Georgian Mountain Guides

26/07/2026

"ჩვენ სამი ზომის კამის წამოღებაზე ვიკამათეთ და შენ ჭაჭის ბოთლი ამოიტანე?"

მთამსვლელმა არჩილ ბადრიაშვილმა გაიღიმა და უპასუხა:
"კი, ეს უფრო მნიშვნელოვანია."
"და ასე უმძიმეს ამინდში და დედამიწაზე დაუნდობელ ადგილას (ან იმ ადგილზე, დედამიწის ზურგზე, რომელმაც პატიება არ იცის), ყველამ მოვწრუპეთ ქართული ჭაჭა — და უცებ ყველაფერი ოდნავ უკეთესი გახდა."
იხსენებს მანუ პელისიე ინდოეთის ექსპედიციიდან.

26 ივლისი არჩილ ბადრიაშვილის დაბადების დღეა.🌟
დღეს არჩილ ბადრიაშვილი 36 წლის გახდებოდა.
ადამიანი, რომელმაც საკუთარი ცხოვრება მთებსა და ადამიანების სიცოცხლეზე ზრუნვას დაუკავშირა, დღეს თავად იქცა ქართული ალპინიზმის მარადიულ სიმბოლოდ.
არჩილი არ ყოფილა მხოლოდ უბადლო მთამსვლელი. ის იყო ექიმი, მკვლევარი, დოკუმენტალისტი და თავდადებული მენტორი, რომელმაც ქართული მთამსვლელობა მსოფლიო ასპარეზზე ახალი მასშტაბით დააბრუნა.
კლდეზე ცოცვა 7 წლის ასაკში დაიწყო, ხოლო 9 წლისა უკვე მამასთან ერთად კავკასიონის მწვერვალებზე ადიოდა.
მისი მემკვიდრეობა შთამბეჭდავია: არაერთი რთული პირველასვლა ჰიმალაებში, ყარაყორუმსა და კავკასიონზე, მათ შორის შხარას სამხრეთ კედლის ისტორიული ზამთრის გავლა.

🧗‍♂️🏔2022 წელს არჩილ ბადრიაშვილმა გიორგი ტეფნაძესთან და ბაქარ გელაშვილთან ერთად საქართველოს ისტორიაში პირველად მოიპოვა მსოფლიო ალპინიზმის უმაღლესი ჯილდო „ოქროს წერაყინი“ (Piolet d'Or), რომელიც მათ პაკისტანში, სარაგრარის ჩრდილო-დასავლეთ, მანამდე აუვალი მწვერვალის პირველი ასვლისთვის გადაეცათ.
გარდა ამისა, არჩილი ექვსგზის ქართული „ოქროს წერაყინის“ („წლის ასვლის“) მფლობელი იყო — 2015, 2017, 2018, 2019, 2020 და 2021 წლებში.
მიუხედავად ამ არაერთი უმაღლესი ჯილდოსა და საერთაშორისო აღიარებისა, ის ყოველთვის გამოირჩეოდა განსაკუთრებული თავმდაბლობით, სიკეთითა და სამშობლოს უსაზღვრო სიყვარულით.
ის იყო ნამდვილი მკვლევარი, რომელიც მუდამ ახალ, გაუკვალავ გზებს ეძებდა დედამიწის ყველაზე მიუვალ კუთხეებში.
2024 წლის აგვისტოში შხელდაზე მომხდარმა ტრაგედიამ მისი სიცოცხლე ნაადრევად შეწყვიტა. თუმცა მისი საქმე და ხედვა კვლავაც ცოცხლობს მის მიერ დაარსებულ მთამსვლელობის სკოლაში, არჩილ ბადრიაშვილის ფონდსა და იმ მომავალ ალპინისტებში, რომელთათვისაც ის სამუდამო გზამკვლევად დარჩება.

ოჯახის და მეგობრების მოგონებებიდან ფრაგმენტები🌟

‘ბედნიერი კაცის შესახებ’დედის თვალით დანახული არჩილი

მე უსაზღვროდ მადლიერი ვარ, რომ მისი დედა ვარ – დაბადებით მან სიხარული მოგვიტანა, და გარდაცვალების შემდეგაც განაგრძობს ძვირფასი გაკვეთილების მოცემას; „გარდაცვალების,“ როგორც ჩვენ, ქართველები, ვუწოდებთ ამ მეტამორფოზის ან სულიერი გარდაქმნის პროცესს.
არჩილი ბედნიერი ადამიანი იყო, და ამით მან სრულად შეასრულა სიცოცხლის მთავარი მისია. თავისი შეგნებული ცხოვრება მან მთებს მიუძღვნა, რომლებიც უსაზღვროდ უყვარდა, და ამ გზიდან არასდროს გადაუხვევია.

A Hundred Times More Than I’ჩემზე ასჯერ მეტი დის თვალით დანახული არჩილი

ამასწინათ სვანეთში ვიყავი. უშბას ვუყურებდი. და გულმა რეჩხი მიყო. ჩემზე ასჯერ მეტად უყვარდა ეს დედამიწა, ბუნება, მწვერვალები; ეს ნიავქარები, ცა... და დამენანა, რომ ის ადამიანი გამოაკლდა ამას, ვინც ყველაზე მეტად აფასებდა და პატივს სცემდა.1 აგვისტოს, ჩემს დაბადების დღეზე მწვერვალ თეთნულდზე ამიყვანა. ორნი ვიყავით, 10 დღით ადრე მის წასვლამდე ამ ქვეყნიდან. კარავში ვიწექით და სიკვდილზე ვსაუბრობდით. მაშინ მითხრა, „რუსა, მე მზად ვარ წავიდე ნებისმიერ დღეს, ნებისმიერი მწვერვალიდან. იქნება ეს რთული თუ მარტივი მარშრუტი“.

ავთო ჯაფარიძე
"არჩილ ბადრიაშვილი მთის ადამიანი იყო, რომელსაც უყვარდა მთა განსაკუთრებულად და მისდამი მიდგომაც განსაკუთრებული ჰქონდა. გასაოცარი იყო მისი დამოკიდებულება: მას შეეძლო ხალისიანიც ყოფილიყო, სერიოზულიც და რთულ სიტუაციებში - მხნე .

თემურ ქურდიანი

"არჩილ ბადრიაშვილი... საიდან დავიწყო არჩილზე საუბარი, არ ვიცი, 16 წლის ვიყავი, რომ გავიცანი, დღეს 28-ის ვარ... სულ ეს დრო მერგო, რომ აჩოსთან ძმაკაცობა მომესწრო, საკმარისი იყო 15 წუთი დაგეხარჯა ადამიანთან და შეგრძნებები მთელი ცხოვრების ცნობიერებას უდრიდა.

ბეშქენ ფილფანი

სიყვარულს უყვარს აჩო. ნეტავ ყველამ იცოდეს, რამდენად დიდი სიყვარულია ჩვენში. როგორ უყვართ აჩო მთებს. როგორ უყვარს აჩო მზეს… ორმაგად ათბობს. მისი ძილით ქვებს სძინავთ. მისი სუნთქვით ქარი უბერავს. ის ხომ იქ ცხოვრობს? ის მათი გაზრდილია, ჩვენ - მისი. არავინ დავიწყებია და დაავიწყდება. ყველა ძველ მთას იხსენებს... ძველ გზებსს. როგორ უყვართ აჩო მთებს? ძალიან! უჭირთ მისი გაშვება, მაგრამ ჩვენც ძალიან გვიყვარს და ვერ ვუტოვებთ.

🌟🌟🌟
გილოცავთ დაბადების დღეს, აჩი.
შენი ნაკვალევი მწვერვალებზე არასოდეს წაიშლება. 🏔️✨

"ნახვამდის ხალხნო!

ჩვენ ერთ მთვარეს და მზეს დავინახავთ და უხილავ გზაჯვარედინებზე შევხვდებით.

ბედნიერად და გასაჭირში მხნედ!"

11/07/2026

🏔️ სამთო და ალპური გამყოლების მორიგი სასწავლო შეკრება მიმდინარეობს. 🧗‍♂️

📍 ამ მოდულის მთავარი თემა არის კომბინირებულ მარშრუტებზე გამყოლობა, სადაც განსაკუთრებული ყურადღება ეთმობა მოკლე თოკში უსაფრთხო გადაადგილების ტექნიკას. 🪢

⛰️ მონაწილეები პრაქტიკულად ამუშავებენ ისეთ უნარებს, რომლებიც აუცილებელია რთულ რელიეფზე ჯგუფის უსაფრთხოდ და ეფექტურად გასაყვანად. ✅

📚 თეორიული ცოდნისა და 🧗 პრაქტიკული სავარჯიშოების შერწყმა პროფესიონალი გამყოლის მომზადების ერთ-ერთი ყველაზე მნიშვნელოვანი ეტაპია.

Adventure Tourism School • სათავგადასავლო ტურიზმის სკოლა
Georgian Mountain Guides

Keti Phaliani 📽📸

01/07/2026

🧗 სიმაღლეზე უსაფრთხოდ მუშაობის I დონის კურსი

2026 წლის 8–15 ივნისის პერიოდში წარმატებით ჩატარდა სიმაღლეზე უსაფრთხოდ მუშაობის I დონის კურსი, რომელიც გაიმართა IFMGA Rope Access Standard-ის მიხედვით.
კურსს ესწრებოდა 7 მსმენელი, რომლებმაც თეორიული და პრაქტიკული სწავლების ფარგლებში შეისწავლეს:
✅ სიმაღლეზე უსაფრთხოდ მუშაობის ძირითადი პრინციპები;
✅ თოკთან მუშაობის სპეციფიკა და თანამედროვე ტექნიკები;
✅ ინდივიდუალური დაცვის საშუალებებისა და სპეციალური საჭურველის სწორად გამოყენება;

✅ ასვლის, დაშვებისა და გადაადგილების უსაფრთხო მეთოდები;
✅ თოკზე სამუშაო სისტემების მოწყობა;
✅ საბაზისო სამაშველო ოპერაციების ჩატარება;
✅ უსაფრთხოების ნორმები და რისკების მართვის ძირითადი პრინციპები.

კურსს უძღვებოდნენ სათავგადასავლო ტურიზმის სკოლის ექსპერტები ლაშა კვეკვესკირი და ბიძინა გუჯაბიძე — IFMGA RAS Level 3 კვალიფიკაციის მფლობელები. აღნიშნული კვალიფიკაცია Rope Access-ის უმაღლესი პროფესიული დონეა, რომელიც ენიჭებათ სპეციალისტებს, რომლებიც ფლობენ სიმაღლეზე სამუშაოებისა და სამაშველო ოპერაციების დაგეგმვისა და ხელმძღვანელობის კვალიფიკაციას.

Georgian Mountain Guides
Adventure Tourism School • სათავგადასავლო ტურიზმის სკოლა
International Federation of Mountain Guides Associations UIAGM IVBV

30/05/2026

გოგიტა ჩართოლანი არის IFMGA-ს სამთო გამყოლი სვანეთიდან, რომლის ცხოვრებაც და საქმიანობაც მთასთან მჭიდროდ არის დაკავშირებული. მისთვის მთასთან ურთიერთობა მხოლოდ პროფესია არ არის — ეს არის ხედვა, ცხოვრების წესი და ბუნებასთან განსაკუთრებული კავშირი. წლების განმავლობაში დაგროვილი გზები, მწვერვალები და ადამიანებთან ერთად გავლილი ექსპედიციები მის პროფესიულ იდენტობას ქმნის, ხოლო ფოტოგრაფია ამ გამოცდილების კიდევ ერთი ფორმით გადმოცემის საშუალებაა. სწორედ ამ ხედვით უყურებს ის მთას როგორც გამყოლი და როგორც ფოტოგრაფი — ერთი მხრივ ადამიანებს რთულ მარშრუტებზე მიუძღვება, ხოლო მეორე მხრივ იმ ემოციებსა და მომენტებს აფიქსირებს, რომელსაც მთა საკუთარ თავში ინახავს.
გოგიტას პირველი პერსონალური გამოფენა — „ლასგიდ“ — ეძღვნება მის საუკეთესო მეგობარსა და უდიდეს გულშემატკივარს, სვანეთის ელჩს, ნიკო ფალიანის ხსოვნას.

Gogita Chartolani is an IFMGA mountain guide from Svaneti, whose life and work are deeply connected to the mountains. For him, the relationship with the mountains is not merely a profession — it is a way of seeing the world, a lifestyle, and a unique connection with nature.
Years of routes, summits, and expeditions shared with others have shaped his professional identity, while photography has become another way of expressing these experiences. Through this perspective, he approaches the mountains both as a guide and as a photographer — on one hand, leading people through challenging routes, and on the other, capturing the emotions and moments that the mountains hold within them.

Gogita’s first solo exhibition, “LASGID” is dedicated to his best friend and greatest supporter, Svaneti’s ambassador, Niko Phaliani.

09/05/2026

უდიდესი გულისტკივილით გაცნობებთ, რომ გარდაიცვალა ჩვენი გუნდისა და სამთო ოჯახის გამორჩეული წევრის, დათუნა რაქვიაშვილის მეუღლე — სოფიო მამარდაშვილი.

ამ მძიმე წუთებში გულითადად ვუთანაგრძნობთ დათუნას, მის ოჯახსა და ახლობლებს.

პანაშვიდები გაიმართება 9 და 10 მაისს, მისამართზე: რუსთაველის ქ. 40.

გასვენება შედგება ორშაბათს, 11 მაისს, 14:00 საათზე, მაცხოვრის ამაღლების ეკლესიიდან (უნივერსიტეტის ქ. 2)

07/05/2026

02/05/2026

მთა-მთა გამყოლთა მარათონი დაიწყო! 🏔️🔥

მარათონი დაიწყო — ერთ-ერთი ყველაზე მასშტაბური და პროფესიონალური სათავგადასავლო ღონისძიება საქართველოში უკვე მიმდინარეობს.

ეს არის რეალური გარემო, სადაც გამყოლები ამოწმებენ საკუთარ შესაძლებლობებს — ლიდერობას, გამძლეობას და უსაფრთხოების მართვას.

დისციპლინები:

• საფეხმავლო ტური
• საცხენოსნო ტური
• 4x4 ტური
• ველო ტური
• ჯომარდობის ტური
• კლდეზე სამაშველო ოპერაცია
• სამაშველო ოპერაცია
• თავშესაფარი თოვლის გამოქვაბულში

👥 5 გუნდი | 20 მონაწილე

🕗 დღეს, 20:00 — გახსნის ცერემონია

🎉 9 მაისი, 18:00 — დახურვის ცერემონია და After Party

Mta-Mta Guides Marathon has started! 🏔️🔥

The marathon has begun — one of the most ambitious and professional adventure events in Georgia is now underway.

It’s a real-world environment where guides test their skills — leadership, endurance, and safety.

Disciplines:

• Hiking Tour
• Equestrian Tour
• 4x4 Tour
• Bicycle Tour
• Rafting Tour
• Rock Rescue Operation
• Rescue Operation
• Snow Shelter

👥 5 teams | 20 participants

🕗 Today, 20:00 — Opening Ceremony

🎉 May 9, 18:00 — Closing Ceremony & After Party

28/04/2026

19–24 აპრილს საქართველოში ვიზიტით იმყოფებოდა შვეიცარიის სამთო გამყოლთა ასოციაციის (SBV) ტექნიკური დირექტორი ლორენც ფლოტიგერი.
🌍 ვიზიტი განხორციელდა სამთო გამყოლების საერთაშორისო ასოციაციის (IFMGA) „ცოდნისა და გამოცდილების გაზიარების“ პროგრამის ფარგლებში.
👥 შეხვედრაზე საქართველოს სამთო გამყოლთა ასოციაციის (GMGA) ექსპერტთა ჯგუფს წარედგინა და განიხილა შვეიცარიელი კოლეგების მიერ შემუშავებული სწავლების მეთოდები.
❄️☀️ განხილვა შეეხო ორ ძირითად მიმართულებას — ზამთრისა და ზაფხულის პირობებში მუშაობას:
⛷️ ზვავის უსაფრთხოება
🧭 საკვანძო მონაკვეთებზე გადაწყვეტილების მიღების სწავლების მეთოდიკა
🧗‍♂️ ასევე განხილული იყო კომბინირებულ მარშრუტებზე მოკლე თოკით გადაადგილების შვეიცარიული მოდელი და უსაფრთხო გადაადგილების სხვადასხვა პრაქტიკული მიდგომა.
🙏 განსაკუთრებული მადლობა შეხვედრის ორგანიზებაში მხარდაჭერისთვის:
🏔️ სამთო გამყოლების საერთაშორისო ასოციაციას (IFMGA)
🇨🇭 შვეიცარიის სამთო გამყოლთა ასოციაციას (SBV)
🇩🇪 გერმანიის სამთო და სათხილამურო გამყოლთა ასოციაციას (VDBS)
🤝 და ადგილობრივ სამთო გამყოლებს — ლოგისტიკური მხარდაჭერისთვის

From April 19–24, the Technical Director of the Swiss Mountain Guides Association (SBV), Lorenz Flotiger, visited Georgia. 🌍 The visit took place within the framework of the International Federation of Mountain Guides Associations (IFMGA) “Knowledge and Experience Exchange” program.
👥 At the meeting, the training methods developed by Swiss colleagues were presented to the expert group of the Georgian Mountain Guides Association (GMGA) and were discussed together with them.
❄️☀️ The discussion covered two main areas — winter and summer operations:
⛷️ avalanche safety
🧭 decision-making training methods in critical sections
🧗‍♂️ The Swiss model of short-rope movement on combined routes was also discussed, along with several practical approaches to safe movement.
🙏 Special thanks for the support in organizing the meeting to:
🏔️ the International Federation of Mountain Guides Associations (IFMGA)
🇨🇭 the Swiss Mountain Guides Association (SBV)
🇩🇪 the German Mountain and Ski Guides Association (VDBS)
🤝 and local mountain guides for logistical support.

Adventure Tourism School • სათავგადასავლო ტურიზმის სკოლა
Georgian Mountain Guides
International Federation of Mountain Guides Associations UIAGM IVBV

09/04/2026

🚨 ყურადღება!
„მთა-მთა გამყოლთა მარათონი 2026“ დაიწყო!

თუ ხარ სერტიფიცირებული გამყოლი და გინდა საკუთარი თავი ნამდვილ სათავგადასავლო გარემოში გამოსცადო — ეს შესაძლებლობა შენთვისაა.

სათავგადასავლო ტურიზმის სკოლა, საქართველოს სამთო გამყოლთა ასოციაცია, Lost Ridge Ranch და Kurkowoods იწყებენ „მთა-მთა 2026“-ის შესარჩევ ეტაპს.
„მთა-მთა გამყოლთა მარათონი“ არის უნიკალური, მასშტაბური და დინამიური პროექტი სათავგადასავლო ტურიზმის პროფესიონალებისთვის.

📍 2026 წლის 2-9 მაისს,
5 გუნდი (თითოეული 4 მონაწილით — 2 ქალი, 2 კაცი) გაემგზავრება 7-დღიან ექსპედიციაში, სადაც მათ მოუწევთ:
• სხვადასხვა სათავგადასავლო დისციპლინაში თავის გამოცდა
• პროფესიული უნარების დემონსტრირება
• რთულ გარემოში სწორი გადაწყვეტილებების მიღება
• გუნდურად მოქმედება

ეს არ არის უბრალოდ შეჯიბრი.
ეს არის სივრცე მათთვის, ვისაც შეუძლია ლიდერობა, გამძლეობა, კომუნიკაცია, უსაფრთხოებაზე ზრუნვა და პროფესიონალიზმის ჩვენება რეალურ გარემოში.

თუ გინდა იყო მათ შორის, ვინც „მთა-მთა 2026“-ში მიიღებს მონაწილეობას — მოემზადე.

🎯 პროექტის მისიისა და პრიორიტეტების შესაბამისად შეირჩევა 20 მონაწილე — 10 ქალი და 10 კაცი.

მათ შორის:
• 20 ადგილი გადანაწილდება სხვადასხვა სათავგადასავლო დისციპლინების სერტიფიცირებულ გამყოლებზე შემდეგი პრიორიტეტების მიხედვით:
• კლასტერების წარმომადგენლობა
• რეგიონების წარმომადგენლობა
• სხვა სათავგადასავლო აქტივობებში გამოცდილება
• კომუნიკაბელურობა
• მართვის მოწმობა (სასურველია)

📌 შერჩევა გაიმართება რამდენიმე ეტაპად:

I ეტაპი — ინტერესის გამოხატვა
შეავსე სააპლიკაციო ფორმა და დააფიქსირე შენი სურვილი:
👉 https://mtamta.guideschool.org/

II ეტაპი — საკონკურსო ტური
შერჩეული კანდიდატები გაივლიან Q&A შეხვედრებს, მიიღებენ ინფორმაციას მოსალოდნელი დისციპლინებისა და შეფასების სისტემის შესახებ, ხოლო შემდეგ — დამატებით ინფორმაციას მოსამზადებელი ეტაპებისა და გუნდებში გადანაწილების შესახებ.

დამატებითი ინფორმაციისთვის ეწვიეთ „მთა-მთა 2026“-ის გვერდს ჩვენს ვებსაიტზე.

⛰️ მზად ხარ საკუთარ საზღვრებს გადააბიჯო?

საორგანიზაციო კომიტეტი
გამყოლთა მარათონი „მთა-მთა“