Lidhja e Gruas Shqiptare në Rethymno

09/08/2026

Lamtumirë Majlinda Kalthi🙏
U prefsh në paqe🥲🙏

NJË TJETËR HUMBJE E RËNDË PËR KOMUNITETIN SHQIPTAR NË RETHYMNO !!!
Vellezër e motra !
Shqiptar të Rethimnos e jo vetëm. Përseri jemi në pozicion teper të veshtirë të percjellim një lajm të trishtë :
Ka momente kur fjalët duken të pamjaftueshme përballë dhimbjeve.Brenda vetëm dy ditësh, Komuniteti Shqiptar në Rethymno dhe në gjithë Kretën është goditur nga dy humbje të njëpasnjëshme, duke lënë pas dhimbje, trishtim dhe një boshllëk të madh në zemrat e të gjithëve.
Sot, rreth orës 10:30 të paradites, u nda nga jeta një zonjë e nderuar, Majlinda Kalthi (Stojani), e datëlindjes 1968, e cila vuante nga një sëmundje e rëndë dhe, pas një beteje të gjatë, humbi luftën me jetën.Majlinda nuk ishte thjesht një nënë, bashkëshorte, motër apo mike. Ajo ishte pjesë e një familjeje që është bërë pjesë e pandashme e komunitetit shqiptar në Rethymno. Prej rreth 30 vitesh jetoi dhe punoi në Episkopi të Rethymnos, duke ndërtuar jetën e saj larg vendlindjes.
Sot, dhimbja më e madhe është për familjen e saj.Majlinda la pas në pikëllim të plote bashkëshortin e saj, Dedë Kalthin, fëmijët e saj Sidorelën dhe Mateon, të afërmit, miqtë dhe të gjithë ata që e njohën dhe e deshën.
Në këto çaste të vështira, mendimet dhe zemrat tona janë veçanërisht pranë Mateos e Sidorelës, një mike, shoqe, bijë e përkushtuar dhe aktiviste e palodhur, e cila gjithmonë ka qenë pranë Komunitetit Shqiptar por dhe shoqërisë vendase. Një vajze me kontribute në Komunitet e kudo.
Nuk ka fjalë që mund t’ua lehtësojnë dhimbjen e humbjes së nënës…
Por le të jetë kujtimi i saj një dritë që do t’i shoqërojë gjithmonë.
Majlinda u nda nga kjo jetë, por dashuria e saj, kujtimet dhe gjurmët që la pas do të jetojnë në zemrat e njerëzve të saj.Trupi i së ndjerës do të niset për në Atdhe, në qyteti e Laçit, nesër në orën 17:00 nga Spitali i Rethymnos.
Komuniteti Shqiptar i Rethymnos i shpreh ngushëllimet më të sinqerta familjes Kalthi, Dedës, Sidorelës, Mateos dhe të gjithë të afërmve të se ndjerës.
Në këto ditë të rënda, urojmë që të gjejnë forcën për ta përballuar këtë dhimbje të madhe.
U prehtë në paqe shpirti i Majlinda Kalthit. 🕊️
Ngushëllime familjes dhe gjithë njerëzve që e deshën.
Lamtumirë, Majlinda. Të qoftë i lehtë dheu i Atdheut. Udha e mbarë në rrugëtimin e përjetesisë. Kurajo Dedë,Sidorela dhe Mateo.! Jemi pranë jush. Dhimbjet njerezore lehtësohen sadopak kur ndahen me njerëz,miq,shokë e të aferm.

18/06/2026

Një ditë plot ngjyra, buzëqeshje dhe shqip në zemër të Rethimnos!
Fëmijët tanë e ardhmja jonë, me zërat e tyre të ëmbël, me recitimet, këngët, vallet dhe buzëqeshjet, do të sjellin gjallërinë e gjuhës shqipe dhe krenarinë e rrënjëve tona në një pasdite të mbushur me dashuri dhe emocion.
Të shtunën, më 20 qershor
Ora 18:00 – 22:00
Dhimotiko Kipo, Rethimno
Hyrja falas
Me rastin e Festës së Fëmijëve dhe mbylljes së vitit mësimor të kurseve të gjuhës shqipe në Kretë, ju ftojmë të bëheni pjesë e një feste ku çdo fëmijë është një dritë shprese për të ardhmen e gjuhës dhe kulturës sonë.
Këngë, valle, recitime, lojëra, aktivitete krijuese dhe shumë momente të bukura do të na bashkojnë në një atmosferë familjare e plot ngjyra.
Një falënderim i veçantë për mësueset e përkushtuara të kursit të gjuhës shqipe "Frag Bardhi" në Rethimno, për Lidhjen e Mësuesve Shqiptarë në Greqi dhe për mbështetjen e mikpritjen e Komunitetit Shqiptar të Rethimnos, që me punën dhe dashurinë e tyre mbajnë gjallë gjuhën dhe identitetin tonë.
Prania juaj nuk është vetëm pjesëmarrje në një festë – është një përqafim për fëmijët tanë, një mbështetje për gjuhën shqipe dhe një dëshmi se, kudo që jemi, zemra jonë rreh shqip.
Ju presim të festojmë së bashku!

15/05/2026

01/05/2026

1 Maji është më shumë se një ditë e zakonshme pranvere.
Është simbol i jetës, rilindjes dhe shpresës, por edhe një ditë kujtimi për përpjekjet e punëtorëve në mbarë botën.
Kjo ditë lidhet me ngjarjet e Çikagos në vitin 1886, kur mijëra punëtorë kërkuan orarin 8-orësh dhe kushte më të mira pune. Këto protesta lanë gjurmë në histori dhe vendosën 1 Majin si ditë nderimi për të drejtat e punëtorëve.
Në Shqipëri dhe më gjerë, 1 Maji kujtohet gjithashtu si një ditë përpjekjeje dhe reflektimi.
Le ta mbajmë të gjallë kuptimin e saj:
të vlerësojmë natyrën, të kërkojmë të drejtën dhe të shohim përpara me optimizëm.

Gëzuar 1 Majin!

12/04/2026

Lidhja e Gruas Shqiptare në Rethymno ju përcjell urimet më të përzemërta për një Ringjallje të bekuar dhe Pashkë të gëzuara!
Le të ndriçojë Drita e Shenjtë rrugën tuaj, duke sjellë paqe në zemra, dashuri në familje dhe shpresë për çdo ditë që vjen.
Gëzuar Pashkët! Me shëndet, lumturi dhe bekime të pafundme!

09/04/2026

Emiliana Arapaj urime të përzemërta për këtë arritje të rëndësishme profesinale!🎓

Ju urojm suksese të vazhdueshme në ushtrimin e profesionit fisnik të drejtësis
duke kontribuar me ndershmëri dhe profesionalizëm në shoqëri.

Me respekt dhe vlersim të lartë për rrugëtimin tuaj të ardhshëm!

Një bijë shqiptare që po ecën e sigurte në profesionin e saj!

Avokatja e re Emiliana Arapaj, me zyrë në qytetin e Rethimnos, Kretë, ofron shërbime ligjore profesionale dhe të besueshme në këto fusha:

✔️ E drejta e të huajve (leje qëndrimi)
✔️ Aplikime për nënshtetësi greke
✔️ Viza
✔️ Përkthime zyrtare (Shqip – Greqisht – Anglisht – Frengjisht)
✔️ Blerje dhe sh*tje të pasurive të paluajtshme
✔️ E drejta civile

📍 Zyra ndodhet: Koundurioti 53, përballë Bashkisë, Rethimno
📞 Kontaktoni: 6941568005

Për çdo problem ligjor, mos hezitoni të kontaktoni — profesionalizëm, korrektësi dhe përkushtim në çdo hap!

06/04/2026

Me shumë kënaqësi njoftojmë në datën 29 Mars 2026 Lidhja e Gruas Shqiptare në Rethimno zhvilloi me sukses zgjedhjet e saj të dyta .
Ky ishte një hap i rëndësishëm për forcimin e rolit të gruas në komunitet dhe për vazhdimin e aktiviteteve në shërbim të bashkpunimit,kulturës dhe soladiritetit.

Urime të gjitha pjesmarrëseve dhe suksese drejtimit të ri në rrugëtimin e mëtejshëm!🌸

Procesi zgjedhor u zhvillua në praninë e komisionit zgjedhor i cili përbëhej nga zonjat:

1) Valentina Gjokaj
2)Joana Dhamo
3)Xhorxhina Lucaj

Si dhe në praninë e avokates
Znj. Emiljana Arapaj

Gjithashtu dhe në praninë e vëzhguses
Znj. Drita Zoto
Këshilli drejtues doli si më poshtë:

1)Mirela Toshkësi - Kryetare
2)Aleksandra Strora-Nënkryetare
3)Sidorela Kalthi -Sekretare
4)Klodiana Sinomati -Financiere
5)Omela Muke - Anëtare
6)Edlira Xhani -Anëtare
7)Herolinda Anastasi -Anëtare

8)Laureta Koçi -Zvëndësuese
9)Nertila Ismaili-Zvëndësuese

Dranila Gjonaj. }
Lindita Maka } Kordinatore për zonën Adhele

Elona Koçi Kordinatore për zonën e Plaqas

Merita Daneja dhe Rovena Kulla kordinatore për zonën Vrise dhe Gjeorgjupoli

Urime dhe suksese të gjitha zonjave!

05/04/2026

Lidhja e Gruas Shqiptare në Rethymno uron të gjithëve besimtarëve Katolikë gëzuar Pashkët!
Gëzuar Pashkët me shëndet, paqe dhe optimizëm!