18/04/2026
LI MET’ AJ NAAS, Wilhelm Hauff
Serak'imb'il cuichik b'an lish Barbara Sauser, 2014
Tz'ib'anb'il sa‘ K'eqchi' b'an aj George Max, 2025
Sa’ jun nimla tenamit arran Germania ki cuan jun aj tyib’om shaab’ rochb’en li rishaqil. Chijunil li cutan nash chunub’ raj rib’ sa’ ish shuk li b’ee ut nash tyiib’ raj k’eel shaab’. Aj neb’a’ raj. Li rishaqil na c’atyin raj she’-pim ut ki’ilk’een li na raweb’ raj sa’ lish na’aj re cooc’ acuiimq. Eb’ li poyanam enkheb’ wulak chirruu raj lok’ok ric’in. Jun elik ch’ina-us na rak’unii4 raj rib’ ut ch’ina-us nash tus raj lish c’ay.
Li cuiinq ut li ishq cuankheb’ raj jun eb’ lish c’ajolb’ej, aj Yacop raj ish c’ab’a’. Aan na rochb’enii raj lish na’ sa’ li c’atyil re ish tenk’ankil chi c’atyiink. Naq anii nab’al na lok’ok raj, li ch’ina-al nash c’am raj lish lok’om sa’ li rochoch. Cuan-naq enkesh sii raj re ch’ina-us utz’uuj, tumin, malaj ki’il cashlancuaa.
Sa’ jun cutan, chunchuu raj li rishaqil laj tyib’om shaab’ sa’ li c’atyil. Chirruu cuankheb’ raj chacach ric’in repooy ut jalanchik she’-pim ut k’een. Sa’ jun ch’ina chacach cuankheb’ raj jalanq-jalanq chi rashi-ki’ilk’een.
Sa’ jun nimla tenamit arran Germania, ki cuan jun aj tyib’om shaab’ rochb’en li rishaqil. Chijunil li cutan nash chunub’ raj rib’ sa’ ish shuk li b’ee ut nash tyiib’ raj k’eel shaab’. Aj neb’a’ raj. Li rishaqil na c’atyin raj she’-pim ut ki’ilk’een li na raweb’ ra...
