რელიგიური თავისუფლებისა და ტოლერანტობის საზოგადოება წარმოადგენს ადამიანის უფლებების, რელიგიური უფლებებისა და მომიჯნავე საკითხების პროფესიული და აკადემიური კვლევების, ასევე რელიგიის თავისუფლების საკანონმდებლო რეგულირებისა და ცხოვრებაში რეალიზების მონიტორინგის განმახორციელებელ გაერთიანებას, რომელიც მიზნად ისახავს:
ა) საქართველოს კანონმდებლობისა და საერთაშორისო სამართლებრივი აქტებით დადგენილი რელიგი
ის თავისუფლებების, როგორც სამართლებრივი კატეგორიის და როგორც ფუნდამენტალური ფასეულობის კვლევებს;
ბ) საქართველოში რელიგიის და თავისუფლების დაცვის მონიტორინგს;
გ) რწმენისა და აღმსარებლობის თავისუფლების, სახელმწიფოსა და რელიგიური გაერთიანებების სამართლებრივი ურთიერთობების, რელიგიურ გაერთიანებათა შორის სამართლებრივი ურთიერთობების და რელიგიური უმცირესობების სამართლის მეცნიერების დამოუკიდებელი დარგის განვითარების ხელშეწყობას;
დ) რელიგიის თავისფლების მომიჯნავე სამართლებრივ საკითხებისა და პრობლემების კვლევას;
ე) რელიგიური სექტებისა და ახალი რელიგიური გაერთიანებების საქმიანობისა და სამართლებრივი მდგომარეობის მონიტორინგსა და კვლევას;
ვ) რელიგიის თავისუფლებისა და მის მომიჯნავე სფეროების მარეგულირებელი კანონმდებლობის მონიტორინგს, მისი დახვეწისა და სრულყოფის ხელშეწყობას, ასევე ახალი ინიციატივების მომზადებასა და შეთავაზებას;
ზ) „რელიგიური უფლებების სამართლის“, როგორც სამართლის მეცნიერების დამოუკიდებელი დარგის განვითარების ხელშეწყობას;
თ) საზოგადოებაში რელიგიის თავისუფლების, როგორც ფუნდამენტური უფლების აღიარების, დამკვიდრებისა და პატივისცემის ხელშეწყობას;
ი) საზოგადოებაში რელიგიურ–კონფესიური შემწყნარებლობის უზრუნველყოფის ხელშეწყობას;
კ) საზოგადოებაში რელიგიური განათლების და სახელმწიფო სისტემაში რელიგიის სასწავლო პროგრამის დამკვიდრებას;
ლ) ახალგაზრდებისათვის რელიგიის თავისუფლებისა და რელიგიურ–კონფესიური შემწყნარებლობის მნიშვნელობის გაცნობას და პოპულარიზაციას, ასევე მათ ჩართვას ამ ფასეულობათა დაცვის საქმეში.
მ) ადამიანის უფლებების დაცვის ხელშეწყობა.
