團分享會
日期：2026.8.22
第七屆「專資青年追夢計劃」泰國考察交流團分享會喺8月22日舉行，大會邀得考察交流團榮譽顧問、前會長胡曉明教授工程師, GBS, JP擔任分享嘉賓，聽取參團學員的匯報同分享感悟和得著，佢亦都分享喺國家「十五五規劃」大背景下，青年人有咩新發展、新機遇。
胡曉明前會長簡單介紹咗國家「十五五」規劃有六大重點領域同埋109項重大工程之後，鼓勵青年人要把握國家發展機遇，將個人理想融入國家及香港發展大局。佢又強調香港嘅國際視野喺重要資產，青年人要積極參與國際交流，藉此說好中國故事、香港故事。而喺問答環節入面，胡曉明前會長亦有回應咗關於香港體育產業等部分行業發展困難嘅提問，佢話呢一類行業往往需要長遠政策同埋專業投入，鼓勵青年人要關注國家嘅規劃，主動裝備自己，抓緊政策與產業發展機遇。
而泰國考察交流團嘅參團學員，就喺分享會到按照拜訪同參觀嘅機構同單位分成7組，依次進行匯報同分享感悟和得著。學員不約而同咁講今次泰國之旅獲益良多，擴闊眼界，進一步認識東南亞市場嘅情況，亦都加深了解中泰、港泰緊密嘅關係，為未來個人職涯規劃確立良好基礎。
任職見習物業主任的蘇庭寬講，同中國駐泰國大使館趙夢濤參贊嘅交流，令佢深入了解到大使館嘅角色非常多元化，除咗會為駐在國嘅中國公民同企業提供協助之外，亦會敦促佢地遵守當地法律同承擔社會責任、回饋社會，樹立並維持國家嘅正面形象。而另一位任職市務主任嘅學員陳詩曼就話，最令佢驚喜喺華為泰國公司遇到一位香港人工作人員，深深體會到正正喺RCEP呢個區域經貿合作大平台，俾到香港青年人有走出舒適圈、向海外尋求新發展嘅機會。
吳長勝會長話，回顧「專資青年追夢計劃」自2019年起首辦至今已經嚟到第七屆，呢個計劃喺專資會為培育年青一代而搭建既平台，期望學員能夠藉住活動開拓國際視野，發掘自身嘅領導才能、分析同思考能力，及早裝備自己。佢亦都特別感謝各方對第七屆計劃同埋泰國考察交流團既支持，包括有幫忙聯絡陳智思先生以籌辦行程嘅考察交流團榮譽顧問胡曉明前會長，以及幫忙安排參觀中建泰國公司項目嘅林苑會員。
#專資會 #專資青年追夢計劃 #青年追夢計劃 #第七屆專資青年追夢計劃 #十年後的我 #泰國 #泰國考察交流團 #香港駐曼谷經濟貿易辦事處 #中國駐泰國大使館 #泰國中國企業總商會 #中建泰國 #胡曉明 #青年發展 #十五五規劃
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org
