თამაზ ბექაიას ფონდი • Fund of Tamaz Bekaia

Home
Georgia
Tbilisi
თამაზ ბექაიას ფონდი • Fund of Tamaz Bekaia

Contact information, map and directions, contact form, opening hours, services, ratings, photos, videos and announcements from თამაზ ბექაიას ფონდი • Fund of Tamaz Bekaia, Non-Governmental Organization (NGO), ილია ჭავჭავაძის 1 ჩიხი #1, Tbilisi.

თამაზ ბექაიას საგანმანათლებლო ფონდი შეიქმნა სტუდენტებში სწავლის წასახალისებლად და მისი ძირითადი მიმართულებაც სწორედ განათლებაა.

ფონდის მისიაა, შექმნას მზრუნველობითი მიდგომა ნიჭიერი სტუდენტების მიმართ, რათა დაეხმაროს, მიიღონ უმაღლესი განათლება და ფინანსური მხარდაჭერა აკადემიური პერიოდის განმავლობაში.

21/04/2026

⭐ გაიცანი თამაზ ბექაიას საგანმანათლებლო ფონდის, 2025 წლის ეროვნული გამოცდების ქულების მიხედვით გამოვლენილი პრემიის მფლობელი - თბილისის სახელმწიფო სამედიცინო უნივერსიტეტიდან.

🎓 თამაზ ბექაიას საგანმანათლებლო ფონდის პრემია მარიამისთვის ნიშნავს ბევრად მეტს, ვიდრე ერთჯერად აღიარებას - ეს არის დამატებითი მოტივაცია და მნიშვნელოვანი შეხსენება, რომ ძალისხმევა, დისციპლინა და მიზნისკენ თანმიმდევრული სვლა არასდროს რჩება უშედეგოდ.

ეს მიღწევა ასახავს იმ გზას, რომელსაც საფუძვლად უდევს შრომა, პასუხისმგებლობა და მიზნები - გზას, რომელიც დღეს უკვე იძლევა შედეგს და ამავდროულად ქმნის მყარ საფუძველს მომავლისთვის.

👉 ფონდისთვის მნიშვნელოვანია იმ ახალგაზრდების მხარდაჭერა, ვინც საკუთარ შესაძლებლობებს რეალურ წარმატებად აქცევს და ქმნის მაგალითს სხვებისთვისაც.

2026 წლის ეროვნული გამოცდები ახლოვდება -პერიოდი, რომელიც თითოეული აბიტურიენტისთვის მნიშვნელოვან ეტაპს წარმოადგენს.
შენც შეგიძლია გახდე თამაზ ბექაიას საგანმანათლებლო ფონდის პრემიის მფლობელი, რადგან შედეგი იწყება სწორედ იმ ძალისხმევით, რომელსაც დღეს დებ საკუთარ მომავალში ✨

17/04/2026

🎓 გაიცანი თამაზ ბექაიას საგანმანათლებლო ფონდის მიერ, 2025–2026 წელს გამოვლენილი სტიპენდიატი თბილისის სახელმწიფო სამხატვრო აკადემიიდან.

თამაზ ბექაიას საგანმანათლებლო ფონდი-ს სტიპენდიატობა მარიამისთვის ნიშნავს ბევრად მეტს, ვიდრე უბრალოდ მხარდაჭერას - ეს არის მოტივაცია, ისწავლოს უკეთესად, განვითარდეს და საკუთარი შესაძლებლობები სრულად გამოავლინოს.

როგორც თავად აღნიშნავს, სტიპენდია მისთვის ასევე არის კეთილი მომავლის გარანტია - შესაძლებლობა, რომელმაც უკვე მისცა ბიძგი ახალი მიღწევებისკენ.

📖 ეს არის ის ეტაპი, სადაც შრომა და მხარდაჭერა ერთიანდება და ქმნის შედეგს, რომელსაც აქვს გაგრძელება.

ვულოცავთ მარიამს და ვუსურვებთ კიდევ ბევრ მნიშვნელოვან ნაბიჯს ცხოვრებაში✨

15/04/2026

🎓 გაიცანით თბილისის სახელმწიფო სამედიცინო უნივერსიტეტის სტუდენტები, რომლებიც პირველად გახდნენ თამაზ ბექაიას საგანმანათლებლო ფონდი-ს სტიპენდიატები.

👉 მათთვის სტიპენდია მხოლოდ მხარდაჭერა არ არის - ეს არის შრომის დაფასება და მომავლისკენ გადადგმული კიდევ ერთი მნიშვნელოვანი ნაბიჯი. როგორც ისინი თავად აღნიშნავენ, ეს არის მოტივაცია პროფესიული განვითარების გზაზე და მუდმივი შეხსენება, რომ გაუმჯობესების შესაძლებლობა ყოველთვის არსებობს - მაშინაც კი, როცა გგონია, რომ საკუთარ შესაძლებლობები უკვე სრულად ამოწურე.

სწორედ ამ დამოკიდებულებაში იკვეთება მთავარი, განვითარება არ ჩერდება ერთჯერადად მიღწეულ შედეგთან, ის გრძელდება მუდამ, ახალი მიზნებით და უფრო დიდი პასუხისმგებლობით.

ვულოცავთ მათ ამ მნიშვნელოვან ნაბიჯს და ვუსურვებთ წარმატებებს განათლებისკენ მიმავალ გზაზე ✨

11/04/2026

⭐ თამაზ ბექაიას საგანმანათლებლო ფონდი გილოცავთ აღდგომის ბრწყინვალე დღესასწაულს!

08/04/2026

🎓 გაიცანი თამაზ ბექაიას საგანმანათლებლო ფონდის მიერ, 2025–2026 წელს გამოვლენილი სტიპენდიატი სამცხე-ჯავახეთის სახელმწიფო უნივერსიტეტიდან.

თამაზ ბექაიას საგანმანათლებლო ფონდის სტიპენდიატობა სალომესთვის მისთვის ნიშნავს რწმენას რომ შრომასა და მიზნისკენ თავდაუზოგავ სწრაფვას ყოველთვის მოაქვს შედეგი.

📖 სტიპენდია არის აღიარება, რომელიც არა მხოლოდ მიღწეულს აფასებს, არამედ ახალ ეტაპზე გადასვლასაც განსაზღვრავს. როგორც თავად აღნიშნავს, ეს შესაძლებლობა მას აკისრებს კიდევ უფრო დიდ პასუხისმგებლობას - გაორმაგებული ძალისხმევით გააგრძელოს განვითარება და წინსვლა.

სწორედ ასეთ დამოკიდებულებაში იკვეთება ის მთავარი ღირებულება, რომელსაც განათლება და მხარდაჭერა ქმნის - უწყვეტი ზრდა, მიზნისკენ სვლა და შედეგი, რომელსაც მნიშვნელობა აქვს.

თამაზ ბექაიას საგანმანათლებლო ფონდი სალომეს უსურვებს წარმატებით გაგრძელებულ გზას ✨

07/04/2026

📚 ვატიკანის არქივებში დაცული მასალები არა მხოლოდ ინფორმაციის მატარებელია, ისინი თავად წარმოადგენენ დროის ფიზიკურ ანაბეჭდს.

საუკუნეების განმავლობაში შექმნილი და შენახული დოკუმენტები დღეს ხშირად გვხვდება დაზიანებული სახით - გაცვეთილი ქაღალდი, გაფერმკრთალებული მელანი, წაშლილი ან ძნელად წასაკითხი დეტალები.

ხშირ შემთხვევაში ტექსტის ნაწილი ნაწილობრივ დაკარგულია, ან მისი აღდგენა საჭიროებს სპეციალურ კვლევით მიდგომას. ეს დაზიანებები შემთხვევითი არ არის. ისინი ასახავს დოკუმენტის გავლილ გზას: გარემო პირობებს, დროის ზემოქმედებასა და ისტორიულ კონტექსტს, რომელშიც ის არსებობდა.

აქედან გამომდინარე, დოკუმენტების შენარჩუნება აღარ არის მხოლოდ არქივში არსებობა, ეს არის მათი გადარჩენის საკითხი. რესტავრაცია ამ პროცესში კრიტიკულ მნიშვნელობას იძენს. ის გულისხმობს არა მხოლოდ ფიზიკურ აღდგენას, არამედ დოკუმენტის შინაარსის მაქსიმალურად შენარჩუნებას, რათა შესაძლებელი გახდეს მისი სრულფასოვანი კვლევა და გამოყენება.

სწორედ ამ ეტაპზე ერთვება თანამედროვე მიდგომა - რესტავრაციის პროცესი და შემდგომ მისი გაციფრულება.

დაზიანებული მასალის რესტავრირება და ციფრული ფორმატში გადატანა ქმნის შესაძლებლობას, რომ მისი შინაარსი დაცული იყოს მომავალისთვის, ხოლო თავად დოკუმენტი - დაცული დამატებითი დაზიანებისგან.

🌍 ამგვარად, ვატიკანის პროექტი ერთდროულად მოიცავს ორ მნიშვნელოვან ამოცანას: ისტორიის აღმოჩენა - შენარჩუნებას და მისი ხელმისაწვდომობის გაზრდას.

06/04/2026

📚 გაიცანით მინდია ტატალაშვილი - 2025 - 2026 წელს გამოვლენილი სტიპენდიატი სამცხე-ჯავახეთის სახელმწიფო უნივერსიტეტიდან და პირველი, ვინც თამაზ ბექაიას საგანმანათლებლო ფონდის სტიპენდია ხუთჯერ მოიპოვა.

მრავალგზის სტიპენდია მისთვის მხოლოდ მიღწევა არ არის - ეს არის განვითარების უწყვეტი პროცესი, რომელმაც პროფესიული ხედვა და პასუხისმგებლობის აღქმა მნიშვნელოვნად გააღრმავა.

აგრონომიის სფეროში მიღებული განათლება მისთვის უკვე აღარ შემოიფარგლება თეორიით. დღეს ეს ცოდნა აღიქმება როგორც პრაქტიკული ინსტრუმენტი, რომელიც პირდაპირ უკავშირდება ქვეყნის განვითარებასა და სურსათის უსაფრთხოებას.

👉 მისი პროფესიული გზის ერთ-ერთი მთავარი გარდატეხა იყო თეორიული ცოდნის რეალურ გარემოში გადატანა - პროცესი, რომელმაც ჩამოაყალიბა პრაქტიკულად მოაზროვნე, მოქნილი და პასუხისმგებლობაზე ორიენტირებული პროფესიონალი.

📖 სტიპენდია მისთვის ნიშნავს ნდობას, რწმენას, რომ მისი შრომა ფასდება და აქვს მნიშვნელობა. ხუთგზის სტიპენდიატობა კი ამ ნდობას გარდაქმნის კიდევ უფრო დიდ პასუხისმგებლობად - განვითარდეს უწყვეტად და მიღებული ცოდნა რეალურ შედეგებში ასახოს.

მისი მიზანი სცდება ინდივიდუალურ წარმატებას - ის ორიენტირებულია სოფლის მეურნეობის განვითარებაზე, თანამედროვე და მდგრადი მეთოდების დანერგვაზე და იმ პრაქტიკული ცოდნის შექმნაზე, რომელიც გავლენას მოახდენს სფეროს მომავალზე.

⭐ ჩვენთვის, როგორც საგანმანათლებლო ფონდისთვის მინდია ტატალაშვილი წარმოადგენს იმ მაგალითს, თუ როგორ შეიძლება განათლება, შრომა და მხარდაჭერა ერთიან პროცესად იქცეს. პროცესად, რომელიც ქმნის არა მხოლოდ პროფესიონალს, არამედ პასუხისმგებლიან ძალას ქვეყნის განვითარებისათვის.

31/03/2026

📚 ვატიკანის არქივებში დაცული ისტორიული ტომები წარმოადგენს დოკუმენტურ კომპლექსს, რომელიც ასახავს საქართველოსა და ევროპულ სამყაროს შორის არსებულ მრავალმხრივ ურთიერთობებს და ქმნის მნიშვნელოვან წყაროს მათი ისტორიული გააზრებისათვის.

ტომებში თავმოყრილი მასალა მრავალფეროვანია როგორც შინაარსობრივად, ისე წარმომავლობით. იგი მოიცავს მისიონერთა ცნობებს, დიპლომატიურ მიმოწერას და სხვადასხვა ადმინისტრაციული ხასიათის დოკუმენტებს, რომლებიც შექმნილია იმ პირების მიერ, ვინც უშუალოდ იყო ჩართული საქართველოსთან დაკავშირებულ რელიგიურ, პოლიტიკურ და კულტურულ პროცესებში. ამდენად, თითოეული ტექსტი არა მხოლოდ ინფორმაციის მატარებელია, არამედ კონკრეტული ისტორიული პერსპექტივის გამომხატველიც.

ქრონოლოგიურად დოკუმენტები მოიცავს XVII-დან XIX საუკუნემდე პერიოდს, რაც შესაძლებელს ხდის არა მხოლოდ ცალკეული ფაქტების, არამედ პროცესების დინამიკის დაკვირვებას - როგორ იცვლებოდა ურთიერთობები, როგორ ყალიბდებოდა კომუნიკაციის ფორმები და რა როლი ჰქონდა საქართველოს იმ დროს საერთაშორისო კონტექსტში.

ტომების განსაკუთრებული მნიშვნელობა განპირობებულია მათი პირველწყაროსეული ხასიათით. ისინი წარმოადგენს უშუალო მოწმობას ეპოქის რეალურობას, ტექსტებს, რომლებიც არ არის მოგვიანებით ინტერპრეტირებული, პირიქით, ეს ტექსტები თავად ქმნის ისტორიული ცოდნის საფუძველს. სწორედ ამიტომ, მათი კვლევა არა მხოლოდ არსებული ინფორმაციის დაზუსტებას, არამედ სრულიად ახალი ცოდნის ფორმირებასაც უწყობს ხელს.

🌍 ამ დოკუმენტური მასალის გააზრება გვაძლევს შესაძლებლობას, საქართველოს ისტორია დავინახოთ არა იზოლირებულად, არამედ ფართო საერთაშორისო კონტექსტში - როგორც პროცესის ნაწილი, რომელიც საუკუნეების განმავლობაში ვითარდებოდა და აყალიბებდა ქვეყნის ურთიერთობას ევროპასთან.

_____

📖 ვატიკანის მიმდინარე პროექტის დასრულების შემდეგ გორის სახელმწიფო უნივერსიტეტიში შეიქმნება სპეციალიზებული სამკითხველო სივრცე, სადაც განთავსდება პროექტის ფარგლებში მოპოვებული მასალები და მათზე დაფუძნებული კვლევითი რესურსები.

პარალელურად, მოხდება დოკუმენტების სრულყოფილი გაციფრულება, რის შედეგადაც ხელმისაწვდომი იქნება ყველა დაინტერესებული პირისთვის, ადგილმდებარეობის მიუხედავად.

30/03/2026

🎓 გაიცანით თამაზ ბექაიას საგანმანათლებლო ფონდის სტიპენდიატები, თბილისის სახელმწიფო უნივერსიტეტიდან.

⭐ ეს სტიპენდია მნიშვნელოვანი ეტაპია მათ აკადემიურ გზაზე - შრომის, მიზანდასახულობისა და განვითარების სურვილის შედეგი.

👉 ჩვენთვის მნიშვნელოვანია, რომ სტუდენტებს ჰქონდეთ შესაძლებლობა, სრულად გამოავლინონ საკუთარი პოტენციალი და მიღებული ცოდნა რეალურ წარმატებად აქციონ.

ვუსურვებთ მათ წარმატებულ და საინტერესო მომავალს ✨

26/03/2026

🎓 მხარდაჭერა, რომელიც ქმნის შედეგს.

განათლებაში ჩადებული მხარდაჭერა მხოლოდ დახმარება არ არის - ეს არის ინვესტიცია ადამიანში, მის პოტენციალსა და მომავალში.

👉 თამაზ ბექაიას საგანმანათლებლო ფონდი სწორედ ამ იდეას ემსახურება - შექმნას შესაძლებლობები მათთვის, ვინც მზად არის იშრომოს, განვითარდეს და საკუთარი ცოდნა რეალურ ღირებულებად აქციოს.

✨ ნამდვილი მხარდაჭერა იწყება ნდობით, რწმენით, რომ განათლება ცვლის არა მხოლოდ ინდივიდის გზას, არამედ მთლიანად საზოგადოებას. როდესაც ახალგაზრდას ეძლევა შესაძლებლობა, სრულად გამოავლინოს თავისი პოტენციალი, მოტივაცია ძლიერდება, მიზნები მკაფიო ხდება და შრომა გარდაიქმნება შედეგად.

ეს შედეგი მხოლოდ პირადი წარმატება არ არის - ეს არის გამოცდილება, რომელიც ბრუნდება საზოგადოებაში, ქმნის ახალ შესაძლებლობებს და აძლიერებს ქვეყნის განვითარებას. სწორედ ამიტომ, მხარდაჭერა ჩვენთვის არ არის ერთჯერადი მნიშვნელობის, ეს არის უწყვეტი პროცესი, რომელიც იწყება განათლებით და გრძელდება შედეგით.

24/03/2026

🎓 გაიცანით შოთა იველაშვილი და მარიამ ბაქრაძე საქართველოს ტექნიკური უნივერსიტეტიდან, რომლებიც თამაზ ბექაიას საგანმანათლებლო ფონდის 2 გზის სტიპენდიატები არიან.

მათი ისტორიები განსხვავებულია, მაგრამ საფუძველი ერთი აქვთ - შრომა, რომელიც არ გაჩერებულა მაშინაც კი, როცა შედეგი მაშინვე არ ჩანდა.

სტიპენდია მათთვის მხოლოდ ფინანსური მხარდაჭერა არ არის. ეს არის აღიარება, რომ გზა, რომელსაც გადიხარ, მნიშვნელოვანია, რომ შენი განვითარება შენს ქვეყანას სჭირდება.

ორივესთვის ეს გზა გამოწვევებით დაიწყო - დროის მართვა, სწავლასა და აქტიურ სტუდენტურ ცხოვრებას შორის ბალანსი, მუდმივი განვითარება და საკუთარ თავზე მეტი მოთხოვნა, მაგრამ სწორედ ამ პროცესმა შექმნა ის, რაც დღეს უკვე შედეგია - სტუდენტები, რომლებიც არ ჩერდებიან მხოლოდ განათლების მიღებაზე, არამედ ამ ცოდნას მომავალ მიზნებად აქცევენ.

მიზნებად, რომლებიც სცდება პირად წარმატებას და უკავშირდება ქვეყნის განვითარებას, გარემოს დაცვას, საზოგადოებისთვის ღირებულის შექმნას.

✨ თამაზ ბექაიას საგანმანათლებლო ფონდისთვის განსაკუთრებული მნიშვნელობა აქვს იმ სტუდენტების მხარდაჭერას, რომლებიც ცოდნას აღიქვამენ როგორც გრძელვადიან ღირებულებას და საკუთარ განვითარებას საზოგადოებრივი კეთილდღეობის სამსახურში ხედავენ, რადგან როდესაც შესაძლებლობა ხვდება მონდომებას, ჩნდება შედეგი, რომელსაც უკვე მნიშვნელობა აქვს.

23/03/2026

📜 ვატიკანის არქივებში დაცული საქართველო.

🏛️ საქართველოს ისტორიის მნიშვნელოვანი ნაწილი დაცულია არა მხოლოდ ქართულ არქივებში, არამედ მსოფლიოს ერთ-ერთ ყველაზე მნიშვნელოვან ისტორიულ საცავში - ვატიკანში.

ვატიკანის არქივებში ინახება მრავალი დოკუმენტი, რომელიც ასახავს საქართველოს მრავალსაუკუნოვან ურთიერთობებს ევროპულ და კათოლიკურ სამყაროსთან. ამ მასალების მნიშვნელოვანი ნაწილი თავმოყრილია უწყების არქივში „Dicastero per l'Evangelizzazione - Sezione per la prima evangelizzazione e le nuove Chiese particolari“, რომელიც ისტორიულად კოორდინაციას უწევდა მისიონერულ საქმიანობას და სხვადასხვა რეგიონთან ეკლესიურ ურთიერთობებს.

📖 სწორედ ამ ურთიერთობების შედეგად დაგროვდა არქივში საქართველოსთან დაკავშირებული მნიშვნელოვანი წერილობითი წყაროები. ისინი მოიცავს პერიოდს 1626–1863 წლებამდე და წარმოდგენილია წერილებით, ანგარიშებითა და ცნობებით, რომლებიც ასახავს საქართველოს პოლიტიკური, რელიგიური და კულტურული ცხოვრების სხვადასხვა ასპექტს.

ეს დოკუმენტები განსაკუთრებული მნიშვნელობის ისტორიულ წყაროებს წარმოადგენს. მათი შესწავლა საშუალებას აძლევს მკვლევრებს აღმოაჩინონ ახალი ფაქტები და უკეთ გაიაზრონ საქართველოს ადგილი იმ საერთაშორისო ისტორიულ პროცესებში, რომლებიც საუკუნეების განმავლობაში აყალიბებდა ქვეყნის ურთიერთობებს ევროპასთან. 🔎

ვატიკანის არქივები სწორედ ამიტომ ითვლება უნიკალურ სივრცედ - ისტორიული მეხსიერების საცავად , სადაც დაცულია მრავალი ქვეყნისა და ეპოქის დოკუმენტური მემკვიდრეობა, მათ შორის საქართველოსთან დაკავშირებული მნიშვნელოვანი მასალებიც.

Address

ილია ჭავჭავაძის 1 ჩიხი #1
Tbilisi
0128

Telephone

+995558118394

Website

http://bekaiafund.org/

Alerts

Be the first to know and let us send you an email when თამაზ ბექაიას ფონდი • Fund of Tamaz Bekaia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to თამაზ ბექაიას ფონდი • Fund of Tamaz Bekaia:

Shortcuts

Want your organization to be the top-listed Non Profit Organization in Tbilisi?