What are the opening hours?

Monday 09:30 - 21:00 Tuesday 09:30 - 21:00 Wednesday 09:30 - 21:00 Thursday 09:30 - 21:00 Friday 09:30 - 21:00 Saturday 09:30 - 18:30

https://www.facebook.com/106979268009018/

YMCA of HK CSW Childcare, G/F & 1F Hang Ning Court, 259-263 Shun Ning Road, Kowloon, Hong, Cheung Sha Wan (2026)

17/09/2026

[ ] 小手作．大傳承：港式文化體驗日🎨🧼🏺

🙋‍♀️ 如果有一日，你觸摸到嘅唔再係電子產品嘅屏幕，而是超過200年歷史嘅青磚牆瓦？
🙋‍♂️ 香噴噴嘅港式菠蘿包，竟然「聞得唔食得」，你估下係咩嚟？

隨著暑假既開始，
我哋帶住託管服務嘅小朋友，
展開咗一場穿越時空嘅「文化 X 手作」奇妙旅程🏃‍♂️💨
由傳統老圍村行到現代手工藝桌，
一齊用雙手感受香港獨特嘅情懷與溫度🥰

🏡【上午：三棟屋文化探秘 x 港式花牌DIY】
小朋友透過聆聽導賞員講述客家圍村嘅生活智慧👂，
穿越時空感受昔日嘅村落風情。

仲有最矚目嘅「港式花牌DIY」環節✨！
香港傳統嘅大型「廣告牌」 —— 色彩斑斕嘅巨型花牌製作，
透過手作活動將呢份珍貴嘅「香港非物質文化遺產」種子，✨✨
靜靜埋藏喺每位小朋友嘅心入面🌱

🍍【下午：港式菠蘿包手工皂 x 陶藝創作】
行完歷史足跡，下午就係釋放創意及動手製作嘅時間啦！🙌🏻

首先登場嘅係超神奇嘅「港式菠蘿包手工皂」製作🧼！
小朋友運用小宇宙將佢哋搓圓撳扁，
塑造成一個個幾可亂真、擁有「菠蘿皮」裂紋嘅金黃色菠蘿包香皂😋

緊接住嘅係靜心嘅「陶藝製作時光」🏺，
小朋友將軟腍腍嘅陶泥放喺手心，
感受泥巴喺旋轉同擠壓下嘅溫度與質感，
用心塑造出屬於自己、獨一無二嘅小型器皿。
由一舊平凡嘅泥巴，變成一件充滿手作溫度嘅藝術品🥰

文化嘅傳承，唔一定係沉悶嘅書本知識。
透過親手製作同親身體驗，
小朋友不單止加深咗對香港本土文化嘅認識，
更明白到只要加少少創意，傳統都可以變得如此有趣💡
睇住佢哋活動後眼神中嗰種閃亮亮嘅滿足感同自信心😎，
就知道呢一日嘅文化旅程，絕對係不枉此行！📸

#長沙灣託管服務
#港式文化
#託管除咗功課輔導都好多嘢玩

15/07/2026

[ ] 童心看世界：多元共融體驗👩🏻‍🦯👨🏻‍🦽🏐👳🏾🧕🏼

💡 每個人都有獨特的光芒，你學會用哪種角度看世界了嗎？
🎨 如果眼睛看不見，我們要如何感受身邊的色彩？
🏐 如果只能坐在地上，我們還能享受排球運動的刺激嗎？
👀 如果語言和膚色不同，我們要如何看見別人不一樣的精彩？

世界由不同背景、不同能力的人共同組成，
每個人都有自己的故事與獨特之處。
消除隔閡的第一步，
往往就源自於「親身體驗」與「用心理解」🤝

早前我們就為託管服務的小朋友安排了
一系列以「社會共融」為主題的體驗活動，
透過多感官與實踐體驗，帶領小朋友打破刻板印象，
學習尊重與包容：
👁️ 身心障礙親身體驗：
小朋友親自體驗失明與傷殘人士的日常挑戰，
深刻體會到轉變視角的重要性，
從中培養出真摯的同理心☺️
🏐 坐式排球體驗日：
打破運動的限制！大家齊齊坐在地上打排球，
體驗肢體障礙者的運動日常，感受永不放棄的體育精神💪🏻
🍛 少數族裔文化探索：
透過品嚐特色小食、挑戰刺激的卡巴迪（Kabaddi）運動，
以及親手製作印尼椰殼小風鈴，
近距離感受多元文化的獨特魅力特色✨

這趟共融之旅讓小朋友明白到：
只要願意理解，彼此之間就沒有距離🤝
尊重與接納能讓世界變得更溫暖🌏
希望這趟共融之旅，
能讓小朋友們成為一個更懂得包容與溫暖的人💖

#長沙灣 #長沙灣託管服務
#共融 #傷健共融 #文化共融
#託管除咗功課輔導都好多嘢玩 #活動花絮

30/06/2026

[ ] ⭕Circle Painting圓圈畫工作坊🖌️🎨

每個人都有屬於自己的創意思維，
當不同的小宇宙碰撞在一起，
又會激發出甚麼樣的精彩火花呢💥

早前我哋就安排咗參加託管服務嘅小朋友，
一齊體驗充滿藝術感同凝聚力嘅 Circle Painting (圓圈畫) 創作🖌️🎨
透過繽紛嘅色彩同無限延伸嘅圓圈，
讓小朋友可以盡情揮灑創意、釋放壓力，
一齊共渡一個好玩、療癒又充滿成就感嘅時光🥰🥰🥰

🍽️ 【個人紙碟創作】：
小朋友先化身成小小藝術家👩🏻‍🎨👨🏻‍🎨
在一個個平凡嘅純白紙碟上，
用最喜愛嘅顏色畫出一個個充滿個性、
色彩斑斕嘅圓圈圈畫及對稱圖案，
展現獨特的個人風采！

🖼️ 【巨幅合力畫作】：
接下來就是重頭戲啦！大家一齊集體創作出兩幅超巨型、
屬於我們託管服務的 Circle Painting 畫作
小朋友在集體創作過程中互相配合、填色，
一筆一畫共同拼湊出這幅極具凝聚力嘅美麗作品！
這兩幅由大家親手合力完成嘅珍貴心血畫作，
仲會正式用作於之後的託管活動之中，
讓更多人可以感受到小朋友的活力和創意🤩

其實透過 Circle Painting 這種藝術創作，
除咗可以讓小朋友在輕鬆嘅氛圍下
減輕學習同生活壓力之外，
透過色彩嘅配搭、線條嘅延伸👀，
都能夠大大增強小朋友對身邊事物嘅好奇心，
並提升創造力與專注力！
更重要嘅是，在合力創作嘅過程中，
學會了團隊合作與互相包容，真的非常有意義咖🤩📸

看著照片中每位小朋友高舉作品、拉起大畫作時露出嘅自豪笑容😄
大家都很有成就感呢😌😎
一齊欣賞他們當天的精彩創作點滴吧！

#長沙灣 #長沙灣託管服務
#圓圈畫 #兒童藝術
#託管除咗功課輔導都好多嘢玩 #活動花絮

15/06/2026

[ ] 情緒與壓力😆😢😫😱😡

你知唔知原來每個人心裡都住著一個專屬的「情緒主角」？
當壓力像巨浪一樣湧過來的時候，
我們又可以用什麼魔法把它們通通變走呢？
每個人每天都會面對不同的心情，
除了開心😁、興奮🤩之外，憤怒😡、焦慮🤢和悲傷😢
同樣是我們不可或缺的重要情緒夥伴🤝🏻

早前我們就以「☺️情緒與壓力😣」為主題，
為同學們帶來了一場既好玩又充滿啟發的體驗旅程，
教導大家加深對不同情緒的認識，
並學習如何和負面情緒和平共處！

這次的活動真的超級豐富：
🤯【玩轉你的腦朋友】：同學們化身情緒小偵探，
透過活動親身體驗緊張、害怕、驚喜、失望等不同情緒狀態，
感受不同情緒在身體裡帶來的奇妙變化😱🤨🤩
🌳【我的情緒樹】：個人主情緒分析
透過小測試讓每位同學了解自己的個人性格，
找出屬於自己的「主情緒」及砌出獨一無二的情緒樹，
認識自己更多，亦讓小朋友之間更認識大家😌
⚔️【減壓大比拼】：伸縮管動手玩
利用好玩的伸縮管，讓同學一拉一伸，
親身感受如何「彈性處理情緒」。
當壓力來臨時，我們也可以像伸縮管一樣，
具備滿滿的韌性與彈性，拉開後還能完美復原！

💡透過這一連串的親身體驗，
我們希望不僅能擴闊同學們的心理眼界，
更讓他們掌握實用的抒緩負面情緒的方法，
讓大家在未來的日子裡，
都能成為自己情緒的小主人，
勇敢面對生活中的大小壓力💪

#長沙灣 #長沙灣託管服務
#情緒與壓力 #情緒認識 #壓力管理
#託管除咗功課輔導都好多嘢玩 #活動花絮

30/05/2026

[ ] 🎉 託管春夏生日會🎂

踏入充滿活力的季節，
我們在早前為 3 月至 8 月生日的託管小朋友們，
舉辦了一場超級精彩的春夏生日會 Party🎂✨

生日會當日由考驗反應的熱身遊戲拉開序幕，
瞬間點燃全場氣氛🔥
緊接而來的是兩大主題遊戲考驗，
現場戰況激烈，笑聲不斷：
🏆 「🥤 杯子大亂鬥」
全場分為 4 隊，
每隊輪流派出代表展開「鬥快反杯」極速對決！
成功反杯的小朋友可以帶領隊伍前行一步，
進攻並淘汰其他隊伍 👣💥
這不只考驗小朋友的手眼協調與速度，
更需要全隊在旁幫忙打氣鼓勵隊友，氣氛緊張又刺激！
🎭 「🎬 誰是演技派」
每隊輪流抽出「甜、酸、苦、辣、鹹」其中一個味道題目，
每隊各有一位隊員要親身挑戰「非常衝擊」的極限味覺！
㗳完之後，小朋友要使出渾身解數隱藏表情 🎭，
再由其他隊伍猜猜到底是誰吃到了超級重口味食品！
看著小朋友們為了不露出馬腳而面容扭曲，
或者故意扮若無其事，
台下的觀眾都笑到肚痛！

大玩特玩之後，終於來到大家期待已久、
幸福感滿滿的大食會環節！😋
今次的大食會同樣特邀了幾位高年級的小朋友在當天早上，
特意提早回到中心親手為大家準備👩‍🍳👨‍🍳
製作了三款特色沙律、五款香噴噴的串燒
以及兩款特製台式飲品 🍹🥗🍢
再加上精緻的生日蛋糕和其他豐富小食，
簡直就是一場美食盛宴✨

大食會現場直擊：
看到美食當前，
剛剛玩到滿頭大汗的小朋友們雙眼立刻發光🤩
一邊大口咬下香脆的串燒，一邊喝著冰涼的台式飲品，
每個人臉上都洋溢著超級滿足的笑容 🥰
看到大家食到津津有味，添完一碟接一碟，
就是給這群「幕後小廚師」最好的讚賞與鼓勵👏🏻👏🏻👏🏻

快樂的時光過得特別快，最後來到最興奮的禮物時間🎁
３月至８月的生日壽星們都可以
親自挑選自己心儀的精美生日禮物，
而所有參與活動的小朋友也人人有份，
帶領著豐富的小禮包回家🛍️
為今次嘅生日會畫上完美的句號🥳

小編姑娘在這邊再次祝願
所有 3 月至 8 月生日的託管小朋友生日快樂🎂🎈✨
希望你們在未來的日子裡，
能「用心學習，亦盡情玩樂」🥰
在面對學業與知識時，能保持專注與熱誠、勇敢探索；
但在課餘或需要放鬆時，亦要像當天生日會一樣，
徹底釋放活力、盡情享受快樂😆
只有在「學習」與「玩樂」之間找到最佳的平衡，
身心靈才能健康發展💪🏻
期待未來的日子，你們都能像春夏的陽光一樣，
自信、快樂地茁壯成長 ❤️

#長沙灣 #長沙灣託管服務
#生日會 #託管生日會
#託管除咗功課輔導都好多嘢玩好多嘢學

15/05/2026

[ ]｜「愛．分享」大埔社區嘉年華

早前，我們託管服務的小朋友們受邀擔任由港青主辦——
「愛．分享」大埔社區嘉年華其中一個攤位的負責人！

小朋友們一手包辦了攤位的設計與運作：
💡 從零到有，成為攤位策劃人大顯身手：
小朋友們花了接近一個月的時間籌備，
由構思遊戲內容、親手製作設施，
到不斷試玩改良，並練習如何清晰地講解規則。
他們更親手製作了色彩繽紛的
「手工壓力球🔮」作為小禮物 🎁，
希望透過這份心意，向參加者推廣正確釋放壓力的重要性！
活動當日，小朋友們化身專業工作人員，
耐心地向參加者講解及協助運作 💬 表現得專業又積極👍🏻

除了負責攤位，
小朋友與家長們當日也一起參與了各種精彩活動：
✨ 遊戲與手作體驗：
在玩樂中加深情緒健康的認識，亦邊玩邊感受快樂正能量😆
🌿 中醫健康講座：
由專業中醫師分享日常調節情緒的方法、
穴位按摩教學、合適的湯水介紹等，
從專業角度認識身心靈健康💪🏻

透過這次全方位的嘉年華，希望大家都能學會擁抱情緒，
好好關愛自己，感受身、心、靈和諧的美好 🥰

#長沙灣 #長沙灣託管服務
#愛分享大埔嘉年華 #嘉年華會 #情緒健康
#託管除咗功課輔導都好多嘢玩

30/04/2026

[ ] 味蕾上的韓國新年之旅 🇰🇷🍲

想帶小朋友認識世界文化，
除咗親身到訪當地以外，仲有咩經濟實惠嘅好方法？
最好嘅體驗當然係由「食」開始！😋

早前，我哋就為參加託管服務嘅小朋友
舉辦咗一場別開生面嘅「韓國新年文化煮食活動」！
唔單止要滿足胃口，
仲要帶大家深入了解韓國人慶祝新年的習俗同背後嘅意義。
當日小朋友化身一位位嘅韓國大廚，
親手製作咗三款極具代表性嘅地道美食：

🥢 韓式炸醬麵 (Jajangmyeon)
寓意：黑色嘅醬汁其實係由韓式春醬加上蔬菜烹調而成，
醬汁包裏住長長嘅麵條，象徵長壽與長長久久的福氣。
🥣 海帶湯 (Miyeok-guk)
寓意：海帶湯喺韓國代表感恩與傳承，
新年時飲海帶湯亦有祈求身體健康、
新一年順順利利嘅意思。
🥞 韓式蔬菜煎餅 (Yachaejeon)
寓意：圓圓嘅煎餅象徵團圓與五福臨門，
五顏六色嘅蔬菜更代表新一年豐富多彩。

透過今次沉浸式嘅煮食體驗，
小朋友們唔單止認識到韓國新年嘅傳統與禮節，
培養咗對多元文化嘅尊重同好奇心，
學習分工合作與嘗試新事物嘅勇氣，
亦訓練咗小朋友耐心與自理能力呢！

希望呢份美味嘅回憶，可以成為佢哋探索世界嘅動力，
期待下一次再帶小朋友探索更多有趣嘅世界文化！🌏❤️

#長沙灣 #長沙灣託管服務

#韓國🇰🇷
#託管除咗功課輔導都好多嘢玩

15/04/2026

[ ] 🐰復活節託管2026🌈
今年我們的託管服務以「創出自我色彩🌈」為主題，
透過一系列多元化的活動，
讓小朋友在玩樂中學習，
身心靈都充足電，準備迎接學年最後的挑戰💪🏻

🎨創意DIY手作系列：
小朋友化身小小藝術家，
親手製作了色彩繽紛的朱古力復活蛋🍫🐣🥚
富有層次感的復活節立體木板畫 🖼️
還有以春意盎然的櫻花造型擴香石🌸
每一件作品都展現了小朋友們
無窮的創意與獨特的個人色彩✨

🤝 團隊合作遊戲：「彩蛋守護聯盟」
透過尋蛋及保護復活蛋遊戲，
考驗小朋友們的溝通與默契！
不同年級的小朋友合作無間，
互相配合與發揮領導才能，合力守護小組的復活蛋，
最後成功贏得驚喜小禮物🎁

🤩外出活動：參觀雪糕廠及香水製作工作坊🍦🧴
今次我哋分別帶領小朋友參觀比亞比雪糕廠🍦
親眼見證小朋友們最喜愛嘅甜點的製作過程，
更即場品嚐不同口味的雪糕，再配上喜愛的配料，
配撘出專屬的美味的配撘😋
小朋友們亦參加了香水製作工作坊 🧪
認識調香材料並親手挑選精油，
調配出屬於自己的獨特香氣，
創造出擁有個人特色嘅香水🧴

今個復活節，
小朋友們於活動中透過視覺、
味覺與嗅覺全方位探索世界，
我哋希望小朋友可以感受到「創出自我色彩🌈」
不僅僅是一個主題，更是一種積極的生活態度，
在親手製作與團隊協作的過程中，
發現自己的特點與強項💪🏻
希望小朋友們獨一無二的創造力，
能轉化為最強大的力量，
陪伴小朋友們自信地迎接日常生活中的種種挑戰，
繪畫出屬於自己最繽紛的人生🌈✨

#長沙灣 #長沙灣託管服務

#復活節 #復活節託管 #復活節託管2026
#託管除咗功課輔導都好多嘢玩

30/03/2026

[ ]「升中攻略」家長講座🏫

面對升中呢個大轉折，家長係咪滿腦子疑問？🤯
「第一、二、三階段」到底有咩分別？
點樣先可以幫仔女揀到最合適嘅中學？
升中呢個咁重要嘅人生階段，家長同小朋友又可以點樣一齊預備？

為了減輕家長及小朋友的升中壓力，
早前，我哋邀請咗擁有多年親子輔導經驗嘅嘉賓 —— 周朗先生（周Sir），
為一眾高年級家長舉辦咗一場資訊豐富嘅「升中攻略」講座！👨‍🏫
當日家長們都非常積極投入，
周Sir喺講座入面詳細拆解咗：
✅ 升中不同階段的重要日子
✅ 小朋友及家長們於升中不同時期的準備工作
✅ 點樣根據子女特質挑選最合適嘅學校

透過周Sir嘅專業分享同答問環節，
家長們唔單止釐清咗好多升中疑問，
仲認識到點樣透過親子溝通減低小朋友嘅壓力，
等大家可以更有把握、更從容咁陪小朋友預備升讀心儀中學！✨

多謝咁多家長嘅積極參與，
希望今次講座能為大家在升中之路注入強心針，
陪伴小朋友們自信邁向新階段！

#長沙灣 #長沙灣託管服務
#家長講座 #升中攻略
#託管除咗功課輔導都好多嘢玩 #活動花絮

15/03/2026

[ ] 初二親子賀歲煙花匯🧧🎆

香港賀歲煙花匯演一向係農曆新年嘅重頭戲，
相信大家都有過喺維港兩岸「人山人海」擠迫睇煙花嘅經歷😅

今年大年初二，
我哋特別安排咗參加託管服務嘅家庭，登上港青酒店天台，
以最開揚、最獨特嘅視角，
讓家長同小朋友可以近距離欣賞綻放於維港上空嘅璀璨煙花，
將新春祝福化作一幕幕難忘嘅家庭剪影🥰

活動當日，大家先喺傍晚共度溫馨嘅桌遊時光並享用晚餐，
隨後登上酒店天台，一邊欣賞維港夜景，一邊興奮倒數😌
當晚上 8 點一到，煙花「砰」一聲喺眼前盛放，
全場家長同小朋友都發出驚喜嘅歡呼聲！
睇住小朋友眼底映照出煙花嘅燦爛同臉上滿足嘅笑容，
嗰份單純嘅快樂，真係令人特別難忘🤩

喺欣賞煙花嘅過程中，我哋見到小朋友唔單止被震撼嘅視覺吸引，
仲會興奮地同爸爸媽媽討論煙花入面嘅特色圖案，
相信呢份親子之間嘅互動同交流，
絕對係對家長同小朋友們一個珍貴嘅回憶❤️

希望呢份喜悅同溫馨可以延續下去，
亦祝福大家都可以有一個歡樂又幸福嘅馬年🐎✨

#長沙灣 #長沙灣託管服務
#親子活動 #港青酒店 #煙花匯演
#託管除咗功課輔導都好多嘢玩 #活動花絮

YMCA of HK CSW Childcare

17/09/2026

15/07/2026

30/06/2026

15/06/2026

30/05/2026

15/05/2026

30/04/2026

15/04/2026

30/03/2026

15/03/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	09:30 - 21:00
Tuesday	09:30 - 21:00
Wednesday	09:30 - 21:00
Thursday	09:30 - 21:00
Friday	09:30 - 21:00
Saturday	09:30 - 18:30