„სტუდენტური ომბუდსმენი“ - არის სხვადასხვა უნივერსიტეტის სტუდენტთა გაერთიანება, რომელთაც საერთო მიზანი აქვთ - დაიცვან თითოეული სტუდენტის უფლებები.
ჩვენი მთავარი მიზანია თავისუფალ, დამოუკიდებელ, თვითმართვად უნივერსიტეტში სწავლა, სადაც ყოველი სტუდენტის უფლება დაცული იქნება.
ხელისუფლებათა ცვლილება არ უნდა ჰპოვებდეს ასახვას საუნივერსიტეტო ცხოვრებაზე, რომელიც ეფუძნება აკადემიურ, სინდისის და არჩევან
ის თავისუფლებას.
დაუშვებელია, რომ ხელისუფლებათა ცვლამ და შესაბამისმა საკანონმდებლო ცვლილებებმა შეზღუდოს ზემოხსენებული თავისუფლებანი და განახორციელოს უნივერსიტეტთა ავტონომიის არსობრივი პრინციპების სრული ან ნაწილობრივი, მათ შორის დროებითი შეზღუდვა.
ჩვენ რეაგირებას მოვახდენთ ყველა აქტუალურ თემაზე - არ დავუშვებთ, ხელისუფლება ჩაერიოს უნივერსიტეტის მართვაში და წაგვართვას დამოუკიდებლობა, საჯაროდ განვიხილავთ სტუდენტების პრობლემებს და ვიმსჯელებთ მათი მოგვარების გზებზე.
დავიცავთ ჩვენს უფლებას - გვქონდეს სწავლისთვისც შესაფერი გარემო!
