03/06/2026
🪄 # 沙角改造師之旅 - CH.1 膽粗粗踩入沙角先 📔
小編：「你喺沙田住咗咁耐，有冇諗過自己落社區做啲mini project？」
改造師：「自己一個好似有啲尷......又唔知點樣開始😬一班人一齊做好似熱血啲！」
就係咁，改造師們抱住單純嘅諗法，開始沙角初探索。（究竟佢哋有冇畀人賣豬仔呢？下回分解！）
🔦網上資料 vs 落地觀察
作為現代人😂，改造師們起初做咗好多online research，發現咗好多好「老正」嘅論述，例如沙角邨用雀仔命名、最出名係冬菇亭食嘢、曾經發生過靈異命案......
但搵下搵下，大家開始諗：呢啲「資訊」有冇拉近到自己同沙角嘅距離呢？有，但似乎仲爭少少！
😲由「𥄫嘢」開始融入社區
於是，大家決定放低精美嘅30頁ppt，落區喇！
改造師們由起初唔知點樣觀察社區，周圍望附近邊度有櫈坐、有嘢買，到大膽走入街市睇下平時街坊買乜（原來有樣嘢叫做水果西芹🌿，長知識！）、咬住黑芝麻卷同商戶吹水，不知不覺越嚟越「地」！慢慢喺街坊交往中發現沙角獨特嘅日常風景。
🐦 沙角限定：I人同E人有專屬樓層
其中一個大家意想不到嘅驚喜發現，係沙角邨地下同平台都有唔同種類嘅櫈，例如二人、三人座位同長條雲石凳。有街坊話
🥸「想清靜啲、唔同人傾計嘅話，就上去平台坐。」
🥸「多數二人位係比女仔坐嘅，一男一女咪好尷尬？」
🥸「張凳有加分隔好啲，唔使黐咁埋，有啲距離好！」
估唔到，沙角一早有I人同E人專屬座位！（行得好前😎）加上呢兩個月落區，見到有啲街坊喺雲石凳平躺休息💆🏻♂️。所以，改造師們歸納為沙角獨有 ➞➞「躺平」vibe 🌥️🌥️🌥️
「躺平」發現亦令改造師思考深一層：當我哋好熱情咁走入社區，下意識會想搞好多活動俾街坊玩！🥳其實，街坊係唔係真係「鍾意」同需要呢？如果伯伯今日淨係想靜靜地🧘🏻♂️，咁我哋應該諗啲更聰明、更貼心嘅「改造方法」，令大家都各取所需，真係享受公共空間！
就住有街坊鍾意靜靜地休息嘅觀察，我哋再邀請改造師天馬行空亂諗嘢，有改造師即刻提議：💡「不如喺扶手位改裝少少，好似電影櫈咁，方便伯伯一個人靜靜地，一路飲啤酒一路望風景~~」
呢個idea雖然好初步，以後要慢慢落區向街坊求證：「係咪真㗎？？」🔦。但係比起網上經常重複出現嘅「雀仔命名」同「冬菇亭」特色，似乎大家越嚟越貼近甚少被記載嘅「沙角日常」喇！💫
ᕱ ᕱ 預告
改造師們已經分好組，之後會keep住落沙角，汲取社區嘅日月精華✨。想知道改造師們點樣一步一腳印，由觀察、想像、發揮創意到落手試試，揼出超正嘅社區節提案？誠邀大家追postsss！💜
———————————————
📍 𝑭𝑶𝑳𝑳𝑶𝑾 𝑼𝑺 📍
了解更多地方營造及公共空間議題💚！
非常香港：
非常協作：www.collaboratehk.org
非常社區：
樓下：
「非常社區」由非常香港主辦，何鴻毅家族香港基金贊助 。
