საქართველოს ქალები მშვიდობისა და სიცოცხლისათვის

  • Home
  • Georgia
  • Tbilisi
  • საქართველოს ქალები მშვიდობისა და სიცოცხლისათვის

საქართველოს ქალები მშვიდობისა და სიცოცხლისათვის Contact information, map and directions, contact form, opening hours, services, ratings, photos, videos and announcements from საქართველოს ქალები მშვიდობისა და სიცოცხლისათვის, Non-Governmental Organization (NGO), Tbilisi.

ასოციაციის მიერ 2025 წელს გაწეული საქმინობა და ფინანსური ანგარიში
01/04/2026

ასოციაციის მიერ 2025 წელს გაწეული საქმინობა და ფინანსური ანგარიში

საერთაშორისო ასოციაცია „საქართველოს ქალები მშვიდობისა და სიცოცხლისათვის“ უდიდეს მწუხარებას გამოხატავს ეპოქალური ფიგურის,...
21/03/2026

საერთაშორისო ასოციაცია „საქართველოს ქალები მშვიდობისა და სიცოცხლისათვის“ უდიდეს მწუხარებას გამოხატავს ეპოქალური ფიგურის, სრულიად საქართველოს კათოლიკოს-პატრიარქის, უწმიდესისა და უნეტარესის ილია II-ის, გარდაცვალების გამო.
განუზომელია პატრიარქის ნახევარსაუკუნოვანი ღვაწლი ერის ხელახლა გაქრისტიანების, აზროვნებაში მისი მონათვლის, რწმენის განმტკიცების საქმეში. ამიტომ შეგვიძლია იგი შევადაროთ წმ. ნინოსა და ანდრია პირველწოდებულს. ბოლო 50 წელი აღსავსე იყო გამოწვევებით. უწმიდესმა და უნეტარესმა ილია II-მ ყოველივე დაძლია და უდიდესი როლი შეასრულა ქართული იდენტობის და ტრადიციების შენარჩუნებაში.
მთელი ამ პერიოდის განმავლობაში მისი მამამთავრული მსახურება, როგორც შემოქმედისა, კაცთმოყვარე, მიმტევებელი, შემწყნარებელი, ერთგული, მტკიცე ხასიათის, შუპოვარი პიროვნებისა, მანათობელი ვარსკვლავივით მიუძღვოდა წინ ჩვენს ქვეყანას, ერს და რწმენის, სიმართლის საიმედო საყრდენს წარმოადგენდა.
მშვიდობის დამკვიდრება და შენარჩუნება ერთ-ერთი პრიორიტრტი იყო ილია II-ის მოღვაწეობისა. ამიტომ ჩვენი ასოციაციის „საქართველოს ქალები მშვიდობისა და სიცოცხლისათვის“ საქმიანობას იგი ყოველთვის კეთილგონივრულად ადევნებდა თვალს.
უწმიდესი და უნეტარესი ილია II შეხვედრებისას უხვსიტყვაობით არ გამოიჩეოდა, მაგრამ მოკლედ, სხარტად, ორი სიტყვით, ზუსტად გამოხატავდა სათქმელს, იმედს გვინერგავდა და ამით გვაცოცხლებდა. ამონარიდი მისი ქადაგებიდან: „მზიანი ღამე გვაქვს საქართველოში, იგი გრძელდება, მაგრამ აუცილებლად გათენდება“.
მადლობა ილია II-ს, ჩვენზე ფიქრებში გატარებული თითოეული დღისთვის, მადლობა ქვეყნის ღირსების დაცვისთვის, მადლობა ენის, მამულის, სარწმუნოების განმტკიცებისთვის.
მომავალში, როდესაც ფიზიკურად მასთან შეხვედრა აღარ გვექნება, უფრო მეტად ვიგრძნობთ უიმისობას. მაგრამ ერის გამოფხიზლება უწმიდესისა და უნეტარესის მრავალწლიანი შეგონებების აღსრულებაში და საზოგადოების გამთლიანებაში უნდა გამოიხატოს.
გვჯერა და გვეიმედება, რომ მასში მოქმედი ძალა ღვთისა, ჩვენზე გადმოსული, გაგვაძლიერებს. ვანუგეშოთ ჩვენი საზოგადოება, რომ პატრიარქის მადლი კვლავ დაუბრუნდება საქართველოს.
ღმერთმა განუსვენოს მის კეთილშობილ სულს და წმინდა, საუკუნო სასუფეველი დაუმკვიდროს მართალთა სავანეში.

"მიყვარხარ საქართველო, მიყვარხარ საქართველო მიყვარხარ!" - ილია IIმადლობა ყველაფრისათვის დიდო პატრიარქო
18/03/2026

"მიყვარხარ საქართველო, მიყვარხარ საქართველო მიყვარხარ!" - ილია II

მადლობა ყველაფრისათვის დიდო პატრიარქო

28 ნოემბერს ასოციაციის წარმომდგენლები ეწვივნენ გურჯაანის მუნიციპალიტეტს. მსგავსი ღონისძიება ზუსტად ერთი წლის წინ ჩაატარ...
08/12/2025

28 ნოემბერს ასოციაციის წარმომდგენლები ეწვივნენ გურჯაანის მუნიციპალიტეტს. მსგავსი ღონისძიება ზუსტად ერთი წლის წინ ჩაატარა ასოციაციამ, 2024 წლის 9 ნოემბერს 10 სოციალურად დაუცველ ოჯახს გადასცეს მეორეული ტანსაცმელი, ასევე 25 შშმ პირს დაურიგეს გადასაადგილებელი ეტლები. ასევე, კერძო პირებისგან ასოიაციისთვის შემოწირული სათამაშოები და წიგნები საჩუქრად გადასცეს სოფელ ვეჯინის და სოფელ ჭანდარის საბავშვო ბაღებს .
ამჯერად, გურჯაანის მუნიციპალიტეტში მცხოვრებ 18 შშმ პირს მერიის შენობიდან დაურიგეს გადასაადგილებელ ეტლები, რომელიც LDS-ის ფონდმა საქართველოში (ამერიკული დონორი ორგანიზაცია) დააფინანსა. ბოლო ხუთი წლის განმავლობაში გურჯაანის მუნიციპალიტეტის ეტლის საჭიროების მქონე 100 ადამიანს გადაეცა მათზე მორგებული სტანდარტული ტიპის ეტლები.
ასევე, სოფელ ველისციხის საჯარო სკოლის ბიბლოთეკას გადასცეს სასკოლო სახელმძღვანელოები, მხატვრული ლიტერატურა (ქართულ და რუსულ ენებზე), ინგლისურენოვანი სასწავლო და მხატვრული ლიტერატურა.

მიმდინარე წლის 15 ნოემბერს, ასოციაციის თავმჯდომარე მაია კვეზერელი-კოპაძე, საორგანიზაციო მდივანი ქეთევან გოგელია, ფინანსუ...
08/12/2025

მიმდინარე წლის 15 ნოემბერს, ასოციაციის თავმჯდომარე მაია კვეზერელი-კოპაძე, საორგანიზაციო მდივანი ქეთევან გოგელია, ფინანსური მენეჯერი ნონა სოსანაშვილი ჩავიდნენ სიღნაღის მუნიციპალიტეტში, ჩაიტანეს ეტლები შშმ პირთათვის. ასოციაციას მრავალი საქველმოქმედო აქცია აქვს ჩატარებული სიღნაღის მუნიციპალიტეტში. პროექტი, რომელსაც აფინანსებს ამერიკული დონორი ორგანიზაცია - LDS ფონდი, წლებია ხორციელდება მთელ საქართველოში. ამ პროექტით გასული 5 წლის განმავლობაში სიღნაღის მუნიციპალიტეტში მცხოვრებ ეტლის საჭიროების მქონე 80 პირს გადაეცა მათზე მორგებული ეტლები. ამჟამად, კიდევ 15 ბენეფიციარს წნორის სპორტული კომპლექსის შენობიდან დაურიგდათ ეტლები, რომლებიც ან ოჯახის წევრებმა წაიღეს ან თავად ბენეფიციარებმა მოირგეს ადგილზე.

4 ნოემბერს, გორში ჩავატარეთ საქველმოქმედო აქცია შშმ პირთათვის. პროექტი, რომელსაც აფინანსებს ამერიკული დონორი ორგან...
10/11/2025

4 ნოემბერს, გორში ჩავატარეთ საქველმოქმედო აქცია შშმ პირთათვის. პროექტი, რომელსაც აფინანსებს ამერიკული დონორი ორგანიზაცია - LDS ფონდი წლებია ხორციელდება მთელ საქართველოში. 42 ბენეფიციარს დაურიგდათ ეტლები, რომელებიც ოჯახის წევრებმა წაიღეს ან თავად ბენეფიციარებმა მოირგეს ადგილზე. ასევე, გორის მუნიციპალიტეტის კულტურის განვითარების ხელშეწყობის სააეგენტოს გადავეცით ბიბლიოთეკებისათვის მხატვრულ ლიტერატურა. ღონისძიების შესახებ ინფორმაცია სხვადასხვა საინფორმაციო სააგენტოებმა გაავრცელეს.

1. ფრონტნიუსი:

https://frontnews.ge/ge/news/goris-munitsipalitetshi-mtskhovreb-50-mde-shshm-pirs-etli-usasqidlod-gadaetsa

2. kvira.ge:

https://kvira.ge/1046759

3. gmnews.ge

https://www.gmnews.ge/geo/13651

4, TV მონიტორინგი ტელევიზია

https://www.facebook.com/reel/1189947846339020

5. გორის მერიის ფეისბუქგვერდი

https://www.facebook.com/reel/1314245203356352

https://www.facebook.com/media/set/?set=a.1255885783252294&type=3

ზუგდიდის მუნიციპალიტეტის შშმ პირებს და შეჭირვებულ მოსახლეობას ასოციაციამ „საქართველოს ქალები მშვიდობისა და სიცოცხლისათვი...
27/10/2025

ზუგდიდის მუნიციპალიტეტის შშმ პირებს და შეჭირვებულ მოსახლეობას ასოციაციამ „საქართველოს ქალები მშვიდობისა და სიცოცხლისათვის“ სხვადასხვა პერიოდში გაუწია დახმარება პროექტებით: 1) შშმ პირთა ეტლებით დახმარება, რომელიც დაფინანსებულია ამერიკული დონორი ორგანიზაციის საქართველოში LDS ფონდის მიერ; 2) სოციალურად დაუცველი ოჯახებისთვის მეორეული ტანსაცმლით და ფეხსაცმლით დახმარება.
25 ოქტომბერს ზუგდიდის მუნიციპალიტეტის 46 ეტლის საჭიროების მქონე პირს უსასყიდლოდ გადაეცათ მათზე მორგებული სტანდარტული ტიპის ეტლები. უმრავლესობამ ეტლი მიიღო ზუგდიდის სპორტკომპლექსის შენობიდან, სადაც გაიმარა ღონისძიება. 4 ბენეფიციარს ეტლი სახლში მიუტანეს და მოარგეს.
ასევე, ზუგდიდის მუნიციპალიტეტის მერიის სოციალური და ჯანმრთელობის დაცვის სამსახურის ბავშვის უფლებების დაცვის და მხარდაჭერის განყოფილების მიერ მოწოდებული ინფორმაციის თანახმად საერთაშორისო ასოციაციამ სოციალურად დაუცველი ოჯახების ნულიდან თვრამეტ წლამდე ასაკის ბავშვებისათვის ზუგდიდის მუნიციპალიტეტის მერიას უსასყიდლოდ გადასცა ბავშვთა ტანსაცმელი და ფეხსაცმელი, ასევე სკოლების ბიბლიოთეკებისათვის ინგლიურენოვანი სახელმძღვანელოები და მხატვრული ლიტერატურა.
ღონისძიებაში მონაწილეობა მიიღეს: ასოციაციის თავმჯდომარემ მაია კვეზერელი-კოპაძემ, საორგანიზაციო მდივანმა ქეთევან გოგელიამ და ფინანსურმა მენეჯემა ნონა სოსანაშვილმა, ზუგდიდის მერის მოვალეობის შემსრულებელმა ბესიკ ჭეჟიამ, სახელმწიფო რწმუნებულმა სამეგრელო ზემო სვანეთის მხარეში დავით ვერავამ, მერიის სოციაური და ჯანმრთელობის დაცვის სამსახურის წარმომადგენლებმა: ნინო სხულხიამ, ჯაბა ბეჭვაიამ და სხვებმა. ასოციაციის თავმჯდომარემ მადლობა გადაუხადა მათ ღონისძიების კარგად ორგანიზებისა და ჩატარებისათვის.

ასოციაციამ ისევ გაახარა დღის ცენტრის „მზის შვილები“ პატარები და გადასცა საწოლი-მანეჟი, სკამი-მაგიდა, თეთრეული, მუსიკალურ...
27/10/2025

ასოციაციამ ისევ გაახარა დღის ცენტრის „მზის შვილები“ პატარები და გადასცა საწოლი-მანეჟი, სკამი-მაგიდა, თეთრეული, მუსიკალური ინსტრუმენტი, სხვადასხვა სახის სათამაშოები, სასკოლო ჩანთები და შემეცნებითი საბავშვო ლიტერტურა.

24 ივლისს ასოციაციის ოფისში გაიმართა შეხვედრა ჩვენი დონორი ორგანიზაციის LDS ფონდის წარმოადგენლებთან საქართველოში - ელის...
01/08/2025

24 ივლისს ასოციაციის ოფისში გაიმართა შეხვედრა ჩვენი დონორი ორგანიზაციის LDS ფონდის წარმოადგენლებთან საქართველოში - ელისონ და შირლ ლოი ტომლინსონებთან. ვისაუბრეთ, შევაჯამეთ მათი წელწადნახევარში გაწეული საქმიანობა და ჩვენს ასოციაციასთან ერთად განხორციელებული პროექტები. გადავუხადეთ მადლობა, გადავეცით სამახსოვრო საჩუქრები. საპასუხოდ მივიღეთ ასევე გულითადი მადლობა ნაყოფიერი თანამშრომლობისათვს.

01/08/2025

18 ივლისს ძევრის შეზღუდული შესაძლებლობების მქონე პირთა პანსიონატს ასოციაციამ უსასყიდლოდ გადასცა პანსიონატის ბენეფიციარებს 60 კგ მეორეული ტანსამელი.

2 ივლისს, ასოციაციისწარმომადგელები ეწვევიენ გორის მუნიციპალიტეტის სოფლებს ტირძნისსა და მეღვრეკისს ქველმოქმედების მიზნით....
01/08/2025

2 ივლისს, ასოციაციისწარმომადგელები ეწვევიენ გორის მუნიციპალიტეტის სოფლებს ტირძნისსა და მეღვრეკისს ქველმოქმედების მიზნით. საქველმოქმედო ღონისძიება შემდეგი აქტივობისგან შედგებოდა:
1) სოფელ ტირძნისის საჯარო სკოლას გადავეცით ბიბლიოთეკისათვის წიგნებს - მხატვრული ლიტერატურა (ქართულ, რუსულ, ინგლისურ ენებზე) და საეკლესიო ლიტერატურა (ქართულ ენაზე) . ამავე სკოლის 16 სოციალურად დაუცველი მოსწავლის ოჯახებს დავურიგეთ ტანსაცმელი, ფეხსაცმელი.
2) სოფელ მეღვრეკისის საბავშვო ბაღს გადავეით სხვადასხვა სახის სათამაშოები და საყმაწვილო წიგნები.
ღონისძიება დაიგეგმა ჩვენი ორგანიზაციის დიდი მეგობრის ლია ჩლაჩიძის მიერ მოწოდებული ინფორმაციის საფუძველზე.

01/08/2025

ჩვენი ასოციაცია მრავალი წლის მანძილზე ურთიერთობს საქართველოს საპატრირქოს სასულიერო სემინარიასთან და აკადემიასთან. ორგაიზაცია სტუდენებს, რომლებიც ცხოვრობენ პანსიონში ხშირად ეხმარება ტანსაცმლით და ჰიგიენური საშუალებებით.
თბილისის სასულიერო სემინარია და აკადემია გამოსცემს ყოველთვიურ გაზეთს „კლიტე დავითისა“, რომელიც გმოიცემა საქ.პატრიარქის ილია II-ის კურთხევით. გარკვეული პერიოდი ასოციაცია დახმარებას უწევდა ამ გაზეთის გამოცემას. ასოციაციამ მონაწილეობა მიიღო 30 მაის სამეცნიერო კონფერენციაში „პრიმატობისა და სინოდალობის საკითხი და პირველი მსოფლიო საეკლესიო კრება“ რომელიც მეძღვნა ნიკეის პირველი მსოფლიო საეკლესიო კრების 1700 წლისთავს. კონფერენცია გახსნა სასულიერო სემინარიის და აკადემიის რექტორმა პროტოპრესვიტერმა გიორგი ზვიადაძემ. კოფერენციის მონაწილეებს მიესალმნენ მეუფე შიო, საქ. პრემიემიერ მინისტრი ირაკლი კობახიძე, საქ. მეცნიერებათა ეროვნული აკადემიის პრეზიდენტი, აკად. როინ მეტრეველი, თბილისის მუნიციპალიტეტის საკრებულოს თავმჯდომარე ზურაბ აბაშიძე, მანგლისის და თეთრი წყაროს მიტროპოლიტი ანანია (ჯაფარიძე), ჩამოსული სტუმრები: წმ. საყდრს დესპანები, საბერძნეთის მართლ მადიდებელი ეკლესიი ოფიციალური ჟურნალის რედაქტორი და სხვა, ტუმრები სტოკლჰომიდან,ბუდაპეშტიდან. ასევე, საქ, სასულიერო სემინარიის და აკდემიის პროფესორ-მასწავლებლები. კონფერენცია მიმდინარეობდა 2 დღის განმავლობაში.

Address

Tbilisi

Website

Alerts

Be the first to know and let us send you an email when საქართველოს ქალები მშვიდობისა და სიცოცხლისათვის posts news and promotions. Your email address will not be used for any other purpose, and you can unsubscribe at any time.

Shortcuts

Share

Category