Youth Vision Georgia is a Non-profitable, Non-Governmental Organization, established to contribute Georgia's integration in democratic world.
ახალგაზრდული ხედვა საქართველო წარმოადგენს არაკომერციულ, არასამთავრობო ორგანიზაციას, რომელიც დაფუძნდა საქართველოს დემოკრატიულ სამყაროში ინტეგრაციის ხელშესაწყობად.
ვინაიდან ძლიერი სამოქალაქო საზოგადოება წარმოადგენს დემოკრატიული სახელმწიფოს მშენებლობის უმთავრ
ეს წინაპირობას, ორგანიზაცია მიზნად ისახავს აქტიური მონაწილეობა მიიღოს საქართველოში სამოქალაქო საზოგადოების განვითარების პროცესში.
ახალგაზრდული ხედვა საქართველოს უმთავრეს ამოცანას წარმოადგენს ხელი შეუწყოს ახალგაზრდული ინიციატივების განხორციელებას არა მარტო ეროვნულ არამედ საერთაშორისო დონეზე, რისთვისაც ის შექმნის ფორუმს აზრების, შეხედულებებისა და გამოცდილებების ინტენსიური გაზიარებისთვის.
ორგანიზაცია ითვალისწინებს რა საქართველოს მრავალეთნიკურობას, თავისი საქმიანობით შეეცდება ხელი შეუწყოს სხვადასხვა ეთნიკური ჯგუფების ინტეგრაციის პროცესს და მათ აქტიურ მონაწილეობას საზოგადოებრივ საქმიანობაში.
სხვადასხვა საგანმანათლებლო პროგრამების, დებატების, საჯარო დისკუსიებისა და კონფერენციების ორგანიზების გზით „ახალგაზრდული ხედვა საქართველო“ მიზნად ისახავს აამაღლოს საქართველოს მოქალაქეების ცნობიერება თავიანთ უფლებებთან დაკავშირებით და უზრუნველყოს გადაწყვეტილების მიღების პროცესში მათი ჩართულობა.
ვინაიდან ორგანიზაცია განსაკუთრებულ მნიშვნელობას ანიჭებს საქართველოსა და წარმატებულ უცხოურ ქვეყნებს შორის გამოცდილების გაზიარებას, თავისი საქმიანობის ფარგლებში ითანამშრომლებს და განახორციელებს სხვადასხვა პროექტებს უცხოურ სამთავრობო და არასამთავრობო ორგანიზაციებთან ერთად.
