口述影像 - 香港盲人輔導會 Audio Description - HKSB

Home
Hong Kong
Hong Kong
口述影像 - 香港盲人輔導會 Audio Description - HKSB

口述影像是一項專為視力障礙人士提供的服務，透過運用簡潔及精準的言詞，將影像化為言語，協助視障人士掌握視覺資訊。

22/07/2026

今日（7月22日）我哋同一眾會員到 #香港歷史博物館，參加「長安萬象 ─ 陝西隋唐文明展」口述影像導賞及觸摸模型工作坊，展開一場跨越時空嘅深度之旅💫！感謝博物館為我哋提供導賞服務，從衣食住行各方面深入講解隋唐文化，配合埋 #香港展能藝術會提供嘅摸讀圖及口述影像補充🎤，令會員更無障礙掌握展覽內容。

隨後嘅工作坊亦令會員相當興奮。大家除咗可以發揮創意，為古代美人畫上美妝之外💄，亦可以觸摸由博物館提供嘅文物仿製模型，透過指尖嘅觸感，好好感受隋唐時期嘅工藝同文化。壓軸嘅有獎問答環節更令氣氛高漲，會員都踴躍參與！活動結束後，唔少會員都表示非常享受今次嘅隋唐文化之旅，體驗既充實又愉快🙌🏻。

#香港盲人輔導會
#香港歷史博物館
#香港展能藝術會
#長安萬象 #陝西隋唐文明展
#隨時隨地口述影像
#口述影像服務
#口述影像參觀
#康樂及文化事務署

14/07/2026

炎炎夏日🔥，最好就係睇戲消消暑🍿！今日我哋就同會員一齊欣賞由麥兆輝執導及編劇，郭富城、任達華、吳鎮宇及方中信領銜主演嘅電影《 #內幕》。故事圍繞慈善機構背後錯綜複雜嘅黑暗秘密，當中環環相扣嘅正邪對決同動作場面，全靠現場口述影像🎧，令視障觀眾都可以投入劇情，感受電影每一幕刺激緊張嘅情節。

今次電影欣賞會邀請到 #口述影像員龔婉欣（Judy）為我哋現場演譯《內幕》🎤。Judy分享咗電影選角嘅趣聞，會員們都踴躍交流，氣氛相當融洽，一齊度過一個愉快嘅下午😊。

#香港盲人輔導會
#隨時隨地口述影像
#口述助賞影像齊享
#口述影像電影
#內幕

英皇電影Emperor Motion Pictures
【導演/編劇】 #麥兆輝
【監製】 #田啟文 #邵劍秋
【領銜主演】 #郭富城 #任達華 #吳鎮宇 #方中信
【主演】 #周勵淇 #湯怡 #陳國邦 #李靖筠 #駱應鈞
【特別演出】 #姜大衛
【友情演出】 #鮑起靜 #方平
【演出】 #張文傑 #陳湛文 #黎峻 #耿長軍
Aaronkwokfushing
吳鎮宇 Francis Ng Chun Yu
湯怡 Kathy
陳國邦 Chan Kwok-Pong
German Cheung (張文傑）
陳湛文 Peter Chan

10/07/2026

以聽障人士為題材嘅電影《 #看我今天怎麼說》現已推出DVD 同Blu-ray 喇📀！

電影由黃修平執導，游學修、鍾雪瑩、吳祉昊領銜主演，鍾雪瑩更憑精湛演出榮獲第61屆金馬獎最佳女主角殊榮🏆。電影細膩描繪三位唔同背景嘅聾人青年🦻🏻，從成長到投入社會嘅經歷，探討聾人身份嘅社會定位同融入社會嘅挑戰，繼而互相牽引去尋找自我，領悟人生。

由 #香港盲人輔導會錄製嘅口述影像聲道🗣️亦有收錄喺影碟中，咁視障朋友都可以重溫好戲。大家一於去買碟支持，再一次感受當中嘅真摯同感動啦！

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#瞳聲同戲 #香港電影口述影像服務發展計劃
#隨時隨地口述影像
#口述助賞影像齊享
#口述影像電影
#看我今天怎麼說

看我今天怎麼說 The Way We Talk
天下一電影 One Cool Film
Adam Wong Sau Ping 黃修平
游學修 Neo Yau
鍾雪瑩

30/06/2026

為慶祝 #平等機會委員會成立30周年🎉， #平機會近日推出咗一連四集嘅微電影《 #平行日誌》。劇情講述由谷祖琳飾演嘅平機會總監，編撰咗一本名為《平．行日誌》嘅刊物📘，記錄平機會各部門同事喺打擊歧視及推廣平等機會嘅工作經驗同體會，繼而引起更多啓發💡。

#香港盲人輔導會好開心可以為微電影製作口述影像版本🎧，讓有需要嘅朋友都可以透過微電影更了解平機會工作，一齊攜手建立更和諧更共融嘅社會🥰。

有興趣嘅朋友可以到以下網址欣賞口述影像版嘅《 #平行日誌》：

第一集：無障礙的路
https://www.youtube.com/watch?v=OCEmG5njcNQ

第二集：勇敢的聲音
https://www.youtube.com/watch?v=VbQwfbx79ng

第三集：家與職的距離
https://www.youtube.com/watch?v=HZy5nm6L41Q

第四集：共融之路
https://www.youtube.com/watch?v=pOefNqEKKiU

#香港盲人輔導會
#隨時隨地口述影像
#口述助賞影像齊享
#口述影像服務
#平等機會委員會
#同行三十載平等更精彩
平．常．事 EO Matters

26/06/2026

口述影像工作坊又嚟啦😃！上星期六（20/6）我哋走進 #香港藝術館，同近百位嘅康文署 #文博義工進行 #口述影像訓練工作坊，讓參加者了解口述影像對視障人士嘅重要性，並學習如何將口述影像技巧應用喺展覽參觀之中。

今次工作坊特別邀請到視障朋友May出席，同義工們作直接交流🎤。透過May嘅現身說法，大家都更具體明白視障人士嘅需要，以及更有效嘅溝通技巧。現場氣氛熱烈，大家都非常投入同踴躍交流。

感謝康文署嘅安排同一班熱心參與嘅文博義工，期待大家都可以學以致用，將口述影像應用喺日後服務之中，提升博物館嘅無障礙參觀體驗，一齊推動共融文化。

#香港盲人輔導會
#康樂及文化事務署
#文博義工計劃
#隨時隨地口述影像
#口述助賞影像齊享
#口述影像服務
#口述影像參觀
#口述影像體驗工作坊
Visit HK Museums 優遊香港博物館

24/06/2026

今日我哋同會員欣賞一套關於夢境嘅懸疑電影《 #贖夢》💭。電影由張家輝自編自導自演，仲有陳法拉、劉俊謙、袁富華同朱晨麗主演。故事曲折迷離，疑幻疑真，惡夢背後原來隱藏住自責嘅真相，配上 #現場口述影像，大家先可以更全面理解劇情。

今次好開心邀請到資深口述影像員邱焱為《贖夢》撰稿同現場演譯🎤。完場後，邱焱分享咗唔少為電影撰稿時嘅取捨📝，又表示今次係佢首次挑戰驚悚電影嘅口述影像，會員都大力讚賞邱焱嘅表現，又踴躍交流，現場氣氛融洽🥰。

#香港盲人輔導會
#隨時隨地口述影像
#口述助賞影像齊享
#口述影像電影

贖夢 Peg O’ My Heart
Golden Scene Co. Ltd. - Film
張家輝 Nickcafe
Fala Chen 陳法拉
劉俊謙

16/06/2026

雖然今日（6月16日）落住雨🌧️，不過都無損會員興致，參加「油街實現」及油街焦點展覽導賞團🤗。油街實現部分範圍被列為二級歷史建築，戶外亦有綠化嘅藝術展覽及休憩用地，意念創新💫。

今日行程非常豐富，大家除咗了解到油街歷史外，仲參觀咗兩個油街焦點展覽。首先係位於一、二號倉庫嘅「空間·生態·詩學：鄭靖的藝術之道」展覽，大家可以透過藝術家唔同嘅環境裝置同媒介，重新感受各種香港風情，概念夠晒特別🤩。

之後就去到油街玻璃屋參觀「左旋們浴場」展覽🛁，導賞員引領大家一齊探討私人同公共空間嘅界線同意義。展覽展現出唔同國家嘅浴場文化，當中最觸目嘅就係名為「左旋之心」嘅巨大心型浴缸❤️，可以俾大家置身浴缸之中，沉浸式體驗整個展覽環境，大家都相當興奮呀！

透過油街實現職員嘅講解同埋我哋梁姑娘細緻嘅口述影像描述🎤，大家都對油街實現同展覽有更多深入認識。現場仲有唔少打卡位，會員都盡情影相留念，樂而忘返呀！

#香港盲人輔導會
#油街實現
#空間生態詩學鄭靖的藝術之道
#左旋們浴場
#隨時隨地口述影像
#口述影像服務
#口述影像參觀
#油街焦點展覽
#康樂及文化事務署

29/05/2026

踏入夏天，我哋繼續有好戲放映！今日我哋就同會員一齊欣賞《 #拼命三郎》，電影由陳大利執導，譚耀文、林家熙、應智越、鄭浩南、姚樂怡主演。故事講述過氣江湖大佬透過拳擊與失聯多年嘅兒子修補關係，同時面對昔日兄弟背叛嘅內心掙扎，到底主角點樣喺人生低谷發揮打不死嘅拼博精神，重拾人生呢？劇情時空設定喺疫情下嘅香港，主要場景為油尖旺一帶，透過現場口述影像，細膩描繪出充滿香港特色嘅城市面貌，同一幕幕精彩嘅動作場面，觀眾都能夠投入其中。

今次電影欣賞會邀請到口述影像員陳潔媚（Kimmy）為我哋現場演譯🎤。完場後，唔少會員都踴躍發問，同Kimmy直接交流，氣氛融洽，一齊度過一個愉快嘅下午。

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#瞳聲同戲 #香港電影口述影像服務發展計劃
#隨時隨地口述影像
#口述助賞影像齊享
#口述影像電影

拼命三郎 Fight For Tomorrow
東方影業Mandarin Motion Pictures Ltd
譚耀文 Patrick Tam
林家𤋮 Locker
應智越 MrLittleCat

15/05/2026

雖然今日（5月15日）天陰有雨，不過好開心可以同會員一齊去到賽馬會創意藝術中心參加《邁藝 - 邁向藝術家之路》終期展覽導賞團😃。今次展覽以「藝歷」為主題，顧名思義展覽展出咗15位展能藝術家喺學習藝術歷程嘅成果🎨，有水墨、攝影、沙畫、電繪等等唔同媒介創作嘅藝術作品，展現每位藝術家獨有嘅生命敘事同情感印記，各具特色。

今次參觀由香港展能藝術會提供口述影像導賞🎤，會員視障可以更全面了解展能藝術家嘅創作理念同展品細節。部分展品仲提供觸感互動環節，令會員透過觸感去感受藝術作品。最後仲有創作環節，會員都積極分享自己畫作，每一位參加者都樂在其中☺️！

#香港盲人輔導會
#香港展能藝術會
#邁藝 #邁向藝術家之路
#隨時隨地口述影像
#口述影像服務
#口述影像參觀
#賽馬會創意藝術中心

24/04/2026

今日 (24/4) 我哋同會員一齊欣賞爆笑喜劇《 #臨時決鬥》🥊。電影由麥啟光執導，古天樂、梁詠琪、王丹妮、周秀娜主演。延續臨時系列嘅搞笑風格，今次打到上擂台，講述女主角由最初為啖氣上擂台，到喺擂台上覺醒自我領悟人生，當中經歷笑料百出，會員都哄堂大笑，配埋現場「拳拳到肉」嘅口述影像描述🎤，大家都睇得好投入呀！

今次電影欣賞會邀請到口述影像員梁劍紅 (Rochelle) 為我哋現場演譯，同時好開心電影原創故事及編劇林敏怡 (Sai) 亦到場一齊欣賞電影。完場後，Rochelle分享今次係佢初次嘗試節奏較快嘅動作片，覺得好新鮮。林敏怡亦分享咗唔少寫劇本嘅心路歷程，會員都紛紛讚賞《臨時決鬥》嘅故事，交流氣氛融洽😃。

#香港盲人輔導會
#香港電影發展基金 #文創產業發展處
#香港特別行政區政府文化體育及旅遊局
#瞳聲同戲 #香港電影口述影像服務發展計劃
#隨時隨地口述影像
#口述助賞影像齊享
#口述影像電影

臨時決鬥 Hit N Fun
Entertaining Power Co. Limited
古天樂 Louis Koo
梁詠琪 Gigi Leung Wing Kei
LouiseWong王丹妮
Chrissie Chau 周秀娜
Tsz Tung Tony Wu 胡子彤
German Cheung (張文傑）

Address

香港九龍深水埗南昌街248號香港盲人輔導會
Hong Kong

Telephone

+85237238327

Website

http://www.hksb.org.hk/

Alerts

Be the first to know and let us send you an email when 口述影像 - 香港盲人輔導會 Audio Description - HKSB posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 口述影像 - 香港盲人輔導會 Audio Description - HKSB:

Want your organization to be the top-listed Non Profit Organization in Hong Kong?