თბილისის პოლიტიკური სწავლების სკოლა/Tbilisi School of Political Studies

  • Home
  • Georgia
  • Tbilisi
  • თბილისის პოლიტიკური სწავლების სკოლა/Tbilisi School of Political Studies
Directions Website Contact the organization

თბილისის პოლიტიკური სწავლების სკოლა/Tbilisi School of Political Studies თბილისის პოლიტიკური სწავლების სკოლა, როგორც არასამთავრობო ორგანიზაცია, დაარსდა 1999 წელს ევროპი

თბილისის პოლიტიკური სწავლების სკოლა!ვინ ვართ ჩვენ? - ნორმალურობაა ჩვენი სახელი, ნორმალურობა, როგორც კეთილგონიერება, რაც ...
14/11/2026

თბილისის პოლიტიკური სწავლების სკოლა!

ვინ ვართ ჩვენ? - ნორმალურობაა ჩვენი სახელი, ნორმალურობა, როგორც კეთილგონიერება, რაც უნდა გვჭირდეს და გვიჭირდეს!

ნორმალურობაა, გვერდით გედგას განვითარებული ქვეყნების ფართო კონფიგურაციის 16 დიპლომატი, სკოლის ფასეულობების მაღიარებელი და მხარდამჭერი ძალა! ნორმალურობაა ასეთი სოლიდარობა იმ კულტურისთვის, იმ კონცეფციისთვის, იმ შეგნებისთვის, განვითარებული სამყარო რომ ჰქვია!

ნორმალურობაა, სიკეთისა და სიმართლის მსახურების 27-წლიან ისტორიას ექომაგებოდე და მთელი ძალით იცავდე იმას, რაც მთავარია!

ნორმალურობაა, კითხვებს სვამდე საკუთარი ქვეყნის მიერ ნაკისრი ვალდებულებების შესრულების ხარისხზე და საქართველოს ევროატლანტიკური პერსპექტივის ამ კონტექსტში პოტენციურ იმედებსა და რეალურ იმედგაცრუებებზე საუბრობდე!

ნორმალურობაა, ეხმიანებოდე ევროპას, როგორც არა მხოლოდ საქართველოს ბუნებრივ და ცალსახა არჩევანს, არამედ - როგორც ჩვენს იდენტობას, როგორც ჩვენს ძველ სახლს, როგორც ჩვენს შინაგან პორტრეტს, რომლის ალტერნატიული განვითარების ყველა სხვა გზა და ფორმა ანომალიაა!

ნორმალურობაა, აფასებდე ამ არჩევანისთვის ჩვენი მხრიდან გაღებულ წარმოუდგენელ ძალისხმევას, არჩევანს დემოკრატიული კულტურის სასარგებლოდ, მაშინაც კი, როცა განგაშის ზარს გცემს დემოკრატიის იდეის ლამის ჩონჩხადქცეული ანარეკლი…

ნორმალურობაა, ასეთი ფიქრით, ასეთი მოქალაქეობით, ასეთი უკომპრომისო არჩევნით, ამ გამოცდილებით, ამ შემართებით სტუმრობდე სკოლას ყოველთვის და დღეს, განსაკუთრებით ამ განსაცდელში, და საუბრობდე იმაზე, რომ დროებითი და ფანტომურია მრუდე და უკუღმართი... ის, ლანა ღოღობერიძე, თავისი გამოცდილებით, თავისი საქმით, თავისი რეპუტაციით, თავისი ნაღვაწით დამსახურებული მშვიდი და აუღელვებელი ცხოვრების ნაცვლად, დღეს ეპიცენტრშია, რადგან ნორმალურობაა, იყო დღეს ეპიცენტრში... მის ყოველ სიტყვას იმის რეტროსპექტული გახსენების სიხარული მოყვებოდა, როცა უყურებდა, 27 წლის წინ როგორ მაღლდებოდა საქართველოს დროშა ცენტრალური ევროპის ორი დიდი სახელმწიფოს დროშებს შორის ევროპის საბჭოს ეზოში! იყო ჩვენ შორის ელეგანტური, ყველაფრის მიმღები, შემგრძნობი და შემცნობი, მგრძნობიარე ესთეტი და ანალიტიკოსი, ქალი ფილოსოფოსი, 13 წლის ასაკიდან მასკულინური ენერგიით რომ ზიდა წუთისოფელი, თანაც მეოცე საუკუნის წუთისოფელი! იჯდა ჩვენ შორის უფაქიზესი კლდე - ლანა ღოღობერიძე და ამით ყველაფერი იყო ნათქვამი ჩვენ შესახებ!

ნორმალურობაა, შენი სათქმელი, შენი გაბედულება შეუბრალებელი თვითკრიტიკის კონტექსტიდან მოდიოდეს!

ნორმალურობაა თქმა, როცა სათქმელია და ირგვლივ დუმილია, ნორმალურობაა, გესმოდეს - თუ შენ გაჩუმდები, სიჩუმე იყვირებს!

ნორმალურობაა, ჩვენს სკოლაში ტრადიციული ტრიბუნა ირღვეოდეს და სამუშაო რეჟიმზე გადადიოდეს ყველა - დიდი თუ პატარა, ახალი თუ ძველი, ვინც ესწრება და ვინც არ ესწრება, ცხადად თუ მალულად, ალალი სიტყვით თუ ქვრივის ლეპტით… ყველა - მესამედან მეათერთმეტე ჟამის მუშაკამდე!

კულმინაციური მზაობით, კულმინაციური ძალისხმევით, დროის და ეპოქის საჭიროების კულმინაციური აღქმით უერთდება სკოლას ახალი ჯგუფი, ახალი სისხლი, ახალი ენერგია, ახლებური მრავალფეროვნება, ახლებური გამბედაობა და რა უნდა იყოს ამაზე მეტი ნორმალურობა, ამაზე დიდი სტანდარტი!

ნორმალურობაა თბილისის პოლიტიკური სწავლების სკოლის მთავარი სტანდარტი, კონცეპტი და მნიშვნელი! სტანდარტი, რომელიც არ იცვლება და ყოველთვის, ყველა გარემოში, ყველა პირობაში ამხელს არანორმალურობას!

თბილისის პოლიტიკური სწავლების სკოლა, შემოდგომის სემინარი, ახალი ჯგუფის პირველი შეხვედრა!

და ვინ ვართ ჩვენ?
ნორმალურობაა ჩვენი სახელი!

ესმა მანია
ლაშა ფალავანდიშვილის ფოტოები

ჩვენ გვხიბლავს გაბედვა,  როგორც ნგრევა,  როგორც ამბოხი, როგორც გაბატონებული სტანდარტების, სტერეოტიპების, შაბლონების, მაკ...
16/10/2026

ჩვენ გვხიბლავს გაბედვა, როგორც ნგრევა, როგორც ამბოხი, როგორც გაბატონებული სტანდარტების, სტერეოტიპების, შაბლონების, მაკეტების, კლიშეების წინააღმდეგ სვლა, ასე თამამად რომ იკითხება სვანეთის, მესტიის, იმ პატარა სოფლების დიდ და თავისებურ კოსმოგონიაში!

ჩვენ გვხიბლავს ნგრევა, თავზეხელაღებულ ოსტატებს ერთ ტაძარში ოთხჯერ რომ შეაცვლევინებს ფერწერულ ფენას, იკონოგრაფიულ პროგრამას და გვხიბლავს, თითოეული ფენის ნაშთი წარმოუდგენელ სიმდიდრედ, საკუთარ თავსა და საკუთარ ეპოქაზე გამარჯვების სიმბოლოდ რომ რჩება ნარესტავრირებ კედლებს...

ჩვენ გვხიბლავს თმაგაბურძგნული, მოუხეშავი ნათლისმცემელი, ყველა სვან ოსტატს საკუთარი თავისთვის რომ მიუმსგავსებია და მის პორტრეტში ეგოისტურად გამოუსახავს საკუთარი ხასიათი, საკუთარი ღირსებაც და ვნებაც...

ჩვენ გვხიბლავს კალა რაღაცნაირი, აქამდე აღუქმელი და შეუგრძნობელი მისტიკით, თურმე ჯვარცმისას გადმოღვრილი უწმინდესი სისხლით მორწყული მიწის რელიკვიით, ერთ გაურანდავ ხის ყუთში რომ ინახება და რომელზეც კრძალვით მიგითითებენ... უკან არ გამოგიშვებს კალა, თუ არ გაგიჩინა ერთი კადნიერზე კადნიერი ფიქრი და სურვილი - რომ სიცოცხლის ბოლო დღეებს მხოლოდ აქ გაატარებდი...

ჩვენ, თითქოს როგორც ის ორმოცი სებასტიის ტბაში, ბოლომდე ვიძირებით მესტიის მუზეუმის ორმოცი სებასტიელის ხატის წიაღში და ამ საშიშად უკომპრომისო ადამიანთაგან თითოეულის სახეს ცალ-ცალკე ვკითხულობთ... სხვა რომ არაფერი შექნილიყო დედამიწის ზურგზე, ამ ორმოცი ადამიანის ერთდროულად ტანჯვა და სიხარული სამყაროში ყველა სათქმელს იტყოდა...

ჩვენ გვხიბლავს მცველები, ეს უცნაური, ეს ხასიათიანი, ეს თავისებური ადამიანები, ეს გულბანები, ეს ხოჯელანები... ასე თამამად რომ ითვლიან საუკუნეებს საკუთარი გვარების ხარჯზე და მათ დიდმისიებიან მღვრიე თვალებში რომ იკითხება ამ ტაძრების ისტორიებიც, იკონოგრაფიული პროგრამებიც და, რაც მთავარია, ფიქრი იმაზე, მრავალსაუკუნოვან ტრადიციას როგორ სწორად გააგრძელებს სწორედ მათი გვარი...

ჩვენ კადნიერად მოგვწონს ბევრი რამ, მაგრამ განსაკუთრებით ის, რომ სვანურ იკონოგრაფიულ აღქმაში მთავარი კონცეფცია კანონიკური საკრალურობის რღვევაა, ნგრევაა... ვუყურებთ თავზეხელაღებულ გაბედულებას - ერთმანეთის გვერდიგვერდ ღვთისმშობელს და წმინდა ბარბარეს, ერთი სიმაღლით, ერთი პროპორციებით, ერთ დონეზე, თანაბარი პატივისცემით და პირველად გვიჩნდება ფიქრი, რომ არ გვეშინია ადამიანად ყოფნის!

ჩვენ ხალდეს ტრაგედია გვხიბლავს, არ დანებების, თავის არდახრის, არდამონების ტრაგედია... ხალდელთა მხრიდან ჩადენილი ამ არჩევანის ბუნებრივი ადამიანურობა, ერთდროულად ქართულობა და ევროპულობა გვხიბლავს!

გვხიბლავს ხორბლისფერკანიანი, მწვანეთვალებიანი სვანები, თითქოს პირველად და უკანასკნელად, მთელი ენერგიით რომ გიწევენ მასპინძლობას, გიხსნიან, გაჯერებენ, გაოგნებენ, გნუსხავენ, დალისა და მითოლოგიის კანონებით, დაუნდობელი ენგურის რიტმიკით ცხოვრობენ... მხოლოდ მაშინ მღერიან, როცა ემღერებათ... მუზეუმში საუბარს მაშინ კი არ ასრულებენ, როცა სამუშაო დრო ამოიწურება, როცა სათქმელს დააბოლოებენ... კუბდარსაც მხოლოდ ძარღვიანად მსუყე გემოებით აცხობენ... საკუთარ ეზოებში შუა საუკუნეების კოშკებსაც ფლობენ და ტაძრებსაც და იციან ამ სამყაროში ყველაზე დიდი კანონზომიერება - იმაზე მეტი არ აიღონ ბუნებისგან, გარემოსგან, ადამიანებისგან, ვიდრე გადაუდებლად სჭირდებათ და ეს ფაქტორი, ეს გამაოგნებელი ბალანსი აქ დღესაც ერთდროულად ყველაზე დიდი სირთულისა და ყველაზე დიდი ჰარმონიის მიზეზია.

ჩვენ გვხიბლავს ის, რომ სწორედ ასეთ გარემოში, ასეთ ბალანსში, იბადება ხერგიანი და ჩაჟანგულ საბჭოეთს, ყველას და ყველაფერს რომ აერთმნიშვნელიანებს და თვითმყოფადობას უკარგავს, ერთადერთ პირობად წამოუყენებს თავისი ქართველობის, თავისი სვანური წარმომავლობის აღიარებას!

ჩვენ გვხიბლავს ლამარიის, კალას, ჩაჟაშის, ლაღამის, იენაშის უკან ტყეების ერთ წვიმაგადაღებულ დღეში შემრეშილი ფერები და მათთან შერწყმული ლაღამის ფასადზე გაფრენილი შვლის სინგურის ბროწეულისყვავილისფერი...

ჩვენ, თბილისის პოლიტიკური სწავლების სკოლა, აღდგენილი ტრადიციით, კვლავ დავბრუნდით სვანეთში, 2011 წელს, პირველი მოგზაურობისას, „სიკეთეში მოგზაურობა“ რომ ვუწოდეთ და წელსაც იმაზე მეტი დაგვხვდა, ვიდრე მოველოდით, იმაზე მეტი გამოგვაყოლა, ვიდრე შეეძლო, იმაზე მეტი გვითხრა, ვიდრე თქვა! ჩვენი სკოლაც ხომ არსითა და დანიშნულებით არატრაფარეტული, არალოზუნგური, მხოლოდ შაბათის მსახური კი არა, ადამიანის მსახურია, მის ღირსებასა და პიროვნებად ქცევის იდეალებზე, ჩვენი ეროვნული საგანძურისა და სამყაროს თანამედროვე გამოწვევების კეთილგონიერებით მიღების და ჰარმონიულად შერწყმის სივრცეა! სწორედ ამიტომ გვანიჭებს სკოლის მოგზაურობები, მისი ყოველი საქმე, თითოეულ ჩვენგანს ასეთ წყალობასა და ფუფუნებას!

და ჩვენ, საკუთარი თავისა და საკუთარი ეპოქის ოპოზიციისთვის მოწოდებულები, უკვე დღეიდან ვემზადებით ნაკიფარისთვის, თანღილისთვის, მაცხვარიშისთვის, ხალდესთვის... როგორც ნგრევის და რღვევის ჰარმონიის ზღაპრული და იდუმალი, ორიგინალური გაკვეთილისთვის მხოლოდ ერთადერთი დათქმით - სიკეთეში ჩვენეული მოგზაურობა, ჩვენი სკოლა რომ ჰქვია, ღიაა და გზახსნილი იმათთვის, ვინც დღეს სწორედ ამ პრინციპების, ამ ფასეულობების გამო გვიწუნებს და გვდევნის - აბა, სხვაგვარად რა ფასი აქვს სვანეთის წმინდა ცის, მიწისა და ღვთიური საგანძურისადმი ჩვენს დეკლარირებულ ერთგულებას?!

19/09/2026
დასრულდა საუბრები (გასაუბრება)  თბილისის პოლიტიკური სწავლების სკოლის ახალ ჯგუფში მონაწილეობის მსურველებთან. მადლობელი ვა...
14/08/2026

დასრულდა საუბრები (გასაუბრება) თბილისის პოლიტიკური სწავლების სკოლის ახალ ჯგუფში მონაწილეობის მსურველებთან.

მადლობელი ვართ ყველა იმ აპლიკანტის და კურსდამთავრებულის, რომლებიც სკოლის ფასეულობებს და სტანდარტებს იზიარებენ და ცდილობენ ამ თითქმის 30-წლიანი ტრადიციის ღირსეულად შენარჩუნებას და განვრცობას.

09/08/2026

თბილისის პოლიტიკური სწავლების სკოლა 27 წლისაა!

ეს ჩვენი სკოლაა, ჩვენი ფასეულობების სკოლა! ჩვენი ერთმანეთით ყოფნის და თითოეული ჩვენგანის პიროვნებად გადარჩენის სკოლა!  „...
22/05/2026

ეს ჩვენი სკოლაა, ჩვენი ფასეულობების სკოლა! ჩვენი ერთმანეთით ყოფნის და თითოეული ჩვენგანის პიროვნებად გადარჩენის სკოლა!

„ჩემს სკოლას!“ - ამ დღეების განმავლობაში ძალიან ხშირად დაიწერა ეს ფრაზა და ერთგვარ მიძღვნას დაემსგავსა სემინარის სამზადისი! ყველა წარმოუდგენელი წინააღმდეგობის მიუხედავად, შედგა მაისის სემინარი და კიდევ ერთხელ შედგა სკოლა! ამ სამზადისმა კიდევ ერთხელ ცხადყო, რომ თავისუფლების, სამართლიანობის, განათლებულობისა და პიროვნებად ყოფნის იდეა ჭეშმარიტად უკვდავია!

ამ უდღესასწაულობის პერიოდში რაღაცნაირი დღესასწაულის, ზეიმის რეფრენი გასდევდა სემინარს, რადგან ჩვენ ვსაუბრობდით ჩვენი ქვეყნის და ჩვენი სკოლის მეგობარ ელჩებთან, ვსაუბრობდით არა ენის მოჩლექით, არა რევერანსებით, არამედ - არგუმენტებით და რაციონალურად, უკანასკნელი იმედებითაც… ვმადლობდით მათ სოლიდარობისთვის და ვთხოვდით მეტს… ჩვენ ვსაუბრობდით ქართველ ექსპერტებთან, რეტროსპექტიულად ვაანალიზებდით შეცდომებს და ხარვეზებს პოლიტიკაში, საზოგადოებრივ ცხოვრებაში, ლიტერატურაში, მუსიკაში, კინემატოგრაფში… ვსაუბრობდით იმაზეც, 9 წელი რომ დასჭირდა ლიტვურ რძეს ევროკავშირის სტანდარტის დასაკმაყოფილებლად.

ვსაზღვრავდით, რა სტრატეგიული ფასის გადახდა მოგვიწევდა თავის დროზე იმ თვალის არიდებისთვის, იმ უმოქმედობისთვის, იმ უკანდახევისთვის, იმ კომპრომისის მაგვარისთვის, რომელთა გამოც ამ დღეში აღმოვჩნდით დღეს… ვსაუბრობდით იმაზე, რა შანსები დაგვრჩა გაუქმებული დემოკრატიის (თუ უარესად არ ვიტყვით) პირობებში, ვეძებთ თუ არა ლიდერებს და, ბოლოს და ბოლოს, ვენდობით თუ არა მათ და, რაც ყველაზე მთავარია, რა პასუხისმგებლობას ვიღებთ საკუთარ თავზე, რას ვაკეთებთ ჩვენი ძალისხმევით ამ უკიდურესად კრიტიკულ პირობებში, რომ დავბრუნდეთ იქ, სადაც ისტორიულად ჩვენი ადგილი იყო და სადაც დიდი და მაღალი სატანდარტებია და სადაც დასაბრუნებლად თუნდაც ლიტვურ რძეს, სულ მცირე, 9 წელი დასჭირდა…

და მაინც, ამ უდღესასწაულობის პირობებში ზეიმს ჰგავდა ჩვენი სემინარი, რადგან კინოდარბაზის დიდ ეკრანზე ვხედავდით ადამიანს, რომელიც არავინ იყო… არავინ იმ უზარმაზარ პროპაგანდისტურ მანქანასთან შედარებით, უკლებლივ ყველა რომ მოიყოლა თავის ბორბლებქვეშ და მაინც ეს „არავინ“ იყო ის, ვინც თავისი თითქოს გულუბრყვილო საქმიანობით ამხილა ეს რუსული ანომალია. მაინც რატომ მიიღო ოსკარი ამ ფილმმა? იმიტომ ხომ არა, რომ დღეს, როდესაც ეჭვქვეშ დგება ლიდერობის საკითხი, სწორედ ადამიანები, სახელად „არავინ“, ვწყვეტთ ყველაზე მთავარი ფასეულობების ბედს! დიახ, შენ და მე, სახელად „არავინ“, ვწყვეტთ! და სადაც შეგვეშინდება, იქ გაწყდება ყველაზე მთავარი, აღუდგენლად და აუნაზღაურებლად გაწყდება!

ეს ჩვენი სკოლაა, ჩვენი ფასეულობების სკოლა! ჩვენი ერთმანეთით ყოფნის და თითოეული ჩვენგანის პიროვნებად გადარჩენის სკოლა! სკოლა, რომელთანაც ზოგჯერ უკანასკნელი იმედები გვაკავშირებს… „ჩემს სკოლას!“ - ასე მოსწერა თავის სკოლას ერთმა გამორჩეულმა კურსდამთავრებულმა, უკანასკნელი ნებაყოფლობითი კეთილი წვლილი გაიღო და სემინარის დასრულების დღეს წავიდა…

„ჩემს სკოლას!“ - თეა ადუაშვილის უკანასკნელი გზავნილითაც დადასტურდა მთავარი - სკოლის იდეის უკვდავება - და შედგა სემინარი, თითქოს პირველად და უკანასკნელად!

ესმა მანია,
მაისი 2026

ლაშა ფალავანდიშვილის ფოტოები

30/04/2026

√ თბილისის პოლიტიკური სწავლების სკოლა აცხადებს 26-ე ნაკადის შესარჩევ კონკურსს.
√ ჩარიცხვის მსურველთა განაცხადების მიღება იწყება დღეს, 1 მაისს და გაგრძელდება 15 ივნისამდე.
√ მსურველებმა უნდა შეავსონ განაცხადის ქვემოთ მითითებული ფორმა:
https://tsps.ge/register
√ განაცხადის სრულყოფილად შევსება გააადვილებს აპლიკანტის
მოტივაციის შესახებ სათანადო ინფორმაციის მიღებას.
√ რეკომენდაციის გაწევის უფლება აქვს მხოლოდ კურსდამთავრებულს.
√ საუბარი (გასაუბრება) აპლიკანტებთან გაიმართება 11-12 აგვისტოს. დაზუსტებულ დროს (რიცხვსა და საათს) თითოეული აპლიკანტი შეიტყობს ორი კვირით ადრე.
√ საუბარზე მოსულმა აპლიკანტმა უნდა იქონიოს CV ფოტოსურათით და განაცხადის ამობეჭდილი ვერსია (გთხოვთ, გაითვალისწინოთ, რომ განაცხადის ამოსაბეჭდ ვერსიას აპლიკაციის შევსებისთანავე მიიღებთ თქვენ მიერ მითითებულ ელექტრონულ მისამართზე. თუ განაცხადი არ მიგიღიათ, გადაამოწმეთ junk/spam საქაღალდე და პრობლემის არსებობის შემთხვევაში დაგვიკავშირდით შემდეგ მისამართზე: [email protected]).
√ ჩარიცხულ მსმენელებს პირველ სემინარამდე ერთი თვით ადრე სკოლის დირექტორი აცნობებს პირველი სემინარის თარიღს.
√ გისურვებთ წარმატებებს!

22/04/2026

√ შეგახსენებთ, რომ თბილისის პოლიტიკური სწავლების სკოლაში ჩარიცხვის მსურველთა განაცხადების მიღება დაიწყება 1 მაისს და გაგრძელდება 15 ივნისამდე.

√ სკოლის პროექტში მონაწილეობის მსურველებმა უნდა შეავსონ ელექტრონული განაცხადი, რომელიც 1 მაისიდან ამავე გვერდზე გამოქვეყნდება.

√ განაცხადის სრულყოფილად შევსება გააადვილებს აპლიკანტის მოტივაციის შესახებ სათანადო ინფორმაციის მიღებას.

√ რეკომენდაციის გაწევის უფლება აქვს მხოლოდ კურსდამთავრებულს.

√ საუბარი (გასაუბრება) აპლიკანტებთან გაიმართება აგვისტოს დასაწყისში. დაზუსტებულ თარიღს (დღესა და საათს) თითოეული აპლიკანტი შეიტყობს ორი კვირით ადრე.

√ ჩარიცხვის პროცედურების შესახებ ინფორმაციას აპლიკანტი მიიღებს შეხვედრაზე.

√ გისურვებთ წარმატებებს!

ჩვენ, უკვე ყელამდე მიწაში ჩაფლულები, დღეს, უცნაურია, რომ ასეთ ლოგიკურ პარადოქსში აღმოვჩნდით!ჩვენ, უკვე ყელამდე მიწაში ჩა...
04/03/2026

ჩვენ, უკვე ყელამდე მიწაში ჩაფლულები, დღეს, უცნაურია, რომ ასეთ ლოგიკურ პარადოქსში აღმოვჩნდით!
ჩვენ, უკვე ყელამდე მიწაში ჩაფლულები, ჩაბმული ვართ დავითის და გოლიათის ბრძოლაში!
ჩვენ, უკვე ყელამდე მიწაში ჩაფლულები, დავითისებრი სიმართლით ვიბრძვით, გოლიათი კი სულ უფრო მრისხანედ გვიქადის „ჯაჭუ-ჭურითა მით“!
ჩვენ, უკვე ყელამდე მიწაში ჩაფლულები, შიშველი სიმართლით ვეწინააღმდეგებით ძალმომრეობის შავბნელ ნიაღვრებს!
ჩვენ, უკვე ყელამდე მიწაში ჩაფლულები, ვიბრძვით არა დიდი საზოგადოებებით და დიდი მასებით, არამედ თითოეული, კონკრეტული ადამიანის სინათლით და სიმართლით!
ჩვენ, უკვე ყელამდე მიწაში ჩაფლულები, დიდი მანქანის წინაშე ათასი მანქანებით ხელფეხშეკრულები, მიწის გულიდან გამონათებას ვაიძულებთ საკუთარ თავს, საკუთარ გარემოს!
ჩვენ, უკვე ყელამდე მიწაში ჩაფლულები, თხრილებში, ორმოებში, სარდაფებში, სარკოფაგებში, საპყრობილეებში ვეძებთ თავისუფლების ნესტმოუკიდებელ ნარჩენებს!
ჩვენ, უკვე ყელამდე მიწაში ჩაფლულები, სხვისი სიმართლის ძიებასა და დაფასებაში ვეძიებთ საკუთარ სწორ გზებს, საკუთარ ძალას!
ჩვენ, უკვე ყელამდე მიწაში ჩაფლულებმა, ვიცით ყველაზე მნიშვნელოვანი რამ – გაბოროტება დამარცხებაა!
ჩვენ, უკვე ყელამდე მიწაში ჩაფლულები, ლოგიკურად თუ ალოგიკურად, უძლეველი ძალით აღჭურვილნი, არასოდეს დავთმობთ იმას, რაც მთავარია!
ლოგიკური პარადოქსია თბილისის პოლიტიკური სწავლების სკოლა, ხელფეხშეკრულთა და ყელამდე მიწაში ჩაფლულთა სკოლა, თავისი ვერდამარხული ძალით, ვერდაკარგული მეგობრებით, ვერგაუფასურებელი ფასეულობებით, ვერდაბლოკილი მისიით!
ჩვენ, უკვე ყელამდე მიწაში ჩაფლულები, რომლებიც სკოლის სახელს ვატარებთ, წინააღმდეგობის სულ სხვა კულტურას, სულ სხვა ეფექტს, სოლიდარობის, თანაგანცდის, ემპათიის სულ სხვა ხარისხს, ფიქრის სულ სხვა სიღრმეს ვატარებთ, რაც, ერთი სიტყვით, სულ სხვა მოქალაქეობას, სულ სხვა კეთილგონიერებას ნიშნავს!

ესმა მანია
მარტი, 2026

ლაშა ფალავანდიშვილის ფოტოები

04/03/2026

სკოლისთვის ყველაზე რთულ დროს, ყველაზე საჭირო მომენტში გამოჩნდა საბა მანჩხაშვილი და შემოიკრიბა საუკეთესო თანამოაზრეები. იგი უხმოდ, მიძღვნით, ერთგულებით ემსახურება ჩვენს სკოლას. არც მიკვირს, საბა ხომ სულით სკოლელია, დიდებული, ფასეულობებისთვის თავდადებული, უანგარო მოქალაქე!
ვულოცავ დაბადების დღეს! ბედნიერ ცხოვრებას ვუსურვებ დალხენილ, ევროპულ საქართველოში!

არმაზ ახვლედიანი

Address

Tbilisi

Alerts

Be the first to know and let us send you an email when თბილისის პოლიტიკური სწავლების სკოლა/Tbilisi School of Political Studies posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to თბილისის პოლიტიკური სწავლების სკოლა/Tbilisi School of Political Studies:

Shortcuts

Share