ასოციაციას ხელმძღვანელობს თავმჯდომარე, რომელსაც ორი მოადგილე ჰყავს.
ასოციაციის დირექტორთა საბჭო ღებულობს გადაწყვეტილებებს სტრატეგიულ საკითხებზე.
ასოციაციასთან არსებობს საკონსულტაციო საბჭო, რომელიც შედგება ასოციაციაში შემავალი ქალთა ჯგუფების ლიდერი ქალებისგან.
ასოციაციას ფილიალები გააჩნია ქ. გორში (შიდა ქართლი), წყალტუბოში (იმერეთი), გარდაბანში (ქვემო ქართლი).
საქმიანო ბის ძირითადი მიმართუ
ლებები:
- ქალებისა და ახალგაზრდების არაფორმალური განათლება;
- მშვიდობის აღმშენებლობა;
- იგპ პრობლემათა ადვოკატირება;
- გენდერული თანასწორობის იდეის დამკვიდრება;
- სწორი ინფორმაციის გავრცელება.
ამ ღონისძიებათა გატარებით კი - დევნილთა მდგომარეობის გაუმჯობესება.
ასოციაცია ატარებდა და მხარს უჭერდა სოციალურ, ფსიქოსოციალურ და ეკონომიკურ პრობლემებთან დაკავშირებულ სოციალურ გამოკვლევებსა და დევნილთა, განსაკუთრებით, ქალებისა და ბავშვების უფლებების დაცვას.
ასოციაცია ჩართულია შემდეგ საერთაშორისო და ეროვნულ ქსელებში: სამხრეთ კავკასიის ქალთა ქსელი "ვმუშაობთ ერთად კავკასიაში", ლტოლვილთა და დევნილთა საკითხებით დაინტერესებულ ორგანიზაციათა ქსელი CRINGO (დანიის ლტოლვილთა საბჭოს მხარდაჭერით), ქალთა ორგანიზაციების ქსელი "ქალები მშვიდობისათვის" და რეგიონალური კოალიცია "ქალთა ერთიანობა მშვიდობისათვის" (UNIFEM-ის მხარდაჭერით), თანამშრომლობს, აგრეთვე, ჰელსინკის მოქალაქეთა ასამბლეის კომიტეტებთან სამხრეთ კავკასიაში.
ასოციაცია თანამშრომლობს ფონდებსა და საერთაშორისო ორგანიზაციებთან.
დონორები და პარტნიორები: ევანგელისტურ ეკლესიათა ასოციაცია EED (გერმანია), დანიის ლტოლვილთა საბჭო DRC, ფონდი HAELLA (ნიდერლანდები), გაერო-ს ქალთა ფონდი UNIFEM, ფონდი "Conciliation Resources" (დიდი ბრიტანეთი). CARE International, Hilsfwerk Austria და Austrian Development Cooperation, EU, პოლონეთის საგარეო საქმეთა სამინისტრო).
ორგანიზაციის განვითარებასა და პროგრამებს მხარი დაუჭირეს UNHCR (გლუკი), UNV (გაერო-ს მოხალისეები), CFTC - "Canadian Feed the Children" (კანადა), დემოკრატიის ინსტიტუტმა აღმოსავლეთ ევროპაში IDEE (აშშ), ნორვეგიის ლტოლვილთა საბჭომ NRC, ფონდმა BERGHOF (გერმანია), ორგანიზაციამ CORD AID, მშვიდობის საერთაშორისო საბჭომ IKV, საერთაშორისო სამედიცინო კორპუსმა IMC და ა.შ.
