03/07/2025
ߝߊ߬ߛߏ ߛߓߍߟߌ ߟߎ߬ ߓߘߊ߫ ߘߊ߲ߞߎ߲߫ ߝߊ߬ߛߏ ߖߊ߬ߕߋ߬ߛߎ߬ߓߐ ߘߋ߬ߙߌ߬ߘߊ ߟߊ߫ ߡߌ߬ߙߌ߲߬ߘߌ ߣߌ߫ ߟߎ ߝߘߏ߬ߓߊ߬ ߛߙߍߘߍߦߊߟߌ ߄߲ :
ߊߟߎ߫ ߣߌ߫ ߖߐ߫ ߘߏ߲߯ ߞߊ߬ߙߊ߲߬ߡߐ߯
ߞߊ߬ߦߌ߯ ߞߊ߲ߕߌ߮ ߊߤߑߡߍߘ ߛߋߞߎ߬ ߕߎ߬ߙߋ߬ ߛߏߡߊߦߟߍߡߊ߲߫ ߘߊ߫ ߸ߟߊ߬ߖߌ߬ߣߍ߫ ߡߊ߫ ߛߐ߲߬ ߝߊ߬ߛߏ߬ ߞߊ߲ ߛߓߍߟߊ ߟߎ߫ ߘߊ߲ߞߎ߲߫ ߠߊ߫ ߡߐ߰ ߞߊ߬ߙߊ߲߬ߣߍ߲ ߠߎ߬ ߛߙߍߘߍ ߘߐ߫ ߡߎ߰ߡߍ߫. ߝߊ߬ߛߏ߬ ߞߊ߲ ߞߊ߬ߙߊ߲߬ߓߊ߮ ߡߊ߫ ߘߊ߲ߞߎ߲߫ ߖߡߊ߬ߣߊ. ߞߏߟߐ߲ߠߊ ߟߎ߬ ߛߙߍߘߍ ߘߐ߫ ߸ ߝߏ߫ ߊ߬ ߞߏߟߐ߲ߓߊߟߌ ߟߎ߬. ߝߏ߫ ߡߐ߱ ߡߍ߲ ߠߎ߬ ߞߊ߬ߙߊ߲߬ߣߍ߲߬ ߥߊߟߌߞߊ߲ ߠߎ߫ ߘߐߙߐ߲߫ ߘߐ߫ ߸ ߏ߬ ߟߋ ߦߋ߫ ߖߊ߬ߕߋ߬ ߟߊ߫. ߓߊ߯ߙߊ ߝߣߊ߫ ߦߋ߫ ߞߍ߫ ߟߊ߫ ߏ߬ ߟߋ ߘߐ߫. ߜߌߛߌ߲߫ ߞߊߙߊ߲ ߣߌ߫ ߛߓߍߛߎ߲ߦߊߟߌ ߞߊߡߊ߲ ߘߐ߫ ߸ ߟߊ߬ߕߍ߲߬ ߛߓߍߟߌ ߘߐߙߐ߲߫ ߠߋ߬ ߘߊ߲ߞߎ߲ߣߍ߲߫ ߖߡߊ߬ߣߊ ߘߐ߬ߛߙߋ ߟߎ߬ ߘߐ߫ ߸ ߊ߬ ߣߴߊ߬ ߛߙߍߘߍߦߊߟߌ ߟߎ߬ ߘߐ߫.
ߒߠߋ ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߕߐ߯ߦߊ ߛߓߍߛߎ߲ߦߊߟߌ ߣߌ߫ ߝߊ߬ߛߏ߬ߞߊ߲ ߠߎ߬ ߛߘߊߟߊߟߌ ߗߋߕߌ߯ߘߊ ߟߊ߫ ߸ ߒߠߋ ߟߋ߬ ߞߊ߬ ߗߋߦߊߟߌ ߟߊߥߟߌ߬ ߞߵߊ߬ ߦߌߘߊߞߊ߬ ߸ ߞߏ߫ ߞߊ߬ߙߊ߲ ߣߌ߫ ߛߓߍߟߌ ߟߋ߬ ߞߏߝߐߣߍ߲߫߸ ߞߏ߫ ߞߊ߬ߙߊ߲ ߘߊ߲߬ ߕߍ߫ ߥߊߟߌߞߊ߲ ߘߐߙߐ߲߫ ߘߌ߫. ߝߊ߬ߛߏ ߞߊ߲ ߣߴߊ߬ ߛߓߍߟߌ ߟߎ߬ ߘߊ߲ߞߎ߲ߓߊߟߌߦߊ ߦߋ߫ ߖߡߊ߬ߣߊ ߟߊߓߋ߭ ߟߋ߬ ߘߌ߫. ߡߐ߰ ߛߌ߫ ߛߋ߫ ߘߊ߫ ߛߓߍ ߘߏ߫ ߞߊ߬ߙߊ߲߬ ߠߊ߫ ߸ ߡߐ߱ ߞߊ߬ߙߊ߲߬ߣߍ߲ ߠߋ߬. ߛߍ߬ߘߏ߲ ߏ߬ ߟߋ ߛߎߘߊ߲߫ ߘߊ߫ ߸ ߞߊ߬ ߝߊ߬ߛߏ ߛߓߍߟߌ ߟߎ߬ ߟߐ߲ (ߒߞߏ، ߊߘߑߟߊߡ ، ߞߏߙߋߛߓߍߟߌ ) ߟߊߘߏ߲߬ ߞߊ߬ߙߊ߲ ߘߐ߬ߛߙߋ ߘߐ߫ ߸ ߛߴߊ߬ߟߎ߬ ߟߐ߲ߓߊ߮ ߟߎ߬ ߘߌ߫ ߖߊ߬ߕߋ߬ ߡߌ߬ߙߌ߲߬ߘߌ ߣߌ߫ ߟߎ ߟߎ߬ ߝߘߏ߬ߓߊ߬ ߛߙߍߘߍߦߊߟߌ ߘߐ߫. ߛߙߍߘߍߦߊߟߌ ߏ߬ ߟߋ ߘߏ߲߬ ߦߋ߫ ߖߡߊ߬ߣߊ ߟߊ߫ ߥߙߎߞߌ ߡߎ߬ߙߊ߲ ߘߌ߫. ߊ߬ߟߋ ߦߋ߫ ߞߍ߫ ߟߊ߫ ߛߊ߲߬ ߁߀ ߠߋ߬ ߞߘߐ߫ ߛߋ߲߬ߢߊ߬ ߞߋߟߋ߲߫. ߊ߬ ߞߍ߫ ߘߊ߫ ߂߀߁߄ ߟߊ߫. ߊ߬ߟߋ ߟߋ߬ ߦߋ߫ ߖߡߊ߬ߣߊ ߡߐ߱ ߦߙߌߞߊ ߣߴߊ߬ ߡߌ߬ߙߌ߲߬ߘߌ ߘߊ߲߬ߠߊߕߍ߰ ߟߊ߫.
ߤߊߟߌ߬ ߞߊ߲ ߠߎ߬ ߝߐߓߊ߮ ߦߙߌߞߊ ߓߍ߯ ߘߌ߫ ߟߐ߲߫ ߣߌ߲߬ ߛߋ߲߭. ߡߐ߱ ߖߊ߬ߕߋ ߡߍ߲ ߝߣߊ߫ ߦߋ߫ ߒߞߏ ߝߐ߫ ߟߊ߫ (ߡߊ߬ߣߋ߲߬ߞߊ߬ߞߊ߲ ߣߴߊ߬ ߞߊ߲ߓߏߟߏ߲ ) ߸ߊ߬ ߣߌ߫ ߡߍ߲ ߖߊ߬ߕߋ ߦߴߊ߬ ߛߓߍ߫ ߟߊ߫ ߖߌ߬ߣߍ߬ ߞߣߐ߫ ߸ ߏ߬ ߓߍ߯ ߘߌ߫ ߟߐ߲߫. ߛߋ߲߬ߕߊ߬ ߓߟߋߓߟߋ ߟߋ߬ ߦߋ߫ ߊ߬ߟߋ ߓߌ߬ߟߊ ߘߌ߫ ߝߊ߬ߛߏ ߖߊ߬ߕߋ߬ߛߎ߬ߓߐ ߘߋ߬ߙߌ߬ߘߊ ߟߊ߫ ߝߘߏ߬ߓߊ߬ ߛߙߍߘߍߦߊߟߌ ߘߐ߫. ߖߡߊ߬ߣߊ ߞߏ ߟߎ߬ ߣߌ߫ ߡߐ߱ ߞߎ߲߬ߞߋߟߋ߲ ߠߊߞߏ ߟߎ߬ ߕߍ߫ ߞߋߟߋ߲߫ ߘߌ߫. ߊ߬ߟߋ ߟߊߞߏ ߟߎ߬ ߦߋ߫ ߦߟߍ߬ߡߊ߲߬ ߦߟߍ߬ߡߊ߲߬ ߠߊ߫ ߟߋ߬ ߘߏߣߍ߲߫. ߏ߬ ߟߋ ߞߏߛߐ߲߬ ߸ ߝߘߏ߬ߓߊ߬ ߛߙߍߘߍߦߟߊ ߟߎ߬ ߓߊ߯ ߛߋ߫ ߡߊ߲߬ߘߋ߲߬ߞߊ߬ ߟߎ߬ ߛߌ߫ ߡߊ߬ ߸ ߏ߬ ߟߎ߬ ߦߴߊ߬ ߝߐ߫ ߞߏ߫ ߞߊ߬ ߒߞߏ ߓߌ߬ߟߊ߬ ߞߊ߲ ߣߌ߫ ߛߓߍߟߌ ߞߊ߬ߙߊ߲߬ߣߍ߲ ߠߎ߬ ߘߐ߫.
ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߓߟߏ߫
