16/06/2025
ივნისის თვეში პროექტ „გახდი შენი თვითმმართველობის თანაშემოქმედი“ ფარგლებში აქტიური შეხვედრები მიმდინარეობდა სამიზნე მუნიციპალიტეტებში — ახმეტა, ყვარელი და ლაგოდეხი.
სკოლა-ბანაკის დასრულების შემდეგ, თვითმმართველობის საკითხებსა და ფასილიტაციის უნარებში გაძლიერებულმა ახალგაზრდებმა სხვადასხვა თემში თანატოლებისთვის საინფორმაციო შეხვედრები გამართეს.
შეხვედრები გაიმართა ახალსოფლის, მთისძირის, ვარდისუბნის, ზემო ხოდაშენის, დუისის, ლაგოდეხისა და ახმეტის ახალგაზრდებთან.
დამსწრეებს ჰქონდათ შესაძლებლობა, მიეღოთ ინფორმაცია თვითმმართველობის არსის, მოქალაქეთა ჩართულობის მექანიზმების და მუნიციპალური სერვისების შესახებ, ასევე განეხილათ არსებული მუნიციპალური სერვისები, უკუკავშირის ფორმები და მათი მნიშვნელობა.
პროექტი ხორციელდება ევროკავშირის (EU) და გაეროს განვითარების პროგრამის (UNDP) მხარდაჭერით.
