საქართველოს კინოაკადემია/Georgian Film Academy

  • Home
  • Georgia
  • Tbilisi
  • საქართველოს კინოაკადემია/Georgian Film Academy

საქართველოს კინოაკადემია/Georgian Film Academy Contact information, map and directions, contact form, opening hours, services, ratings, photos, videos and announcements from საქართველოს კინოაკადემია/Georgian Film Academy, Community Organization, Brothers Kakabadze Str. # 2, Tbilisi.

📢🎬🎞️🎥🇬🇪🐈🧚😻🥰პარასკევს, 5 ივნისს, 19:30 სთ-ზე, საქართველოს კინოაკადემიის ლურჯ კინოდარბაზში შედგება, რეჟისორის და ანიმატორი...
02/06/2026

📢🎬🎞️🎥🇬🇪🐈🧚😻🥰პარასკევს, 5 ივნისს, 19:30 სთ-ზე, საქართველოს კინოაკადემიის ლურჯ კინოდარბაზში შედგება, რეჟისორის და ანიმატორის, ხათუნა ტატუაშვილის ახალი საავტორო მოკლემეტრაჟიანი ანიმაციური ფილმის - „ოჰ! დედა, დედა...“ ოფიციალური პრემიერა.
2025 წელს დასრულებულმა ნამუშევარმა, უკვე მოიპოვა საერთაშორისო აღიარება და ქართველი მაყურებლის წინაშე საფესტივალო ჯილდოების სტატუსით წარდგება, რაც ფილმის სადისტრიბუციო გზისთვის უმნიშვნელოვანეს პლატფორმას ქმნის. ფილმი „ოჰ! დედა, დედა...“ არის ემოციური და ვიზუალურად შთამბეჭდავი ნამუშევარი, რომელიც ტრადიციული 2D ანიმაციისა, ე.წ. cut-out ის მიქსია.
ფილმის შესახებ: ფილმის მთავარი გმირი პროფესიით პედაგოგია, რომლის გადამეტებული, დამცველობითი სიყვარული თავისი ფისოს მიმართ ყოველდღიურ ყოფაში მახრჩობელა ფორმებს იღებს. იმ მიზნით, რომ ფისო სამყაროს საფრთხეებისგან დაიცვას, ქალს ის სახლში ჰყავს გამოკეტილი, სრული დაცვისთვის სპეციალურ ლითონის აბჯარს აცმევს და ყველა გადაწყვეტილება მის ნაცვლად იღებს. თუმცა, უსაფრთხოების ეს ილუზია და სრული კონტროლის სურვილი აზიანებს როგორც ცხოველის ბუნებრივ საწყისებს, ისე თავად მათ ურთიერთობას. სიუჟეტის განვითარებასთან ერთად, ყოფითი დეტალები ღრმა ფსიქოლოგიურ ალეგორიად იქცევა. ფილმის კულმინაციური გარდატეხა მთავარ გმირს აიძულებს, სრულიად სხვა თვალით შეხედოს საკუთარ ცხოვრებას და დაინახოს, თუ საიდან იღებს სათავეს ეს დამანგრეველი ქცევა.
პრემიერა მიზნად ისახავს არა მხოლოდ ქართველი მაყურებლისთვის ახალი საავტორო ანიმაციის გაცნობას, არამედ საერთაშორისო ასპარეზზე გასასვლელი პლატფორმის შექმნას.
პროგრამა: ფილმის წარდგენა, ფილმის ჩვენება და მოკლე კითხვა-პასუხის სესია რეჟისორთან და შემოქმედებითი გუნდის სხვა წევრებთან.
ინდუსტრიის წარმომადგენლებს, კინოკრიტიკოსებსა და მედიის წარმომადგენლებს ჩვენებაზე დასასწრებად და დამატებითი მასალების (კადრები ფილმიდან, პოსტერი) მისაღებად შეუძლიათ დაუკავშირდნენ საორგანიზაციო გუნდს.
რეჟისორის შესახებ:
ხათუნა ტატუაშვილი არის პროდიუსერი, რეჟისორი და ანიმატორი 35 წლიანი გამოცდილებით. ის ასევე არის თბილისის სახელმწიფო სამხატვრო აკადემიის ლექტორი. მას წლების განმავლობაში შეაქვს მნიშვნელოვანი წვლილი ქართული საავტორო ანიმაციის განვითარებასა და ახალი თაობის ხელოვანთა აღზრდაში.
ჯილდოები და პრიზები:
ანიმაციური ფილმების ფესტივალზე ANIMAFILM 2025 -ზე ფილმი დაჯილდოვდა ორი პრიზით
1. მაყურებლის რჩეული - (People's Choice Award)
2. ჟიურის სპეციალური პრიზი - (Special Mention)
მისამართი: ძმები კაკაბაძეების 2. კინოს სახლი.

საქართველოს იუსტიციის სამინისტროს ეროვნული არქივის კინოთეატრი, გელა კანდელაკის იუბილესთან დაკავშირებით - ფილმების რეტროს...
30/05/2026

საქართველოს იუსტიციის სამინისტროს ეროვნული არქივის კინოთეატრი, გელა კანდელაკის იუბილესთან დაკავშირებით - ფილმების რეტროსპექტივას მასპინძლობს. 4-დღიანი პროგრამა მაყურებელს რეჟისორის, პროდუსერის და მსახიობის, შემოქმედებას აცნობს.
ღონისძიება 28 მაისს გაიხსნა მხატვრული ფილმით - „უბედურება, ანუ ადამიანური კომედია“; 29 მაისს, ნაჩვენები იქნა ფილმი - „იყო შაშვი მგალობელი“, სადაც გელა კანდელაკი მთავარ როლს ასრულებს.

30 მაისს, პროგრამა დოკუმენტურ ფილმებს დაეთმობა. 16:00 საათზე წარმოდგენილი იქნება ფილმები: „დღეს“, „გრძელი ღიღინი“, „ფეხბურთი უბურთოდ“ და „ბავშვთა ნახატების გამოფენა“, ხოლო 18:00 საათზე კიდევ ერთი დოკუმენტური სურათის – „ხმელეთის 0,047%“ – ჩვენება მოეწყობა.

31 მაისს, მაყურებელი იხილავს ანიმაციურ ფილმებს, რომელთა პროდიუსერიც გელა კანდელაკია: 16:00 საათზე – დათო თაყაიშვილის ფილმებს („ყორანი“, „ჭირი“, „მოლოდინი“), ხოლო 18:00 საათზე – დათო სიხარულიძის ნამუშევრებს („ეფემერა“, „იაკობ გოგებაშვილის ცხოვრება და მოქალაქეობა“).

რეტროსპექტივა ეროვნული არქივის გენერალურმა დირექტორმა თეონა იაშვილმა და მხატვარმა, გელა კანდელაკის ქალიშვილმა, მარიამ კანდელაკმა გახსნეს. ღონისძიებას ესწრებოდნენ: საქართველოს პირველი ლედი თამარ ბაგრატიონი, მეუფე დანიელი, ქართული კინოსა და თეატრის მოღვაწეები, საქართველოს ეროვნული კინოცენტრის, კინოსტუდია "ქართული ფილმის" წარმომადგენლები, სხვა მოწვეული სტუმრები.

კინოჩვენებებზე დასწრება თავისუფალია.

საქართველოს კინოაკადემია გილოცავთ საქართველოს დამოუკიდებლობის დღეს 🇬🇪💞🇬🇪
26/05/2026

საქართველოს კინოაკადემია გილოცავთ საქართველოს დამოუკიდებლობის დღეს 🇬🇪💞🇬🇪

📢🎬🎞️🎥🇬🇪 25 მაისს, 19:00 სთ-ზე, საქართველოს კინოაკადემიის ლურჯ კინოდარბაზში, სტუდია „ეთნო-ფილმი“ და საქართველოს კინოაკადე...
23/05/2026

📢🎬🎞️🎥🇬🇪 25 მაისს, 19:00 სთ-ზე, საქართველოს კინოაკადემიის ლურჯ კინოდარბაზში, სტუდია „ეთნო-ფილმი“ და საქართველოს კინოაკადემია, საქართველოს კულტურის სამინისტროს მხარდაჭერით წარმოგიდგენთ: სრულმეტრაჟიან სამეცნიერო-პოპულარულ ფილმს - „საქართველო მეგალითური კულტურის სათავეებთან“.
ფილმის იდეა ფოკუსირდება სამეცნიერო ექსპედიციის გარშემო, რომელიც 2008 წლიდან ეძებს და იკვლევს, საქართველოს ტერიტორიაზე არსებულ, წარსულის გრანდიოზულ მატერიალურ კულტურას და თანამედროვე მეთოდების გამოყენებით ცდილობს დაადგინოს მათი რაობა და დანიშნულება.
მეცნიერებმა ჯერ კიდევ არ იციან ვინ იყვნენ მეგალითების მშენებლები , მაგრამ უდავოა, რომ უხსოვარი დროიდან საქართველოს ტერიტორიაზე მცხოვრები ტომები თავიდანვე იდგნენ მსოფლიო მეგალითური კულტურის სათავეებთან.
სცენარის ავტორი და რეჟისორი - დავით გოგუაძე.
ოპერატორები: ლევან პატარაია, გიორგი ბურჯანაძე.
ხმის რეჟისორი - ირაკლი ქაცარავა.
მონტაჟის რეჟისორი - გიორგი გრიგალაშვილი.
პროდიუსერი - ირაკლი ტრიპოლსკი.
დასწრება თავისუფალია.
მისამართი: ძმები კაკაბაძეების 2. კინოს სახლი.

ეროვნულ არქივის კინოთეატრი ქართული უხმო კინოს რეტროსპექტივას მასპინძლობსსაქართველოს იუსტიციის სამინისტროს ეროვნული არქივ...
23/05/2026

ეროვნულ არქივის კინოთეატრი ქართული უხმო კინოს რეტროსპექტივას მასპინძლობს

საქართველოს იუსტიციის სამინისტროს ეროვნული არქივის კინოდარბაზში ქართული უხმო კინოს 4-დღიანი რეტროსპექტივა რეჟისორ ივანე პერესტიანის მიერ 1924 წელს გადაღებული "სამი სიცოცხლით" გაიხსნა.

კინომოყვარულებს შესაძლებლობა ექნებათ, ოთხი დღის განმავლობაში იხილონ 1920-იანი წლების ქართული კინოს გამორჩეული ნამუშევრები, რომლებიც რესტავრირებული სახით კინომკვლევარებისა და ფართო აუდიტორიისათვის პირველად იქნება წარდგენილი.

ნაჩვენები იქნება მხატვრული ფილმები: „წითელი ეშმაკუნები“ (1923 წელი, რეჟისორი ივანე პერესტიანი), „პირველი კორნეტი სტრეშნევი“ (1928 წელი, რეჟისორები: მიხეილ ჭიაურელი და ეფიმ ძიგანი), „ბოშური სისხლი“ (1928 წელი, რეჟისორი ლევ პუში), „ნათელა“ (1926 წელი, რეჟისორი ამო ბეკ-ნაზაროვი), „თეთრი მხედარი (ომის ღმერთი)“ (1929 წელი, რეჟისორი ეფიმ ძიგანი) და „მთის კანონი“ (1927 წელი, რეჟისორი ბორის მიხინი).

ფილმებს ახლავს ინტერტიტრები ქართულ და ინგლისურ ენაზე.

საქართველოს ეროვნული კინოცენტრი და საქართველოს ეროვნული არქივი მუდმივად ზრუნავენ კინომემკვიდრეობის აღდგენასა და პოპულარიზაციაზე. რეტროსპექტივაზე წარმოდგენილი ფილმების მაღალი ხარისხით გაციფრულებაც ორი ინსტიტუციის მრავალწლიანი პარტნიორობის ფარგლებში მიმდინარეობდა.

ღონისძიების გახსნას ესწრებოდნენ: ეროვნული არქივის კინოფოტოფონო დოკუმენტების ცენტრალური არქივის დირექტორი გიორგი კაკაბაძე და ეროვნული კინოცენტრის პროგრამების დირექტორი ლევან დვალი.

ფილმების ჩვენებებზე დასწრება თავისუფალია.

საქართველოს კინოაკადემია ღრმა მწუხარებას გამოთქვამს, საქართველოს კინოაკადემიის წევრის, საოპერატორო ხელოვნების დიდი ოსტა...
23/05/2026

საქართველოს კინოაკადემია ღრმა მწუხარებას გამოთქვამს, საქართველოს კინოაკადემიის წევრის, საოპერატორო ხელოვნების დიდი ოსტატის, ბატონი გიორგი (გია) გერსამიას გარდაცვალების გამო... 🙏✨🕯️🥀🌿😢💔
ბატონმა გიამ, საოპერატორო მოღვაწეობა, 1962 წლიდან დაიწყო - კინოსტუდია "ქართულ ფილმში", სადაც გადაღებული აქვს როგორც მხატრული, ასევე დოკუმენტალური ფილმები. მათ შორის - “მიხა” (1965); “დიდი მწვანე ველი” (1967); “არაჩვეულებრივი გამოფენა” (1968); “გზა მშვიდობისა, ჯაყო!” (1973); “გზის დასაწყისი” (1982); “ჭიდაობას რა უნდა” (1986); „ხვეული კიბით“ (2001); „მეიდანი - სამყაროს ჭიპი“ (დოკუმენტური, 2004); „მონეტა“ (2005); "ჯაყოს ხიზნები" (2009) და სხვა ცნობილი ფილმები.
1989 წელს, მას მიენიჭა უმაღლესი კატეგორიის კინოოპერატორის წოდება.
ქართული კინოსაოპერატორო ხელოვნების განვითარებაში შეტანილი განსაკუთრებული წვლილის და ნაყოფიერი შემოქმედებითი საქმიანობისათვის, 1988 წელს, გიორგი გერსამიას მიენიჭა - საქართველოს ხელოვნების დამსახურებული მოღვაწის საპატიო წოდება, ხოლო 1999 წელს, დაჯილდოვდა ღირსების ორდენით.
გია გერსამიამ, წლები მიუძღვნა პედაგოგიურ მოღვაწეობას. მან დიდი წვლილი შეიტანა ოპერატორთა რამდენიმე თაობის პროფესიულ აღზრდაში.
საქართველოს კინოაკადემია უსამძიმრებს ბატონი გია გერსამიას ოჯახს, მეგობრებს, ახლობლებს, კოლეგებს, ყველას, ვისთვისაც მისი გარდაცვალება, დიდი დანაკლისია... 🙏✨🥀🌿
პანაშვიდი: 24, 25 მაისს, კვირას და ორშაბათს. მისამართი: ირაკლი ფარჯიანის 1, 8 სართ.
დაკრძალვა - სამშაბათს, 26 მაისს, მახათას პანთეონში.

📣🎥🎞️🎬🇬🇪💖 18 მაისს, ორშაბათს, 19: 00 სთ-ზე, საქართველოს კინოაკადემიის ლურჯ კინოდარბაზში შედგება - ყველასთვის საყვარელი მს...
16/05/2026

📣🎥🎞️🎬🇬🇪💖 18 მაისს, ორშაბათს, 19: 00 სთ-ზე, საქართველოს კინოაკადემიის ლურჯ კინოდარბაზში შედგება - ყველასთვის საყვარელი მსახიობის და რეჟისორის, ზაზა კოლელიშვილის შემოქმედებითი საღამო. ნაჩვენები იქნება ფილმი - "ომი და ქორწილი", რომლის სცენარის თანაავტორი და რეჟისორი, ზაზა კოლელიშვილი გახლავთ.
ბატონმა ზაზამ, 1997 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფილოლოგიის ფაკულტეტი;
1981 წელს - შოთა რუსთაველის სახელობის თეატრალური ინსტიტუტის სამსახიობო ფაკულტეტი, ხოლო 1996 წელს - ამავე ინსტიტუტის სარეჟისორო ფაკულტეტი.
1981–1984 წლებში მუშაობდა თელავის სახელმწიფო თეატრში;
1984–1991 წლებში რუსთაველის სახელობის სახელმწიფო თეატრში. კინოსტუდია „ქართულ ფილმში“.
1985-1999წწ. კინოსტუდია "ქართული ფილმის" მსახიობია.
1992-1995წწ.დააფუძნა ბავშვთა ხელოვნების სტუდია; 1998 წელს არასამთავრობო ორგანიზაცია - "მსახიობები საზღვრებს გარეშე";
1998-2001წწ. სერგო ზაქარიაძის სახელობის თანამედროვე ხელოვნების სასწავლებლის მსახიობობის ოსტატობა-სასცენო მეტყველების პედაგოგია;
2000-2002წწ. იყო აჭარის ტელევიზია საავტორო გადაცემა "კაი ამბავი", ავტორი;
ამავე წლებში იყო ქ. ქუთაისის კულტურის სამსახურის უფროსი;
2002-2005წწ. ხელოვნების აკადემია,ში მუშაობდა ხელოვნების ოსტატობის პედაგოგად;
სხვადასხვა პერიოდში იყო: ქ. თბილისის მუნიციპალიტეტის საკრებულოს წევრი;
ქ. თბილისის მუნიციპალიტეტის საკრებულოს ადამიანის უფლებათა დაცვის და სამოქალაქო ინტეგრაციის კომისიის წევრი;
ქ. თბილისის მუნიციპალიტეტის საკრებულოს განათლებისა და კულტურის კომისიის წევრი;
1996-1997 წლებში - ხელოვანთა საერთაშორისო ფედერაციის დირექტორთა საბჭოს წევრი.
როგორც მსახიობი, გადაღებულია ფილმებში:
"ნატვრის ხე" (1976) - (შეთე);
"მიმინო" (1977);
"კაშხალი მთაში" (1979) -(გიგო);
"ქორწინება იმერულად" (1979);
"შვიდი პატარა მოთხრობა პირველ სიყვარულზე" (1981);
"კუკარაჩა" (1982) -(მურტალო);
"ბანდიტი აგურის ქარხნიდან" (1983) - (ჯანო);
"ათოვდა ზამთრის ბაღებს" (1984) - (აჩიკო);
"ახალგაზრდა კომპოზიტორის მოგზაურობა" (1984) - (შაქრო ცისკარიშვილი);
"დედუნა" (1985);
"მამაკაცები და სხვები" (1985) - (თენგიზი, მოკრივე);
"ყველაზე სწრაფები მსოფლიოში" (1985);
"ბრავო, ალბერ ლოლიშ!" (1987);
"ხარება და გოგია" (1987) - (ჟორჟიკა ბერძენიშვილი);
"გამოცხადება" (1988);
"მამა, შვილი და ნიავი" (1988) - (მამა);
"ომი ყველასთვის ომია" (1990) - (იაკობ ჯუღაშვილი);
"ისინი" (1992);
ტბა (1998);
"მედიატორი" (2008) -(სასტუმროს მეპატრონე;
"ქუჩის დღეები" (2010);
"გარიგება-2" (2011) - (მიტუა), რეჟისორი.
ზაზა კოლელიშვილს, როგორც რეჟისორს, გადაღებული აქვს ფილმები:
"გარიგება" (1993);
"არჩევანი" (2003, ტვ "იმედის" პროექტი) ;
"საქართველო ჩემს გულში" (დოკუმენტური ფილმი. 2004);
"ორი ხევსური" (2006) - სცენარისტი, მხატვარი, რეჟისორი;
"ქუთაისელი ბაბუ" (2005) - მხატვარი, რეჟისორი;
"ომი და ქორწილი" (2010);
"გარიგება-2" (2011).
დასწრება - თავისუფალია.
მისამართი: ძმები კაკაბაძეების 2. კინოს სახლი.

14/05/2026

საქართველო - კანის 79-ე საერთაშორისო კინოფესტივალზე

Address

Brothers Kakabadze Str. # 2
Tbilisi
0108

Telephone

+995 (32) 299 60 13

Website

Alerts

Be the first to know and let us send you an email when საქართველოს კინოაკადემია/Georgian Film Academy posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to საქართველოს კინოაკადემია/Georgian Film Academy:

Shortcuts

Share

Category