樂善堂陳黎掌嬌敬老鄰舍中心

05/06/2026

【養「腦」學堂】第三課：如何確診認知障礙症？
診斷唔靠單一檢查，醫生會綜合病史、認知評估、血液同腦部掃描來判斷。
🔍四大檢查流程：
1️⃣ 分析病史
2️⃣ 認知測試
3️⃣ 血液檢查
4️⃣ 腦部掃描

⚠️早期警號：
▪️ 成日唔記得近期事
▪️ 做唔到平時識做嘅家務
▪️ 混淆時間地點
▪️ 情緒突然改變（抑鬱、多疑）

🧬病變可能早10-20年就開始，建議40歲起：
✅ 健康飲食
✅ 多動腦、多社交
✅ 控制三高
✅ 定期做血液或尿液檢測（如pTau-217）

有懷疑，及早睇家庭醫生，轉介專科評估！💪
本中心將於9/6/2026(二)上午10:00-11:00舉辦「有早知，防阿茲」講座，活動後，每位參加者可獲「AD Check 認知測™️Rapid」一盒，不設代領。歡迎會員及護老者參加。

#預防認知障礙症 #阿茲海默症

26/05/2026

2026年6月份通訊出咗啦！(會訊紙本版需於5月28日才開始派發)
6月份所舉行之活動將會在5月28日(四)專題大會開始報名，大家記得按時出席！😄

04/05/2026

【為愛獻禮🫶】
母親節將至，為感謝母親的無私奉獻，中心為所有女會員準備小小心意💝！願各位天天開心😁，歲歲平安🧧！
仍未到中心領取母親節🤱禮物的女會員🚺，就要快啲啦！
由今日(4/5)起至星期六(9/5)，中心女性會員憑有效會員証🪪，可到中心領取小禮物一份，所有禮品不設更換，數量有限，派完即止。

02/05/2026

【養「腦」學堂】第二課：走路之外，再加「騎單車」，風險再降22%！🚲

最新研究追蹤13年發現：
▶️ 常騎單車 → 阿茲海默症風險 降低22%
▶️ 海馬迴（記憶關鍵區）體積較大
▶️ 每週騎一至幾次就有效！

💡 長者與初學者小貼士：
· 從短程、安全單車道開始
· 戴安全帽、用反光裝備
· 夜間選光線充足路線
· 最好結伴同行

由40歲開始，動起來，護腦又健康！💪✨

#預防失智 #騎單車健腦 #阿茲海默症

20/04/2026

📣2026年5月份通訊出咗啦！(會訊紙本版需於4月23日才開始派發)
5月份所舉行之活動將會在4月23日(四)專題大會開始報名，大家記得按時出席！😄

10/04/2026

中心上年度尾向中心服務使用者發放「長者對服務滿意程度問卷」，收集大家對中心服務意見。最後共收集到200份有效問卷，統計資料如下：
總括而言，整體服務滿意度平均達96%或以上，尤其在『中心職員的服務態度』上更高達98%。我們非常感謝各服務使用者為我們提供了不少寶貴的意見，有關意見我們會在今年3月26日專題大會與大家分享及回應，並把相關資訊張貼在中心告示板內，希望中心的服務繼續進步，更上一層樓，如有任何查詢及意見，歡迎於辦公時間內與本中心職員聯絡。

備註：(1-2分)不滿意； ( 3分)普通； ( 4-5分)滿意

09/04/2026

路上0️⃣意外，香港人人愛🫶🏻
香港警務處道路安全課提供的有關路安全資訊。現分享與大家，馬路如🐯口，過馬路一定要🚸謹慎。

【⚠️警聲直播 • 💥撞車都可以時光倒流❓】
https://www.youtube.com/watch?v=kL53apufGmY

【 交通安全⚠️攝車罅好危險㗎❗️ 】
https://www.youtube.com/watch?v=MNsfDH2lRE8

0.9秒定生死！假人實測「攝車罅」過馬路 司機反應不及 奪命意外升55%｜星島申訴王｜實測｜行人三害｜交通意外｜攝車罅｜過馬路 ｜星島頭條
https://www.youtube.com/watch?v=oV4_6db4lNk

根據警方數字，在2025年第四季度，全港共有14名長者行人，在交通意外中不幸身亡，較2024年同期錄得的9人死亡，上升55%。警方分析過各宗致命交通意外，發現涉及長者行人的致命交通意外，當中有三大原因，「第一就是衝紅燈....

02/04/2026

【養「腦」學堂】第一課：認知障礙症點止冇記性咁簡單
「老人家冇記性就必然」—— 呢句說話，我哋成日都會聽到。但係，冇記性就等於患上認知障礙症嗎？
其實，認知障礙症唔單止係健忘，而係由腦部退化引起嘅多方面認知能力衰退。

根據香港認知障礙症協會，正常老化同腦退化嘅長者，行為上係有明顯分別㗎：

1. 🧠記憶力差異🧠
· 正常老化：偶爾忘記事件，但會自己察覺到，日常生活影響唔大。
· 腦退化：經常忘記近期事、重複問同一問題、遺忘重要人生事件，提咗都記唔起，影響日常安排。
2. ☑️判斷與執行能力☑️
· 正常老化：處理複雜任務可能慢啲，但日常事（如煮飯）仍可獨立完成。
· 腦退化：簡單決定都變得困難（例如唔識計錢、忘記步驟），喺熟悉地方迷路，簡單事都需要人幫手。
3. 🎭情緒與性格變化🎭
· 正常老化：可能會易攰或情緒低落，但會意識到自己記性差咗，社交興趣同性格大致穩定。
· 腦退化：突然易發脾氣、多疑（懷疑有人偷嘢）、對以前鍾意嘅活動失去興趣、變得冷漠或退縮，家人會明顯察覺到轉變。
4. 🧭語言與定向感🧭
· 正常老化：偶爾忘記詞語，但溝通順暢，時間、地點感正常。
· 腦退化：語言表達困難、忘記今日日期、混淆季節。

如果你擔心屋企嘅長者只係記性差，定係可能患上腦退化，記得盡快帶佢哋去做檢查，並記錄低相關事件，等醫生可以更全面評估。

✍️ 喺2026-27年度，我哋每月一課嘅【養「腦」學堂】，會用深入淺出嘅方式，同大家一齊認識認知障礙症，及早預防，守護大腦健康！
（仲有呀，記住完成【養「腦」習作】，儲積分換小禮品！）

#養腦學堂 #認知障礙症 #守護大腦健康 #及早預防

23/03/2026

📣2026年4月份通訊出咗啦！(會訊紙本版需於3月26日才開始派發)
4月份所舉行之活動將會在3月26日(四)專題大會開始報名，大家記得按時出席！😄

20/03/2026