15/06/2026
你知唔知建築物佔全港用電量約90%？🏢 更有超過50%嘅碳排放都係呢啲石屎森林「貢獻」㗎！香港想喺2050年做到碳中和，樓宇減排絕對係重中之重！🌟
🏗️ 點解舊樓要搞「能源改造」？
香港𠵱家有超過42,000棟私人樓宇，當中有超過11,000棟已經「年過半百」（大過50年樓齡）👴🏼👵🏼！舊樓設備老化，唔單止嘥電、令你交多咗電費，仲隨時有安全隱患，對住客同環境都百害而無一利。氣候變化帶嚟嘅極端天氣越發頻繁，令建築物面對前所未有嘅災害挑戰 ，所以工程嘅抗災能力同安全標準絕對唔可以退讓！⚠️
✨ 其實「建築能源改造」係搞啲乜？
簡單嚟講就係喺能源審核同重新校驗之後，了解而家建築物嘅耗用能源情況，再主要用三招幫你慳錢又住得舒服：
1️⃣ 更新設備： 將老化或低效設備改為高能源效益嘅供冷系統、照明系統、升級電梯同智能管理系統等等💡
2️⃣ 改造外牆： 加強隔熱、加設遮陽裝置、改善通風、垂直綠化等，減少冷卻系統負荷 ❄️
3️⃣ 採用可再生能源：☀️ 裝太陽能板、儲能系統或風力發電機，隨時有額外收益添！
改造完，唔單止電費平咗，社區仲會變得更宜居！
🏗️ 《2025年建築物能源效益（修訂）條例》又係咩嚟？
為咗應對氣候危機，政府將喺2026年9月分階段全面實施新修訂嘅法例 ！今次修例預計可以慳電費、減碳同推動綠色經濟 ，主要有以下幾個「升呢」位：
1️⃣ 擴大監管範圍： 將獨棟數據中心等高耗能建築納入規管 📊
2️⃣ 縮短能源審核周期： 由10年一次變成5年一次，確保建築物更密密 check 住用電效益，鼓勵更快採用新技術
3️⃣ 增加能源審核類別：本來只係商業大廈同綜合大廈入面做商業用途部分2類要做能源審核，而家變做11類，包埋學校、機場、市政設施、醫院、政府大樓等公共建築🏨
4️⃣ 強制公開審核資料： 要求公開能源審核報告中部分技術資料同KPI，提高透明度
政府預計修例全面實施後，去到2035年每年可以額外慳到5億度電，等同15萬個三人家庭嘅全年用電量💡，仲可以減少28萬噸碳排放添！🌍
🤔 迷思時間：有啲人話「只要能源公司轉用低碳能源，減低能源碳含量咪得囉，使乜搞咁多嘢？」
❌錯啦！就算電力公司做到零碳，如果樓宇本身散熱差、耗能高，依然會加劇熱島效應同峽谷效應🥵！到時大家落街一樣熱到唞唔到氣，仲會嚴重影響市民健康同生態系統平衡㗎！
🌍 作為世界公民嘅一份子，氣候變化唔未來嘅事，而係今日嘅事！無論你而家係租屋定將來打算買樓，都可以多啲留意居住環境嘅能源效益！如果你屋苑準備大維修，記得多啲關心法團事務同發聲，確保工程既環保又安全！💪🏼
你覺得香港可以點樣推動綠色建築？留言分享下🗨️
#綠色建築 #節能改造 #能源審核 #重新校驗 #建築物能源效益 #慳電
