聖文德堂轄下文德青少年綜合服務中心

03/09/2026

暑期託管大食會及畢業禮2026🎓

「暑假過得真快，又係時候講拜拜......」
經歷一個半月暑期託管班後，各位暑期託管學生既有學習，亦有玩樂，係呢段時間有所成長。小朋友懂得互相合作，學習不同新知識及興趣，亦係暑期託管認識新朋友，擴闊朋友圈。

暑假告一段落，中心為大家準備大食會，一齊係大食會分享美食及暑假心得。畢業禮上亦放映每班嘅暑期片段，回憶暑假大家一齊係中心及出外玩樂共聚嘅美好時光。新一年開學，祝各位暑期託管學生及青年義工學業進步，前程似錦！

最後，大家可以睇返以下google drive連結， 睇返喺暑期託管大食會及畢業禮嘅一點一滴！
https://drive.google.com/drive/folders/1139d8doX3ttJ-VSqqaqknRRVOMWPEaDB?usp=sharing

03/09/2026

暑期託管日營2026🏕️🍀

今年暑期託管班，中心安排咗一日日營，帶暑期託管班小朋友出外前往麥理浩夫人度假村玩一玩，鬆一鬆！營地有好多唔同活動俾小朋友一齊玩，包括兒童遊樂場、繩網陣、室內體育館、康樂館，仲有一個視藝室一齊畫畫！

大家可以睇返以下google drive連結， 睇返喺暑期託管日營嘅一點一滴！
https://drive.google.com/drive/folders/1OFMKh108qDGCAF7wZONKzxeEUsH7yL6r?usp=sharing

03/09/2026

暑期活動嘉年華2026🎪

文德中心暑期活動嘉年華2026與8月22日順利舉行🥳🥳🥳
除咗有頒獎環節外，仲有表演環節，盡展本中心學生多才多藝的一面。當日仲有由中心青年義工、49旅童軍及49旅幼童軍舉辦嘅攤位，俾各位玩得開心，盡享家庭樂！

中心當日設有打卡牆，俾各位一齊影相留念，大家可一齊睇吓係文德中心暑期嘉年華嘅集體回憶！🥹

大家可以睇返以下google drive連結， 睇返喺嘉年華會嘅一點一滴！
https://drive.google.com/drive/folders/1BVz0F09DJDxg0L-AnL5Diif_ILxy6QIw

26/08/2026

20/08/2026

免費公開參加🥳🥳 暑期活動嘉年華2026🎠🎪

一年一度嘅文德中心暑期活動嘉年華又嚟啦! 🤩🤩 今年嘉年華會，帶俾大家多項由中心青年義工、幼童軍成員及童軍成員籌備嘅攤位遊戲，仲有學生表演環節同埋頒獎儀式！大家記得到中心時，係中心詢問處領取一張遊戲券，玩攤位遊戲時儲印章換獎品!

除咗玩之外，我地仲有抽獎環節，遊戲券有指定抽獎號碼，各位可以睇返自己抽獎號碼，睇吓自己係唔係抽獎幸運兒~😜😜

嘉年華詳情如下:
- 日期: 22/8/2026 (星期六)
- 時間: 下午2:00-4:30
- 地點: 本中心 (聖文德堂 3樓)
- 抽獎時間: 下午2:00開始

誠邀各位一家大細，任何人士一同前來中心，參與中心嘅暑期嘉年華! 🥳🎪

#聖文德堂轄下文德青少年綜合服務中心

15/08/2026

暑期託管2026-Week 2 📚🥳
暑期託管嚟到第二星期 🤩 除咗有不同娛樂趣味嘅活動俾小朋友參加，例如製作簡單小食或甜品、發揮創意藝術、康樂室玩遊戲放放電、玩中心不同桌遊遊戲等等之外，今個星期起亦有暑期託管外出活動，帶小朋友到烏溪沙附近嘅西沙Go Park玩，俾小朋友放一放電！😍

另外，中心舉辦咗爆旋陀螺爭霸戰比賽，雲集各爆旋陀螺高手，一齊圍住陀螺盤，1 2 3 Goooooooooo Shoot!

嚟緊第三星期會有更多不同外出活動、中心集體遊戲及比賽！想知多啲Week 3 活動？Stay tuned! 😉
#聖文德堂轄下文德青少年綜合服務中心

07/08/2026

8月22日為中心暑期活動嘉年華，當日所有課程暫停上課，敬請留意🙏🏻

歡迎各位家長及小朋友參與

07/08/2026

2026.08.01
中心親子外出活動第二彈 - 「大澳潮甚麼」親子文化導賞及搖櫓工作坊🛶

又係時侯一家大細出外玩，放一放電啦！⚡🤪
上星期六，由中心職員黃Sir主持及一眾義工帶領，七組親子參加者參加中心舉辦嘅「大澳潮甚麼」親子文化導賞及搖櫓工作坊🛶，帶大家前往位於南大嶼禁區內嘅大澳漁村。今次親子活動，我地好高興可以同大澳文化協會一同合作，帶俾大家一次難忘嘅導賞遊，包括前往大澳三利船廠參觀舢舨搖櫓船、以及由大澳原居民親領帶大家參觀大澳棚屋及永助聖母小堂，亦同各參加者同埋義工一齊影好多相！

除咗參觀活動之外，今次活動仲有由大澳原居民教大家一齊整迷你搖櫓小船模型，更加可以享受親子樂，帶走一份迷你紀念品😆🥳

#聖文德堂轄下文德青少年綜合服務中心
#大澳漁村 #漁鄉尋覓記

05/08/2026

2026.07.21
中心外出活動 -「綠在橋咀島」地質文化探索之旅🌱

由中心職員黃Sir主持及一眾義工帶領，20位參加者參加中心舉辦嘅「綠在橋咀島」地質文化探索之旅🌱，帶大家前往有「後生花園」之稱嘅西貢，以及納入香港地質公園保護區之一嘅橋咀島親親大自然，帶大家循環式遊走橋咀島。當日我地亦好好彩，可以見證到退潮而現嘅連島沙洲，帶大家行返一轉，亦同大家一齊係沙灘玩集體遊戲! 😆🥳

#聖文德堂轄下文德青少年綜合服務中心
#西貢 #橋咀島 #後生花園尋覓記

28/07/2026

暑期託管2026-Week 1📚🥳
新一年嘅暑期託管開始咗啦！回顧第一星期，中心舉辦暑期託管開學禮，由中心職員帶領團體遊戲及活動，同時了解多少少托管內容及細節🥳🤩

為咗培養小朋友發展所長，託管班唔單止係功課輔導及補習，亦會提供不同娛樂趣味嘅活動俾小朋友參加，例如製作簡單小食或甜品、發揮創意藝術、康樂室玩遊戲放放電、玩中心不同桌遊遊戲等等，亦有中心職員舉辦嘅比賽，競技之餘亦充滿娛樂！

第二星期開始，除咗有樂學堂及創意美食及藝術製作環節之外，亦會舉辦暑期托管外出活動！想知多啲Week 2活動？Stay tuned! 😉
#聖文德堂轄下文德青少年綜合服務中心