基督教香港信義會恩耀坊「賽馬會眾心行善 - 50+義工推廣計劃」

18/08/2026

【煮埋你果份-PMQ韓式義工聚會😆🇰🇷】

我哋義工今次又嚟到 PMQ 韓式廚房進行義工聚會啦！🥳

今次活動由我哋嘅義工導師 Ling 親自教大家煮韓國菜👩‍🍳，而且仲加入咗一個超有驚喜感嘅元素✨！
活動開始前，大家完全唔知道當日會煮咩，全程以「盲盒形式」進行，令大家都充滿期待同好奇心😆！

到揭曉答案嗰一刻，大家都相當驚喜🎉！今次學整嘅韓式美食包括：

🍙 紫菜包飯（Kimbap）
🥢 韓式煎餅（Pajeon）

由準備食材、捲製紫菜包飯，到煎出金黃色香噴噴嘅韓式煎餅，大家都落足心機，互相交流技巧❤️。

睇住一道道美食成功出爐，大家都充滿成功感，唔單止品嚐到自己親手製作嘅成果，仲學識咗實用嘅韓式料理小技巧，可謂滿載而歸！✨

🙏再次衷心感謝義工 Ling 用心教學，同大家分享烹飪心得，帶領大家度過一個充滿歡樂同美食香氣嘅下午。

#香港賽馬會慈善信托基金 #賽馬會眾心行善 #信義會社會服務 #義工 #退休 #煮食 #美食 #韓國 #聚會

14/08/2026

【50+ Board Game 小競賽♟️🎲】

今個星期 50+義工齊齊上陣，參與了桌遊小競賽！💪
經過一輪熱身同練習，正式比賽開場後，大家即時「變身」桌遊選手模式😆

今次比賽遊戲是 ！
比賽過程每一輪都好緊張、節奏快到停唔到手，牌局之間精彩又刺激。策略同運氣果然不能缺少！

恭喜參賽嘅勝利者🏁大家互相加油、扶持打氣嘅畫面好美好❤️

由於活動反應熱烈，我哋已準備下一輪 Board Game 小競賽🎉想參加嘅你，記得密切留意本會活動消息👀，立即報名🤗！

#桌遊 #牛頭王 #桌遊比賽 #義工聚會 #香港賽馬會慈善信托基金 #賽馬會眾心行善 #信義會社會服務 #義工 #退休 #服務

13/08/2026

🎨節目預告📣
繼今年年頭既畫展之後，我地50+畫班又再次召集啦😆今次除左一班舊同學，仲招募左新同學加入，組成12人既團隊，一齊為年尾「大搞作」做準備💪🏻
想知道我地之後有咩活動？就記得緊貼我地Facebook專頁啦！❤️

#香港賽馬會慈善信托基金 #賽馬會眾心行善 #信義會社會服務 #義工 #退休 #服務

12/08/2026

【煮埋你果份-Pizza義工活動💛🍕】

今次我哋義工隊去到港島區📍 明愛莫張瑞勤社區中心 進行義工服務，與一班非華語小朋友一齊挑戰由零開始製作 Pizza！💪🏻🍕

對小朋友嚟講，平時Pizza食得多，但與義工及朋友親手製作卻係一次全新體驗✨！大家對整個製作過程都充滿好奇心，由量度麵粉、搓麵團、等待發酵，到為 Pizza 加上自己最喜愛嘅配料，每一個步驟都親力親為👩‍🍳👨‍🍳。

當 Pizza 放入焗爐嘅一刻，大家都十分期待😆！看著熱騰騰、香噴噴嘅 Pizza 出爐，小朋友臉上都掛住滿足嘅笑容。每位小朋友最後都擁有一個由自己親手製作、獨一無二嘅 Pizza🍕❤️。

對我哋50+義工而言，今次服務同樣非常新鮮😆！以往較多接觸長者服務，今次嘅服務對象主要係青少年及兒童，為大家帶來不一樣的體驗。雖然過程中難免有少少忙碌同混亂，但見到小朋友投入參與、樂在其中，一切都變得值得🥰。

✨一個 Pizza，連繫唔同文化背景；一次服務，帶來彼此成長嘅機會。

看見每位小朋友滿載而歸，50+義工都收穫滿滿，相信呢份快樂同回憶會一直留喺大家心中💕

#香港賽馬會慈善信托基金 #賽馬會眾心行善 #信義會社會服務 #義工 #退休 #煮食 #美食 #服務

20/07/2026

🌞🥭【夏日芒芒 Chill 住過～🍹】🥭🌞

今個夏天，當然要同大家一齊「芒」住開心啦！😆
今次【煮埋你果份】義工策劃咗一個充滿夏日氣息嘅小型活動，邀請義工們一齊感受夏天🌞、享受歡樂時光💛

提起夏天，你又會諗起咩呢？🌞
對我哋嚟講，當然少不了香甜多汁嘅芒果啦！🥭✨
俗語有云：「芒種夏至，檨仔落蒂」，意思係每年由芒種到夏至期間，正值芒果成熟嘅季節，象徵夏日芒果季正式來臨🎉！

今次義工們就發揮創意，將芒果變身成兩款人氣美食：
🥭 芒果 Pancake
🥗 芒果沙律
大家都大讚味道清新又好味，仲紛紛表示期待下一次活動！

💛特別感謝【煮埋你果份】義工團隊嘅用心付出，由構思主題、設計菜單到安排活動流程，全部由零開始探索同籌備。有賴大家嘅努力，先可以令今次活動順利完成！

就讓我哋一齊期待下一次，又會有咩驚喜菜式同大家見面啦😆！

#香港賽馬會慈善信托基金 #賽馬會眾心行善 #信義會社會服務 #義工 #退休 #煮食 #美食 #夏天 #服務

17/07/2026

【50+上門應援團👴🏻🧓🏻】
50+義工們今次與東華三院羅文壎安老院的老友記外出散步👣。是日陽光雖充沛🌞，但有涼風相伴，外出活動也是很舒適。
部分老友記得知可以外出走走，都表現得雀躍😀。

義工們陪同老友記在附近的公園和商場逛逛👨‍🦽👩🏻‍🦽。過程又把握機會與他們互動，一齊做下簡單運動，傾談關心他們❤️。最後回院舍時大家都很不捨，老友記很期待下次再次外出。

#香港賽馬會慈善信托基金 #上門應援團 #賽馬會眾心行善 #義工 #退休 #信義會 #義工服務 #院舍探訪 #曬太陽

13/07/2026

【🏫 學校招募｜跨代協作 ✕ 科技創想 💡 一齊為沙田豐盛苑打造長者友善社區！】

各位校長、老師，有無諗過帶學生走出課室，用科技同創意幫社區解決真實問題？
由香港賽馬會慈善信託基金策劃及捐助、基督教香港信義會社會服務部主辦的「豐盛宜居：科技創想大賽(2026-27)」正式接受報名啦！🎉

今屆比賽以「沙田豐盛苑」為實踐基地。屋苑依山而建，面臨人口老齡化同無障礙設施不足嘅挑戰。我哋招募中、小學生同 50+ 友鄰（長者義工）組成最強跨代團隊，秉承「實地調查，實事求是」嘅精神，設計出真正切合長者需求嘅智齡科技方案！

🌟 比賽亮點
【跨代共創】 學生 ✕ 50+ 一同協作，實踐助人精神，促進跨代融和。
【實戰學習】 設有創意思維工作坊、義工服務體驗及實地考察，費用全免！
【材料資助】 成功遞交計劃書之隊伍，可申請高達 HK$1,000 嘅作品材料資助（實報實銷）。
【豐富獎金】 豐富服務基金等你攞！最高獎項「智齡科技至尊大獎」服務基金高達 HK$10,000！

👥 參賽組別及隊伍結構
組別： 中學組 / 小學組（須經由香港註冊之全日制中/小學提名）
隊員人數： 每隊 5 至 10 人，結構如下：
🧑‍🎓 學生成員： 至少 3 位（不限年級）
🧓 50+ 成員： 至少 2 位（50歲或以上）
⚠️ 備註：如果學校未能成功招募到 50+ 成員，唔使擔心！本機構可以協助安排合適人選加入隊伍！

📅 關鍵日期（記住 mark 實 Schedule！）
1️⃣ 線上簡介會（ZOOM）
日期：2026年8月28日（五）
時間：下午 4:00 - 5:00

2️⃣ 比賽報名及遞交參賽概念截止
日期：2026年9月30日（三）或之前

3️⃣ 初賽評審日暨作品展覽
日期：2027年3月6日（六）（設有專業評審及公眾投票）

4️⃣ 決賽暨頒獎禮
日期：2027年3月20日（六）下午

🔗 線上簡介會報名 https://forms.cloud.microsoft/r/pUz1ms8mMQ
🔗比賽報名： https://forms.cloud.microsoft/r/5M9z63LdJW
📂 活動詳情及比賽章程下載： https://drive.google.com/drive/folders/1h8kDd4-Ovp2WbPJmNJV0WccHyLwsbGpM?usp=sharing

📥 立即行動
趕快聯同老師同同學，一齊用科技改變社區！

#香港賽馬會慈善信托基金 #賽馬會眾心行善 #信義會社會服務 #豐盛宜居科技創想大賽 #智齡科技 #跨代融和 #樂齡科技 #沙田豐盛苑 #學校比賽 #義工服務

15/06/2026

🥟【煮埋你果份 義工活動💕】

「煮埋你果份」再次出發啦！💪
今次我哋去到 📍 任白慈善基金景林安老院 ，同一班可愛長者一齊展開溫馨嘅餃子之旅🥰

活動一開始，當然要先做個輕鬆熱身～為等陣包餃子做好準備！
長者們個個精神炯炯👀✨，玩遊戲時反應超快😄

之後重頭戲登場——親手包餃子🥟！
每位長者都親自調味肉餡，發揮自己嘅「獨門秘方」👨‍🍳
雖然材料簡單，但當一隻隻餃子完成，再煮好試食時，大家都一致表示：「好味呀！」❤️

今次活動能夠順利完成，除咗要多謝當日落力服務嘅義工之外💪🏻，
亦特別感謝一班「幕後功臣」💛
提前一日幫手準備材料，包括切好大白菜、預先調味肉餡、分裝食材等等，令當日流程更順暢！

✨一份餃子，一份心意
能夠同長者一齊動手整、一齊分享，呢份簡單嘅幸福就係最珍貴～

#香港賽馬會慈善信托基金 #賽馬會眾心行善 #信義會社會服務 #義工 #退休 #煮食 #美食 #餃子 #服務

28/05/2026

【試一次退休？】
近年越嚟越多人關注 #退休。無論係未番工已經想退休，定係番緊工就諗住提早退休，但大家又有無諗過想點樣退休呢？
不如就等我地第一屆50+ Cafe既義工呀Ben同大家分享佢既退休生活啦！
｜點解老咗反而唔想退休？試一次跟50+長者學退休 做義工點樣搵到生活重心？：
https://www.youtube.com/watch?v=1pNRJDKPyk8

#香港賽馬會慈善信托基金 #賽馬會眾心行善 #信義會社會服務 #義工 #退休

#試一次 // 點解老咗反而唔想退休？試一次跟50+長者學退休 做義工點樣搵到生活重心？以前人人都想渴望提早退休，如今不少人反而對退休感到卻步，怕退休後後終日在家無所事事、失去生活重心，更擔心太早退下來會積蓄.....

21/05/2026

😷標準化病人模疑訓練🏨
今次我地50+義工參加 #香港理工大學 護理系舉行的標準化病人模疑訓練，目的希望透過50+的真實經驗，模疑真實病房的情況，加強護理系學生的應對能力💪🏻
一向成熟穩重既50+義工，今次個個化身最佳男主角、女主角，將安排好既角色發揮得淋漓盡致😆👍🏻👍🏻
義工們都話今次既服務體驗好特別。除左學校好認真準備，還原病房既環境之外，仲真係發揮到佢地既人生經驗❤️

#香港賽馬會慈善信托基金 #賽馬會眾心行善 #信義會社會服務 #義工 #退休