口述影像 - 香港盲人輔導會 Audio Description - HKSB

Home
Hong Kong
Hong Kong
口述影像 - 香港盲人輔導會 Audio Description - HKSB

口述影像是一項專為視力障礙人士提供的服務，透過運用簡潔及精準的言詞，將影像化為言語，協助視障人士掌握視覺資訊。

09/10/2026

電影《 #我阿爹想旅行》將於10月15日（星期四）正式公映🧳，我哋 #香港盲人輔導會好開心可以為電影錄製口述影像聲道🎧。

《 #我阿爹想旅行》由黃綺琳、黃鐦共同執導，張家輝、鍾雪瑩、蒙嘉慧、姜皓文、邱士縉、楊雅文主演。故事講述患癌父親面對生命步入倒數階段，決定任性最後一次，同女兒突發展開上天下海嘅溫馨旅程🛫，過程有笑有淚。金像影帝張家輝更以突破性造型驚喜亮相，大家千祈唔好錯過，一齊入場支持啦😃！

特別鳴謝 #高先電影授權製作口述影像🤝🏻，讓視障朋友可以同步感受電影的感動時刻！

感謝👏🏻
口述影像員：急急子
撰稿員：周淑儀
審稿員及錄音監製：關恩慈

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#聲給好戲 #香港電影口述影像服務發展計劃
#隨時隨地口述影像
#口述助賞影像齊享
#口述影像電影

《 #我阿爹想旅行》
10月15日行得㗎啦
【監製】張婉婷【導演】黃綺琳黃鐦
【演員】張家輝鍾雪瑩蒙嘉慧姜皓文邱士縉楊雅文

Golden Scene Co. Ltd. - Film
Sonatina Film 鬆鬆影視
張家輝 Nickcafe
鍾雪瑩
蒙嘉慧 Yoyo Mung
姜皓文 Philip Keung
Stanley Yau 邱士縉

30/09/2026

隆重宣佈🎉🎉🎉！

#香港盲人輔導會新一任「 #口述影像大使」正式登場喇👏！

我哋非常榮幸邀請到第61屆金馬獎最佳女主角 #鍾雪瑩擔任本會嘅口述影像大使🙌，一齊推廣口述影像服務。其實鍾雪瑩多部參演嘅電影都有我哋製作嘅口述影像聲道㗎，包括《 #狂舞派3》、《 #殺出個黃昏》、《 #破地獄》、《 #看我今天怎麼說》等等；連同即將上映嘅《 #我阿爹想旅行》同《 #善男信女》，我哋都有製作口述影像聲道🎤，讓視障觀眾能夠欣賞更多精彩電影🎬！

衷心感謝鍾雪瑩嘅支持同參與！相信有金馬影后嘅號召力，一定可以令更多人關注同支持口述影像服務🎧，建立一個「口述助賞影像齊享」嘅共融社會🥰！

即刻聽吓我哋新任「口述影像大使」鍾雪瑩嘅介紹啦😉～

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#聲給好戲 #香港電影口述影像服務發展計劃
#口述助賞影像齊享
#隨時隨地口述影像
#聽我今天怎麼看

鍾雪瑩

19/09/2026

感謝王利民先生同張先生嘅慷慨贊助，今日（9月19日）我哋同會員一齊去到觀塘百老匯B+ Cinema apm戲院欣賞口述影像版嘅《廚師發辦》。

電影講述廚師林克用交友應用程式尋覓初戀情人嘅故事🥰。劇情溫暖，戲中出現唔少精緻佳餚，透過口述影像描述，令大家都可以一一「品味」每道美味😋。

有份參演嘅王利民先生及導演之一鍾宏杰先生都有出席映後分享環節。王先生同觀眾分享拍攝點滴；導演就透露戲中多道菜式都係為電影度身創造，又分享電影創作理念，希望透過電影讓觀眾細味與人相遇的每一刻，為自己嘅人生好好「發辦」😃。現場會員都踴躍發問，分享觀後感，融洽嘅交流氣氛下為活動畫上一句完美句號✨。

#香港盲人輔導會
#隨時隨地口述影像
#口述助賞影像齊享
#口述影像電影

#廚師發辦
導演及編劇｜黃浩然、鍾宏杰
領銜主演｜盧鎮業楊偲泳梁雍婷張紋嘉彭秀慧
主演｜黃溢濠特別介紹｜馬騮搣陳樂添
特別演出｜床哥黎紜蔚陳紀澄黃梓賢柯星沛葉蘊儀王利民
口述影像由電影文化中心(香港)製作

Golden Scene Co. Ltd. - Film
Quincy Wong

18/09/2026

昨日（17/9）我哋同會員一齊欣賞奇幻愛情電影《 #久別重逢》✨。電影由梁禮彥自編自導，鄭伊健、陳卓賢、許恩怡、蔡思韵領銜主演。故事從一個事業失意嘅中年音樂人重遇初戀開始，種種奇幻經歷令佢重拾對音樂嘅初心之外，亦療癒人生遺憾。電影拍攝場景都係圍繞香港長洲同日本高知縣，透過現場口述影像描述，同大家一齊經歷一次異地純愛之旅🥰。

今次電影欣賞會邀請到口述影像員蔡靜怡（Sandra）為我哋現場演譯《久別重逢》🎤。完場後，Sandra除咗分享戲中歌曲嘅資訊，又為觀眾梳理戲中複雜嘅穿越情節。會員都踴躍交流，又表示電影感動人心😉。

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#聲給好戲 #香港電影口述影像服務發展計劃
#隨時隨地口述影像
#口述助賞影像齊享
#口述影像電影
#久別重逢
美亞娛樂 Mei Ah Entertainment Group

03/09/2026

以尖東夜總會為故事背景嘅電影《 #夜王》已經推出咗DVD 同Blu-ray 喇📀！

電影由吳煒倫編劇及執導，黃子華、鄭秀文領銜主演✨，講述末代尖東夜總會喺經營困境中點樣迎難而上。劇情笑料百出，既有真摯感情線又富娛樂性，值得一再回味。影碟收錄咗由 #香港盲人輔導會錄製嘅口述影像聲道🎙️，令視障朋友都可以一齊重溫精彩電影🎬！

#香港盲人輔導會
#隨時隨地口述影像
#口述助賞影像齊享
#口述影像電影

#夜王
#吳煒倫 #黃子華 #鄭秀文 #王丹妮 #廖子妤 #謝君豪 #楊偉倫 #盧鎮業 #何啟華 #楊偲泳 #譚旻萱 #李芯駖 #林熙彤 #鄧麗英 #黃潔琪

夜王 Night King
Edko Films Ltd. 安樂影片

26/08/2026

今日我哋喺會內同會員一齊欣賞電影🎬《 #祥賭必贏》。電影由羅耀輝執導及編劇，蔡卓妍及張繼聰主演。故事講述病態賭徒為愛決心戒賭，但又因為賭癮而陷入矛盾對決，過程笑料百出！配合現場口述影像，令大家更易理解劇情發展，全場笑聲不絕😄。

今次電影欣賞會好開心邀請到口述影像員王家兒（Carrie）為我哋現場演譯🎤。為咗令大家更投入劇情，Carrie開場前特別介紹咗戲中不同嘅賭法🃏，完場後又分享電影相關資訊。原來戲中唔少客串角色都大有來頭，大家都聽得津津樂道，一齊度過咗一個輕鬆愉快嘅下午🙌。

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#聲給好戲 #香港電影口述影像服務發展計劃
#隨時隨地口述影像
#口述助賞影像齊享
#口述影像電影
#祥賭必贏
美亞娛樂 Mei Ah Entertainment Group

21/08/2026

講述私房廚師透過交友程式進行「無菜單約會」嘅電影《 #廚師發辦》今日上映喇👨‍🍳！好開心有其他機構為電影製作咗口述影像版本，讓視障朋友有更多選擇。

有興趣觀賞電影嘅朋友要留意喇，以下戲院嘅指定影廳將會提供《 #廚師發辦》口述影像服務🎧。

🎬 高先電影院（4號院）
🎬 CGV Cinemas D2 Place（3號院）

雖然戲院網頁唔會標示 #口述影像場次，但凡於指定影廳放映嘅《 #廚師發辦》都可以向戲院借用接收器收聽 #口述影像聲道。有需要請預先向戲院查詢相關場次同借用接收器手續。

廚師發辦
Golden Scene Co. Ltd. - Film
CGV Cinemas Hong Kong

07/08/2026

恭喜香港電影資料館今年25歲生日🎉！為隆重其事，資料館特別聯同香港文化博物館舉辦「幸會25歲 ─ 香港電影資料館珍藏展」。昨日（8月6日）我哋好開心同會員一齊到香港文化博物館參觀展覽，感覺就好似參加咗一場星光熠熠嘅生日派對🥳。

展覽展出多項香港電影嘅歷史瑰寶，有珍貴嘅電影文物、戲服、獎項，以及影人嘅口述歷史紀錄等，仲設有「不日放映室」，俾大家重溫昔日精彩嘅預告片📽️。

感謝香港文化博物館提供嘅導賞服務🎤，加上我哋梁姑娘嘅口述影像補充，令大家可以更深入了解展覽內容，同時感受當中嘅氣氛。場內仲設有多個互動區，例如有攝影裝置俾大家同唔同年代嘅影星同框合照，又可以將自己樣貌合成到經典電影海報之中，成為經典電影嘅一部份🤩。

呢個免費展覽展期到2027年3月29日，對香港電影發展有興趣嘅朋友，就千祈唔好錯過喇🙌！

#香港盲人輔導會
#香港文化博物館
#香港電影資料館
#幸會25歲香港電影資料館珍藏展
#隨時隨地口述影像
#口述影像服務
#口述影像參觀
#香港流行文化節2026
#康樂及文化事務署

22/07/2026

今日（7月22日）我哋同一眾會員到 #香港歷史博物館，參加「長安萬象 ─ 陝西隋唐文明展」口述影像導賞及觸摸模型工作坊，展開一場跨越時空嘅深度之旅💫！感謝博物館為我哋提供導賞服務，從衣食住行各方面深入講解隋唐文化，配合埋 #香港展能藝術會提供嘅摸讀圖及口述影像補充🎤，令會員更無障礙掌握展覽內容。

隨後嘅工作坊亦令會員相當興奮。大家除咗可以發揮創意，為古代美人畫上美妝之外💄，亦可以觸摸由博物館提供嘅文物仿製模型，透過指尖嘅觸感，好好感受隋唐時期嘅工藝同文化。壓軸嘅有獎問答環節更令氣氛高漲，會員都踴躍參與！活動結束後，唔少會員都表示非常享受今次嘅隋唐文化之旅，體驗既充實又愉快🙌🏻。

#香港盲人輔導會
#香港歷史博物館
#香港展能藝術會
#長安萬象 #陝西隋唐文明展
#隨時隨地口述影像
#口述影像服務
#口述影像參觀
#康樂及文化事務署

14/07/2026

炎炎夏日🔥，最好就係睇戲消消暑🍿！今日我哋就同會員一齊欣賞由麥兆輝執導及編劇，郭富城、任達華、吳鎮宇及方中信領銜主演嘅電影《 #內幕》。故事圍繞慈善機構背後錯綜複雜嘅黑暗秘密，當中環環相扣嘅正邪對決同動作場面，全靠現場口述影像🎧，令視障觀眾都可以投入劇情，感受電影每一幕刺激緊張嘅情節。

今次電影欣賞會邀請到 #口述影像員龔婉欣（Judy）為我哋現場演譯《內幕》🎤。Judy分享咗電影選角嘅趣聞，會員們都踴躍交流，氣氛相當融洽，一齊度過一個愉快嘅下午😊。

#香港盲人輔導會
#隨時隨地口述影像
#口述助賞影像齊享
#口述影像電影
#內幕

英皇電影Emperor Motion Pictures
【導演/編劇】 #麥兆輝
【監製】 #田啟文 #邵劍秋
【領銜主演】 #郭富城 #任達華 #吳鎮宇 #方中信
【主演】 #周勵淇 #湯怡 #陳國邦 #李靖筠 #駱應鈞
【特別演出】 #姜大衛
【友情演出】 #鮑起靜 #方平
【演出】 #張文傑 #陳湛文 #黎峻 #耿長軍
Aaronkwokfushing
吳鎮宇 Francis Ng Chun Yu
湯怡 Kathy
陳國邦 Chan Kwok-Pong
German Cheung (張文傑）
陳湛文 Peter Chan

Address

香港九龍深水埗南昌街248號香港盲人輔導會
Hong Kong

Telephone

+85237238327

Website

http://www.hksb.org.hk/

Alerts

Be the first to know and let us send you an email when 口述影像 - 香港盲人輔導會 Audio Description - HKSB posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 口述影像 - 香港盲人輔導會 Audio Description - HKSB:

Want your organization to be the top-listed non profit organization in Hong Kong?